ئێمە لە تۆرە کۆمەڵایەتیەکان

کوردستان

سەرتاشخانەیەك لە بەختیاری و ماركێتێك لەگەڕەكی ئیبراهیم ئەحمەد داخران

خەڵك – بەشی هەواڵ
لیژنەكانی چاودێری تەندروستی سلێمانی ڕایدەگەیەنێت، بەهۆی جێ بەجێ نەكردنی مەرجەكان و نەبوونی مۆڵەتنامەی تەندروستی سەرتاشخانەیەك لەگەڕەكی بەختیاری و ماركێتێك لەگەڕەكی ئیبراهیم ئەحمەد داخران.

لیژنەكانی چاودێری تەندروستی سلێمانی لە ڕاگەیەنراوێكدا، كەوێنەیەكی بۆ (خەڵك) ناردووە ڕایگەیاندووە، بەیانی ئەمڕۆ 31-10-2019 لەگەڕەكی بەختیاری لیژنەكانمان هەستان بەداخستنی سەرتاشخانەیەك، كە لەلایەن لیژنەكانی مەڵبەندی تەندروستی بەختیارییەوە بڕیار لەسەر داخستنی دراوە.

هاوكات ڕاشیگەیاندووە، لەگەڕەكی ئیبراهیم ئەحمەد سەروو مزگەوتی بەهەشت ماركێتێك داخرا، كە لەلایەن لیژنەكانی مەڵبەندی تەندروستی قەیوانەوە بڕیار لەسەر داخستنی درا، بەهۆی جێ بەجێ نەكردنی مەرجەتەندروستی و نەبوونی مۆڵەتنامەی تەندروستی.

ئاماژەبۆ ئەوەشكراوە، ئاگاداری هەر دوو شوێنەكە كراوە، كە تا مەرجە تەندروستییەكان جێ بەجێ نەكەن شوێنەكانیان بۆ ناكرێتەوە.

وێنەی ‏Sulaymaniyah Healthcare چاودێری ت. سلێمانی‏.

کوردستان

هەرێمی كوردستان هەل بۆ وەبەرهێنەرە ئیسپانییەكان دەڕەخسێنێت

خەڵك- بەشی هەواڵ

ئەمڕۆ نێچیرڤان بارزانی سەرۆكی هەرێمی كوردستان لەگەڵ باڵیۆزی ئیسپانیا لە عێراق خوان خوسیە ئیسكوبار و شاندێكی بازرگانیدا كۆبووەوە.

بەپێی راگەیەندراوی سەرۆكایەتی هەێمی كوردستان، نێچیرڤان بارزانی جەختیكردووە لەسەر پەرەدان بە پەیوەندییەكانی هەرێمی كوردستان و ئیسپانیا بە تایبەت لەلایەنی ئابووری و بازرگانییەوە.

وتیشی: هەرێمی كوردستان ئامادەیە بۆ پێشكەشكردنی سەرجەم پشتیوانی و كارئاسانی كەرتی تایبەت و وەبەرهێنەرانی ئیسپانی بۆ رەخساندنی هەلی كار و وەبەرهێنان لە هەرێم و بەشداریكردن لە كەرتی ئابووری لە كوردستان.

هەردوولایەن تاوتوێی رەوشی گشتی ناوچەكە، پرۆسەی سیاسی عێراق، پەیوەندییەكانی هەرێم و بەغدا و چارەسەركردنی كێشەكانیان، ڤایرۆسی كۆرۆنا و مەترسییەكانی تیرۆر و دۆسێ گرنگەكانی دیكەیان كرد.

بەردەوام بە لە خوێندنەوە

کوردستان

ئامادەكاری بۆ وەرزی نوێی كۆرۆنا و پەتا دەكرێت

خەڵك-ئارام سەردار

بەڕێوەبەری گشتی دیوانی وەزارەتی تەندروستی ڕایدەگەیەنێت، ئامادەكاری كراوە بۆ ئەم وەرزە، چونكە پێشبینی دەكرێت ژمارەی تووشبووان زیاتر بێت و تێكەڵ بێت لەگەڵ ئەنفلۆنزای وەرزی، بۆیە پێویستە هاوڵاتیان پابەندی ڕێنماییەكان بن.

