ئێمە لە تۆرە کۆمەڵایەتیەکان

ژینگە

لە سەیدسادق ڕاوچییەك دەستگیر كرا

خەڵك- بەشی هەواڵ

مەفرەزەیەكی بەشی پۆلیسی دارستانی سەیدسادق توانیان لەسنوری گوندی ( هەیاس ) هاووڵاتییەك بەتۆمەتی ڕاوكردنی باڵندەی كێوی دەستگیربكەن، كە هەستابوو بەڕاوكردنی ( ٤ ) باڵندەی كێوی ( پۆڕ ).

هەرەوەها دەستگیرا بەسەر تاپڕێك و سەرجەم ئەو كەلوپەلانەی كە لە ڕاوكردندا بەكاری هێنابوو.

لە ڕاگەیەنراوێكی پۆلیسی دارستان و ژینگەی سلێمانیدا نوسراوە”پەڕاوی لێكۆڵینەوەی بۆ كراوەتەوەو ڕادەستی دادوەر كراوە بۆ وەرگرتنی ڕێكاری یاسایی.”

ژینگە

لە شارباژێڕ هاووڵاتییەك دەستگیركرا

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی پارێزگای سلێمانی ئاشكرای دەكات، كە لەپێناو پاراستنی سروشت و ژینگەی كوردستان مەفرەزەكانی پۆلیسی دارستان بەشەو و ڕۆژ بەردەوام لە هەوڵ و ماندووبوندان بۆ مانەوەی داری دارستانەكان ژینگەی كوردستان و دەشڵێت: “بەهۆی تێكدانی ژینگەوە هاووڵاتییەك لە شارباژێڕ دەستگیر كرا”.

عەمیدی پۆلیس، هێمن كەمەرخان، بەڕێوەبەری ڕاگەیاندنی پۆلیسی دارستان و ژینگەی سلێمانی بۆ (خەڵك) ڕایگەیاند، هەمیشە و بەردەوام لەپێناو پارێزگاری كردن لەسروشت و ژینگەی كوردستان مەفرەزەكانمان لەسەرجەم بەش و بنكەكان بەشەو و بەڕۆژ بەردەوامیان هەیە.

دەشڵێت: “لە ئەنجامی دەرچوونی مەفرەزەیەكی بەشی پۆلیسی دارستان و ژینگەی شارباژێر لە درەنگانێكی شەودا بۆ شارەدێی سیتەك، توانیان هاووڵاتییەك دەستگیربكەن بەهۆكاری تێكدانی ژینگە و دەستیش گیرا بەسەر (2) ئامێری شۆفڵدا” .

ڕاشیگەیاند، پەڕاوی لێكۆڵینەوە كراوەتەوە و ڕادەستی دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

ژینگە

بڕی باران بارین لە شارەكانی هەرێم بڵاوكرایەوە

خەڵك-بەشی هەواڵ

 

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لە ناوچەی چوارتا سەر بە پارێزگای سلێمانی بە بڕی 5 ملم باریوە.

بەردەوام بە لە خوێندنەوە

ژینگە

شەپۆلی بارانی بەهارە و هەورەتریشقە دەستپێدەكات

خەڵك- بەشی هەواڵ
بەپێی پێشبینییە كەشناسییەكان، لە سبەینێوە شەپۆلێكی باران بارینی بەلێزمە و تەرزە و هەندێك كات پچڕ پچڕی بەهاری ناوچەكانی هەرێمی كوردستان دەگرێتەوە و هەندێك كاتیش هەورەتریشقەی لەگەڵدایە.

بەپێی ڕاپۆرتە كەشناسییەكان، لە سبەینێ‌ چوار شەممەوە تا ناوەڕاستی هەفتەی داهاتوو دوو نزمە پاڵەپەستۆی دەریای سوور و دەریای سپی ناوەڕاست هەڵدەكەنە سەر ناوچەكانی هەرێمی كوردستان و بەهۆیەوە هەندێك كات باران بارینی بەلێزمە و تەرزە دەبێت و هەندێك كاتیش پچڕ پچڕ دەبێت و هەورە تریشقەشی لەگەڵ دەبێت.

هەر بەپێی ڕاپۆرتەكان، ئەو شەپۆلە بارانە بەهۆی ئەوەی شەپۆلێكی بەهارەیە و تاو تاوە ڕێژەی دابارین لەناوچەیەك بۆ ناوچەیەكی دیكە جیاواز دەبێت و هەندێك كاتیش خێرایی با زیاد دەكات.

لای خۆشیەوە، دەستەی كەشناسی عیراق لە ڕاپۆرتێكدا ئاماژەی بەوەكردووە، هەردوو ڕۆژی چوار شەممە و پێنج شەممە ئاسمان هەوری باراناوی دەبێت و هەورەتریشقەی لەگەڵ دەبێت و خێرایی با مامناوەند دەبێت، هاوكات لە ناوچە شاخاوییەكان بەفر دەبارێت.

ڕاشیگەیاندووە، كە ڕۆژی هەینی شەپۆلەكە كاریگەری لاوازتر دەبێت و نمە باران لە ناوچەكانی هەرێم دەبارێت بەهۆی ئەوی ئاسمان هەور دەبێت و ڕۆژی شەممەش كاریگەری شەپۆلەكە بەردەوام دەبێت و بارانی بەلێزمە ەدەبارێت و هەورە تریشقەی لەگەڵ دەبێت و خێرایی با نزیكەی 20 كیلۆمەتر دەبێت لە كاتژمێرێكدا.

بەردەوام بە لە خوێندنەوە

کوردستان