ئێمە لە تۆرە کۆمەڵایەتیەکان

جیهان

ئیلهام ئەحمەد لە كۆنگرێس: توركیا قەتلوعامی كردووە

خەڵك – بەشی هەواڵ

سەرۆكی جێبەجێكاری ئەنجومەنی سوریای دیموكرات لە كۆنگرێسی ئەمریكاوە ڕایدەگەیەنێت: توركیا قەتلوعامی كردووەو جیاوازی لە نێوان پێكهاتەكان نەكردووە.

ئیلهام ئەحمەد سەرۆكی جێبەجێكاری ئەنجومەنی سوریای دیموكرات ، لە میانەی وتارێكیدا لەبەردەم لیژنەی ئاسایشی كۆنگرێسی ئەمریكا ڕایگەیاند:”سوپاسی كۆنگرێس دەكەم بۆ ئەو دەرفەتە، من لە سوریاوە هاتم ، ماوەی چەند ساڵیكە لە سوریا شەڕێكی سەخت بەڕێوەدەچێت و لەو ماوەیەدا ژیانێكی سەختمان بەڕێكرد، گەلانی ئێمە كورد و عەرەب و توركمان و كریستیانەكان بەشێكی بەرچاویان لە سوریا ئازاد كرد”.

سەرۆكی جێبەجێكاری ئەنجومەنی سوریای دیموكرات وتیشی، هیواداربووین لەدوای شەڕی داعش ژیانێكی ئارام بەسەر بەرین، چونكە لەشەڕی داعشدا 11 هەزار شەهیدمان پێشكەش بەخاك و نیشتمان كرد و 25 هەزار شەڕڤانمان بریندار بوو.

ئیلهام ئەحمەد ئاماژەی بەوەشدا، سوپاسی ئەمریكا دەكەین لەو شەڕەدا هاوكارمان بوو، ئەمریكا بە ئێمەی وت تا داعش مابێت ئێمە لە پشتتان دەبین و هاوكارتان دەبین، بەڵام كاتێك (عەفرین) كەوت وتیان سەربازمان كەمبوو لەو ناوچەیە، بۆیە ناتوانین یارمەتی بدەین و وتیان لە كوێ‌ هێزمان هەبوو ڕێگە نادەین هێرش بكرێتە سەرتان. بەڵام، بەداخەوە ڕۆژێك پێش هێرشەكەی توركیا بۆ سەر ڕۆژئاوای كوردستان (باكووری ڕۆژهەڵاتی سوریا) دۆناڵد ترەمپ سەرۆكی ئەمریكا لە پەیوەندییەكی تەلەفۆنیدا بە ڕەجەب تەیب ئەردۆغان سەرۆكی توركیای ڕاگەیاندووە، ئێمە پاشەكشە دەكەین. لەو كاتەدا ئێمە ئێمە تووشی شۆك بوین، بەڵام لە هەمان كاتدا كۆڵمان نەدا و شەڕمان كرد.

ئیلهام ئەحمەد ئەوەشیخستەڕوو، لەو هێرشانەی توركیادا بۆ سەر ڕۆژئاوای سوریا 250 كەسی سڤیل كوژراون كە ژمارەیەكی زۆریان منداڵ بوون، شاری سەرێكانی بە تەواوی وێران بووە بەهۆی هێرشەكانی توركیاوە، سیاسەتمەدارمان كوژران كە یەكێك لەوانە (هێڤین خەڵەف)ە، توركیا تیرۆریستانەكانی بەكارهێناوە بۆ كوشتنی ئێمە و چەكی كیمیایی و چەكی فۆسفۆڕی بەكارهێناوە لە دژمان، داعشەكان بەناوی سوپای ئازادی سوریا بە هاوپەیمانی توركیا لەدژمان شەڕ دەكەن. وتشیی، ئێمە سوێند دەخۆین، ئەوەی توركیا دەیڵێت ڕاست نییە، ئەوەی دەگوزەرێت داعش دەیكات، بەڵام لە ژێر ناوێكی تر.

سەرۆكی جێبەجێكاری ئەنجومەنی سوریای دیموكرات لەو كۆبوونەوەیەی كۆنگرێسی ئەمریكادا ئاشكرایكرد، لە هێرشەكانی توركيا بۆ سەر ڕۆژئاوای كوردستان (باكووری ڕۆژهەڵاتی سوریا) 160 خێزانی داعش ڕایانكردووە و لە نێویاندا، 6 كەسیان فەڕەنسایین و 2ی تریشیان بەلژیكایی و 10ی تریشیان ناسنامەیان دیار نییە.

