ئێمە لە تۆرە کۆمەڵایەتیەکان

عێراق

داوای كەمكردنەوەی مووچەی بەرپرسانیش دەكرێت
داوا دەكرێت هەموو تاكێكی عیراقی 300 دۆلار پارەی داهاتی نەوتی بۆ ببڕێتەوە

خەڵك- بەشی هەواڵ
پەرلەمانتارێكی فراكسیۆنی سادیقون كە باڵی سیاسی بزوتنەوەی عەسائیبی ئەهلی حەقە، 25 خاڵ بۆ چارەسەركردنی تەنگژەكانی ئێستای عیراق و چاككردنی ڕەوشەكە پێشنیار دەكات كە یەكێكیان بڕینەوەی بڕی 300 دۆلارە بۆ هەموو تاكێكی عیراقی لە پارەی داهاتی نەوت.

حەسەن سالم، پەرلەمانتاری فراكسیۆنی سادیقون لە بەیاننامەیەكدا، 25 خاڵی دیاریی كردووە كە بە وتەی ئەو”بۆ چارەسەركردنی تەنگژەكانی ئێستای عیراق و باشكردنی ڕەوشی ئێستای وڵاتن”، یەكیك لەو خاڵانەش بڕینەوەی 300 دۆلارە بۆ هەموو تاكێكی عیراقی لە پارەی داهاتی نەوت، بەو پێیەی “نەوت سامانی گەلە”.

حەسەن سالم لە بەیاننامەكەدا ڕایگەیاندووە”دەكرێت دەستوری ئێستا گۆڕانكاریی تێدا بكرێت، چونكە دەستور دەقێكی قورئانی نییە و لەگەڵ هەلومەرجی ئێستای وڵاتدا ناگونجێت”، بەپێویستیشی دەزانێت سیستمی پەرلەمانی هەڵوەشێنرێتەوە و كە “لەسەر بنەمای پشكداریی دروستبووە و هۆكاریی داڕوخانی وڵاتە و سیستمی سەرۆكایەتی دابمەزرێت”.

حەسەن سالم لە بەیاننامەكەیدا، داوا دەكات ئەندامانی پەرلەمانی عیراق بۆ 120 پەرلەمانتار كەمبكرێنەوە و هەموو ئیمتیازاتەكانشیان هەڵبوەشێنرێنەوە، داواشی كردووە مووچەی گەورە بەرپرسانیش كەمبكرێتەوە بە جۆرێك كە زۆرترین مووچە لە 3 ملیۆن و 500 هەزار دینار زیاتر نەبێت.

 

عێراق

نوجێفی ڕێككەوتنێك لەگەڵ عەلاوی و عەبادی ئاشكرادەكات

خەڵك- بەشی هەواڵ
سەرۆكی بەرەی ڕزگاری و گەشەپێدانی عیراق ڕایدەگەیەنێت، كە نەخشە ڕێگایەی بۆ دۆخی عیراق و هەڵوەشاندنەوەی حكومەت پێشكەش كردووە و دەشڵێت: “لەگەڵ عەلاوی و عەبادی ڕێككەوتوون”.

ئوسامە نوجێفی، سەرۆكی بەرەی ڕزگاری و گەشەپێدانی عیراقی لە كۆبوونەوەی لەگەڵ جوان لوندیز، باڵیۆزی ئوستڕالیا لە عیراق كۆبۆتەوە و گفتوگۆیان كردووە بەسارەت بە دۆخی سیاسی وڵات و ئەو بزووتنەوە جەماوەریەی شەقامەكانی گرتۆتەوە.

بەپێی ڕاگەیەنراوێكی نووسینگەكەی، نوجێفی نەخشەڕێگایەكی خستۆتەڕوو بۆ دەستلەكاركێشانەوەی حكومەت و پێكهێنانی حكومەتێكی كاتی، كە بەشداری لە هەڵبژاردن نەكات و دانانی یاسایەك بۆ هەڵبژاردنەكان، كە داخوازی دادپەروەری بهێنێتەدی و كۆمسیۆنێكی سەربەخۆ بە بەشداری نەتەوە یەكگرتووەكان پێكبهێنێت بۆ ئەنجامدانی هەڵبژاردنی ئاشتیانە و بڕواپێكراو.

ڕاشیگەیاندووە، كە هەر بەپێی نەخشەڕێگاكە پەڕلەمان هەڵدەوەشێنرێتەوە و هەڵبژاردن ئەنجام دەدرێت بۆ دیاری كردنی نوێنەرانی ڕاستەقینەی گەل.

