ئێمە لە تۆرە کۆمەڵایەتیەکان

ئابوری

وادەی دابەشكردنی یەكەم بەرمیلە نەوتی ئەمساڵ دیاریكرا


خەڵك – بەشی هەواڵ
بڕیارە دابەشكردنی نەوت لە مەڵبەندی (2)ەوە لە سلێمانی دەستپێبكات و قائیمقامی ناوەندی پارێزگای هەڵەبجەش ڕایدەگەیەنێت، لە سبەینێوە ڕۆژانە بڕی دوو تانكەر نەوتی سپی دەگاتە پارێزگاكەیان و ئەگەر بەوشێوەیە بەردەوام بێت لەكۆتایی ئەم هەفتەیە دەست بەدابەشكردنی نەوت بەسەر ماڵاندا دەكرێت.

نوخشە ناسیح، قائیمقامی ناوەندی پارێزگای هەڵەبجە بە (خەڵك)ی ڕاگەیاند، وەك ئەوەی بڕیاری لەسەر دراوە لە سبەینێوە ڕۆژانە نەوتی پێویست دەگاتە پارێزگای هەڵەبجە، كە ڕۆژانە دوو تانكەرە و لە كۆگاكان خەزن دەكرێت.

وتیشی، “ساڵی ڕابردوو لەناو شاری هەڵەبجە دوو بەرمیل دابەشكرا، كە هەندێك لە خێزانەكان بەرمیلی دووەمیان بەرنەكەوت، بۆیە وەك بڕیارێك، كە هێشتا یەكلانەبۆتەوە ڕەنگە یەكەم جار دەستپێكردنی نەوت لەو ماڵانەوە بێت”.

ڕاشیگەیاند، لیژنەی دابەشكردنی نەوتی هەڵەبجە بڕیاری كۆتایی لەسەر دابەشكردنی نەوت دەدات و ئەگەر بەوشێوەیەی بڕیاری لەسەر دراوە نەوت بگاتە كۆگاكانی هەڵەبجە ڕەنگە لە كۆتایی ئەم هەفتەیە یان سەرەتای هەفتەی داهاتوو دەست بە دابەشكرنی نەوت بكرێت.

قائیمقامی هەڵەبجە ئاشكراشیكرد، ناوچە ساردەكانیش ڕەچاو دەكرێن و لیژنەكە كاری لەسەر دەكات و بەزووترین كات نەوتیان پێ دەدرێت.

بەپێی بڕیاری وەزارەتی نەوتی عیراق، ڕۆژانە بڕی 72 هەزار لیتر نەوت لە پاڵێوگەی بازیانەوە بۆ پارێزگای هەڵەبجە و بۆ سلێمانی بڕی 288 هەزار لیتر دابین دەكرێت.

بۆ زانینی كاتی دابەشكردنی نەوت لە سلێمانی (خەڵك) چەند جارێك پەیوەندی كرد بە د. هەڤاڵ ئەبوبەكر، پارێزگای سلێمانی-یەوە، بەڵام وەڵامی پەیوەندییەكەی نەدایەوە.

سەرچاوەیەكیش بۆ (خەڵك) ڕایگەیاند، ساڵی ڕابردوو لەكاتی دەستپێكردنەوەی دابەشكردنی بەرمیلی دووەمی نەوت لە سلێمانی، مەڵبەندی یەك دابەشكرا و ڕاوەستا، بۆیە لەكاتی دەستپێكردنەوەی دابەشكردنی نەوت لە مەڵبەندی دووەوە دەستپێدەكات.

ئابوری

خاوەنی ئارایشتگای نیگار لەسلێمانی لەسەر داخستنی شوێنەكەی چی دەڵێت؟


خەڵك – بەشی هەواڵ
خاوەنی یەكێك لە ئارایشتگا بەناوبانگەكانی سلێمانی لەدوای داخستنی ئارایشتگاكەی لەلایەن لیژنەكانەوە ڕایدەگەیەنێت، هەموو ڕێنماییەكانم جێبەجێ كردووە، نرخم هەرزانە بۆیە هاوپیشەكانم بێزارن لێم.

