ئێمە لە تۆرە کۆمەڵایەتیەکان

جیهانی

“کلاسیکۆی مباپێ” لە میریکاتۆی هاوینەدا بەریەککەوتن لەنێوان ڕیاڵ و یوڤی ڕوودەدات !

خەڵک سپۆرت

سەرۆکایەتی یانەکانی ڕیاڵ مەدرید و یوڤانتۆس لە گواستنەوەکانی هاوینەی ٢٠٢٠دا بەریەککەوتن لەنێوانیاندا ڕوودەدات و هەریەکەیان نمایشی هێزی دارایی خۆیان دەکەن.

ڕۆژنامەی “توتۆ سپۆرت”ی ئیتاڵی بڵاویکردۆتەوە، لەماوەی دوو وەرزی ڕابردوودا ئیدارەی یانەی ڕیاڵ مەدرید تاکە یانە بوون هەوڵیان بۆ گواستنەوەی کیلیان مباپێی فەرەنسی داوە، چەند جارێک نزیکبوون لە گواستنەوەیە و لەئێستاشدا میدیاکان بەو ئاڕاستەیە دەنوسن کە یاریزانەکە لەداهاتوودا پەیوەندی بە یانەی شاهانەی مەدریدەوە دەکات، بەڵام لە ڕاستیدا یانە ئیسپانیەکە بەتەنها نییە.

بەپێی سەرچاوەکە، جگە لە یانەی بەرشلۆنە، یانەی یوڤانتۆسی ئیتاڵی پلانی داڕشتووە لە میریکاتۆی هاوینەدا زیاتر لە ١٨٠ ملیۆن یورۆ بۆ گواستنەوەی “ئاسکە فەرەنسیەکە” پێشکەش بکەن، ئەوەش هەمان ئەو نرخەیە کە ئیدارەی مێرەنگی ئامادەیە پێشکەشی پاریس سانت جێرمانی بکات.

“توتۆ سپۆرت” ئاماژەی بە دەستپێکی گفتوگۆی نێوان ناسڕ خلێفی و فلۆرنتینۆ پێرێزی سەرۆکی یانەی شاهانە کردووە سەبارەت بە یاریزانە ڕەش ئەسمەرەکەی فەرەنسا، هەردوو یانەی داواکاریش (ڕیاڵ و یوڤی) پێیان وایە گواستنەوەکە لەبەرژەوەندیان دەبێت بەبێ گوێدانە ئەو نرخە زۆرەی بەرامبەر ئیمزاکردنی بۆندەکە داواکراوە.

دوو یانە زەبەلاحە داواکارەکە هەژماری ئەوەیان کردووە کە بە تەواوی ئەو بڕەی پێشکەشی پاریس دەکرێت هاوشانی موچە و ئیمتیازات مباپێ ساڵانە بڕی ٧٦ ملیۆن یورۆ دەکەوێت، لەکاتێکدا کریستیانۆ ڕۆناڵدۆ لەهەردوو یانەکە ساڵانە بڕی ٨٤ ملیۆن یورۆی پێویست بووە.

مباپێی فەرەنسی لە ڕیزەکانی یانەی پاریس سانت جێرمان وەک باشترین یاریزانی لاوی جیهان بەردەوامە لە نمایشە ناوازەکانی، زۆرینەی شارەزایان پێیان وایە لە داهاتوودا دەبێتە باشترین و گرانبەهاترین یاریزان بەتایبەت ئەگەر پەیوەندی بە یانەیەکی مێژووییەوە بکات.

جیهانی

مۆرینیۆ: باڵادەستی سیتی و لیڤەرپوڵ لە ڕۆڵی گواردیۆلا و کلۆپ دەرچووە !

خەڵک سپۆرت

جوزێ مۆرینیۆی پورتوگالی ڕاهێنەری پێشوی یانەی مانچستەر یونایتد، پێی وایە باڵادەستی یانەکانی مانچستەر سیتی و لیڤەرپوڵ کاری بە کۆمەڵی لەپشتە و لە ڕۆڵی ڕاهێنەران دەرچووە.

“سپێشەڵ وەن” لەچاوپێکەوتنێکدا بە ماڵپەڕی “مانچستەر ئیڤنینگ نیوز”ی ڕاگەیاندووە، ئەوەی لە ناوخۆی یانەکانی مانچستەر سیتی و لیڤەرپوڵ ڕوودەدات کارلێکی کیمیاییە لەسەرۆکایەتیەوە بۆ بەڕێوەبەران و ڕاهێنەر و یاریزانان و کارمەندانی یانەکە، بەهۆیەوە دوو یانەی بەهێز لەنەخشەی تۆپی پێدا پەیدابوون و ململانێی بەهێزترینەکانی تری ئەوروپا دەکەن.

“مۆو” ڕایگەیاندووە :” هەمووان لە یانەکانی سیتی و لیڤەرپوڵ لەسەر یەک ڕێڕەو کاردەکەن، پێموایە مەسەلەکە پەیوەندی بە پەیکەری یانەکانەوە هەیە”.

هەروەها دەڵێت :” کاتێک تەماشای مان سیتی دەکەیت، خاوەنی یانە، فیران سۆریانۆ، تیکسیکی بیگریستاین، پیپ گواردیۆلا، هاوکارانی گواردیۆلا پاشان یاریزانان، هەمووان بەیەکەوە بۆ یەک ئامانج تێدەکۆشن، مەسەلەکە خۆگونجاندنێکی بەهێزە، هەست و سۆز و کیمیایەکە داوای کوالیتی و هاوکاریکردن لە هەمووان دەکات بۆ یەک ئامانج”.

