ئێمە لە تۆرە کۆمەڵایەتیەکان

جیهان

ترەمپ: كاتی ئەوەهاتووە كورد ڕوو لە كێڵگە نەوتییەكان بكات


خەڵك- بەشی هەواڵ
سەرۆكی ئەمریكا ڕایدەگەیەنێت، كاتی ئەوە هاتووە كورد ڕوو لەو ناوچەیە بكات كە كێڵگە نەوتییەكانی تێدایە.

دۆناڵد ترەمپ سەرۆكی ئەمریكا لە تویتێكیدا لەسەر تۆڕی كۆمەڵایەتی (تویتەر) ڕایگەیاند”لەگەڵ مەزڵوم عەبدی فەرماندەی هێزەكانی سوریای دیموكرات (هەسەدە) بە تەلەفۆن قسەی كردووە و پێی ڕاگەیاندووە كە ڕەنگە كاتی ئەوە هاتبێت، كوردەكان ڕوو لەو ناوچەیە بكەن كە كێڵگە نەوتییەكانی تێدایە”.

دوێنێ‌ چوار شەممە، وەزارەتی بەرگری ئەمریكا، ڕاوەستانی ئۆپەراسیۆنە سەربازییەكەی توركیای لە باكووری خۆرهەڵاتی سوریا ڕاگەیاندبوو، هۆكاریی ڕاوەستانی ئۆپەراشسیۆنەكەشی بۆ نەبوونی پێویستی بە كاریی سەربازی نوێ‌ گێڕابووەوە، دوای بەدیهاتنی ڕێكەوتن لەنێوان ڕوسیا و ئەمریكا و پاشەكشەكردنی یەكینەكانی پاراستنی گەلی كورد بە ڕووبەری 30 كیلۆمەتر لە باشووری سنوورەكانی توركیا و سوریا.

جیهان

ترەمپ: پێگە كۆمەڵایەتییەكان دادەخەین


خەڵك- بەشی هەواڵ
سەرۆكی ئەمریكا هەرەشەی سەپاندنی چاودێری بەسەر پێگە كۆمەڵایەتییەكان و تەنانەت داخستنیشیان دەكات، ئەمەش دوای ئەوەی (تویتەر) ئاماژەی بە ناڕاستی دوو تویتی سەرۆك كردبوو.

دۆناڵد ترەمپ سەرۆكی ئەمریكا لە تویتێكیدا لەڕێی تۆڕی كۆمەلایەتی (تویتەر) بڵاویكردەوە:”كۆمارییەكان وا هەست دەكەن پێگە كۆمەڵایەتییەكان بە تەواوەتی دەنگی موحافیزكارەكان كپ دەكات”.

بە وتەی ترەمپ:”دەست دەكەین بە ڕێكخستیان یان داخستنیان، چونكە بینیمان هەوڵیاندا چی بكەن و لە ساڵی 2016دا دووچاری شكست بوون، بۆیە ڕێگەنادەین بە دووبارەبوونەوەی ڕوداوێكی زیاتر ئاڵۆز”.

دوو شەممەی ڕابردوو، پێگەی كۆمەڵایەتی (تویتەر)، هۆشداریی دایە بەشداربووەكانی لە تویتەكانی دۆناڵد ترەمپ سەرۆكی ئەمریكا كە بەپێی پێگەكە”ڕەنگە بەلاڕێدابەربن”، ئەمەش بە ڕووداوێكی بێپشێینە دادەنرێت، دوابەدوای ئەوەش ترەمپ (تویتەر)ی بە دەستوەردان لە هەڵبژاردنەكان و كپكردنی ئازادی ڕادەربڕین تۆمەتباركرد.

 

بەردەوام بە لە خوێندنەوە

جیهان

لە ئەمریكا، ژمارەی ئەو كەسانەی بەهۆی كۆرۆناوە گیانیان لەدەستداوە 100 هەزار كەسی تێپەڕاند


خەڵك-بەشی هەواڵ

بە گوێرەی دواین ئامار، تووشبووانی ڤایرۆسی كۆرۆنا لە جیهاندا گەیشتە پێنج ملیۆن و 709 هەزار و 518 حاڵەت.