خاڵس قادر، بەڕێوەبەری گشتی دیوانی وەزارەتی تەندروستی لەبارەی ئەگەرەكانی زیاتربوونی ژمارەی تووشبووانی كۆڕۆنا بە(خەڵك)ی ڕاگەیاند، تاوەكو ئێستا كۆڕۆنا لەكوردستان لەبڵاوبوونەوەی بەردەوامدایە، بەڵام لەپارێزگایەك بۆ پارێزگایەكی تر جیاوازە ئەگەر بەراوردی بكەین لەگەڵ هەفتەی ڕابردوو لەدهۆك زۆرترین حاڵەت تۆمار دەكرێت، هەولێر كەم بۆتەوە و لەسلێمانیش ماوەیەكی زۆرە كەم بۆتەوە دوای ئەوەی ژمارەی تووشبووان گەیشتە لوتكە، دەتوانین بڵێین بڵاوبوونەوەی كۆڕۆنا لەژێر كۆنتڕۆڵدا نییە و هۆكاری بەردەوامی بڵاوبوونەوەش بەهۆی پابەند نەبوونی هاوڵاتیان و كرانەوەی زۆر و ئاسایی بوونەوەی ژیانە، لەكاتێكدا پێشبینی دەكرا ژمارەكان كەمتر بن.

دەشڵێت: ڕاستە ئێستا ژمارەی تووشبووان كەمتر بووە لەهەندێ پارێزگا، چونكە خەڵكێكی زۆر تووشی بوون و ڕۆژانەش ژمارەی تووشبووان بەردەوامە و لەكۆی گشتی هەرێمی كوردستان ژمارەكان زۆرە و لەبڵاوبوونەوەی فراوانداین.

خاڵس قادر ڕونیشیكردەوە، كارێكی باشە خەڵك ترسی نەبێت، بەڵام پێویستە بەهۆشیاری مامەڵە بكرێت و ڕێنماییەكان جێبەجێ بكرێن، چونكە هەموو پەتایەك بڵاودەبێتەوە لایەنی ترس هەبێت خراپە، بەڵام ناشبێت بەسلبی مامەڵەبكرێت و دەمامك فڕێ بدرێت و قەرەباڵغی دروست بكەی، یان تەوقەبكرێت، بۆیە ژیان ئاسایی كردنەوە بە پابەندبوونی ڕێنماییەكانە.

باسی لەوەشکرد، هەماهەنگیمان کردوە لەگەڵ عێراق تاوەکو ڤاکسنی دژی ئەنفلۆنزای وەرزی بەردەست بێت بدرێت بەگروپە مەترسیدارەکان.

بەردەوام بە لە خوێندنەوە

ئابوری

بەگوژمەى ١٦٠ ملیۆن دینار پڕۆژەیەک لەهەولێر ئەنجامدەدرێت

هەولێر-ئارام سەردار

 

جێگری پارێزگاری هەولێر ڕایدەگەیەنێت، پڕۆژە خزمەتگوزاریەکان بەردەوامە و بەگوژمەی ١٦٠ ملیۆن دینار چەند شەقامێکی شارەدێی دارەتوو قیرتاو دەکەن.

مەسعود کاڕەش، جێگری پارێزگاری هەولێر بۆ کاروباری هونەری لەکۆنفڕانسێکی ڕۆژنامەوانیدا ڕایگەیاند، پڕۆژکان بەردەوامە لەسەرجەم سێکتەرەکانی ئاو و کارەبا و ڕێگاوبان و ئاوەڕۆ، ئەمڕۆش یەکێک لەپڕۆژەکانمان لەدارەتوو بەسەرکردەوە، کە بەهۆی نەبوونی بوودجە پڕۆژەی جووت سایدی ناو شارەدێی دارتوو وەستابوو، ئاستەنگی زۆری دروست کردبوو بۆ هاوڵاتیان، بەخۆشحاڵیەوە توانیمان بە گوژمەیەکی کەم تەواوی جووت سایدەکە قیرتاو بکرێت و هاوڵاتی سوودی لێ ببینن، کە گوژمەکەی نزیکەی ١٦٠ ملیۆن دینار بوو، دوو شەقامی تریشی لەگەڵ قیرتاو دەکەن.

دەشڵێت، لەپڕۆژەکان بەردەوام دەبن بەپێی بوودجەی بەردەست تاوەکو هاوڵاتیان سوودمەند بن لە پڕۆژەی خزمەتگوزاری ئاو وکارەبا و ڕێگاو بان لەشار و شارۆچکەکان، کۆمەڵێک پڕۆژەش لە بەرنامەدان ئەو شوێنانە قیرتاو دەکرێن کە پێویستن بەر لەوەرزی زستان.

 

سەبارەت بە کێشەی شکانی بۆڕی ئاوی ئیفرازو گرانکردنی نرخی تانکەری ئاو وتی، ئومێدمان وایە جارێکی تر ئەو بۆڕیە نەشکێت، ئەمجارەش بەهۆی گواستنەوەی بۆڕیەکە لەژێر ڕێگای گۆپاڵ وای لێهات و شکا، ئەوەی ڕوویدا ڕەنگە جارێکی تر بەم کاتە زۆرە ڕوونەداتەوە، دەشبێت نرخ بۆ تانکەرەکان دیاری بکرێت.

بەردەوام بە لە خوێندنەوە

کوردستان