نیگار محەمەد عەزیز، خاوەنی ئارایشتگای نیگار لە سلێمانی بە (خەڵك)ی ڕاگەیاند، دەمێكە بەداخەوە كەسانێكی هاوپیشەم چاویان بەكارەكانی بەندە و ستافەكەم هەڵنایە بەوەی ئێمەش لەم ڕێگەیەوە خزمەتێك بە كوڕان و كچانی شارەكە بكەین، بەردەوام كەوتوومەتە بەر تانەی ئەوان، بەوەی من نرخم هەرزانە لەوانی دیكە چەند جار بە تەلەفۆن ئەوەیان بە خودی خۆم وتووە.

وتیشی، “تەنانەت پێم وتراوە 80 ئارایشتگا لە سلێمانی بەتەمای ئەوەین شكات لە تۆ بكەین بەوەی تۆ لە هەژمارە تایبەتەكەت لە سناپ چات داوا لە خانمان دەكەی، كریاتین و پڕۆتین نەكەن چونكە خراپە بۆ قژی خانمان ، بەس من ئەوە ڕاستیەكە دەبێت بە هاووڵاتیانی خۆم بڵێم چونكە دواجار هەر ئارایشتگاكان زیانیان بەردەكەوێت لە چارەسەر كردنی ئەو قژانە”.

ڕاشیگەیاند، من زۆر دژایەتی دەكرێم چەندین جار داوام لێكراوە و كاریشی لەسەر كراوە بۆ ئەوەی لە چالاكییەكانم بوەستم لە هەژمارەكەی خۆم لە سناپ چات، بەس من هەموو ئەوانەی ئارایشتگاكەم دادەخەن یان ئەوانەی دەیكەنەوە یان هەموو ئەوانەی لای من ئارایشت دەكەن و تەنانەت ئەوانەشی فرسەتیان نیە بێنە لای من هەموویانم خۆش دەوێت و بەردەوام لۆگۆی خۆشەویستیان بۆ دەنێرم.

دەشڵێت: “لە ڕێگەی سناپە ڕاستیەكەم ڕووبەڕووی ناڕەحەتیەكان دەبمەوە و دەیانەوێت بمشارنەوە، داوام لێ دەكەن، كە سناپەكەم دابخەم، بەڵام من بەردەوام دەبم و ڕاستیەكان بە هاووڵاتیان دەڵێم، كەچی باشە بۆیان و چی خراپە”.

ئاماژەی بۆ ئەوەشكرد، من ئەم سێ ڕۆژە ئارایشتگاكە داناخرێت تا بزانن من چۆن دەبم ئەو كات وتیان بیری لێدەكەینەوە، منیش پێیان دەڵێم كەس زەرەر ناكات و هەر بەردەوام دەبم لەسەر كارەكانی خۆم، هەموو هاووڵاتیانی شارەكەم خۆش دەوێت.

ئاشكراشیكردووە، بیانوی داخستنی ئارایشگاكەم ئەوەبووە بوكێك خەڵكی لەگەڵ هاتووە، گوایە لادانە لە ڕێنماییەكان، پێشتر وتیان تۆ دەبێت دوو كورسیت هەبێت، چوومە لای قائیمقام من 90 مەترم هەیە بە پێی ڕێنمایی هەر دوو مەتر و كورسیەك من دوو مەتر و نیوم دانا بەشی پێنج كورسی هەبوو”.

بەردەوام بە لە خوێندنەوە

ئابوری

نرخی كارتی ئینتەرنێت لە هەرێم هەرزان كرا


خەڵك- ئارام سەردار
وەزیری گواستنەوە و گەیاندنی حكومەتی هەرێم ڕایدەگەیەنێت، لە سبەینێوە لە هەرێمی كوردستان نرخی 25%ی ئینتەرنێت لە لایەن چەند كۆمپانیایەكەوە دادەبەزێنرێت و خێرایی ئینتەرنێتیش زیاد دەكرێت.

