ئێمە لە تۆرە کۆمەڵایەتیەکان

کوردستان

پەڕلەمانتارێك: بۆ ئەوەیە دەرمانی كۆمپانیاكان بفرۆشرێت
“ئەو دەرمانەی لە بەغداوە بۆ هەرێم دێت لە كۆگاكاندا ماوەیان بەسەردەچێت”


خەڵك – بەشی هەواڵ
ئەندامێكی پەڕلەمانی كوردستان، كە خۆی پزیشكە ڕایدەگەیەنێت، گەندەڵی كراوە لەكاتی هاتنی دەرمان لە بەغداوە بۆ هەرێم و لە كۆگا حكومییەكان هەڵگیراوە و نەدراوەتە دەرمانخانە و نەخۆشخانەكانە حكومیەكان بۆ ئەوەی دەرمانی كۆمپانیاكان لە بازاڕدا ساغ بكرێتەوە.

د.شایان عەسكەری، جێگری سەرۆكی لیژنەی كاروباری تەندروستی و ژینگە و مافی بەكاربەر لە پەڕلەمانی كوردستان بە (خەڵك)ی ڕاگەیاند، گەندەڵی كراوە لەكاتی هاتنی دەرمان لە ئێستا و لە ساڵانی پێشوودا، كە دەرمان لە بەغداوە هاتووە لە كۆگا حكوميەكان هەڵگیراو و لەسەریەك كەڵەكە كراوە و نەدراوە بە نەخۆشخانەكان.

وتیشی، “بەشێكی زۆر لەو دەرمانانە یان ماوەكانیان بەسەرچووە یان تێكچوون و شیاو نەماون بۆ بەكارهێنان، ئەمەش بۆ ئەوە كراوە تا دەرمانی كۆمپانیاكان لە بازاڕدا ساغ بكرێتەوە و هاووڵاتیان ئەو دەرمانانە بكڕن بە نرخێكی گران”.

ڕاشیگەیاند، ئەمە لەكاتێكدایە لە میدیاكانەوە هاوار دەكرا، كە گوایە لە عیراقەوە دەرمان بۆ هەرێم ڕەوانە ناكرێـت، دەرمانی ناو كۆگاكانیش هەمووی خراپ و بەسەرچوون و دەبێت لەناو ببرێن.

بۆ بەدواداچوونی ئەو پرسە (خەڵك) پەیوەندی كرد بە د. سامان بەرزنجی، وەزیری تەندروستی حكومەتی هەرێمەوە، بەڵام وەڵامی پەیوەندییەكەی نەدایەوە.

کوردستان

تەندروستی هەرێم: تووشبوویەكی تری ڤایرۆسی كۆرۆنا لە سلێمانی گیانی لەدەستدا


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ڕایگەیاند: تووشبوویەكی تری ڤایرۆسی كۆرۆنا لە شاری سلێمانی گیانی لەدەستدا.

تەندروستی هەرێم ڕوونیشیكردووەتەوە: تووشبوویەكی نەخۆشی ڤایرۆسی كۆرۆنای نوێ COVID19 پیاو تەمەن ٥٥ ساڵ دانیشتووی تاسڵوجە لە شاری سلێمانی دوای خەواندن و مانەوەی لە نەخۆشخانە گیانی لەدەستدا.

 

دەقی ڕاگەیەنراوەكە:

 

تووشبووێكی دیكەی ڤایرۆسی كۆڕۆنا گیانی لەدەستدا …

تووشبووێكی نەخۆشی ڤایرۆسی كۆڕۆنای نوی COVID19 پیاو تەمەن ٥٥ ساڵ دانیشتووی تاسلوجە لە شاری سلێمانی دوای خەواندن و مانەوەی لە نەخۆشخانە گیانی لەدەستدا.

وێڕای پرسە و سەرەخۆشی لە خانەوادە و كەسوكاری خوالێخۆشبوو هیوادارین هاوڵاتیان پابەندی ڕێنماییەكانی تەندروستی بن.

وەزارەتی تەندروستی
٦ حوزەیران ٢٠٢٠

بەردەوام بە لە خوێندنەوە

کوردستان

ژووری ئۆپراسیۆنی پارێزگای هەولێر: 284 شوێن كە پابەندی ڕێنماییەكان نەبوون داخران


خەڵك – بەشی هەواڵ

ژووری ئۆپراسیۆنی پارێزگای هەولێر لە ڕاگەیەنراوێكدا ئاشكرایكرد: لەلایەن لیژنەكانی چاودێری و تەندروستی لەسنووری هەر 10 قائیمقامیەتەكەی پارێزگای هەولێر، دوای بەدواداچوون و پشكنین بۆ شوێنەكانیان، بەهۆی پابەندنەبوون بەڕێنماییەكانی تەندروستی و خۆپارێزی لە ڤایرۆسی كۆرۆنا، (284) شوێن لە (خواردنگە، بەنزینخانە، ئاریشگەی ئافرەتان، ماركێت، مینی ماركێت، سەرتاشخانە، نانەوەخانە، دوكانی فرۆشتنی سەوزە و میوە، رونگۆڕ، فرۆشیاری مۆبایل، شیرنەمەنی، جوانكاری ئۆتۆمبێل، گۆشت فرۆش، زێڕینگر، ئوتوی هەڵمی، نووسینگەی خانووبەر، شوێنی گەشتیاری، كۆگا) داخران.

