ئێمە لە تۆرە کۆمەڵایەتیەکان

کوردستان

سەرۆكی هەرێم پیرۆزبایی لە شارەكانی سنە و سلێمانی دەكات

خەڵك-بەشی هەواڵ

سەرۆكی هەرێمی كوردستان ڕایدەگەیەنێت، دەستنیشانكردنی سلێمانی وەك شارێكی داهێنەری ئەدەبی لە یۆنسكۆ شانازییە و زۆر خۆشحاڵی كردم.

نێچیرڤان بارزانی سەرۆكی هەرێمی كوردستان بەبۆنەی دەستنیشانكردنی سلێمانی و سنە وەكو شاری داهێنەر لە لایەن یونسكۆوە لە تویتێكدا ئاشكرایكرد، دەستنیشانكردنی سلێمانی وەك شارێكی داهێنەری ئەدەبی لە یۆنسكۆ شانازییە و زۆر خۆشحاڵی كردم.

دەشڵێت”بە گەرمی پیرۆزبایی و دەستخۆشی لە ئەدیبان و نووسەرانی سلێمانی خۆشەویست دەكەم و پیرۆزبایی و دەستخۆشی بۆ هونەرمەندانی سنەی ئازیز كە وەك شاری داهێنەری میوزیك دەستنیشان كرا”.

ڕێكخراوی یونسكۆ شارەكانی سلێمانی لە باشوور و سنە لە ڕۆژهەڵاتی كوردستانی لە ڕیزی 66 شاری داهێنەر لەسەر ئاستی جیهان دەستنیشان كرد و بە گوێرەی ڕاگەیەندراوەكەی یونسكۆش، شاری سلێمانی بۆ داهێنان لە بواری ئەدەب و شاری سنەش لە بواری میوزیك وەكو دوو شاری داهێنەر دەستنیشان كراون.

کوردستان

مەسرور بارزانی پرسەنامەیەكی بۆ بنەماڵەی شێخ عوسمانی سیرێ‌ نارد

خەڵك- بەشی هەواڵ

مەسرور بارزانی، سەرۆكی حكومەتی هەرێمی كوردستان بەبۆنەی كۆچی دوای شێخ عوسمانی سیرێوە پرسەنامەیەكی بۆ كەسوكار و بنەماڵەكەی نارد.

دەقی پرسەنامەكە:

بەداخەوە هەواڵی كۆچی دوایی كەسایەتی ناسراوی ئاینی و كۆمەڵایەتی (شێخ عوسمانی سیرێ) م بیست . پرسە و سەرەخۆشی لە بنەماڵە بەڕێزەكەیان دەكەم و هیوادارم خودای مەزن بە بەهەشتی شاد بكات و ئارامی و دڵنەواییش بە كەسوكاری ببەخشێت.

مەسرور بارزانی
سەرۆكی حكومەتی هەرێمی كوردستان

بەردەوام بە لە خوێندنەوە

کوردستان

ڕوداوێكی هاتوچۆ لە نێوان ماتۆڕسكیلێك و ئۆتۆمبێلێكدا رویدا

خەڵك- بەشی هەواڵ

لەپێكدادانی نێوان ئۆتۆمبێلێك و ماتۆڕسكیلێكدا لەگەڕەكی سەركەوتنی قەزای كەلار شۆفێری ماتۆڕ سكیلەكە بەسەختی برینداربوو.

پۆلیسی هاتوچۆی گەرمیان لە ڕاگەیەنراوێكدا نوسیویەتی”نیوەڕۆی ئەمڕۆ هەینی بەهۆی پێكدادانی ئۆتۆمێلێكی جۆری لاندكرۆزەر و ماتۆڕسكیلێك لەگەڕەكی سەركەوتنی قەزای كەلار، شۆفێری ماتۆڕ سكیلەكە بەسەختی برینداربوو، دەست بەجێ بریندارەكە گەیەنرایە نەخۆشخانەی فریاكەوتنی شەهید هەژار”.

هەر لە ڕاگەیەنراوەكەدا هاتووە”بەهۆی سەختی برینەكەیەوە ڕەوانەی نەخۆشخانەی فریاكەوتنی سلێمانی كرا، لێكۆڵینەوە لەلایەن تیمی هاتوچۆوە لەڕوداوەكە دەستی پێكردوە.”

هەروەها نوسراوە”بریندارەكە ناوی (ا، ع، م) ە، لەدایك بوی ساڵی2003 یە و پیشەی كاسبە، دانیشتوی گەڕەكی شەهیدانی قەزای كەلارە.”

بەردەوام بە لە خوێندنەوە

کوردستان

كۆنگرەی حزبی زەحمەتكێشانی كوردستان دەستی پێكرد

خەڵك- بەشی هەواڵ

ئەمڕۆ هەینی كۆنگرەی دەیەمی حزبی زەحمەتكێشانی كوردستان دەستیپێكرد و دەستكاری هەیكەلی حزبەكە دەكرێتەوە.

هندرێن شێخ ڕاغب، وتەبێژی كۆنگرەی دەیەمی حزبی زەحمەتكێشانی كوردستان بە (خەڵك)ی ڕاگەیاند، كۆنگرەیەكی ئاساییە و بەپێی پەیڕەوی ناوخۆ هەموو دوو ساڵ جارێك دەبەسترێت.

وتیشی”دەستەی سەرۆكایەتی و مەكتەبی سیاسی و سەركردایەتی نامێنن، ئەنجومەنێكی سیاسی دروست دەكرێت و دواتر ئەنجونەكە بەپێی پێداویستی ئۆرگانەكانی حزب، مەكتەبی سیاسی و سەركردایەتی دیاری دەكات و هەروەها دەسەڵاتی لێپرسینەوەشی دەبێت”.

بەردەوام بە لە خوێندنەوە

کوردستان