نوجێفی وتوشیەتی، “لەگەڵ حەیدەر عەبادی، سەرۆكی هاوپەیمانی نەسر و ئەیاد عەلاوی، سەرۆكی مینبەری عیراقی ڕێككەوتووە سەبارەت بە هەماهەنگی و هاوكاری بۆ لێپرسینەوە لە سەرۆك وەزیران و لەكارخستنی ئەوەش وەك چالاكی ئۆپۆزسیۆنی بە هاوبەشی لەگەڵ ئەو لایەنانەی هەمان بۆچوونیان هەیە”.

بەردەوام بە لە خوێندنەوە

عێراق

وەزیری بەرگرى: سوپا و حەشد و پێشمەرگە پابەندی فەرمانەكانن

خەڵك – بەشی هەواڵ
وەزارەتی بەرگری عیراق ڕایدەگەیەنێت، سوپا بەهیچ شێوەیەك گازی فرمێسكڕیژی بە ئاڕاستەی خۆپیشاندەران نەهاویشتووە، لایەنی سێیەم دەستیان لە تەقاندنی ئەو بۆمبانە هەیە، دەشڵێت: “سوپا و حەشد و پێشمەرگە و دژەتیرۆر پابەندی فەرمانەكانی فەرماندەی گشتی هێزە چەكدارەكانن”.

وەزارەتی بەرگری عیراق بڵاویكردەوە، كە نەجاح ئەلشمەری، وەزیری بەرگری لەمیانەی وتارێكی بۆ هێزە سەربازییەكان ڕایگەیاندووە، هیچ كام لە هێزەكانی سوپا و حەشد و دژە تیرۆر و پێشمەرگە بۆمبی فرمێسكڕێژیان بەمەبەستی كوشتنی خۆپیشاندەران نەهاویشتووە.

ڕاشیگەیاندووە، لایەنی سێهەم، كە چەند كەسێكن و چەكیان پێیە بۆمبی فرمێسكڕێژ و گوللە ئاڕاستەی هێزە ئەمنیەكان و خۆپیشاندەران دەكەن بەمەبەستی نانەوەی فیتنە لەنێوان ڕۆڵەكانی گەلی عیراقدا.

ئاماژە بۆ ئەوەشكراوە، هەموو هێزەكانی وەزارەتی پەرگری عیراق بە پۆلیس و دژەتیرۆر و حەشدی شەعبی و هێزەكانی پێشمەرگە پابەندی فەرمانەكانی فەرماندەی گشتی هێزە چەكدارەكانی عیراقن، كە نكۆڵی لەوە دەكات نابێت توندوتیژی دژی خۆپیشاندەران بەكاربهێنرێت، هەر بەو هۆیەشەوە بەسەدان لە هێزەكانمان بریندار و بەدەیانی دیكە شەهید بوون.

بەردەوام بە لە خوێندنەوە

عێراق

“پارەی پێویست بۆ دابەشكردنی مووچەی خانەنشینان و فەرمانبەران هەیە”

خەڵك – بەشی هەواڵ
بانكی ڕافیدەین لە عیراق ڕایدەگەیەنێت، پارەی پێویست بۆ دابەشكردنی مووچەی خانەنشینان و فەرمانبەران لەبەردەستدایە و لە لقەكانی بەغدا و پارێزگاكانی دیكە بەردەوامن لە دابەشكردنی مووچە.

دوای ئەوەی بڵاوكرایەوە بەهۆی خۆپیشاندان و ناڕەزایەتیەكانی بەغدا و هەندێك لە پارێزگاكانی عیراق كێشە بۆ بانكەكان دروست بووە لە پێدانی مووچەی مانگانەی خانەنشینان و فەرمانبەران، بانكی ڕافیدەین لە ڕاگەیەنراوێكدا ئەو دەنگۆیانە ڕەتدەكاتەوە.

نووسینگەی ڕۆژنامەوانی بانكی ڕافیدەین ئاماژەی بەوەكردووە، لقەكانی ڕافیدەین لەتەواوی شارەكانی عیراق بەردەوامە لە دابەشكردنی مووچەی خانەنشینان و فەرمانبەران و خاوەن پێداویستییە تایبەتییەكان لەكاتی دیاریكراوی خۆیدا و ڕەتیكردەوە هیچ كێشەیەكیان هەبێت لە پارە و دابەشكردن.

ڕاشیگەیاندووە، بانك پارەی پێویستی بۆ دابەشكردنی مووچەی فەرمانبەران و خانەنشینان و خاوەن پێداویستییە تایبەتییەكان و توێژەكانی دیكە لەبەردەستدایە و بڕە پارەیەكی زۆریش بۆ لقی بانكەكان تەرخانكراوە.

بانكی ڕافیدەین داوای لە فەرمانبەران و خانەنشینان كردووە، سەردانی لقەكانیان بكەن و هەركاتێك بیانەوێ دەتوانن مووچەكانیان وەربگرن.

بەردەوام بە لە خوێندنەوە

کوردستان