ئێمە لە تۆرە کۆمەڵایەتیەکان

جیهانی

سەرۆکایەتی پاریس سانت جێرمان لەبارەی ئیکاردیەوە بڕیاری کۆتایی داوە !

خەڵک سپۆرت

سەرۆکایەتی یانەی پاریس سانت جێرمانی فەرەنسی سەرسامبوونی خۆیان بە توانا هونەرییە ناوازەکەی ماورۆ ئیکاردی نیشانداوە و بڕیاریشیانداوە بۆندی هەمیشەیی لەگەڵدا ئیمزا بکەن.

ڕۆژنامەی “توتۆ سپۆرت”ی ئیتاڵی ئاشکرای کردووە، ئەندریا ئانێللی و هاوکارانی هیچ هیوایەکیان بە گەڕانەوەی ئیکاردی و پەیوەندیکردنی بە یانەی یوڤانتۆس نەماوە، هۆکارەکەش بۆ یانەی پاریس سانت جێرمانی فەرەنسی دەگەڕێتەوە کە بە ئاڕاستەی ئیمزاکردنی بۆندی هەمیشەیی هەنگاو دەنێن لەگەڵ هێرشبەرەکەی تانگۆدا.

بەپێی سەرچاوەکە، “ئیکا” لەماوەیەکی کورتدا توانیویەتی لەپێکهاتەی سەرەکی “پی ئێس جی” لەپاڵ مباپێ و دی ماریا جێگەی خۆی بکاتەوە، بەنسبەت تۆماس توخێلی ڕاهێنەری ئەڵمانیەوە چیتر ئەم هێرشبەرە لەپێگەی سەرەکیدایە و داوایکردووە داهاتووی یەکلایی بکرێتەوە، لێرەوە شێخ ناسڕ خلێفی و هاوەڵانی بڕیاریانداوە لەکۆتایی وەرزدا بەندی ئیمزاکردنی بۆندی هەمیشەیی بەبڕی ٧٠ ملیۆن یورۆ لە بۆندی خواستنەکەیدا بەکاربخەن.

شارەزایانی “توتۆ سپۆرت” پێیان وایە ناسڕ خێلفی و لیۆناردۆی سەرۆک و بەڕێوەبەری وەرزشیی یانە فەرەنسیەکە ئەم بڕیارەیان لەسەر بنەمای چەند ڕاستییەک داوە، کە بریتین لە ئەگەرەکانی گەڕانەوەی نایمار بۆ یانەی بەرشلۆنە و ئەگەری ماڵئاوایی کردنی ئیدینسۆن کاڤانی و گەڕانەوەی بۆ خولی ئیتاڵیا.

جیهانی

“گەوهەرەکەی ئەڵمانیا” کۆتینیۆ ڕەوانەی بەرشلۆنە دەکاتەوە !

خەڵک سپۆرت

سەرۆکایەتی یانەی بایرن میونشنی ئەڵمانی بیر لە ئیمزاکردنی بۆندی هەمیشەیی لەگەڵ فیلیپی کۆتینیۆ ناکاتەوە و لە گواستنەوەکانی هاوینەدا ڕەوانەی یانەی بەرشلۆنی دەکەنەوە.

فیلیپی کۆتینیۆی بەرازیلی ئەستێرەی یانەی بایرن میونشن، لەم وەرزەدا ئاستی بەرز لە خولی ئەڵمانیا پێشکەش ناکات و ئیدارەی نوێی یانە باڤارییەکە بڕیاریانداوە دوای کۆتایی هاتنی وادەی خواستنەکەی بۆندی هەمیشەیی لەگەڵدا ئیمزا نەکەن.

ماڵپەڕی “سپۆرت ١”ی ئەڵمانی لەسەرچاوە نزیکەکانی بایرنەوە ئاشکرای کردووە، لە گواستنەوەکانی هاوینەی ٢٠٢٠ فیلیپی کۆتینیۆ کۆتایی بە وادەی خواستنی دێت و دووبارە ناچار دەبێت بگەڕێتەوە بۆ یانەی بەرشلۆنە، ئەم هەنگاوەی یانە ئەڵمانیەکەش پەیوەندی بە کڕینی یاریزانێکی ترەوە هەیە.

بەپێی سەرچاوەکە، هێربەرت هاینەر و هاوەڵانی لە سەرۆکایەتی بایرن بڕیاریانداوە بەهەموو هێزیانەوە هەوڵی گواستنەوەی کای هاڤێرتزی ئەستێرەی هەڵکشاوی یانەی بایەرلیڤەرکوزن بدەن کە چەندین یانەی زەبەلاحی تری ئەوروپا چاویان لە تواناکانی بڕیوە، بەڵام نوێنەرانی بایرن بەهێزی ئەڵمانی بوون دەیانەوێت بۆندەکەی یەکلایی بکەنەوە، ئەگەر ئەم هەنگاوەش ڕووبدات ئەوا پێگەی کۆتینیۆ بەتەواوی پڕدەبێتەوە و چیتر بایرن پێویستی بە یاریزانە بەرازیلیەکە نامێنێت.

کۆتینیۆ بۆ ماوەی وەرزێک بەشێوەی خواستن لە یانەی بەرشلۆنەوە ڕوویکردە یانەی بایرن میونشن و تا ئێستا نەیتوانیوە ئاستە ناوازەکەی سەردەمی لیڤەرپوڵ بگەڕینێتەوە، ئەوەش وایکردووە کە لەلایەن ئەڵمانیەکانەوە متمانەی تەواو بەتواناکانی نەکرێت.

