ئێمە لە تۆرە کۆمەڵایەتیەکان

عێراق

ئێران هەڵوێستی خۆی بەرانبەر خۆپیشاندانەكانی عیراق ڕادەگەیەنێت

خەڵك- بەشی هەواڵ
ڕاوێژكاری سەرۆكی پەرلەمانی ئێران، ئەمریكا و ئیسرائیل و سعودیە، تۆمەتبار دەكات بەوەی داواكاریی خۆپیشاندەرانی گەلی عیراق بەكاردەهێنن بۆ زەمینەسازی لەپێناو دەستوەردان  لە كاروباری وڵاتەكە.

حسێن ئەمیر عەبدوڵڵاهیان، ڕاوێژكاری سەرۆكی پەرلەمانی ئێران ڕایگەیاندووە”ئەو وڵاتانە هەوڵ دەدەن سەقامگیریی و ئاسایش و ئارامی عیراق تێكبدەن و حكومەتی هەڵبژێردراو بڕوخێنن و زەمینە سازی بۆ دەستوەردانی بیانی لە عیراق خۆش بكەن، لەڕێی بەكارهێنانی داواكارییە ڕەواكانی گەلی عیراق”.

بە وتەی ئەو بەرپرسە ئێرانییە”ئەو وڵاتانە بەعسییەكانی سەر بە سەدام حسێن سەرۆكی لەسێدارەدراو بەكاردەهێنن لەپێناو لەگەڕخستنی كارەكانی حكومەت”.

حسێن ئەمیر عەبدوڵڵاهیان پێیوایە”چارەسەری ڕاستەقینە خۆی لە بایەخدانی ڕاستەقینە بە داواكاریی و داخوازیی گوزەرانی گەلی عیراق و پاشەكشەكردنی هێزە سەربازییەكانی ئەمریكادا دەبینێتەوە لە عیراق”.

لە سەرەتای مانگی تشرینی یەكەمەوە، تەوژمێكی خۆپیشاندان بەغدا و پارێزگەكانی ناوەڕاست و باشووری عیراقی گرتووەتەوە، بەهۆی دروستبوونی توندوتیژی و پێكداهەڵبژاردنی نێوان خۆپیشاندەران و هێزە ئەمنییەكان، تا ئێستا زیاتر لە 150 كەس كوژراون و هەزاران كەسی تر برینداربوون.

عێراق

پەرلەمانی عیراق کۆدەبێتەوە

 

 

خەڵک – بەشی هەواڵ

 

بڕیارە نیوەڕۆی ئەمڕۆ شەممە پەرلەمانی عیراق کۆببێتەوە.

 

نیوەڕۆی ئەمڕۆ کاتژمێر ١٢ پەرلەمانی عیراق کۆدەبێتەوە و بڕیارە خوێندنەوە بۆ چەند پڕۆژە یاسایەک بکرێن.

 

لەکۆبوونەوەی ئەمڕۆی پەرلەمانی عیراقدا بڕیارە گفتوگۆ لەبارەى ژمارەیەک پڕۆژەیاسایەک بکرێت، لەوانە: خوێندنەوەی یەکەم بۆ پڕۆژە یاساکانی هەموارکردنی یاسای دادگای تاوانەکانی عێراق، پڕۆژەیاسای دەستەی نیشتمانیی چاودێری ئەتۆمی، تیشکی، کیمیایی و بایەلۆجی، پڕۆژەیاسای پەیوەندیکردنی عیراق بە ڕێککەوتننامەی نێودەوڵەتی هێڵی بار، پڕۆژە یاسای پەیوەندیکردنی عیراق بە پرۆتۆکۆڵی ئامادەکاریی و بەرپەرچدانەوە و هاوکار لەبارەی پیسبوون بە ماددەی ترسناک و زیانمەندی گشتی و چەند پڕۆژە یاسایەکی دیکە.

 

 

بەردەوام بە لە خوێندنەوە

عێراق

ئێران: پێویستە عیراق گیانی دیپلۆماتكارەكانمان بپارێزێت

خەڵك – بەشی هەواڵ

وتەبێژی وەزارەتی دەرەوەی ئێران ڕایدەگەیەنێت: هێرش و پێشێلكارییەكان دژ بەهاووڵاتیانی ئێران لە عیراق بەشێوەیەكی بەرچاو زیادیكردووە.

سەعید خەتیب زادە وتەبێژی وەزارەتی دەرەوەی ئێران لە كۆنفڕانسێكی ڕۆژنامەوانیدا ئیدانەی ئەو هێرشانەی كرد كە لە بەغدای پایتەختی عیراق دەكرێنە سەر دیپلۆماتكار و كەسانی بیانی بەتایبەت ئێرانییەكان.

وتەبێژی وەزارەتی دەرەوەی ئێران ئاماژەی بەوەشدا، هێرش و پێشێلكارییەكان دژ بەهاووڵاتیانی ئێران لەو وڵاتە بەشێوەیەكی بەرچاو زیادیكردووە.

سەعید خەتیب زادە داواشیكرد، حكومەتی عیراق ئاسایشی هاووڵاتیانیان بپارێزێت و ڕاشیگەیاند، ئەركی هێزە ئەمنییەكانی ئەو وڵاتەیە گیانی دیپلۆماتكار و كەسانی بیانی بپارێزن و ڕێكاری توند بۆ ئەو مەبەستە بگرنەبەر.

بەردەوام بە لە خوێندنەوە

عێراق

سەڵاحەدین.. بۆمبێك بەكاروانێكی لۆجیستی هاوپەیمانان تەقییەوە

خەڵك – بەشی هەواڵ

لە سنووری پارێزگای سەڵاحەدین بۆمبێك بە كاروانێكی هاوپەیمانان تەقییەوە و سەربازێكی عیراقی برینداربوو.

شانەی ئەمنی عیراق بڵاویكردەوە، لە شارۆچكەیەكی سەر بە پارێزگای سەڵاحەدین بۆمبێكی چێنراو بەكاروانێكی لۆجیستی هێزەكانی هاوپەیمانی نێودەوڵەتی دژ بە داعش تەقیوەتەوە.

شانەی ئەمنی عیراقی ئەوەشی خستووەتەڕوو: بۆمبێك بەكاروانێكی لۆجیستی هێزەكانی هاوپەیمانی نێودەوڵەتی دژ بەداعش لە شارۆچكەی ئیسحاقی لە سنووری پارێزگای سەڵاحەدین تەقیوەتەوە و بەوهۆیەوە سەربازێكی هێزەكانی سوپای عیراق برینداربووە.

بەردەوام بە لە خوێندنەوە

کوردستان