ئێمە لە تۆرە کۆمەڵایەتیەکان

کوردستان

“لە ترسی داعش، گوندەكانی نزیك مەخمور و داقوق چۆڵ دەكرێن”


خەڵك-بەشی هەواڵ

بەرپرسی مەڵبەندی كەركوكی بزووتنەوەی ئیسلامی ڕایدەگەیەنێت، مەترسییەكانی داعش لە ناوچەكە زیادی كردووە و ژمارەیەك گوندنشین گوندەكانیان چۆڵ كردووە.

لەگەڵ سەرهەڵدانەوەی ناڕەزایەتییەكانی عیراق، جموجوڵەكانی چەكدارانی داعش لە ناوچە جێناكۆكەكان زیادیان كردووە و ئەمەش مەترسی بۆ سەر هاوڵاتیان دروست كردووە و لایەنە پەیوەندیدارەكانیش داوادەكەن ئەو ناوچانە چۆڵ بكرێن.

حەسەن شێخانی بەرپرسی مەڵبەندی كەركوكی بزووتنەوەی ئیسلامی بە (خەڵك)ی ڕایگەیاند، لە ئێستادا مەترسی و جموجموڵەكانی داعش دەستی پێكردووەتەوە و ڕۆژانە خەڵك تیرۆر دەكریـَت و ڕێگا لە هاوڵاتیان دەگیرێت.

وتیشی”هەندێك لە گوندەكان مەترسی هێرشی داعشیان لەسەرە و پۆلیس بە هاوڵاتیانی چەندین گوندی نزیك مەخمور و داقوقی ڕاگەیاندووە كە گوندەكانیان چۆڵ بكەن”.

ئەمەش لەكاتێكدایە عیراق ترسی ئەوەی هەیە داعشە هەڵهاتووەكانی سوریا بگەڕێنەوە، لای خۆشییەوە شیروان میرزا ئەندامی پەڕلەمانی عیراق بە (خەڵك)ی ڕاگەیاند، عيراق لە ڕووی ئەمنی و داراییەوە ئامادەكاری بۆ ڕووبەڕووبوونەوەی داعش كردووە.

کوردستان

توركیا گوندەكانی برادۆست بۆردوومان دەكات


خەڵك – بەشی هەواڵ

ئێوارەی ئەمڕۆ لەلایەن دوو فڕۆكەی جەنگی توركیاوە گوندەكانی نزیك چیای برادۆست بۆردوومان كران.

ماڵپەڕی فەڕمی یەكێتی بڵاویكردەوە، ئێوارەی ئەمڕۆ شەممە 4/4/2020 لەلایەن دوو فڕۆكەی جەنگی توركیاوە گوندەكانی (ڕۆبی ڕواڵ و سنین و گەرووی ئاڵەكان و شەماشە) و چەند ناوچەیەكی تر لەنزیك چیای برادۆست بۆردوومان كران.

بەپێی هەواڵەكە، بەهۆی بەردەوامیی بۆردوومانەوەكە تائێستا زیانەكان نەزانراون و هاووڵاتیانی ئەو ناوچانە ماڵ و حاڵی خۆیان جێهێشتووە.

بەردەوام بە لە خوێندنەوە

کوردستان

ژمارەی مردووان بە كۆرۆنا لە ڕۆژهەڵات لە 400 كەس نزیكدەبێتەوە


خەڵك- بەشی هەواڵ

بە گیانلەدەستدانی ٢١ كەسی دیكە بە هۆی توشبوون بە پەتای كۆرۆنا، ژمارەی ئەو كەسانەی لە ڕۆژهەڵاتی كوردستان بە هۆی توشبوون بە پەتای كۆرۆناوە گیانیان لەدەستداوە گەیشتە ٣٨٠ كەس.

بە پشتبەستن بە ئامارەكانی ڕێكخراوی مافی مرۆڤی هەنگاو، لە ماوەی ٢٤ كاتژمێری ڕابردوودا ٢١ هاووڵاتی دیكە لە شارەكانی كامیاران (٢ حاڵەت)، بانە (٢ حاڵەت)، سنە (٢ حاڵەت)، قوروە (١حاڵەت)، بیجاڕ (١حاڵەت)، پیرانشهر (١حاڵەت)، بۆكان (٢حاڵەت)، ئورمیە (٣ حاڵەت) ، خۆی (٢ حاڵەت)، میاندواو (١حاڵەت)، دێلوڕان (١ حاڵەت)، ئیلام (١ حاڵەت)، قەسری شیرین (١ حاڵەت)، كرماشان (١ حاڵەت) و سونقوڕ(١حاڵەت) بە هۆی تووشبوون بە پەتای كۆرۆنا گیانیان لەدەستداوە، كە چوار كەسیان لە شارەكان ئورمیە، كامیاران، میاندواو و قەسری شیرین ژن بوون.