دەربارەی لیڤەرپوڵیش دەڵێت :” لیڤەرپوڵ؟ پێموایە بەهەمان شێوە یۆرگن کلۆپ لە بارودۆخێکی باشدایە، جێگیرە لەپێگەکەیدا و کۆنترۆڵی ناوچەکانی خۆیی کردووە، لەلایەن سەرۆکایەتی و کەسایەتیەکانی یانەوە پاڵپشتی دەکرێت، ئەو کەسانەش بەهەمان بیروبۆچوون و بیرکردنەوە کاردەکەن و بونیادی یانەکە بەوشێوەیە وەستاوە”.

بەردەوام بە لە خوێندنەوە

جیهانی

سێ ئەستێرەی تۆتنهام بۆ پۆچتینۆ: بۆندەکانمان نوێ ناکەینەوە !

خەڵک سپۆرت

هەندێک لە ئەستێرە ناودارەکانی یانەی تۆتنهام نایانەوێت لەگەڵ ماوریسیۆ پۆچتینۆی ڕاهێنەری ئەرجەنتینی بەردەوام بن و ئۆفەری نوێکردنەوەی بۆندەکانیان ڕەتکردۆتەوە.

ڕۆژنامەی “دەیلی مەیڵ”ی بەریتانی ئاشکرای کردووە، هەریەک لە تۆبی ئاڵدەرڤێرڵد، کریستیان ئیریکسن، یان ڤێرتۆنیگن لە هاوینی ٢٠٢٠ بۆندەکانیان بەفەرمی کۆتایی دێت و بێبەرامبەر دەتوانن پەیوەندی بەهەر یانەیەکی ترەوە بکەن، ئەوەش ئیدارەی یانەی تۆتنهامی ناچار کردووە بەهەموو شێوەیەک هەوڵ بۆ نوێکردنەوەی بۆندەکانیان بدات تا بەشێوەی بێبەرامبەر ماڵئاوایی نەکەن.

بەپێی ئەو زانیاریانەی دەست سەرچاوە ئینگلیزیەکە کەوتووە، سیانەی ناوبراو تەواوی ئەو ئۆفەر و بۆندانەیان ڕەتکردۆتەوە کە بۆ نوێکردنەوەی گرێبەستەکانیان بەدەستیان گەیشتووە، سەرجەمیان کۆک بوون لەسەر کارنەکردن لەژێر چاودێری ماوریسیۆ پۆچتینۆ و پەیوەندیکردن بە یانەیەکی ترەوە، جگە لەو سێ یاریزانەش دانی ڕۆزی بەرگریکاری هەمان یانە تا ئێستا لەگەڵ ئیدارەی کەڵەشێرە ڕومیەکان نەگەیشتۆتە ڕێکەوتن و لەنوێکردنەوەی بۆندەکەیدا پێگەی لە پێگەی سیانەی ناوبراو لاوازترە، بۆیە ئەگەر زۆرە ئەم یاریزانەش بچێتە ڕیزی سێ یاریزانەکەی ترەوە و لە هاوینی داهاتوو پەیوەندی بە یانەیەکی ترەوە بکات.

بەردەوام بە لە خوێندنەوە

جیهانی

کریستیانۆ لە یوڤی بێزارە و دەیەوێت بگەڕێتەوە بۆ ڕیاڵ مەدرید !

خەڵک سپۆرت

کریستیانۆ ڕۆناڵدۆی پورتوگالی لە ئیتاڵیا بێزارە و توڕەیی گەیشتۆتە ئەو ئاستەی بیر لە گەڕانەوە بۆ یانەی ڕیاڵ مەدرید بکاتەوە.

ماڵپەڕی “کالچیۆ میریکاتۆ”ی ئیتاڵی لەزاری چەند سەرچاوە و کەسێکی نزیکی کریستیانۆ ڕۆناڵدۆی ئەفسانەی ناوداری یانەی یوڤانتۆسەوە بڵاویکردۆتەوە، لە ئێستادا و بەهۆی ئاڵوگۆڕکردنی لە دوو ڕووبەڕوبونەوەدا کریستیانۆ زۆر بێزارە، توڕەیی لە ماوریزیۆ ساری ڕاهێنەری یوڤی و بێ هەڵوێستی ئیدارەی یانەکە گەیشتۆتە ئاستێک، کە بیر لە گەڕانەوە بکاتەوە ڕووەو یانەی ڕیاڵ مەدرید.

سەرچاوەکە نوسیویەتی، دۆنی پورتوگال بە کەسە نزیکەکانی ڕاگەیاندووە، بەهۆی پشتگوێخستن و دابەزینی ئاستیەوە لە یوڤانتۆس بێزار بووە و هەست بە خەمباری دەکات، هەروەها پەشیمانی دەربڕیوە لە جێهێشتنی یانەی شاهانەی مەدرید و بەشێوەیەکی زارەکی ئامادەیی نیشانداوە دووبارە بگەڕێتەوە بۆ یانە زەبەلاحەکەی ئیسپانیا و لەژێر چاودێری زینەدین زێدان دەست بە یاریکردن بکاتەوە.

کریستیانۆ لەم وەرزەدا ئاست و ژمارەکانی بەڕێژەیەکی زۆر دابەزیون و ئەوەش لە ململانێی باشترینەکانی جیهان بەدووریان خستووەتەوە، لەبەرامبەردا ماوریزیۆ ساری ڕاهێنەری یانە ئیتاڵیەکە لەبری یاریدەدانی لە دوو ڕووبەڕوبونەوەدا ئاڵوگۆڕی پێکردووە بەبێ ئەوەی پێشوەخت لەو بارەیەوە ئاگاداری بکاتەوە.

بەردەوام بە لە خوێندنەوە

کوردستان