ئێمە لە تۆرە کۆمەڵایەتیەکان

ئابوری

ئەوانەی زەوییەكانیان بەر شەقامی 150 مەتری كەوتووە قەرەبوو دەكرێنەوە


خەڵك- بەشی هەواڵ
وەزارەتی شارەوانی و گەشتوگوزاری حكومەتی هەرێم ڕایدەگەیەنێت، ئەوانەی زەوییەكانیان بەر شەقامی 150 مەتری كەوتووە قەرەبوو دەكرێنەوە و داواش لە هاووڵاتیان دەكات سەردانی شارەوانی هەولێر بكەن.

وەزارەتی شارەوانی و گەشتوگوزاری حكومەتی هەرێم لە ڕاگەیەنراوێكدا ئاماژەی بەوەكردووە، بەپێی یاسا كارپێكراوەكانی هەرێمی كوردستان قەرەبووی ئەو هاووڵاتییانە دەكرێتەوە لە بری ئەو زەویانەیان، كە دەكەونە بەر شەقامی 150 مەتری هەولێر.

دەشڵێت: “لەگەڵ دەستپێكردنی پڕۆژەی 150 مەتری داوا لەو هاووڵاتییانە كرابوو، كە زەوییان بەر شەقامەكە كەوتووە سەردانی سەرۆكایەتی شارەوانیی هەولێر بكەن بۆ ئەوەی حكومەت لە دۆسیەكانیان بكۆڵێتەوە، كە ئەگەر كەیسەكەیان یاسایی بوو، ئەوا قەرەبوو دەكرێنەوە”.

ڕاشیگەیاندووە، ئەو هاووڵاتییانەی داوای قەرەبوو دەكەن پێویستە سەردانی شارەوانی هەولێر بكەن بۆ ئەوەی شارەوانی بزانێت ئەو كەسانەی داوای قەرەبوو دەكەن كێین یان جۆری زەوییەكەیان چییە؟ ئایا زەوی كشتوكاڵییە یاخود موڵكە و یانیش گرێبەستی كشتوكاڵییە.

جەختیشی كردۆتەوە، ئەو هاووڵاتییانەی مافی قەرەبووكردنەوەیان هەیە، بەگوێرەی مەرج و ڕێنماییەكانی وەزارەتی شارەوانی و گەشتوگوزار قەربوو دەكرێنەوە.

ئابوری

“داهاتی دەروازە سنوورییەكانی عیراق زیاتر لە 10 ملیار دۆلارە”


خەڵك – بەشی هەواڵ

ئەندامێكی ئەنجومەنی نوێنەرانی عیراق ئاشكرایدەكات:” داھاتی ساڵانەی دەروازە سنوورییەكانی عیراق دەگاتە سەرووی 10 ملیار دۆلار”.

مازن عەبدولمونعیم فەیلی ئەندامی ئەنجومەنی نوێنەرانی عیراق لەسەر هاوپەیمانی فەتح ڕایگەیاند:”بەپێی ئامارەكان داھاتی ساڵانەی دەروازە سنوورییەكانی عیراق دەگاتە سەرووی 10 ملیار دۆلار، بەڵام تەنھا ملیارێك دۆلار دەچێتەوە گەنجینەی دەوڵەت”.

مازن فەیلی داوا لە حكومەتی ناوەند دەكات، ھەرچی زووە چاكسازی لە گومرگ و دەروازە سنوورییەكان دەستپێبكات.

ئەو نوێنەرەی هاوپەیمانی فەتح ئاماژەی بەوەشكردووە:”پێویستە چارەسەرێك بدۆزرێتەوە و سامانی بەھەدەر دراو بگەڕێنرێتەوە بۆ حكومەت و لە بەرامبەر لە كەرتی پیشەسازی و كشتوكاڵ و بەرزكردنەوەی ئاستی بەرھەمی ناوخۆیی تەرخان بكرێت”.

مازن عەبدولمونعیم فەیلی داواش دەكات:”بۆ شەفاكردنی داھات لەو دەروازە سنووریانە، سیستمی كاركردن بكرێنە ئەلكترۆنی و ئیدارەیەكی تۆكمە بۆ بەڕێوەبەردنیان دابمەزرێت”.

بەردەوام بە لە خوێندنەوە

ئابوری

تمەن بەشێوەیەكی چاوەڕوان نەكراو دابەزی


خەڵك – بەشی هەواڵ
لەكاتی داخستنی بازاڕی دۆلارەكەی سلێمانی 100 دۆلار بە ملیۆنێك و 930 هەزار تمەن ئاڵوگۆڕی پێكرا بەدەستی و 100 دۆلاریش بە 123 هەزار دینار بووە.