ئانۆ جەوهەر، وەزیری گواستنەوە و گەیاندنی حكومەتی هەرێمی كوردستان لەكۆنفڕانسێكی ڕۆژنامەوانیدا ڕایگەیاند، لەدەستپێشخەریەكدا داوامان كرد لەكۆمپانیاكانی ئینتەرنێت، كە خێرایی هێڵەكانیان زیاد بكەن و نرخی هێڵەكانیشیان كەم بكەنەوە، لەسەرەتای مانگی ئادار دوو كۆمپانیای گەورەی ئەنتەرنێت (فاستلینك و ftth فایبەر ئۆپتیك بۆ ماڵان) هاتنە پێشەوە، كە لە 1ی حوزەیران نرخەكانیان بەرٍێژەی لە 25% داببەزێنن و هاوكات بەڵێنیان داوە خێرایی هێڵەكان دوو هێندە بكەن.

ڕاشیگەیاند، ئومێدیش دەكەین كۆمپانیاكانی تریش بێنە پێشەوە و نرخەكانیان كەم بكەنەوە، بۆیە لەسبەی دوو شەممە بەڵێنەكان دەچنە بواری جێبەجێكردن، ئومێدەوارین كۆمپانیاكانی تریش بێنە پێشەوە تاوەكو هاوكاری هاووڵاتیانی هەرێم بكەین.

دەشڵێت: “چەندین سەرنج لەبارەی نرخی كارتەكانی زەین و كۆڕەك و ئاسیاسێل هاتوو بۆمان لەبارەی نرخی كارتەكانیان، ئەو نرخەی كارتەكانی مۆبایل، كە بەڕێژەی لە 20% زیادكراوە پەیوەستە بەحكومەتی عیراق، چونكە بەپێی یاسای بودجەی عیراق ساڵی 2015 دیاری كراوە و وەك باج، دەچێتە خەزێنەی عیراق، بەڵام ئێمە داوا دەكەین ئەو پارەیە بگەڕێتەوە بۆ خەزێنەی هەرێمی كوردستان تاوەكو بۆ خزمەتی هاووڵاتیانی هەرێم بەكاریبێنین و خەرج بكرێت”.

وتییشی، “لەمەودوا كرینی كارتی پلاستیكی نامێنێ، هاووڵاتی دەتوانێت لەڕێگەی فاست پەی ڕاستەوخۆ كارت بەنرخی ڕاستەقینە بكڕیت، بەبێ ئەوەی هیچ نرخێكی زیاتر كە لەلایەن فرۆشیارانەوە دەخرێتە سەری هاووڵاتی بیدات یان گرانتر بیكڕێت”.

بەردەوام بە لە خوێندنەوە

ئابوری

وەزارەتی دارایی لەسەر مووچەی فەرمانبەران ڕاگەیەنراوێكی بڵاوكردەوە


خەڵك- بەشی هەواڵ
وەزارەتی دارایی حكومەتی عیراق لەسەر مووچەی فەرمانبەرانی هەرێم هۆشداری بە حكومەتی هەرێم دەدات و دەڵێت: “لەمەودوا هیچ بڕە پارەیەك نانێرین”.

وەزارەتی دارایی عیراق لە بەیاننامەیەكدا ئاماژەی بەوەكردووە، كە بڕیاری ناردنی پارە بە بڕی 400 ملیار دینار بۆ هەرێمی كوردستان دوای ڕەزامەندی حكومەتی هەرێم بووە بە پاكتاوی كۆتایی پارەی نەوت و داهاتە نانەوتییەكان.

ڕاشیگەیاندووە، كە ئەو پارەیەی ڕەوانەكراوە دواین بڕ بووە لە بەغداوە نێردراوە بۆ هەرێمی كوردستان.

جەختیشی كردۆتەوە، كە بەغدا هیچ بڕە پارەیەكی دیكە بۆ هەرێم نانێرێت بەهۆی ئەوەی تاوەكو ئێستا نەگەیشتوونەتە ڕێككەوتن.

 

بەردەوام بە لە خوێندنەوە

کوردستان