بە گوێرەی ئامارە جیهانییەكان، تاكو كاتژمێر 2:30ی پاشنیوەڕۆی ئەمڕۆ چوار شەممە ژمارەی تووشبووانی كۆرۆنا لە جیهاندا گەیشتە پێنج ملیۆن و 709 هەزار و 518 حاڵەت، لەو ژمارەیەش سێ سەد و پەنجا و دوو هەزار و 750 حاڵەتی گیانلەدەستدانیش هەبووە.

لەسەر ئاستی وڵاتانی جیهان، ئەمریكا زۆرترین ڕێژەی تووشبوون بە پەتاكەی تێدا تۆماركراوە و گەیشتووەتە ملیۆنێك و 725 هەزار و 808 كەس و سەد هەزار و 625 كەسیش گیانیان لەدەستداوە.

ڤایرۆسی كۆرۆنا نەخۆشییەكی كوشندەیە و مانگی 12ی ساڵی ڕابردوو لەشاری وۆهانی وڵاتی چین سەریهەڵداو لەئێستاشدا لە زیاتر لە 200 وڵات و ناوچەی جیهان بڵاوبووەتەوە.

بەردەوام بە لە خوێندنەوە

جیهان

بومەلەرزە دەریای ناوەڕاست دەهەژێنێت


خەڵك-بەشی هەواڵ

 

بەڕێوبەرایەتی كارەساتی سروشتیی و دۆخی لەناكاو ڕایدەگەیەنێت، كاتژمێر 4:9 خولەكی بەرەبەیانی ئەمڕۆ چوار شەممە، بوومەلەرزەیەك بەگوڕی ٤،٩ پلە لەسەر پێوەری ڕێختەر دەریای ناوەڕاستی هەژاند.

بەڕێوبەرایەتی كارەساتی سروشتیی و دۆخی لەناكاو لە ڕاگەیەنراوێكدا ئاماژە بۆ ئەوە دەكات، چەقی بوومەلەرزەكە لە دووری ٢٩٥ كیلۆمەتر لە شارۆچكەی داتچای سەربە پارێزگای موغڵا و لە قوڵایی ٦،٠٥ كیلۆمەتر بووە.

ئاشكراشیكرد، لە كاتژمێر ٠٣:٤٠ی بەرەبەیانیش، بوومەلەرزەیەك لە نزیك ئەو ناوچەیە بەگوڕی ٤ پلە ڕوویدا بوو.

بەردەوام بە لە خوێندنەوە

کوردستان

کوردستان13 خولەک پێش ئێستا

بەوێنە؛ لە كەلار ئاگرێك كەوتەوە و تانكەر و مۆلیدە و نانەواخانەیەك سووتان

خەڵك- بەشی هەواڵ لەناو شارۆچكەی كەلار لە سنووری ئیدارەی گەرمیان ئاگرێك كەوتەوە و بەهۆیەوە تانكەرێكی سووتەمەنی و مۆلیدەیەك و نانەواخانەیەك...

کوردستان33 خولەک پێش ئێستا

فرسەت سۆفی: دەمانەوێت خوار و خێچی ئیدارەدان نەهێڵین
بەرپرسی مەڵبەندی 2ی یەكگرتوو: توانرا ماندوونەناسانە ڕێگری لەبڵاوبوونەوەی كۆرۆنا بكرێت

خەڵك-ئارام سەردار بەرپرسی مەڵبەندی دووی هەولێری یەكگرتوو ڕایگەیاند، توانرا ماندوونەناسانە ڕێگری بكرێت لەبڵاوبوونەوەی كۆرۆنا و هۆشیاركردنەوەی هاووڵاتیان بەڕێنماییە تەندروستیەكان، هاوكات...

کوردستان1 کاتژمێر پێش ئێستا

چەند تووشبوویەكی كۆرۆنا لە هەولێر چاكبوونەوە

خەڵك- بەشی هەواڵ بەڕێوەبەرایەتی گشتی تەندروستی هەولێر ئاشكرای دەكات، كە چوار تووشبووی كۆرۆنا چاكبوونەوە و دەشڵێت: “كۆی گشتی چاكبووەوەكان گەیشتۆتە...