ئێمە لە تۆرە کۆمەڵایەتیەکان

کوردستان

بزووتنەوەی ئیسلامی لەسەر كەركوك یەكگرتوو تۆمەتبار دەكات

خەڵك-بەشی هەواڵ

بەرپرسی مەڵبەندی كەركوكی بزووتنەوەی ئیسلامی ئۆباڵی دانەنانی پارێزگارێكی كورد بۆ كەركوك دەخاتە ئەستۆی یەكگرتووی ئیسلامی كوردستان.

دوای دەیان كۆبوونەوە، یەكێتی و پارتی ڕێككەوتن لەسەر دانانی كەسێكی كورد بۆ پارێزگاری كەركوك، بەڵام توركمان و عەرەبەكانی شارەكە ڕێگرییان لێكرد و كوردیش نەیتوانی ڕێككەوتنەكە بخاتە جێبەجێكردنەوە، ئەمەش لەكاتێكدایە پەڕلەمانی عیراق بە زۆرینەی دەنگ ئەنجومەنی پارێزگاكانی هەڵوەشاندەوە و بەوپێیە چیتر كورد ناتوانێت پارێزگارەكەی دابنێت و ڕاكان جبوری تا وادەی هەڵبژاردنەكان پارێزگاری كەركوك دەبێت.

حەسەن شێخانی بەرپرسی مەڵبەندی كەركوكی بزووتنەوەی ئیسلامی بە (خەڵك)ی ڕاگەیاند، بەم دۆخەی ئێستاوە و بەم ڕێكنەكەوتنەی پارتی و یەكێتی و پەرتەوازەیی نێوماڵی كورد و شێواندنی دۆخی ئێستای بەغدا وایكردووە كورد نەگەڕێتەوە بۆ دەسەڵات لە كەركوك.

وتیشی”سەرۆكی ئەنجومەنی پارێزگای كەركوك لە برایانی یەكگرتووی ئیسلامی كوردستان بوو بۆچی داوای نەكرد كۆبوونەوەیەكی ئەنجومەن ئەنجام بدرێت، بەشێكی ڕێكنەخستن و هەڵنەبژاردن و دانەنانی پارێزگار دەكەوێتە ئەستۆی یەكگرتووی ئیسلامی كە سەرۆكی ئەنجومەن لەوانە و نەهاتن كۆبوونەوەیەكی ئەنجومەن ئەنجام بدەن”.
ئاشكراشیكرد، دەبوو سەرۆكی ئەنجومەن كۆبوونەوەكەی ڕابگەیاندایە و ئەوكات با ئاشكرای بكەن كێ نایەت بۆ كۆبوونەوە و بەرپرسیاریەتییەكە بخەنە ئەستۆی ئەو لایەنە.

ئاماژەی بۆ ئەوەش كرد، یەكگرتووی ئیسلامی كوردستان، لانی كەم با هەڵوێستی خۆیان بە ئاشكرا ڕابگەیەنن نەك سەرۆكی ئەنجومەنەكە لەوان بێت و هیچ هەڵوێستێكیشی نەبێت.

کوردستان

ئیدارەی خۆسەر: پڕۆگرامی سوریا لە ناوەندەكانی خوێندن ناخوێنرێن

خەڵك – بەشی هەواڵ

دەستەی پەروەردە و فێركردنی ئیدارەی خۆسەر ڕایدەگەیەنێت، نەگەڕاونەتەوە بۆ پڕۆگرامی سوریا و پڕۆگرامەكانی خوێندن وەك ساڵانی پێشووە.

دەستەی پەروەردە و فێركردن لە باكوور و ڕۆژهەڵاتی سوریا ڕایگەیاند، لە چەند ڕۆژی ڕابردوودا نووسراوێكی ساختە بە ناوی دەستەی پەروەردە و فێركردن لە ئیدارەی خۆسەر بڵاوكراوەتەوە و ئاماژە بۆ ئەوەكراوە، لە ڕۆژئاوای كوردستان پڕۆگرامەكانی حكومەتی سوریا لە ناوەندەكانی خوێندن دەخوێنرێت، بەڵام ئەو نووسراوە دوورە لە ڕاستییەوە و پڕۆگرامەكان وەك ساڵانی پێشووە.

