ئێمە لە تۆرە کۆمەڵایەتیەکان

جیهان

لە بەرامبەر پشتیوانيكردنی قەتەر لە توركیا بۆ كوشتنی كوردانی ڕۆژئاوا ئەنقەرە سوپاسی دەوحە دەكات


خەڵك – بەشی هەواڵ

وەزیری دەرەوەی توركیا ڕایدەگەیەنێت، سوپاسی میری قەتەرم كردووە بۆ پاڵپشتیكردنمان.

مەولود چاوشئۆغلۆ وەزیری دەرەوەی توركیا لە جریوەیەكدا لە تۆڕی كۆمەڵایەتی تویتەر بڵاویكردەوە، “لە كۆبوونەوەكەمدا لەگەڵ تەمیم بن حەمەد، میری قەتەری برا، سڵاوی ڕەجەب تەیب ئەردۆغانم پێگەیاند. سوپاسمكرد بۆ پاڵپشتی قەتەر لە ئۆپراسیۆنی كانی ئاشتی”.

وەزیری دەرەوەی توركیا لە جریوەیەكی تردا باس لە ئەنجامی كۆبوونەوەی لەگەڵ شێخ محەمەد بن عەبدولڕەحمان جێگری سەرۆك وەزیران و وەزیری دەرەوەی قەتەر دەكات و دەڵێت، “لە میانی كۆبوونەوەكەماندا لەگەڵ شێخ محەمەد بن عەبدولڕەحمان بن جاسم، وەزیری دەرەوەی قەتەری برا، تاووتوێی ئامادەكارییەكانی پێنجەمین كۆبوونەوەی لیژنەی باڵای ستراتیژی توركیا – قەتەر و كۆبوونەوەی گرووپی كار و هاوئاهەنگی رێكخراوی هاریكاریی ئیسلامی و تەوەرە ناوچەییەكانمان كرد”.

لە 9ی مانگی ڕابردوودا توركیا و گرووپە چەكدارە سوریاییەكانی نزیك لە خۆی هێرشی سەربازییان بۆ سەر ڕۆژئاوای كوردستان دەستپێكرد و هێرشەكانیش بوونە هۆی ئاوارەبوونی نزیكەی 300 هەزار كەس لە خەڵكی ڕۆژئاوای كوردستان و تائێستاش هێرشەكان لە هەندێك ناوچەدا بەردەوامە.

جیهان

ئوسترالیا دەرمانێكی ئاشكراكرد كە لە تاقیگەدا لەماوەی 48 كاتژمێردا ڤایرۆسی كۆرۆنا لەناودەبات


خەڵك – بەشی هەواڵ

دەرمانێك ئاشكرا كرا كە لەسەرتاسەری جیهاندا بەردەستە و دەتوانێت لە تاقیگەدا لەماوەی 48 كاتژمێردا ڤایرۆسی كۆرۆنا لەناوببات.

ماڵپەڕی (7 نیوز)ی ئوسترالیایی بڵاویكردەوە، لە لێكۆڵینەوەیەكدا كە لە زانكۆی (مۆناش)ی ئوسترالیا لەسەر دەرمانی ئیڤیرمێكتین (Ivermectin) ئەنجامدراوە دەركەوتووە ئەو دەرمانە دەرەنجامێكی زۆرباشی هەبووە لە لەناوبردنی ڤایرۆسی كۆرۆنا لە تاقیگەدا و تەنها ژەمێك بەكارهێنان دەتوانێت وا لە ڤایرۆسەكە بكات بوەستێت و نەتوانێت خانەكانی زیاد بكات.

لەوبارەیەوە د.كایلی واگستاف سەرپەرشتیاری لێكۆڵینەوەكە ڕایگەیاندووە:”لە دەرەنجامەكانی پشكنینە تاقیگەییەكاندا بۆمان دەركەوت كە تەنها بەكارهێنانی ژەمێك لە Ivermectin سەرجەم ترشەناوەكییەكانی زیادبوونی ڤایرۆسی كۆرۆنا لەماوەی 48 كاتژمێردا لەناودەبات”.

وتیشی:”ڕوون نییە ئەو دەرمانە چ كاریگەرییەكی تری لە سەر ڤایرۆسی كۆرۆنا هەیە، بەڵام ئەوەندە دەزانین كە دەتوانێت ڕێگە لە زیادبوونی خانەكانی بگرێت”.

بەپێی هەواڵی ماڵپەڕە ئوسترالیاییەكە، هەنگاوی داهاتووی زانایان دەستنیشانكردنی تاقیكردنەوەی ئەو دەرمانەیە لەسەر كەسانی تووشبوو كە ئایا ڕێكارە دروستەكانی بەكارهێنانی چۆن دەبێت و جگە لە تاقیگە چ كاریگەرییەكی لەسەر ڤایرۆسەكە دەبێت لە لەشی مرۆڤدا.

