ئێمە لە تۆرە کۆمەڵایەتیەکان

کوردستان

یەكگرتوو لەسەر كەركوك وەڵامی بزووتنەوەی ئیسلامی دەداتەوە

خەڵك-بەشی هەواڵ

ئەندامێكی ئەنجومەنی پارێزگای كەركوك لە فڕاكسیۆنی یەكگرتوو ڕایدەگەیەنێت، بەهۆی ئەو كیشانەی بۆ سەرۆكی ئەنجومەنی پارێزگای كەركوك دروست كرا، نەیدەتوانی داوای كۆبوونەوەی ئەنجومەن بكات.

هەرچەندە كورد بۆ دانانی پارێزگارێكی كورد ڕێككەوتن، بەڵام بەهۆی كۆنەبوونەوەی ئەنجومەنی پارێزگار و ناكۆكی نێوان نەتەوەكانی شارەكە، دانانی پارێزگار دواكەوت و پەڕلەمانی عیراقیش ئەنجومەنەكانی هەڵوەشاندەوە و بەو پێیەش تا هەڵبژاردنەكانی داهاتوو كورد پارێزگاری كەركوك لەدەست دەدات.

جوان حەسەن ئەندامی ئەنجومەنی پارێزگای كەركوك لە فڕاكسیۆنی یەكگرتوو بە (خەڵك)ی ڕاگەیاند، لە كۆبوونەوەی ئەنجومەندا سەرۆكی ئەنجومەن تاكە كەسێكە و ئەگەر داوای كۆبوونەوەش بكات، ئەندامان ئامادە نەبن، داواكارییەكەی هیچ سیفەتێكی نامێنێت.
وتیشی”ڕێبوار تاڵەبانی كێشەی یاسایی لەسەر بوو، بەهۆی ئەوەی كۆمەڵێك مەلەفاتیان هێنایە پێشەوە بۆ ئەوەی فەسڵی بكەن و دەری بكەن، بەڵام بۆیان نەچووەسەر”.

ئاماژەی بۆ ئەوەش كرد، لە ئەنجومەن بە كۆدەنگی و ڕێككەوتنی سیاسی كار دەكرێت، سەرۆك تەنها ئیدارەی كۆبوونەوەكان دەكات، ڕێبوار تاڵەبانی داوای كۆبوونەوەش بكات، ئەندامانی یەكێتی و عەرەب و توركمانەكان نەدەچوونە هەولێر، چونكە سەرۆكی ئەنجومەن فەرمانی دەستگیركردنی هەبوو.

ڕوونیشیكردەوە، دەبێت 21 كەس ئامادەی كۆبوونەوەی ئەنجومەن بێت، بۆیە نە یەكێتی توانی لە كەركوك كۆبوونەوە بكات، نە پارتیش بە سەرۆكەوە توانی لە هەولێر كۆبوونەوە بكات، دوای 16ی ئۆكتۆبەریش بە دەیان جار بانگەشەی كۆبوونەوە كرا، بەڵام ڕێژەی یاسایی تەواو نەبوو، چونكە عەرەبەكانی نێو كەركوك زۆركات لەگەڵ بەستنی كۆبوونەوە نەبوون، توركمانەكانیش بوون بە سێ بەشەوە و كورد و مەسیحییەكانیش كەمینەن و ناتوانین كۆبوونەوە بكەین.

جوان حەسەن ڕاشیگەیاند، بەپێی بەرنامەی كاریش سەرۆكی ئەنجومەن داوای كۆبوونەوەی كردووە لە سنووری پارێزگای كەركوك ئەویش لەبەر باری ئەمنی، بەڵام عەرب و توركمان و یەكێتییەكان ئاشكرایانكرد، لەناو بینای پارێزگار نەبێت ناچینە ئەو كۆبوونەوە، بۆیە تاوانەكە لە كەسەكەدا نییە بەڵكو لە ئالیەتی یاسایی كارەكەدایە.

پێشتر حەسەن شێخانی بەرپرسی مەڵبەندی كەركوكی بزووتنەوەی ئیسلامی بە (خەڵك)ی ڕاگەیاند، بەم دۆخەی ئێستاوە و بەم ڕێكنەكەوتنەی پارتی و یەكێتی و پەرتەوازەیی نێوماڵی كورد و شێواندنی دۆخی ئێستای بەغدا وایكردووە كورد نەگەڕێتەوە بۆ دەسەڵات لە كەركوك.