دەستەی پەروەردە و فێركردنی ئیدارەی خۆسەر جەختیشدەكاتەوە، پڕۆگرامی ناوەندەكانی خوێندن لەناو سنووری خۆبەڕێوەبەریدا نەگۆڕاوە و وەك ساڵانی پێشووە، پڕۆگرامی سوریاش لە ناوەندەكانی خوێندن ناخوێنرێت.

بەردەوام بە لە خوێندنەوە

کوردستان

پۆلیسی ڕاپەڕین.. پێشمەرگەیەك كۆتایی بە ژیانی خۆی هێنا

خەڵك – بەشی هەواڵ

بەڕێوەبەرایەتی پۆلیسی ڕاپەڕین ڕایدەگەیەنێت: پێشمەرگەیەك لە كۆمەڵگەی شكارتەی سەر بە شارەدێی بێتواتەی سەر بە شارۆچكەی ڕانیە كۆتایی بە ژیانی هێناوە.

بەڕێوەبەرایەتی پۆلیسی ڕاپەڕین لە ڕاگەیەنراوێكدا ڕایگەیاند، پێشنیوەڕۆی ئەمڕۆ، تەرمی كەسێك گەیەنرایە پزیشكی دادوەری ڕانیە بەناوی (ق، ع، ف) تەمەن 49 ساڵان لەڕەگەزی نێر پیشە (پ، م )دانیشتووی كۆمەڵگەی شكارتەی سەر بە شارەدێی بێتواتەی سەر بە شارۆچكەی ڕانیە، شوێنەواری فیشەك بەسەر جەستەیەوە هەبووە دوای ئەنجامدانی توێكاری لە پزیشكی دادوەری ڕانیە تەرمی ناوبراو ڕادەستی كەسوكاری كرایەوە.
بەڕێوەبەرایەتی پۆلیسی ڕاپەڕین ئاماژە بەوەدەكات، بەگوێرەی لێكۆڵینەوە سەرەتاییەكان ڕووداوەكە خۆكوژی بووە، بەپێی وتەی كەسوكاری ناوبراو نەخۆشی دەروونی هەبووە.
پۆلیسی ڕاپەڕین ئەوەشی خستەڕوو، دۆسیەی لێكۆڵینەوە بۆ ڕوودواكە كرایەوە، بە مەبەستی دەرخستنی هۆكاری ڕاستەقینەی ڕووداوەكە و لێكۆڵینەوە بەردەوامە.

بەردەوام بە لە خوێندنەوە

کوردستان

لە سنووری سلێمانی چوار فەرمانگەی پێناسی باری شارستانی دادەخرێن

خەڵك- بەشی هەواڵ
لە سنووری بەڕێوەبەرایەتی ڕەگەزنامە و كارتی نیشتمانی پارێزگای سلێمانی چوار فەرمانگەی پێناسی باری شارستانی دادەخرێن و لە شوێنیان فەرمانگەی كارتی نیشتمانی دەكرێنەوە.

مقەدەم شێركۆ ئەحمەد، بەڕێوەبەری كاروباری كارتی نیشتیمانی پارێزگای سلێمانی بۆ (خەڵك) ڕایگەیاند، ئەو هاووڵاتیانەی نفوسەكانیان لە فەرمانگەكانی باری شارستانی (سورداش و سروچك و گەرمك و بیارە)یە لەسبەینیەوە تا ڕۆژی پێنج شەممە سەردانی ئەو فەرمانگانە بكەن بەمەبەستی هەر مامەڵەیەك هەیانە.

ڕاشیگەیاند، هەر هاووڵاتییەك پێویستی بە مامەڵەی تۆماری لەدایكبوونی منداڵ و گۆڕینی و وونبونی پێناسەی باری شارستانی و وەرگرتنی صورە قید و كاروبارەكانی تر هەیە لەم هەفتەیەدا سەردانی ئەو فەرمانگانە بكەن.

ئاشكراشی كرد، لە بەرواری ٢٠٢٠/١٠/١ ەوە ئیشوكار لەو فەرمانگانە ڕادەگیرێ بەهۆی ئەوەی تۆمارەكانیان ڕەوانەی بەغدا دەكرێ بەمەبەستی خەزن كردنیان لە سیستمی كارتی نیشتیمانی.

وتیشی، “بەم زووانە دوای تەواوبوونی ڕێكارەكان، كارتی نیشتمانی لە سنووری ئەو شوێنانە دەكرێنەوە”.

بەردەوام بە لە خوێندنەوە

کوردستان