ئێمە لە تۆرە کۆمەڵایەتیەکان

جیهانی

ڕیاڵ مەدرید لە زستاندا دەچێتە سوڕی سڕبوونەوە و تەنها لە دوو حاڵەتدا ئامادەیە یاریزان بکڕێت !

خەڵک سپۆرت

ئیدارەی یانەی ڕیاڵ مەدریدی ئیسپانی پێیان وایە، پێکهاتەکەیان لەڕووی کوالیتی و ڕێژەی یاریزانانەوە تێروتەسەلە و ئامادەنین لە گواستنەوەکانی زستانەی ٢٠٢٠دا بۆندی گرانبەها ئیمز بکەن.

ڕۆژنامەی “ئاس”ی ئیسپانی لەسەرچاوە ناوخۆییەکانی یانەی شاهانەوە ئاشکرای کردووە، بەرپرسانی یانەکە لەکۆتا کۆبونەوەیان دەربارەی گۆڕانکارییە چاوەڕوانکراوەکان و بارودۆخی یاریزانان بڕیاریانداوە، لە گواستنەوەکانی زستانەی ٢٠٢٠دا هیچ یاریزانێکی نوێ دابین نەکەن، بەڵکو تەواوی ئەنجومەنی کارگێڕی پێیان وابووە کە گواستنەوەی لوکا یوڤیچ و ئیدین هازارد و میلیتاو و مێندی و ڕۆدریگۆ تەواوی کەلێنە تاکتیکیەکانی پڕکردۆتەوە و پێویستە لەقۆناغی دووەمەوە زینەدین زێدان تواناکانیان بەگەڕبخات.

سەرۆکایەتی یانەی شاهانە جەختیان کردۆتەوە، بەگەڕخستنی وزەی زیادە و مامەڵەی یاریزانان لەکاتێکدا یانەکە پێویستی پێی نییە زیانی گەورەیان لەڕووی دەرونی و داراییەوە لێدەدات، بەڵکو تەنها لە دوو حاڵەتی نەخوازراودا ئامادەبوون گواستنەوە بە یاریزانێک، یان دووان بکەن ئەو حاڵەتانەش پێکهاتوون لە:

یەکەم: لەحاڵەتی ڕوودانی پێکانی قورس و درێژخایەنی هەر یاریزانێکی گەورە و کاریگەر، کە پێگەکەی بە یاریزانەکانی تر پڕ نەکرێتەوە.

دووەم: لەحاڵەتی ڕۆیشتنی کتوپڕی یەکێک لە یاریزانەکان و گومانی زۆرینەش لەسەر ئیسکۆ ئالارکۆن بووە، کە تا ئەم ساتە داهاتووی یەکلایی نەبۆتەوە.

جیهانی

ڕیاڵ مەدرید لە پڕۆسەی کۆکردنەوەی گەوهەرەکان بەردەوامە و داوای چوار یاریزانی تر دەکات !

خەڵک سپۆرت

ئیدارەی یانەی ڕیاڵ مەدریدی ئیسپانی لەسەر پڕۆسەی کۆکردنەوەی یاریزانە لاوەکان بەردەوام دەبێت و بۆ ئەم مەبەستەش چوار گەوهەری تریان دەستنیشان کردووە.

ڕۆژنامەی “دەیلی مەیڵ”ی بەریتانی بڵاویکردۆتەوە، پڕۆسەی کۆکردنەوەی لاوە بەهرەمەندەکان چەند ساڵێکە لەلایەن سەرۆکایەتی یانەی شاهانەی مەدریدەوە و لەسەر ڕاسپاردەی زینەدین زێدان دەستی پێکردووە، سەرەتا بە گواستنەوەی مارتن ئۆدیگاردی نەرویجی دەستیان پێکرد و لەکۆتایی وەرزی ڕابردو بەگواستنەوەی ڤینیسیۆز جونیۆر و ڕۆدریگۆ گوس کۆتاییان بە جموجۆڵەکانیان هێنا، بەڵام پڕۆسەکە بەتەواوی لەکارنەکەتووە و هێشتا یاریزانی تر ماوە فلۆرنتینۆ پێرێز هەوڵی کڕینیان دەدات.

سەرۆکایەتی مێرەنگی لەسەرداوای زینەدین زێدان چوار ناوی تریان دیاری کردووە کە پێکهاتوون لە: هۆدسۆن ئۆدۆی بەهرەمەندی یانەی چێڵسی کە نرخەکەی ٣٥ ملیۆن پاوەندە، هەروەها ئێرلینگ هالاندی نەرویجی گۆڵکاری یانەی ڕێدبول سالزبۆرگی نەمساوی کە داواکراوی چەندین یانەی گەورەیە.

ناوی سێیەم و چوارەمیش پێکهاتوون لە ساموێل شاکوێزی ئەستێرەی هەڵکشاوی یانەی ڤیاڕیاڵ و مۆیس کین کە لەیانەی یوڤانتۆسەوە ڕوویکردە ئێڤەرتۆن، بەبۆچونی میدیاکان ئەم چوار ناوە لە گواستنەوەکانی زستانە و هاوینەی ٢٠٢٠ دەبنە داواکراوی یانەی شاهانە و بەلایەنی کەمەوە دووانیان بۆ توندوتۆڵکردنەوەی پێکهاتەکەی “زیزۆ” دابین دەکرێن.

بەردەوام بە لە خوێندنەوە

جیهانی

سەرۆکی نوێی بایرن میونشن هەڵوێستی خۆی لەسەر گەڕانەوەی گواردیۆلا ئاشکرا کرد !