وتیشی”سەرۆكی ئەنجومەنی پارێزگای كەركوك لە برایانی یەكگرتووی ئیسلامی كوردستان بوو بۆچی داوای نەكرد كۆبوونەوەیەكی ئەنجومەن ئەنجام بدرێت، بەشێكی ڕێكنەخستن و هەڵبژاردن و دانانی پارێزگار دەكەوێتە ئەستۆی یەكگرتووی ئیسلامی كە سەرۆكی ئەنجومەن لەوانە و نەهاتن كۆبوونەوەیەكی ئەنجومەن ئەنجام بدەن”.

کوردستان

وەزیری تەندروستی بۆ (خەڵك): نزیكەی دوو هەزار كەس بەهۆی كۆرۆناوە كەرەنتینە كراون

سلێمانی – نزار جەزا
وەزیری تەندروستی ڕایدەگەیەنێت، تا ئێستا هەزار و 850 كەس لە 21 شوێنی هەرێمی كوردستاندا خراونەتە ژێر چاودێری تەندروستییەوە.

د. سامان بەرزنجی، وەزیری تەندروستی حكومەتی هەرێمی كوردستان بە (خەڵك)ی ڕاگەیاند، تا ئێستا هەزار و 850 كەس بۆ دڵنیابوون لە تەندروستییان لە 21 شوێندا خراونەتەوە ژێر چاودێرییەوە.

ئەوەشی خستەڕوو، كە لەو ژمارەیە 838 كەس لە هەولێر، 400 لە سلێمانی، 413 لە دهۆك، 150 لە گەرمیان، 43 لە هەڵەبجە و لە كۆیەش 6 كەس خراونەتە ژێر چاودێری تەندروستییەوە.

وەزیری تەندروستی ئاماژەی بەئەوەشدا، كە دوێنێ لە هەموو هەرێمی كوردستاندا تەنیا 37 نمونەی پشكنین لە كەسانی گومانلێكراو وەرگیراوە، لەو ژمارەیەش ئەنجامی 35 كەسیان دەركەوتووە، كە هەڵگری كۆرۆنا نەبوون و دووانەكەی دیكەش هێشتا ئەنجامەكانیان دەرنەچووە.

بەردەوام بە لە خوێندنەوە

کوردستان

وەزارەتی پەروەردەى هەرێم ڕوونكردنەوەیەك بڵاودەكاتەوە

خەڵك- بەشی هەواڵ
وەزارەتی پەروەردەی حكومەتی هەرێم ڕوونكردنەوەیەك سەبارەت بە دەنگۆی “بێڕێزی كردن بە مامۆستایانی ئایینی” بڵاودەكاتەوە و ڕەتی دەكاتەوە هیچ بێڕێزییەك كرابێت و دەشڵێت: “لەبەرامبەریشدا ڕێگا نادەین بەهیچ كەسێك بێڕێزی و سوكایەتی بە ناوەندەكانی خوێندن و مامۆستایان و قوتابیان و خوێندكاران بكات”.

بەڕێوبەرایەتی گشتی پەیمانگاكان و مەشق كردن لە وەزارەتی پەروەردە لە ڕوونكردنەوەكەدا ئاماژەی بەوەكردووە، كە ئەم هێرشە نارەوایە و وشە ناشرین و بێڕێزیانە بۆتە مایەی نیگەرانی مامۆستایان و خوێندكاران و قوتابیانی پەیمانگای هونەرە جوانەكان و ئێمە و گشت هونەرمەندان.

جەختیشی كردۆتەوە، ڕێگا نادەین هیچ كات ناوەندەكانی خوێندن بۆ ئەو بابەتانە بەكاربهێنرێت و بەهەمان شێوەش ڕێگا نادەین بەهیچ كەسێك بێڕێزی و سوكایەتی بە ناوەندەكانی خوێندن و مامۆستایان و قوتابیان و خوێندكاران بكات، بۆ ئەم مەبەستەش بەمافی خۆمانی دەزانین لە ڕێگای دادگاوە ڕێككاری یاسایی پێویست بگرینەبەر.