هەر بەپێی ئامارەكە، لانیكەم ٣٨٠ هاووڵاتی كورد لەو ماوەیەدا بە هۆی تووشبوون بە پەتای كۆرۆناوە گیانیان لەدەستداوە، كە ١١٦ كەسیان ژن و ٢٦٤ كەسیان پیاو بوون.

جیاكردنەوە بەپێی پارێزگاكان:
پارێزگای ئیلام: ٦٠ حاڵەت (١٩ ژن و ٤١ پیاو)
پارێزگای كرماشان : ٧٩ حاڵەت (٢٧ ژن و ٥١ پیاو)
پارێزگای سنە: ١٣٥ حاڵەت (٣٨ ژن و ٩٧ پیاو)
پارێزگای ئورمیە: ١٠٦ حاڵەت (٣٣ ژن و ٧٣ پیاو)

تۆمار كردنی ئەو ئامارانە لەلایەن هەنگاو لە حاڵێكدایە، كە حكومەتی ئێران تەنیا ١٩٦ حاڵەتی بڵاو كردۆتەوە و بە پێی ئامارە حكوومەتییەكان لە پارێزگای سنە ٧٨ كەس، ئورمیە ٧٢ كەس، كرماشان ٢٩ كەس و ئیلام ٢٧ كەس بە هۆی تووشبوون بە پەتای كۆرۆنا گیانیان لەدەستداوە.

جیاكردنەوە بەپێی شارەكان:
سەقز (٥٨ حاڵەت)، كرماشان (٣٨ حاڵەت)، ئورمیە (٤٠ حاڵەت)، ئیلام (٢٨ حاڵەت)، سنە ( ٢٣ حاڵەت)، ئەیوانی ڕۆژئاوا (١٨ حاڵەت)، سونقوڕ و كولیایی (١٧ حاڵەت)، كیەڵان (٥ حاڵەت)، سەرپێڵی زەهاو (٧ حاڵەت)، بانە (١٢ حاڵەت)، خۆی (١٩ حاڵەت)، بۆكان (٩ حاڵەت)، قوروە (١٣ حاڵەت)، میاندواو (١٣ حاڵەت)، پیرانشار (٧ حاڵەت)، كەنگاوەر (٦ حاڵەت)، كامیاران (١٠ حاڵەت)، مەریوان (٧ حاڵەت)، بیجاڕ (٦ حاڵەت)، تیكاب (٤ حاڵەت)، سایین قەڵا (٦ حاڵەت)، مەلەكشاهی (١ حاڵەت)، داڵاهۆ (١ حاڵەت)، شنۆ (٢ حاڵەت)، چایپارە (١ حاڵەت)، نەغەدە (١ حاڵەت)، ڕەبەت (٢ حاڵەت)، شاباد (١ حاڵەت)، پاوە (١ حاڵەت) ، مێهران (٥ حاڵەت)، مەهاباد (٢ حاڵەت)، هەرسین (٢ حاڵەت)، دەڕەشار (٣ حاڵەت)، دیواندەرە (٥ حالەت)، دێهلۆڕان (٣ حاڵەت)، بەدرە (١ حاڵەت)، دێولان (١ حاڵەت)، ماكۆ (١ حاڵەت)، قەسری شیرین (١ حاڵەت).

بەردەوام بە لە خوێندنەوە

کوردستان

لە سلێمانی تووشبوویەكی كۆرۆنا گیانی لەدەستدا


خەڵك- بەشی هەواڵ
بەڕێوەبەری گشتی تەندروستی سلێمانی ئاشكرای دەكات، كە ئەمڕۆ تووشبوویەكی كۆرۆنا گیانی لەدەستداوە.

د. سەباح هەورامی، بەڕێوەبەری گشتی تەندروستی سلێمانی لە كۆنگرەیەكی ڕۆژنامەوانیدا ڕایگەیاند، بەداخەوە ئەمڕۆ هاووڵاتیەكی تر لەشاری سلێمانی، كە تووشبووی ڤایرۆسی كۆرۆنا بوو كۆچی دوایی كرد.

ئاشكراشی كرد، دوای ئەوەی نەخۆشەكە كۆچی دوایی كردووە نموونەمان لێوەرگرتووە و دەركەوتووە هەڵگری ڤایرۆسەكەیە.

ئەمە لەكاتێكدایە، كە بەم حاڵەتەوە 3 كەس لەهەرێمی كوردستان كۆچی دواییان كردووە، كە دەركەوتووە هەڵگری ڤایرۆسی كۆرۆنا بوون.

بەردەوام بە لە خوێندنەوە

کوردستان