خاوەنی نووسینگەیەكی ئاڵوگۆڕی دراو لە بازاڕی دۆلارەكەی سلێمانی بۆ (خەڵك) ڕایگەیاند، ئەمڕۆ شەممە 5-7-2020 بازاڕی دراو دابەزینی زیاتری بەهای تمەن بوو بەرامبەر بە دۆلاری ئەمریكی بەجۆرێك 100 دۆلار بە ملیۆنێك و 930 هەزار بەدەستی و حەواڵەكەشی بە 2 ملیۆن و 185هەزار تمەن، هەر 100هەزار تمەنیش بە 6 هەزار و 400 دینارە.

ڕاشیگەیاند، 100 دۆلاری ئەمریكی بەرامبەر بە 123 هەزار دیناری عیراقی ئاڵوگۆڕی پێوەكرا و بازاڕی دراو داخرا بۆ سبەی.

ئاماژەی بۆ ئەوەشكرد، هاوشێوەی تمەنی ئێرانی، لیرەی سووریش ڕووی لە دابەزینی بەردەوام كردووە، ئەمڕۆ یەك ملیون لیرەی سوری بە 529 هەزار دیناری عیراقی مامەڵەی پێوەكراوە.

بەردەوام بە لە خوێندنەوە

ئابوری

زیاتر لە سێ مليۆن مریشكی زیندوو لەهەرێم مرداربوونەوە


خەڵك- بەشی هەواڵ
كۆمەڵەی كێڵگە پەلەوەریەكان گومانی خۆیان ڕاگەیاند لەبەرامبەر ئەو دەرمانی كوتانەی بۆ مریشك بەكاردێت، داوا دەكەن حكومەت خۆی ئەو دەرمانە دابینبكات و ڕێگەنەدرێت بازرگانی پێوەبكرێت.

نازم عبدوڵا جاف، جێگری سەرۆكی كۆمەڵەی كێڵگە پەلەوەریەكان لەشاری سلێمانی بۆ (خەڵك) ڕایگەیاند، لەئیستادا نەخۆشی نیوكاسڵ و ئایبی و گەمبۆرۆ ڕویكردۆتە مریشك و جوچكی ناو پڕۆژەكانی بەخێوكردنی مریشك، كە زیانێكی زۆری لەبەرهەمی ناوخۆیی داوە و ترسی زۆرمان هەیە ڕێژەكە زیاتربێت.

ڕاشیگەیاند، گومانی زۆرمان هەیە لەسەر دەرمانی كوتانی بەرگری مریشك، پاش ئەو كوتانە مریشكەكان لەدوای پێنج ڕۆژ نەخۆش دەكەون و مردار دەبنەوە.

جەخت دەكاتەوە، پێویستە حكومەت ڕێگری تەواو بكات و ڕێگەنەدات ئەو كوتانی مریشكە لە وڵاتانی دراوسێوە بازرگانەكان بیهێنن و لەهەموو دوكانێك دەست بكەوێت كە ئەمە مەترسیە لەسەر بەرهەمی ناوخۆی پەلەوەر بۆیە حكومەت خۆی پێویستە ئەو كوتانە دابینبكات و بەبڕێك پارە بیداتەوە بەخاون كێڵگە پەلەوەریەكان تا حكومەت دڵنیابێت لەكوالێتی باشی كوتامەكە و خاوەن كێڵگەكانیش بێ دوودڵی بەكاری بهێنن.

ئاماژەی بەوەشدا، لەماوی ١٥ ڕۆژدا ٣ ملیار دینار زیان بەر خاون كێڵگە پەلەوەریەكان گەیشتووە لە سەرتاسەری كوردستان گەر ڕەوشەكە وا بەردەوامبێت زیانەكان بەرز دەبێتەوە بۆ ٣٠ ملیار دینار، كە بەهۆی نەخۆشیەكەوە نزیكەی ٥ ملێۆن مریشك و جوچك لە لەسەرتاسەری كوردستان مردار بوونەوە.

لەئێستادا خاوەن كێڵگە پەلەوەریەكان گیرۆدەن بەدەست نەخۆشی نیوكاسڵ و ئایبی و گەمبۆرۆ، كە ئەم نەخۆشیانە ساڵانە هەن و زیان بە پەلەوەر دەگەیەنن.

بەردەوام بە لە خوێندنەوە

کوردستان