ئێمە لە تۆرە کۆمەڵایەتیەکان

کوردستان

چەند بەڕێوەبەرایەتییەك لە سلێمانی هەڵوەشێنرانەوە

خەڵك – بەشی هەواڵ
بەڕێوەبەرایەتی گشتی پاسپۆرت و ناسنامەی باری شارستانی و مانەوەی وەزارەتی ناوخۆی عیراق ڕایدەگەیەنێت، لە سنوری پارێزگای سلێمانی چەند بەڕێوەبەرایەتییەك هەڵدەوەشێنرێنەوە و لەگەڵ فەرمانگەی دیكە یەكدەخرێن، دەشڵێت: “بڕیارەكەش لە پێناو ئامادەكاریە بۆ دەركردنی كارتی نیشتمانی بۆ هاووڵاتیان”.

نەشئەت خەفاجی، بەڕێوەبەری گشتی پاسپۆرت و ناسنامەی باری شارستانی عیراق لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، لە دواین كۆبوونەوەیاندا بڕیاریان داوە، كە كاری بەڕێوەبەرایەتیەكانیان لە سنوری شارەدێی سیوەیل ڕابگیرێت و بخرێتە نێو فەرمانگەی باری شارستانی شارباژێڕەوە.

ڕاشیگەیاندووە، كاری بەڕێوەبەرایەتی باری شارستانی چناران ڕادەگیرێت و دەخرێتە سەر بەڕێوەبەرایەتی باری شارستانی دوكان و لە سنوری شارەدێی بنگردیش كارەكانی بەڕێوەبەرایەتی باری شارستانی ڕادەگیرێت و لەگەڵ بەڕێوەبەرایەتی باری شارستانی ڕانیەدا یەكدەخرێن.

ئەوەشخراوەڕوو، بڕیارەكە لە 30-10-2019 دەركراوە وەك ئامادەكاریەك بۆ دەركردنی كارتی نیشتمانی بۆ هاووڵاتیان.

کوردستان

ئەمریكا دوو لیوای دیكەی وەزارەتی پێشمەرگە پڕچەك دەكات

خەڵك – بەشی هەواڵ
سەرچاوەیەكی باڵا لە وەزارەتی پێشمەرگە ڕایدەگەیەنێت، ئەمریكا لە چوارچێوەی هاوكارییە بەردەوامەكانی بۆ پێشمەرگە بەم نزیكانە دوو لیوای دیكە پڕ چەك دەكات و سەرجەم پێداویستیە سەبازیەكانی بۆ دابین دەكات، دەشڵێت: “لیوای 14 و 16 ئەو دوو لیوایە دەبن، كە ئەمجارە پڕ چەك دەكرێن”.

سەرچاوەیەكی باڵا لە وەزارەتی پێشمەرگە بە (خەڵك)ی ڕاگەیاند، لەماوەی ڕابردوودا هێزەكانی ئەمریكا و هاوپەیمانان لە چوارچێوەی هاوكاریەكان بۆ هێزی پێشمەرگە هەردوو لیوای یەك و دوویان پڕ چەك كرد و تەواوی پێداویستیە سەربازیەكانیان بۆ دابین كردن.

وتیشی، “وەزارەتی پێشمەرگە ئەوەی یەكلاكردەوە، كە ئەو پێداویستیە سەربازیانەی بڕیارە بۆ دوو لیوای دیكەی وەزارەتی پێشمەرگە لە لایەن ئەمریكاوە دابین بكرێت بۆ هەردوو لیوای 14 و 16ی وەزارەتی پێشمەرگە بێت”.

ڕاشیگەیاند، پێشتر هاوكاریەكەی هێزەكانی ئەمریكا بۆ پێشمەرگە هەردوو لیوای 1 و2ی پێ پڕچە كرا و تەواوی پێداویستیەكانی بۆمان هات درانە ئەو دوو لیوایە.

بەردەوام بە لە خوێندنەوە

کوردستان

سەعدی‌ پیرە لە ئەوروپا پۆستێكی پێ درایەوە

خەڵك – بەشی هەواڵ
ئەندامێكی مەكتەبی‌ سیاسی‌ یەكێتی‌ نیشتیمانی‌ كوردستان بە بەدەست هێنانی 88 دەنگ لە كۆی 100 دەنگ وەك ئەندامی‌ بۆردی‌ سەرۆكایەتی‌ هاوپەیمانی‌ پێشكەوتخوازی‌ سوید هەڵبژێردرایەوە.

میدایی فەرمی یەكێتی بڵاویكردەوە سەعدی‌ پیرە، ئەندامی مەكتەبی‌ سیاسی‌ یەكێتی‌ نیشتیمانی‌ كوردستان لەكۆنفرانسێكدا لەسوید، كە بەمەبەستی‌ دانانەوەی‌ بۆردی‌ هاوپەیمانی‌ پێشكەوتوخوازی‌ سوید ڕێكخرابوو، دەنگی پێویستی هێنا و وەك ئەندامی‌ بۆردی‌ سەرۆكایەتی‌ هاوپەیمانی‌ پێشكەوتخوازی‌ سوید هەڵبژێردرایەوە.

ڕاشیگەیاندووە، لە كۆنفرانسێكدا دەنگدان بۆ ئەندامانی‌ سەرۆكایەتی‌ بۆردی‌ هاوپەیمانی‌ پێشكەوتخوازی‌ سوید كرا و لە كۆی ١٠٠ كەس، كە بەشداری دەنگدانیان كرد، سەعدی پیرە دەنگی ٨٨ كەسی بەدەستهێنا.

بەردەوام بە لە خوێندنەوە

کوردستان

فڕۆكە جەنگییەكانی توركیا قەندیل بۆردومان دەكەن

خەڵك – بەشی هەواڵ
فڕۆكە جەنگییەكانی سوپای توركیا ئەمڕۆ بۆ ماوەی چەند كاتژمێرێك شاخی قەندیل-یان بۆردوومان كرد، هێشتا هیچ لەبارەی زیانەوەكانەوە نەزانراوە.

ئێوارەی ئەمڕۆ هەینی 15-11-2019 فڕۆكە جەنگییەكانی سوپای توركیا بۆ ماوەی 3 كاتژمێر بۆردومانی بناری قەندیل-یان كرد.

بە پێی زانیارییەكان، هێشتا بۆردومانەكان بەردەوامی هەیە، هیچ زانیارییەك لەبارەی زیانەوەكانەوە ئاشكرانەكراوە.

بە بەردەوامی و بەبیانوی بوونی بارەگاكانی پارتی كرێكارانی كوردستان لە ڕێگەی فڕۆكەوە سوپای توركیا بۆردومانی بناری قەندیل لە باشووری كوردستان دەكات و بەهۆی بۆردومانەكانەوە زیان بەر هاووڵاتی سڤیلی ئەو ناوچانە دەكەوێت.

بەردەوام بە لە خوێندنەوە

کوردستان