ئێمە لە تۆرە کۆمەڵایەتیەکان

کوردستان

ئاسایشی گەرمیان: چەند تۆمەتبارێك بەدەرمانی قەدەغەكراوەوە دەستگیركران

خەڵك – بەشی هەواڵ

ئاسایشی گەرمیان چەند تۆمەتبارێك لەسەر هێنانی چەند ترێلەیەك دەرمان كە بەشێكیان ماوەیان بەسەرچووە و لەبازاڕادا قەدەغەن دەستگیركردووە و لێكۆڵینەوە لەگەڵیان بەردەوامە.

بەڕێوەبەرایەتی ئاسایشی گەرمیان لە ڕاگەیەنراوێكیدا ئاشكرایكرد: دوای ئەوەی لە چەند مانگی ڕابردوودا لەلایەن هێزەكانیانەوە توانرا دەستبەسەر چەند ئۆتۆمبێلێكی جۆری ترێلەی بارهەڵگردا بگیرێت كە بەشێوەی شاراوە و قاچاغ و نایاسایی كۆمەڵێك زۆر دەرمانی پزیشكییان باركردبوو و هێنابوویان بۆ سنووری هەرێمی كوردستان.

بەڕێوەبەرایەتی ئاسایشی گەرمیان ڕوونیشیكردووەتەوە: لەسەر بڕیاری دادوەری لێكۆڵینەوە لیژنەیەك لە سەندیكای دەرمانسازان بۆ دەرمانەكان پێكهێنراو بەچەند قۆناغێك لەلایەن لیژنەكەوە بڕیار لەسەر چارەنووسی دەرمانەكان دراو قۆناغی یەكەم بەشێكی زۆری دەرمانەكان كە كێشەی یاسایی و تەندروستییان نەبووە ڕادەستی خاوەنەكانیان كرایەوە و قۆناغی دووەم بەشێك لەو دەرمانانە بەبڕیاری دادوەری لێكۆڵینەوە و لەسەر پێشنیاری لیژنەی پسپۆڕی دەرمانسازی بۆ خزمەتی گشتی دابەش كرا بەسەر نەخۆشخانەكانی هەرێمی كوردستان.

بەڕێوەبەرایەتی ئاسایشی گەرمیان ئاماژەبەوەش دەكات: قۆناغی سێیەم بەشێك لەو دەرمانانەی كە شیاوی بەكارهێنان نەبوون و ماوەكەیان بەسەرچووبوو و لەبازاڕدا قەدەغەكرابوون ڕۆژی 31ی تشرینی یەكەمی ڕابردوو لەلایەن لیژنەی پسپۆڕی سەندیكای دەرمانسازانی كوردستان و بەئامادەبوونی نوێنەری بەڕێوەبەرایەتی ئاسایشی گەرمیان لە ناوبران و ئەو دەرمانانەش بریتی بوون لە (Neurica 3888 box 75 mg +Neurica 900 box 40 mg+Torix 3450 box 90 mg).

بەڕێوەبەرایەتی ئاسایشی گەرمیان ئەوەشیخستووەتەڕوو: لەسەر هەمان دۆسیە پێشتر كۆمەڵێكی تر دەرمانی ماوە بەسەرچوو و قەدەغەكراو لەسەر بڕیاری هەمان لیژنە بەشێوەیە سوتاندن لەناوبراون، قۆناغی چوارەمیش ئەو دەرمانانەی كە ماون لەلایەن لیژنەی ناوبراوەوە نمونەیان نێردراوە بۆ تاقیكردنەوە و بڕیاردان لە چارەنووسی ئەو دەرمانانە.

بەڕێوەبەرایەتی ئاسایشی گەرمیان ڕوونیشیدەكاتەوە، لەلایەن دادوەری لێكۆڵینەوەوە چەند تۆمەتبارێك بەپێی ماددەی (50)ی دەرمانسازی دەستگیركران و تا ڕۆژی دادگایی كردنیان بەكەفالەت ئازادكراون و لێكۆڵینەوەش لەوبارەیەوە بەردەوامە.