خەڵک سپۆرت

ڕاستەوخۆ دوای هەڵبژاردنی بە سەرۆکی نوێی یانەی بایرن میونشن، هێربەرت هاینەر بۆچونی خۆی سەبارەت بە مەسەلەی گەڕانەوەی پیپ گواردیۆلا ئاشکرا کرد.

دوێنێ بە ئامادەبوونی تەواوی نوێنەرانی یانەی بایرن میونشن، ئولی هۆنێسی سەرۆکی پێشو ماڵئاوایی لەیانەکە کرد و بەکۆی دەنگی ئەنجومەنی کارگێڕی هێربەرت هاینەر دەستبەکار بوو، هۆنێس بە گریانەوە ئاماژەی بە دەستکەوتەکانی چەند ساڵەی خۆیی و هاوەڵانی کرد و هاینەریش وەڵامی چەند پرسێکی گرنگی دایەوە کە گرنگترینیان کەیسی ڕاهێنەر و گەڕانەوەی پیپ گواردیۆلا بوو.

هاینەر لەبارەی گواردیۆلاوە بە “بیلد سپۆرت”ی ڕاگەیاند :” پیپ گواردیۆلا ڕاهێنەرێکی ناوازەیە، بەڵام ئەو بۆ ماوەیەکی دوور و درێژ بۆندی لەگەڵ یانەی مانچستەر سیتی ئیمزا کردووە، وازبهێنن تا ئەوکاتەی کۆبونەوەی ئەنجومەنی ئیدارەی یانەکە دەکەین و ئەوکات بڕیار دەدەین، بەشێوەیەکی سەرەتایی پێتان دەڵێم: ئێمە باشترین ڕاهێنەر دابین دەکەین تا سەرپەرشتی پێکهاتەی بایرن بکات”.

هەمان پرسیار لەلایەن ڕۆژنامەکەوە ئاڕاستەی ئولی هۆنێسی سەرۆکی پێشو کرا و ئەویش لەوەڵامدا وتی :” من مۆڵەتی وەڵامدانەوەی ئەم پرسیارەم نەما، سێ ڕۆژ لەمەوبەر دەمتوانی زانیاریتان پێبدەم، بەڵام چیتر ئەوە ئەرکی سەرۆکایەتی نوێی یانەیە”.

گواردیۆلا لە ساڵی ٢٠١٣ تا ٢٠١٦ پۆستی ڕاهێنەری یانە ئەڵمانیەکەی بەدەستهێنا و سێ نازناوی خولی ناوخۆی مسۆگەر کرد، بەڵام لە چنینەوەی نازناوە ئەوروپیەکاندا شکستی هێنا، لەئێستادا دووبارە دەنگۆی گەڕانەوەی بۆ ئەڵمانیا بەنێو میدیاکاندا تەشەنەی کردووە.

بەردەوام بە لە خوێندنەوە

جیهانی

پۆگبا هاوڕێیەتی کریستیانۆ ڕەت دەکاتەوە و یانەی داهاتووی دیاری کردووە !

خەڵک سپۆرت

پۆل پۆگبای فەرەنسی پێشوەختە ڕێکەوتنی لەگەڵ زینەدین زێدانی فەرەنسی ڕاهێنەری یانەی ڕیاڵ مەدرید کردووە و ئامادە نییە جگە لەو ڕاهێنەرە لەگەڵ هیچ ڕاهێنەرێکی تر کاربکات.

پۆرتاڵی “دۆن بالۆن”ی ئیسپانی لەزاری چەند سەرچاوەیەکی نزیکی یانەی شاهانەی مەدریدەوە ئاشکرای کردووە، لەگواستنەوەکانی هاوینەی ٢٠٢٠ دووبارە یانەی یوڤانتۆس هەوڵەکانی بۆ کڕینی پۆل پۆگبای فەرەنسی دەست پێدەکاتەوە و بەو هیوایەن بوونی کریستیانۆ ڕۆناڵدۆ لە شاری تۆرینۆ کاریگەری لەسەر ئەستێرە ڕەش ئەسمەرەکەی مانچستەر یونایتد دروست بکات، بەڵام پێناچێت لە هەوڵەکانیاندا سەرکەوتوو بن…

بەپێی سەرچاوەکە، پۆگبا تا ئێستا دووجار بەشێوەی نهێنی چاوی بە زینەدین زێدانی ڕاهێنەری یانەی شاهانەی مەدرید کەوتووە، جەمسەرەکان ڕێکەوتوون لەسەر ئەوەی لە گواستنەوەکانی هاوینەی ٢٠٢٠ پەیوەندی بە یانەی ڕیاڵ مەدریدەوە بکات، بۆیە پشتبەست بە ڕێکەوتنەکە ناوەندسازە ناودارەکەی فەرەنسا هاوڕێیەتی کریستیانۆ ڕەت دەکاتەوە و فشار دەخاتە سەر ئیدارەی “ڕید دێڤڵز” تا دەستبەرداری بن لەمیریکاتۆی هاوینەوە لەژێر چاودێری زێدانی هاونیشتیمانی دەست بەکار بکات، چاوەڕوان دەکرێت ئیمزاکردنی بۆندەکەش زیاتر لە ١٠٠ ملیۆن یورۆی تێبچێت، یاخود بەشێوەی ئاڵوگۆڕ بەرامبەر ئیسکۆ ئالارکۆن جموجۆڵی پێبکرێت.

بەردەوام بە لە خوێندنەوە

کوردستان