پێشتر، ئیدارەی خۆراك و دەرمان، ئیڤیرمێكتین (Ivermectin) بۆ لەناوبردنی بەكتریا دەستنیشان كردبوو، كاریگەری بەرچاویشی هەبووە لە بەهێزكردنی بەرگری لەش.

بەردەوام بە لە خوێندنەوە

جیهان

سعودیە 154 حاڵەتی توشبوونی نوێ‌ بە كۆرۆنا ڕادەگەیەنێت


 

خەڵك- بەشی هەواڵ
وەزارەتی تەندروستی سعودیە، تۆماركردنی 154 حاڵەتی توشبوونی نوێ بە ڤایرۆسی كۆرۆنا ڕادەگەیەنێت.

ئەمڕۆ هەینی، محەمەد عەبدولعالی وتەبێژی وەزارەتی تەندروستی سعودیە لە كۆنفرانسێكی ڕۆژنامەوانیدا ڕایگەیاند”لایەنە پزیشكییەكان لە شانشینی عەرەبی سعودیە، لەماوەی ڕۆژی ڕابردوودا 154 توشبوونی نوێیان بە ڤایرۆسی كۆرۆنا (كۆڤید-19) لە ناوچە جیاجیاكانی وڵاتدا تۆماركردووە، لەئێستاشدا كۆی گشتی تووشبوان لە وڵاتدا گەیشتۆتە 2039 حاڵەت”.

بە وتەی عەبدولعالی”لەنێوان توشبووەكاندا 1663 حاڵەت چالاكن و لەژێر چاودێری تەندروستی ئاساییدان، 41 حاڵەتیش بەشێوەیەكی چڕ چاودێری دەكرێن، 351 حاڵەتیش نەخۆشییەكەیان پەڕاندووە و چاكبوونەتەوە”.

وتەبێژی وەزارەتی تەندروستی سعودیە دەڵێت”هەموو ئەوانەی تووشی ڤایرۆسی كۆرۆنا بوون، چاودێری تەندروستی پێویست دەكرێن و ڕاگەیاندنی حاڵەتەكانی چاكبوونەتەوەش، لە دوای زۆرێك لە پشكنینەكانی تاقیگەیە كە دەیسەلمێنن توشبووەكە بەتەواوەتی چاكبۆتەوە”.

بەردەوام بە لە خوێندنەوە

جیهان

تڕەمپ؛لە گەڵ بەڕێوەبەرانی كۆمپانیا نەوتییەكان كۆدەبێتەوە


خەڵك – بەشی هەواڵ
سەرۆكی ولایەتە یەكگرتووەكانی ئەمریكا لە كۆشكی سپی لەگەڵ بەڕێوەبەرانی كۆمپانیا نەوتییەكان كۆدەبێتەوە بۆ تاوتوێكردنی دابەزینی نرخی نەوت بەهۆی ڤایرۆسی كۆرۆنا و شەڕی نرخی نێوان سعودیە و ڕوسیا.

دۆناڵد تڕەمپ، سەرۆكی ولایەتە یەكگرتووەكانی ئەمریكا ئەمڕۆ هەینی بڕیارە لە كۆشكی سپی لەگەڵ بەڕێوەبەرانی كۆمپانیا نەوتییەكان بۆ تاوتوێكردنی دابەزینی نرخی نەوت بەهۆی ڤایرۆسی كۆرۆنا و شەڕی نرخی نێوان سعودیە و ڕوسیا كۆبێتەوە.

دەنگی كوردی ئەمریكا لە هەواڵێكدا باسی لەوەشكردووە ، ترەمپ لە كۆبونەوەكەدا تیشكدەخاتەسەر هەوڵەكانی بۆ فشار كردن لە مۆسكۆ و ڕیاز تا كۆتایی بە شەڕی نرخ بهێنن و نرخەكانیان هاوسەنگ بكەن تا بتوان نرخی نەوت بەرزتر بكەنەوە.

ئەمە لە كاتیكدایە ، سەرۆكی ولایەتە یەكگرتووەكانی ئەمریكا ڕۆژی پێنجشەممە ڕایگەیاند، عەرەبستانی سعودیە و ڕوسیاس ڕێككەوتوون بەرهەمەكانیان بە بەڕی 10 ملیۆن بۆ 15 ملیۆن بەرمیل لە ڕۆژێكدا كەم بكەنەوە كە ئەمەش دەكاتە 10% بۆ 15% ی بەرهەمی جیهانی.

بەردەوام بە لە خوێندنەوە

کوردستان