بەردەوام بە لە خوێندنەوە

جیهانی

ئارسیناڵ داوای (بۆندی ئاڵوگۆڕ)ی لە ڕیاڵ مەدرید کردووە و زێدان بیر دەکاتەوە…

خەڵک سپۆرت

ئیدارەی یانەی ئارسیناڵی ئینگلیزی لەگواستنەوەکانی هاوینەی ٢٠٢٠دا هەوڵدەدەن یەکێک لە هێرشبەرە ناودارەکانیان بە لوکا یوڤیچی سڕبی ئاڵوگۆڕ بکەن.

ماڵپەڕی “دیفێنسا سەنتراڵ”ی تایبەت بە هەواڵ و زانیارییەکانی یانەی ڕیاڵ مەدرید لە سەرچاوەیەکی ناوخۆیی شاهانەوە ئاشکرای کردووە، لەماوەی چەند هەفتەی ڕابردودا نوێنەرانی یانەی ئارسیناڵ پەیوەندیان لەگەڵ بەڕێوەبەرانی یانەی شاهانەی مەدرید پێکهێناوە و مەبەستیشیان لەم جموجۆڵ ئاڵوگۆڕکردنی هێرشبەرێکی پێکهاتەکەی ئونای ئیمیریە بە لوکا یوڤیچ.

بەپێی سەرچاوەکە، پیێر ئیمیریک ئۆبامیانگی گابۆنی تەنها وەرزێک لە بۆندەکەیدا ماوە و خەون بە ڕیاڵ مەدریدەوە دەبینێت بۆیە هەموو ئۆفەرەکانی بۆ نوێکردنەوەی گرێبەست ڕەت کردۆتەوە، لێرەوە نوێنەرانی ئارسیناڵ هەوڵەکانیان بەگەڕخستووە بۆ گواستنەوەی ئەم یاریزانە ئەفریقیە بۆ یانە زەبەلاحەکەی ئیسپانیا و لە بەرامبەردا داوای گواستنەوەی لوکا یوڤیچیان لە ڕیاڵ کردووە.

پاش تاوتوێ کردنی بابەتەکە لەلایەن ئیدارەی مێرەنگیەوە ڕای زینەدین زێدانی فەرەنسی وەرگیراوە، بەڵام ڕاهێنەرەکە جەختی لەوە کردۆتەوە، یوڤیچ جێنشینی کەریم بنزیمە و قورسە بەم نزیکانە دەستبەرداری بێت.

“دیفێنسا” ئاماژەی کردووە، وەڵامەکەی زێدان یەکلاکەرەوە نەبووە، بەڵکو داوای مۆڵەتی زیاتری داوە بۆ بیرکردنەوە و ئیدارەی مێرەنگی بڕیاریانداوە هەوڵ بۆ دۆزینەوەی ڕێگەچارەکەی تر بدەن لەپێناو یەکلایی کردنەوەی بۆندی ئۆبامیانگ لە گواستنەوەکانی هاوینەی ٢٠٢٠دا.

بەردەوام بە لە خوێندنەوە

جیهانی

ئەبیدال: سوارێزم لە بڕیارێکی گرنگ ئاگادار کردۆتەوە و داهاتوی ڤاڵڤێردی بەدەست خۆیەتی

خەڵک سپۆرت

بەڕێوەبەری وەرزشیی یانەی بەرشلۆنە ڕاوبۆچونی خۆی دەربارەی داهاتوی ئێرنێستۆ ڤاڵڤێردی ڕاهێنەر و لویس سوارێز و چەندین یاریزانی تری یانە کەتەلۆنیەکە دەردەبڕێت.

ئیریک ئەبیدالی فەرەنسی بەڕێوەبەری وەرزشیی یانەی بەرشلۆنە لەچاوپێکەوتنێکدا بە ڕۆژنامەی “سپۆرت”ی کەتەلۆنی ڕاگەیاندووە :” هەمیشە بەشێوەیەکی شەفاف لەگەڵ یاریزانانی بارسا مامەڵە دەکەم و ڕاستیەکانیان لێناشارمەوە، بە سوارێزم ڕاگەیاند کە یانەکەمان پێویستی بەهێرشبەرێکی ترە و یاریزانێکی تر لە پێگەکەیدا دابین دەکەین، بەڵێ ئێستا سوارێز ئەو ڕاستیە دەزانێت، ئەویش بە دڵێکی فراوانەوە بڕیارەکەی قبوڵکردین لەسەر ئەو بنەمایەی کە لە سودی یانەکەمانە”.

هەروەها دەڵێت :” لاوتارۆ مارتینێز؟ یاریزانێکی تێروتەسەلە، پێموابێت ئاستێکی ناوازە پێشکەش دەکات، باش دەیناسین، هەروەها هێرشبەری ناوازەی تریش بونیان هەیە کە خاوەنی کوالیتی بەرزن”.

هەروەها لەبارەی ئێرنێستۆ ڤاڵڤێردی ڕاهێنەرەوە وەڵام دەداتەوە و دەڵێت :” هەمیشە لەبارەی پۆستی ڕاهێنەری بەرشلۆنەوە پڕوپاگەندە بڵاودەکرێتەوە، مانەوە و ڕۆیشتنی ڕاهێنەر بابەتێکی ناوخۆییە و ئیدارەی یانە لێکدانەوە بۆ ئەو بابەتە دەکات، پێشموایە تەنها ڕاهێنەر بۆخۆی دەتوانێت داهاتووی خۆی یەکلایی بکاتەوە”.

لەکۆتاییدا ئاماژە بە عوسمان دیمبیلی و ئەنتوان گریزمان دەدات و دووپاتی دەکاتەوە، هەردوو یاریزانەکە بەتوانان و لەگەڵ خۆگونجاندن و یاریکردنی زیاتر ئەوانیش دەتوانن زیاتر پێشکەشی یانەکە بکەن.

بەردەوام بە لە خوێندنەوە

کوردستان