ئێمە لە تۆرە کۆمەڵایەتیەکان

جیهانی

بۆسکێتس شوێنگرەوەی ڕاکیتیچی بۆ ئیدارەی یانەی بەرشلۆنە پێشنیار کردووە !

خەڵک سپۆرت

گواستنەوەی ئیڤان ڕاکیتیچی کرواتی لە یانەی بەرشلۆنەوە بۆ ئینتەرمیلان هەنگاوێکی حەتمیە و سێرجیۆ بۆسکێتسی ئیسپانی پێی وایە باشترین شوێنگرەوەی ئەم یاریزانە لە خولی ئەڵمانیا یاریی دەکات.

پۆرتاڵی “دۆن بالۆن”ی ئیسپانی لە زاری سەرچاوە ناوخۆییەکانی یانەی بەرشلۆنەوە ئاشکرای کردووە، لەئێستادا گفتوگۆی جدی لەنێوان یانەکانی بەرشلۆنە و ئینتەرمیلان تایبەت بە گواستنەوەی ئیڤان ڕاکیتیچ ئەنجام دەدرێت، هەموو ئەگەرەکان بەو ئاڕاستەیەن لە وادەی گواستنەوەکانی زستانەدا بۆندی یاریزانە کرواتیەکە ئیمزا بکرێت.

نوێنەرانی یانەی بەرشلۆنە بەمەبەستی پڕکردنەوەی کەلێنی ڕاکیتیچ چاویان لە چەند گەوهەرێکی بەرازیلی هاوشێوەی ئارسەر میلۆ بڕیوە، بەڵام پێدەچێت سێرجیۆ بۆسکێسی مایسترۆی هێڵی ناوەندی یانەکە بۆچونێکی تری هەبێت …

“دۆن بالۆن” نوسیویەتی، جوسێپ ماریا بارتومیۆ و ئەبیدال لە ئیدارەی بارسا کۆبونەوەیان سەبارەت بە ڕۆیشتنی ڕاکیتیچ لەگەڵ سێرجیۆ بۆسکێتس ئەنجامداوە، کاپتنی دووەمی یانەکە پێی ڕاگەیاندون کە باشترین شوێنگرەوە بۆ “ڕاکی” بریتیە لە جولیان ڤایگڵی ئەڵمانی ئەستێرەی یانەی بوروسیا دۆرتمۆند و جەختی لەوە کردۆتەوە، کە یاریزانە لاوە ئەڵمانیەکە لەڕووی تەمەنووە بۆ بارسا زۆر گونجاوە و لەڕووی هونەریشەوە باشترین جێنشین دەبێت بۆ خودی خۆیی و ڕاکیتیچ.

جولیان ڤایگڵی ئەڵمانی تەمەنی ٢٤ ساڵە و لە زستانی ٢٠٢١ بۆندەکەی لەگەڵ بوروسیا دۆرتمۆند کۆتایی دێت، ئەگەر یانە ئیسپانیەکە لەئێستاوە هەوڵ بۆ گواستنەوەی بدەن گواستنەوەی بە (٢٥ ملیۆن یورۆ) کۆتایی پێدەهێنرێت.

جیهانی

ڕیاڵ مەدرید لە پڕۆسەی کۆکردنەوەی گەوهەرەکان بەردەوامە و داوای چوار یاریزانی تر دەکات !

خەڵک سپۆرت

ئیدارەی یانەی ڕیاڵ مەدریدی ئیسپانی لەسەر پڕۆسەی کۆکردنەوەی یاریزانە لاوەکان بەردەوام دەبێت و بۆ ئەم مەبەستەش چوار گەوهەری تریان دەستنیشان کردووە.

ڕۆژنامەی “دەیلی مەیڵ”ی بەریتانی بڵاویکردۆتەوە، پڕۆسەی کۆکردنەوەی لاوە بەهرەمەندەکان چەند ساڵێکە لەلایەن سەرۆکایەتی یانەی شاهانەی مەدریدەوە و لەسەر ڕاسپاردەی زینەدین زێدان دەستی پێکردووە، سەرەتا بە گواستنەوەی مارتن ئۆدیگاردی نەرویجی دەستیان پێکرد و لەکۆتایی وەرزی ڕابردو بەگواستنەوەی ڤینیسیۆز جونیۆر و ڕۆدریگۆ گوس کۆتاییان بە جموجۆڵەکانیان هێنا، بەڵام پڕۆسەکە بەتەواوی لەکارنەکەتووە و هێشتا یاریزانی تر ماوە فلۆرنتینۆ پێرێز هەوڵی کڕینیان دەدات.

سەرۆکایەتی مێرەنگی لەسەرداوای زینەدین زێدان چوار ناوی تریان دیاری کردووە کە پێکهاتوون لە: هۆدسۆن ئۆدۆی بەهرەمەندی یانەی چێڵسی کە نرخەکەی ٣٥ ملیۆن پاوەندە، هەروەها ئێرلینگ هالاندی نەرویجی گۆڵکاری یانەی ڕێدبول سالزبۆرگی نەمساوی کە داواکراوی چەندین یانەی گەورەیە.

ناوی سێیەم و چوارەمیش پێکهاتوون لە ساموێل شاکوێزی ئەستێرەی هەڵکشاوی یانەی ڤیاڕیاڵ و مۆیس کین کە لەیانەی یوڤانتۆسەوە ڕوویکردە ئێڤەرتۆن، بەبۆچونی میدیاکان ئەم چوار ناوە لە گواستنەوەکانی زستانە و هاوینەی ٢٠٢٠ دەبنە داواکراوی یانەی شاهانە و بەلایەنی کەمەوە دووانیان بۆ توندوتۆڵکردنەوەی پێکهاتەکەی “زیزۆ” دابین دەکرێن.