ئیلهام ئەحمەد هۆشداریشیدا، دۆخێكی ترسناك هەیە و جارێكی تر ئەمریكا و جیهان لە مەترسیدایە، چونكە یەكێك لەو كەسانەی كە تۆمەتبارە لە ئەنجامدانی تەقینەوەكەی نیویۆرك لای ئێمە زیندانی بوو و بەهۆی هێرشەكانی توركیاوە لە ئێستادا لە زینداندا ڕایكردووە، وتیشی، سەرەڕای ئەوەی لە ئێستادا جوگرافیای خاكی ئێمە دابەش بووە، دوێنێ‌ تەرمی شەڕڤانێكی ئێمە كە لە ڕووبەڕووبوونەوەكاندا شەهید بووە و كەوتووەتە دەستی هاوپەیمانانی سوپای توركیا تەرمەكەیان شێواندووە، ( لەگەڵ ئەو وتانەیدا وێنەی ڕووداوەكەی پیشانی ئامادەبوواندا).

جیهان

سبەینێ كۆبوونەوەی هاوپەیمانی دژی داعشە

خەڵك –بەشی هەواڵ

بڕیارە سبەینێ لە واشنتن هاوپەیمانی نێودەوڵەتی دژی داعش كۆببێتەوە.

بەپێی سەرچاوە ڕۆژنامەوانییەكان، سبەینێ كۆبوونەوەی گشتی هاوپەیمانی نێودەوڵەتی دژی داعش بە سەرۆكایەتی ئەمریكا دەكرێت كە 35 وڵات لە خۆی دەگرێت.

لەو كۆبوونەوەیەدا تاووتوێی دوایین هەنگاوەكانی مامەڵەكردن لەگەڵ داعش و پەیوەندییەكانیان لەگەڵ هەسەدە و ڕەوشی ڕۆژئاوای كوردستان و سووریا و عیراق بە گشتی دەكرێت.

بەردەوام بە لە خوێندنەوە

جیهان

غەزە بۆردومان دەكرێت

خەڵك –بەشی هەواڵ
بەرەبەیانی ئەمڕۆ سوپای ئیسرائیل بۆردومانكردنی شاری غەزەی فەلەستینی دەستپێكردەوە.

بۆ دووهەمین ڕۆژ سوپای ئیسرائیل بەردەوامە لە بۆردومانكردنی شاری غەزە لەوەڵامی هێرشە موشەكییەكانی سەرای قوودس بۆ ناوچەكانی ئیسرائیل و تەلئەبیبی پایتەخت.

هێرشە موشەكییەكانی گرووپە چەكدارە فەلەستینییەكان لە دوای كوژرانی ئەبو بەها عەتا سەركردەی دیاری بزوتنەوەی جیهادی ئیسلامی بوو لەلایەن ئیسرائیلەوە.

حكومەتی ئیسرائیل ڕێوشوێنی بەپەلەی گرتووەتەبەر لە ناوچە سنوورییەكانی لەگەڵ غەزە و دەوامی خوێندنیش ڕاگیراوە.

بەردەوام بە لە خوێندنەوە

جیهان

بەوێنە..تیشێرتێك كە وێنەی مەزڵوم كۆبانێى لەسەره لە ئەمریكا دەفرۆشرێت

خەڵك-بەشی هەواڵ

لەگەڵ سەردانەكەی ڕەجەب تەیب ئەردۆغان بۆ ئەمریكا، لە نێو بازاڕەكانی ئەمریكا تیشێرتێك دەفرۆشرێت كە وێنەی مەزڵوم كۆبانی لەسەرە.

بڕیارە ئەمڕۆ ڕەجەب تەیب ئەردۆغان سەرۆك كۆماری توركیا لەگەڵ دۆناڵد تڕەمپ سەرۆك كۆماری ئەمریكا كۆببێتەوە.

بەپێی زانیارییەكان، لە كۆبوونەوەكەی ئەمڕۆی ئەردۆغان و تڕەمپ گفتوگۆ لەسەر كێشەی سوریا و ناوچەی ئارام دەكرێت.

هەر بەپێی زانیارییەكان، 17 كۆنگرێسمانی دیومكراتەكان و كۆمارییەكان، ناڕەزایەتی خۆیان نیشانداوە لە سەردانەكەی ئەردۆغان و ئەگەری هەیە ڕەوەندی كوردی لە ئەمریكا خۆپیشاندان دژی سەردانەكەی سەرۆك كۆماری توركیا ساز بكەن.

بەردەوام بە لە خوێندنەوە

کوردستان