ئێمە لە تۆرە کۆمەڵایەتیەکان

کوردستان

4 ئەندامی كورد لە نووسینەوەی دەستووری سوریا بەشدارن


خەڵك-بەشی هەواڵ

لیژنەی نووسینەوەی دەستووری نوێی سوریا لەژێر چاودێری نەتەوە یەكگرتووەكان بەردەوامە لە كۆبوونەوەكانی لە جنێف.

ئاژانسی میهر بڵاویكردەوە، دوای دوو ساڵ لە ئامادەكاری بۆ نووسینەوەی دەستوور ڕۆژی چوارشەممەی ڕابردوو یەكەم كۆبوونەوەی لیژنەی نووسینەوەی دەستووری نوێی سوریا لە جنێف دەستیپێكرد و كۆبوونەوەكانیش بەردەوامن.
بەپێی زانیارییەكان، بڕیارە ئەنجومەنی بچووككراوە لە نوێنەرانی ئۆپۆزسیۆن و حكومەت و كۆمەڵگای مەدەنی ڕەشنووسی دەستوور ئامادە بكەن و لەنێو لیژنەكەش 4 كورد بە نوێنەرایەتی پێكهاتەی كورد لەسەر لیستی ئۆپۆزسیۆن و كۆمەڵگای مەدەنی، ئەندامی لیژنەی نووسینەوەی دەستوورن.

پێشتر فەتحوڵڵا حوسەینی ئەندامی ڕیڤەبەری خۆسەری ڕۆژئاوای كوردستان بە (خەڵك)ی ڕاگەیاند، ئەگەر كورد بەشداری لە نووسینەوەی دەستووری سوریادا نەكات هەڵوێستمان دەبێت و دان بەو دەستوورەدا نانێین.

ئابوری

ئەمڕۆ وەزارەتی خوێندنی باڵا مووچە وەردەگرێت


خەڵك-بەشی هەواڵ

بەپێی ئەو خشتەیەی پێشتر وەزارەتی دارایی بڵاویكردەوە، بڕیارە ئەمڕۆ یەك شەممە 5-4-2020 مووچەی مانگی 12ی ساڵی ڕابردووی وەزارەتی خوێندنی باڵای حكومەتی هەرێمی كوردستان دابەش بكرێت.

بەپێی زانیارییەكانیش دابەشكردنی مووچە لە ڕۆژانی داهاتوو بەردەوام دەبێت، ئەمەش لەكاتێكدایە مووچەی سێ مانگی ئەمساڵ هیچ وادەیەك دیاری نەكراوە بۆ دابەشكردنی.

بەرپرسانی حكومەتی هەرێم ڕایدەگەیەنن، بەهۆی بڵاوبوونەوەی ڤایرۆسی كۆرۆنا و داخستنی سەرجەم چالاكییە ئابوورییەكان، داهاتی حكومەتی هەرێم لە سفر نزیك بووەتەوە، بەو هۆیەشەوە دابەشكردنی مووچەی لەكاتی خۆیدا دابەش ناكرێت.

بەردەوام بە لە خوێندنەوە

کوردستان

وەزارەتی تەندروستی: 18 كەسی دیكە لە هەولێر تووشی كۆرۆنا بوون


خەڵك – بەشی هەواڵ
ئەمڕۆ یەك شەممە وەزارەتی تەندروستی هەرێمی كوردستان تووشبوونی 18 كەسی دیكەی بە ڤایرۆسی كۆرۆنا ڕاگەیاند.

لە ڕاگەیەندراوەكەی وەزارەتی تەندروستیدا هاتووە لە بەردەوامی پشکنینەکان و گەڕان بەدوای گومانلێکراوان، 18 تووشبووی ڤایرۆسی کۆرۆنای نوێ COVID-19 لە شاری ھەولێر دەستنیشانکران.

ڕوونیشیكردەوە کە تووشبووەكان 8 پیاو و 6 ئافرەت و 4 منداڵن و سەرجەمیان بەرکەوتەی تووشبوویەکی پرسەی ماتەمینی گەڕەکی کارێزانن و دانیشتووی چەند گەڕەکێکی جیاوازی شاری هەولێرن.

بەوەش کۆی گشتی تووشبووانی پرسەی ماتەمینیەکەی گەڕەکی کارێزان بووە 32 كەس.

بەردەوام بە لە خوێندنەوە

کوردستان

بەهۆی سەرپێچی هاتوچۆوە، زیاتر لە سێ هەزار ماتۆڕسكیل دەستی بەسەردا دەگیرێت


خەڵك-بەشی هەواڵ

ئەفسەری دەستبەسەرداگرتن لە بەشی یاسایی بەڕێوەبەرایەتی هاتوچۆی هەولێر ڕایدەگەیەنێت، دەستیان بەسەر نزیكەی سێ هەزار و سێ سەد و سی ماتۆڕسكیلدا گرتووە.

ئیبراهیم موخڵیس ئەفسەری دەستبەسەرداگرتن لە بەشی یاسایی بەڕێوەبەرایەتی هاتوچۆی هەولێر لە لێدوانێكی ڕۆژنامەوانیدا ڕایگەیاند، بەهۆكاری جیاواز، دەستمان بەسەردا سێ هەزار و سێ سەد و سی ماتۆڕسكیلدا گرتووە، هەندێكیان هیچ تابلۆ و ئەوەلیاتی نییە یاخود مۆڵەتی تایبەت بە ماتۆسیكلیان نییە یان كەمتەرخەم بوون لە دابینكردنی پێداویستیەكانی سەلامەتیی و ئەمەش پێچەوانەی یاساكانی هاتوچۆیە و دەستییان بەسەردا دەگیرێت.

وتیشی”ئەو ماتۆڕسكیلانەی ساڵنامەیان نەبێت هیچ مامەڵەیەكیان بۆ ناكرێت و ماتۆڕسیكلەكەیان دەستی بەسەردا دەگیرێت و نادرێتەوە بە خاوەنەكانییان، ئەوانەی دیكەش پێویستە هەموو بەڵگەنامەكانییان بهێنن و دوای ڕێكارە یاساییەكان دەتوانن ماتۆڕسیكلەكانییان ببەنەوە و بەڵێنامەی لێوەردەگیرێت و لە حاڵەتی سێیەم جاردا، ماتۆڕسیكلەكە دەستی بەسەردا دەگیرێت و نادرێتەوە بە خاوەنەكەی”.

ئاشكراشیكرد، لەمیانی ڕاگەیاندنی قەدەغەی هاتوچۆ، تیمەكانی هاتوچۆ بەردەوامن لە لێپێچینەوە لە هەموو ئەو ماتۆڕسیكل و ئۆتۆمبێلانەی سەرپێچی ئەنجام دەدەن و سزایان دەدەن.

بەردەوام بە لە خوێندنەوە

کوردستان