بەردەوام بە لە خوێندنەوە

جیهانی

سەرۆکی نوێی بایرن میونشن هەڵوێستی خۆی لەسەر گەڕانەوەی گواردیۆلا ئاشکرا کرد !

خەڵک سپۆرت

ڕاستەوخۆ دوای هەڵبژاردنی بە سەرۆکی نوێی یانەی بایرن میونشن، هێربەرت هاینەر بۆچونی خۆی سەبارەت بە مەسەلەی گەڕانەوەی پیپ گواردیۆلا ئاشکرا کرد.

دوێنێ بە ئامادەبوونی تەواوی نوێنەرانی یانەی بایرن میونشن، ئولی هۆنێسی سەرۆکی پێشو ماڵئاوایی لەیانەکە کرد و بەکۆی دەنگی ئەنجومەنی کارگێڕی هێربەرت هاینەر دەستبەکار بوو، هۆنێس بە گریانەوە ئاماژەی بە دەستکەوتەکانی چەند ساڵەی خۆیی و هاوەڵانی کرد و هاینەریش وەڵامی چەند پرسێکی گرنگی دایەوە کە گرنگترینیان کەیسی ڕاهێنەر و گەڕانەوەی پیپ گواردیۆلا بوو.

هاینەر لەبارەی گواردیۆلاوە بە “بیلد سپۆرت”ی ڕاگەیاند :” پیپ گواردیۆلا ڕاهێنەرێکی ناوازەیە، بەڵام ئەو بۆ ماوەیەکی دوور و درێژ بۆندی لەگەڵ یانەی مانچستەر سیتی ئیمزا کردووە، وازبهێنن تا ئەوکاتەی کۆبونەوەی ئەنجومەنی ئیدارەی یانەکە دەکەین و ئەوکات بڕیار دەدەین، بەشێوەیەکی سەرەتایی پێتان دەڵێم: ئێمە باشترین ڕاهێنەر دابین دەکەین تا سەرپەرشتی پێکهاتەی بایرن بکات”.

هەمان پرسیار لەلایەن ڕۆژنامەکەوە ئاڕاستەی ئولی هۆنێسی سەرۆکی پێشو کرا و ئەویش لەوەڵامدا وتی :” من مۆڵەتی وەڵامدانەوەی ئەم پرسیارەم نەما، سێ ڕۆژ لەمەوبەر دەمتوانی زانیاریتان پێبدەم، بەڵام چیتر ئەوە ئەرکی سەرۆکایەتی نوێی یانەیە”.

گواردیۆلا لە ساڵی ٢٠١٣ تا ٢٠١٦ پۆستی ڕاهێنەری یانە ئەڵمانیەکەی بەدەستهێنا و سێ نازناوی خولی ناوخۆی مسۆگەر کرد، بەڵام لە چنینەوەی نازناوە ئەوروپیەکاندا شکستی هێنا، لەئێستادا دووبارە دەنگۆی گەڕانەوەی بۆ ئەڵمانیا بەنێو میدیاکاندا تەشەنەی کردووە.

بەردەوام بە لە خوێندنەوە

جیهانی

پۆگبا هاوڕێیەتی کریستیانۆ ڕەت دەکاتەوە و یانەی داهاتووی دیاری کردووە !

خەڵک سپۆرت

پۆل پۆگبای فەرەنسی پێشوەختە ڕێکەوتنی لەگەڵ زینەدین زێدانی فەرەنسی ڕاهێنەری یانەی ڕیاڵ مەدرید کردووە و ئامادە نییە جگە لەو ڕاهێنەرە لەگەڵ هیچ ڕاهێنەرێکی تر کاربکات.

پۆرتاڵی “دۆن بالۆن”ی ئیسپانی لەزاری چەند سەرچاوەیەکی نزیکی یانەی شاهانەی مەدریدەوە ئاشکرای کردووە، لەگواستنەوەکانی هاوینەی ٢٠٢٠ دووبارە یانەی یوڤانتۆس هەوڵەکانی بۆ کڕینی پۆل پۆگبای فەرەنسی دەست پێدەکاتەوە و بەو هیوایەن بوونی کریستیانۆ ڕۆناڵدۆ لە شاری تۆرینۆ کاریگەری لەسەر ئەستێرە ڕەش ئەسمەرەکەی مانچستەر یونایتد دروست بکات، بەڵام پێناچێت لە هەوڵەکانیاندا سەرکەوتوو بن…

بەپێی سەرچاوەکە، پۆگبا تا ئێستا دووجار بەشێوەی نهێنی چاوی بە زینەدین زێدانی ڕاهێنەری یانەی شاهانەی مەدرید کەوتووە، جەمسەرەکان ڕێکەوتوون لەسەر ئەوەی لە گواستنەوەکانی هاوینەی ٢٠٢٠ پەیوەندی بە یانەی ڕیاڵ مەدریدەوە بکات، بۆیە پشتبەست بە ڕێکەوتنەکە ناوەندسازە ناودارەکەی فەرەنسا هاوڕێیەتی کریستیانۆ ڕەت دەکاتەوە و فشار دەخاتە سەر ئیدارەی “ڕید دێڤڵز” تا دەستبەرداری بن لەمیریکاتۆی هاوینەوە لەژێر چاودێری زێدانی هاونیشتیمانی دەست بەکار بکات، چاوەڕوان دەکرێت ئیمزاکردنی بۆندەکەش زیاتر لە ١٠٠ ملیۆن یورۆی تێبچێت، یاخود بەشێوەی ئاڵوگۆڕ بەرامبەر ئیسکۆ ئالارکۆن جموجۆڵی پێبکرێت.

بەردەوام بە لە خوێندنەوە

کوردستان