ئێمە لە تۆرە کۆمەڵایەتیەکان

کوردستان

ڕۆژئاوا لەسەر دەستووری سوریا هۆشداری دەداتە نەتەوە یەكگرتووەكان

خەڵك-بەشی هەواڵ

ئەندامێكی نوێنەرایەتیی ڕێڤەبەری خۆسەری ڕۆژئاوا لەباشووری كوردستان ڕایدەگەیەنێت، پێویستە دەستووری داهاتووی سوریا سەرجەم پێكهاتەكانی تێیدا بەشداربن.

دوای كوشتنی ئەبوبەكر بەغدادی و كشانەوەی هەسەدە لە بەشێك ناوچەكانی ڕۆژئاوای كوردستان نووسینەوەی دەستوور لە سوریا دەچێتە قۆناغەكانی جێبەجێكردن و بەپێی زانیارییەكانیش كورد بەشداری پێناكرێت لە نووسینەوەی دەستوور، ئەمەش لەكاتێكدایە جگە لەوەی نەتەوەیەكی سەرەكی ئەو وڵاتەیە، هاوكات ڕۆڵێكی سەرەكی هەبووە لە ڕاوەدونانی چەكدارانی داعش لە ناوچەكە.

فەتحوڵڵا حوسێنی ئەندامی نوێنەرایەتیی ڕێڤەبەری خۆسەری ڕۆژئاوا لەباشووری كوردستان بە (خەڵك)ی ڕاگەیاند، چۆن دەستوورێك دەنوسرێتەوە كە ئەو وڵاتە پێكهاتەیەكی سەرەكی تێدا بەشدار نەبێت.
دەشڵێت”دەبێت سەرجەم پێكهاتەكان تێیدا بەشدار بن و مافی خۆیان پێبدرێت و دەبێت بوونیان هەبێت، ئەگەرنا ئەو دەستوورە گوزارشتە لە یەك نەتەوەی عەرەبی و وەكو دەستووری ساڵی 1973 و یەك سەرۆك فەرمانڕەوایە و حزبی بەعس حاكمە و وڵاتێكی مەركەزییە”.
ئاشكراشیكرد، داومان لە نەتەوە یەكگرتووەكانمان كردووە بەرپرسیارانە مامەڵەگەڵ لەگەڵ ئەم بابەتە بكرێت، چونكە بەرپرسی ئایندەی ئەو وڵاتەن، مانای نییە دوای 9 ساڵ لە شەڕ، ئێمە چ قازانجێكمان كرد، نەك ئێمە بەڵكو هیچ لایەنێكی سوریا قازانج ناكات تەنها حزبی بەعس نەبێت.

ئاماژەی بۆ ئەوەش كرد، پێمانوایە لە گفتوگۆی داهاتوو پێویستە هەموو پێكهاتەكان بەشداری بكەن.

سەبارەت بە هەڵوێستیان لە ئەگەری بەشداریپێنەكردنیان لە نووسینەوەی دەستوور، حوسێنی ڕایگەیاند، هەڵوێستمان دیارە و پابەند نابین بەو دەستوورەوە.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان