ئێمە لە تۆرە کۆمەڵایەتیەکان

جیهان

ئێران: دەبێت ئەمریكا دەست لە سیاسەتە شكستخواردووەكەی هەڵبگرێت

خەڵك-بەشی هەواڵ

وەزیری دەرەوەی ئێران ڕایدەگەیەنێت، ئەمریكا لە جیاتی دروستكردنی كێشەی زیاتر بۆ خۆی، دەبێت دەست لە سیاسەتە شكستخواردووەكەی هەڵبگرێت.

دوای گەمارۆ نوێكانی ئەمریا بۆ سەر ئێران، موحەمەد جەواد زەریف وەزیری دەرەوەی ئێران لە هەژماری خۆی لە تویتەر بڵاویكردەوە، ئێرانییەكان هەرگیز خۆیان ڕادەستی زۆربڵێی ناكەن.

وتیشی”سەپاندنی تیرۆریزمی ئابووری بەسەر فەرمانبەرانی كەرتی بیناسازی ئێران، تەنیا نیشانەی سەرنەكەوتنی سیاسەتی گوشارە فراوانەكانە”.
ئاماژەی بۆ ئەوەش كرد، ئەمریكا ئەگەر هەر پیاو و ژن یان منداڵێك گەمارۆ بدات، ئێرانییەكان هیچ كات چۆك دانانەوێنن لە بەرانبەر زۆربڵێیدا، هەربۆیە ئەمریكا لەبری دروستكردنی كێشەی زیاتر بۆ خۆی، دەبێت دەست لە سیاسەتە شكستخواردووەكەی هەڵبگرێت و بگەڕێتەوە بۆ ڕیێككەوتنی ئەتۆم.

جیهان

جارێكی تر پێكهێنانی حكومەتی نوێی ئیسڕائیل شكستیهێنا

خەڵك – بەشی هەواڵ

دوای شكستهێنانی بنیامین ناتانیاهۆ لە پێكهێنانی حكومەت، بێنی گانتز، سەركردەی پارتی ڕكابەریش شكستهێنانی خۆی لە پێكهێنانی حكومەت بە سەرۆكی وڵاتەكەی ڕاگەیاند.

ئەمڕۆ چوارشەممە چەند كاتژمێرێك بەر لەكۆتاییهاتنی وادەی پێكهێنانی حكومەتی نوێی ئیسڕائیل، بێنی گانتز، سەركردەی پارتی شین و سپی ئیسڕائیل بە ڕیوڤین ڕیڤلین، سەرۆكی وڵاتی ڕاگەیاند، پارتەكان ناگەنە ڕێككەوتن و ناتوانن حكومەتی داهاتوو پێكبهێنن.

هاوكات، ئەڤیگدۆر لیبەرمان، وەزیری بەرگریی پێشووی ئیسرائیل كە هەڵوەشانەوەی حكومەت بە دەستلەكاركێشانەوەی ئەو دەستیپێكرد، دەڵێت: ئەو لەگەڵ هیچ كامیاندا نییە، نە پشتگیری لە پارتی ناتانیاهۆ دەكات و نە لە پارتەكەی بێنی گانتز.

جێی ئاماژەیە، لەماوەی ساڵێكدا ئەمە دوووەمجارە هەڵبژاردن دەكرێت و ئەوانەی بۆ پێكهێنانی حكومەت ڕادەسپێردرێن كە هەریەك لە بنیامین ناتانیاهۆ و بێنی گانتزن و شكستهێنانیان بە سەرۆكی وڵات ڕادەگەیێنن.

بەردەوام بە لە خوێندنەوە

جیهان

كەشتیگەلی ئەبراهام لینكۆڵن گەرووی هورمزی تێپەڕاند

خەڵك – بەشی هەواڵ

بە فەرمانی دۆناڵد ترەمپ سەرۆكی ئەمریكا كەشتیگەلی  ئەمریكی ئەبراهام لینكۆڵن، بۆ یەكەمجار لە پاش ناردنی بۆ ڕۆژهەڵاتی ناوەراست گەرووی هورمزی تێپەڕاند.

هێزی دەریایی ئەمریكا ڕایگەیاند: كەشتیگەلی  ئیبراهام لینكۆڵن بە گەرووی هورمزدا تێپەڕیوە و بەرێوەیە بۆ كەنداو.
ئەمەش لە كاتێكدایە، كەشتییەكە لە مانگی ئایاردا بۆ ڕۆژهەڵاتی ناوەڕاست گواسترایەوە و تائێستا لە دەریای عەرەبدا مابووەوە دوور بوو لەو ڕێڕەوەی سنووری لەگەڵ ئێراندا، چاوەڕوانیش دەكرێت ناردنی ئەو كەشتیگەلە لەلایەن ئیدارەكەی ترەمپەوە بۆ كەنداو گرژییەكانی نێوان تاران و واشنتۆن زیاتر بكات.

بەردەوام بە لە خوێندنەوە

جیهان

ڕۆژنامەیەك: پۆمپیۆ دەستلەكاردەكێشێتەوە

خەڵك- بەشی هەواڵ
ڕۆژنامەی (تایم)ی ئەمریكایی بڵاویكردۆتەوە، مایك پۆمپیۆ، وەزیری دەرەوەی ئەمریكا بەنیازە دەست لە پۆستەكەی بكێشیتەوە بۆ خۆكاندیدكردن لە هەڵبژاردنەكانی ئەنجوومەنی پیرانی سەر بە كۆنگرێسی ئەمریكا.

ڕۆژنامەی (تایم) لە ژمارەی ئەمڕۆیدا لە زاری سێ‌ سیاسەتمەداری كۆمارییەوە بڵاویكردۆتەوە، “پۆمپیۆ بەنیازە لەسەر ویلایەتی كانزاس، خۆی بۆ هەڵبژاردنەكانی ئەنجوومەنی پیران كاندید بكات لە ساڵی 2020”.

بە وتەی ئەو سیاسەتمەدارانە، كە دەڵێین قسەیان لەگەڵ پۆمپیۆ كردووە و بۆخۆی پێی ڕاگەیاندوون، “لەسەرەتاوە پلانی وابووە لە پۆستی وەزیری دەرەوەدا بمێنێتەوە تا سەرەتای بەهاری داهاتوو، بەڵام ڕووداوەكانی ئەم دواییە بە لێكۆڵینەوەكانی كۆنگرێسی تایبەت بە لەسەركارلابردنی ترەمپ، زیانی سیاسی بە وەزیری دەرەوە گەیاندووە و وایكردووە پەیوەندییەكانی لەگەڵ سەرداری كۆشكی سپی تێكبچێت”.

هەر بەپێی ڕۆژنامەكە، ئەو پەرەسەندنانە وایان كردووە، پۆمپیۆ پێداچوونەوە بە پلانەكانیدا بكاتەوە، “وادەی دەستلەكاركێشانەوەكەشی لەئێستادا بەندە بە تواناكانی بۆ ڕێكخستنی ڕێوشوێنەكانی پاشەكشەكردنی لە ئیدارەی ئێستای ئەمریكا”.

بەردەوام بە لە خوێندنەوە

کوردستان