کوردستان

حەسەكە.. تەقینەوەیەك ڕوویدا

خەڵك – بەشی هەواڵ

تەقینەوەیەكی بەهێز لەشاری حەسەكەی ڕۆژئاوای كوردستان ڕوویدا.

بەپێە زانیارییەكان، كاتژمێر 8ی ئەمشەو تەقینەوەك لە شاری حەسەكەی ڕۆژئاوای كوردستان ڕوویداوە كە دەنگێكی بەهێزی هەبووە و دوكەڵێكی گەورە ئاسمانی شارەكەی گرتووەتەوە، دوابەدوای ڕووداوەكەش تیمەكانی ئاگركوژێنەوە و تەندروستی ڕەوانەی شوێنی ڕووداوەكە كراون.

هاوكات، كەناڵی (ڕوسیا تودەی) بڵاویكردووەتەوە: تەقینەوەكە لە جبەخانەیەكی چەك و تەقەمەنی سەربازیی هێزەكانی سوریای دیموكرات (هەسەدە) بووە بەهۆی بەرزبوونەوەی پلەی گەرماوە ڕوویداوە.

جێی ئاماژەیە، تائێستا هیچ لایەنێكی فەڕمی لە ڕۆژئاوای كوردستان زانیاری تەواوی لەسەر هۆكاری ئەو تەقینەوەیە و زیانەكانی ئاشكرا نەكردووە.

بەردەوام بە لە خوێندنەوە

کوردستان

سەیدسادق.. دوو تووشبووی تری كۆرۆنا گیانیان لەدەستدا

خەڵك – بەشی هەواڵ

قائیمقامیەتی شارۆچكەی سەیدسادق گیانلەدەستدانی دوو تووشبووی تری ڤایرۆسی كۆرۆنای ڕاگەیاند.

قائیمقامیەتی شارۆچكەی سەیدسادق لە ڕاگەیەندراوێكدا ڕایگەیاند: دوو حاڵەتی نوێی مردن بە ڤایرۆسی كۆرۆنا تۆماركرا كە دوو پیاوی تەمەن ٦٦ ساڵ و ٥٠ ساڵن و دانیشتووی شارۆچكەكەیانن.

قائیمقامیەتی شارۆچكەی سەیدسادق ڕوونیشیكردووەتەوە: ئەو هاووڵاتییانە پاش ماوەی چەند ڕۆژێك داخڵ بوونیان و خەواندنیان لە نەخۆشخانە، ئێوارەی ئەمڕۆ گیانیان لە دەستدا.

بەمەش ژمارەی مردن بە ڤایرۆسی كۆرۆنا لە شارۆچكەی سەیدسادق گەیشتە 17 حاڵەت.

بەردەوام بە لە خوێندنەوە

کوردستان

بەندكراوێك لە سلێمانی بە كۆرۆنا گیانی لەدەستدا

خەڵك- بەشی هەواڵ

ڕاگیراوێكی گرتن و گواستنەوەی گەرمیان لە نەخۆشخانەی سلێمانی دوای ئەنجامدانی نەشتەرگەرییەك گیانی لەدەستدا.

بەڕێوەبەرایەتی گشتی تەندروستی گەرمیان لە ڕاگەیەنراوێكدا ئاماژەی بەوەكردووە، ڕاگیراوێكی گرتن و گواستنەوەی گەرمیان، كە توشبوی كۆرۆنا بوو، پاش ئەنجامدانی نەشتەرگەری لەچەند ڕۆژی ڕابردوودا، ئێوارەی ئەمڕۆ لە نەخۆشخانەی سلێمانی گیانی لەدەستدا.

ڕوونیشی كردۆتەوە، ئەو ڕاگیراوە پێشتر لە پشكنینەكانی تیمەكانمان دەركەوت، كە تووشبووی كۆرۆنایە، بەڵام دواتر بەھۆی حاڵەتێكی دیكەی تەندروستیەوە ڕەوانەی سلێمانی كرا و لەوێ نەشتەرگەری بۆ ئەنجامدرا، پاش مانەوەی بۆ ماوەی ٢ ڕۆژ لە نەخۆشخانەی سلێمانی گیانی لەدەستدا.

بەردەوام بە لە خوێندنەوە

کوردستان