رونكردنەوەیەك لە بەڕێوبەرایەتی گشتی پەیمانگاكان و مەشق كردنی وەزارەتی پەروەردە:
چەند رۆژێك لەمەوبەر كەسێك هێرشێكی ناڕەوای كردە سەر پەیمانگاكانی هونەرەجوانەكان ، كەناوەندێكی فەرمی خوێندنە و سەر بە بەڕێوبەرایەتی گشتی پەیمانگاكانی وەزارەتی پەروەردەیە ، بەبێ ئەوەی هیچ جۆرە بێڕێزیەك بەرامبەر پێگەی مامۆستایانی ئاینی كرا بێت و بەبێ ئەوەی بەدواداچوون بكات لەگەڵ بابەتێكی دیكە تێكەڵی كردووە . ئەم هێرشە نارەوایە و وشە ناشرین و بێڕێزیانە بۆتە مایەی نیگەرانی مامۆستایان و خوێندكاران و قوتابیانی پەیمانگای هونەرە جوانەكان و ئێمە و گشت هونەرمەندان . هەموو لایەك دڵنیا دەكەینەوە كەهیچ حاڵەتێكی بێڕێزیكردن لە هیچ یەكێك لە پەیمانگاكانی هونەرە جوانەكانی ئێمە رووینەداوە ، ڕێگا نادەین هیچ كات ناوەندەكانی خوێندن بۆ ئەو بابەتانە بەكاربهێنرێت و بەهەمان شێوەش ڕێگا نادەین بەهیچ كەسێك بێڕێزیی وسوكایەتی بە ناوەندەكانی خوێندن و مامۆستایان و قوتابیان و خوێندكاران بكات ، بۆ ئەم مەبەستەش بەمافی خۆمانی دەزانین لە ڕێگای دادگاوە رێككاری یاسایی پێویست بگرینەبەر.

وەزارەتی پەروەردە
بەڕێوبەرایەتی گشتی پەیمانگاكان و مەشقكردن

بەردەوام بە لە خوێندنەوە

کوردستان

بۆ بەرگرتنە لە كۆرۆنا
چەند بازگەیەك لەنێوان دیالە و سلێمانی دادەنرێن

خەڵك- بەشی هەواڵ
سەرچاوەیەكی حكومی لە پارێزگەی دیالە ڕایدەگەیەنێت، چەند بازگەیەكی ئەمنییان لەنێوان پارێزگەكە و پارێزگەی سلێمانی داناوە بۆ ڕووبەڕووبوونەوەی نەخۆشی كۆرۆنا.

ئەمڕۆ شەممە، سەرچاوەیەكی حكومی بە میدیاكانی عیراقی ڕاگەیاند”هێزەكانی ئاسایشی كورد 8 بازگەی كاتییان لەسەر سنوری جیاكەرەوەی نێوان دیالە و سلێمانی داناوە، بە تایبەتیش لەسەر ڕێگەی خانەقین – كەلار، بۆ پكشنینی ئەو سەرنشینانەی كە لە دەروازە سنورییەكانی دیالە و پارێزگەكانی ترەوە گەڕاونەتەوە”.

بە وتەی سەرچاوەكە “ڕێوشوێنەكان وەرگرتنی زانیاریی تەواوەتی و دڵنیابوون لە باری تەندروستی هاووڵاتییان و پاشان گواستنەوەیان بۆ ناوەندە تەندروستییەكان بۆ پشكنین لەخۆدەگرێت”.

راشیگەیاند ئەم هەنگاوەش دوای ئەوە بوو كە لەماوەی چەند ڕۆژی ڕابردوودا سەدان كەس لە دانیشتووی هەرێمی كوردستان بە هۆی داخستنی مەرزەكانی هەرێم لەگەڵ ئێران، لە مەرزی مونزریەوە گەڕانەوە ماڵەكانیان”.

مەرزی مونزریە، كراوەیە بۆ پێشوازی لەو عیراقیانەی لە شارەكانی ئێرانەوە دەیانەوێت بگەڕێنەوە ناوچەكانی خۆیان لە پارێزگەكانی عیراق و هەرێمی كوردستان.

بەردەوام بە لە خوێندنەوە

کوردستان