ژووری ئۆپراسیۆنی پارێزگای هەولێر ئاماژەی بەوەشداوە: داواكارین لە هاوڵاتییانی سنووری پارێزگای هەولێر و كاسبكارانی پابەندی بڕیار و ڕێنماییە تەندروستییەكان بن و هەستیارانە مامەڵە بكەن و بەپێی ریَِكارەكانی خۆپارێزی لە ڤایرۆسی كۆرۆنا، دەستكێش و دەمامك ببەستن، تاوەكو لەپێناو پارێزگاری لە تەندروستی گشتی دووچاری سزادان و ڕێكاری یاسایی نەبنەوە.

 

دەقی ڕاگەیەنراوەكە:

 

ڕاگەیندراوێك لە ژووری ئۆپەراسیۆنی پارێزگای هەولێرەوە

ئەمرۆ شەممە 2020.6.6 لەلایەن لێژنەكانی چاودێری و تەندروستی لەسنووری هەر 10 قایمقامیەتەكەی پارێزگای هەولێر، دوای بەدواداچوون و پشكنین بۆ شوێنەكانیان، بەهۆی پابەند نەبوون بەرێنماییەكانی تەندروستی و خۆپارێزی لە ڤایرۆسی كۆرۆنا، (284) شوێن لە (خواردنگە، بەنزینخانە، ئاریشگەی ئافرەتان، ماركێت، مینی ماركێت، سەرتاشخانە، نانەوەخانە، دوكانی فرۆشتنی سەوزە و میوە، رونگۆڕ، فرۆشیاری مۆبایل، شیرنەمەنی، جوانكاری ئۆتۆمبێل، گۆشت فرۆش، زێڕینگر، ئوتوی هەڵمی، نووسینگەی خانووبەر، شوێنی گەشتیاری، كۆگا) داخران.

داواكارین لە هاوڵاتییانی سنووری پارێزگای هەولێر و كاسبكارانی پابەندی بڕیار و ڕێنماییە تەندروستییەكان بن و هەستیارانە مامەڵە بكەن و بەپێی رێكارەكانی خۆپارێزی لە ڤایرۆسی كۆرۆنا، دەستكێش و دەمامك ببەستن، تاوەكو لەپێناو پارێزگاری لە تەندروستی گشتی دووچاری سزادان و ڕێكاری یاسایی نەبنەوە.

ژووری ئۆپەراسیۆنی پارێزگای هەولێر
2020.6.6

بەردەوام بە لە خوێندنەوە

کوردستان

تەندروستی هەرێم: 66 تووشبووی تری ڤایرۆسی كۆرۆنا لە سلێمانی دەستنیشان كران


خەڵك – بەشی هەواڵ

وەزارەتی تەندروستی هەرێم لە ڕاگەیەنراوێكدا ڕایگەیاند: لە بەردەوامی پشكنینەكان و گەڕان بەدوای گومانلێكراوان و تووشبووان، 66 تووشبووی تری ڤایرۆسی كۆرۆنای نوێ COVID-19 لە پارێزگای سلێمانی دەستنیشانكران.

تەندروستی هەرێم ئەوەشیخستووەتەڕوو: تووشبووەكان 38 پیاو و 24 ئافرەت و 2 كوڕی گەنج و 2 منداڵن، 13 تووشبوو بەركەتووی تووشبووانی پێشوون و تووشبووانی تر نیشانەی نەخۆشییەكەیان هەیە.

تەندروستی هەرێم ڕوونیشیكردووەتەوە: سێ تووشبوو دانیشتووی شارۆچكەی چەمچەماڵ، دوو تووشبوو دانیشتووی شارۆچكەی پێنجوێن، یەك تووشبوو دانیشتووی شارۆچكەی دەربەندیخان و شەست تووشبووش دانیشتووی ناو شاری سلێمانین.

 

دەقی ڕاگەیەنراوەكە:

دەرەنجامی نوێ …

لە بەردەوامی پشكنینەكان و گەڕان بەدوای گومانلێكراوان و تووشبووان، شەست و شەش تووشبووی دیكەی ڤایرۆسی كۆڕۆنای نوێ COVID-19 لە پارێزگای سلێمانی دەستنیشانكران، سی و ھەشت پیاو و بیست و چوار ئافرەت و دوو كوڕی گەنج و دوو منداڵ، سێزدە تووشبوو بەركەتووی تووشبووانی پێشوون وە تووشبووانی تر نیشانەی نەخۆشیەكەیان هەیە.

سێ تووشبوو دانیشتووی قەزای چەمچەماڵ.
دوو تووشبوو دانیشتووی قەزای پێنچوێن.
یەك تووشبوو دانیشتووی قەزای دەربەندیخان.
شەست تووشبوو دانیشتووی ناو شاری سلێمانی.

وەزارەتی تەندروستی
٦ حوزەیران ٢٠٢٠

بەردەوام بە لە خوێندنەوە

کوردستان