ئێمە لە تۆرە کۆمەڵایەتیەکان

وەرزشەکانی تر

فێراری فێڵی لەسەرجەم تیمەکانی “فۆرمولا ١” و فیدراسیۆنی نێودەوڵەتی کردووە، بەڵام…


خەڵک سپۆرت

تیمی فێراری ئیتاڵی بەشدار لە ململانێکانی “فۆرمولا ١” لە چۆنیەتی وەبەرهێنانی بزوێنەری ئوتۆمبێلەکانیدا فێڵی لەسەرجەم تیمە ڕکابەرەکانی و فیدراسیۆنی نێودەوڵەتی ئوتۆمبێلە خێراکانیش کردووە، بەڵام فیدراسیۆنەکە هیچ هەنگاوێک بە ئاڕاستەی سزاداکانی ئەو تیمە نانێت.

ماڵپەڕی “ئاوتۆ بێلد”ی ئەڵمانی ئاشکرای کردووە، لەم وەرزەدا ئوتۆمبێلەکانی تیمی فێراری لەچوارچێوەی ململانێکانی “فۆرمولا ١” جیاوازی بەرچاویان پێوەدیار بووە، بە ئاشکرا دەرکەوتووە کە خێراییان لە خێرایی ئوتۆمبێلی تیمەکانی تر زیاترە، بەو هۆیەوەشەوە زۆرینەی تیمەکان سکاڵایان لەسەر ئیتاڵیەکان تۆمار کردووە، بەڵام فیدراسیۆنی نێودەوڵەتی هیچ کاردانەوەی نییە.

سەرچاوەیەک لە تیمێکی ڕکابەرەکەوە کە نەیویستووە ناوی ئاشکرا بکرێت، بە ماڵپەڕەکەی ڕاگەیاندووە :” ئەو بەرەو پێشچوونەی تیمی فێراری لە یەکەی وەبەرهێنانی وزەی بزوێنەرەکانیدا بەدەستیهێناوە یاسایی نییە، شێتانەیە تیمێک بەو خێراییە بتوانێت گۆڕانکاری هێندە گەورە بەرجەستە بکات، بەڵکو ئەوەی ڕوویداوە بەکارخستنی نوێترین تەکنەلۆجیای سەردەمە و بزوێنەرەکانیش گەورەترن لە بزوێنەری تیمەکانی تر”.

هەروەها دەڵێت :” فیدراسیۆنی نێودەوڵەتی ئەم ڕاستیانە دەزانێت، بەڵام نایانەوێت هیچ لەبارەیەوە بڵێن و پشکنین بۆ بزوێنەرەکانیان بکەن، دڵنیام ئەگەر ئەوە ڕووبدات ئابڕوچونێکی مێژوویی ئاشکرا دەبێت”.

لەم وەرزەدا و سەرباری ئەو تۆمەتانەی ئاڕاستەی فێراری دەکرێت، بەڵام تیمی مێرسیدسی ئەڵمانی لەسەر ئاستی تیم و شۆفێرانیش لوتکەی بوارەکەی گرتووە و چەند وەرزێکیشە کۆنترۆڵی سەرجەم پێشبڕکێکانیان کردووە.

ریکلام

وەرزشەکانی تر

گه‌نجێكی كورد، له‌ وه‌رزشی تایکواندۆدا، ده‌بێته‌ پاڵه‌وانی بەریتانیا


خەڵک

گه‌نجێكی كورد له‌ وه‌رزشی تایکواندۆ سه‌ركه‌وتنی گه‌وره‌ به‌ده‌ست ده‌هێنێت و ده‌بێته‌ پاڵه‌وانی ئه‌و یارییه‌ له‌سه‌ر ئاستی ئه‌وروپا.

رامین سه‌ردار به‌هرامی، گه‌نجێكی وه‌زرشكاری له‌دایك بووی ساڵی2002ی شاری بانه‌ی رۆژهه‌ڵاتی كوردستانه‌، ماوه‌ی 2 ساڵه‌ چووته‌ وڵاتی  بەریتانیا و له‌وێ به‌شێوه‌یه‌كی پیشه‌یانه‌ ده‌ستی كردووه‌ به‌ وه‌رزشی تایكواندۆ.

رامین له‌ماوه‌ی ئه‌و 2 ساڵه‌دا سه‌ركه‌وتنی گه‌وره‌ی له‌و یارییه‌دا به‌ده‌ست هێناوه‌و له‌كۆی 15 یاری و پاڵه‌وانێتی كه‌ ئه‌نجامی داوه‌ له‌سه‌ر ئاستی بریتانیا و ئه‌وروپا و سه‌رجه‌م یارییه‌كانی بردووه‌ته‌وه‌.

ئه‌و یاریزانه‌ كورده‌ له‌ ئێستا بۆ یانه‌ی نیشتیمانی بەریتانیا یاری ده‌كات ، له‌هه‌مان كاتدا یاریزانی یانه‌ی له‌نده‌نه‌.

رامین له‌دواین یاریدا و له‌ كێشی67 كگم، به‌ نوێنه‌رایه‌تی بەریتانیا نازناوی پاڵاوانێتی World European  championship 2020ی به‌ده‌ست هێناوه‌و مه‌دالیای زێڕینی وه‌رگرتووه‌.

له‌هه‌مان پاڵه‌وانێتی له‌ كێشی خۆیدا خه‌ڵاتی باشترین یاریزانی له‌رووی ته‌كنیك و هونه‌ری یاریكردنه‌وه‌ به‌ده‌ست هێناوه‌.

رامین سه‌ردار به‌هرامی له‌ ته‌مه‌نی 4 ساڵییه‌وه‌ ده‌ستی كردووه‌ به‌یاریكردن و له‌ ته‌مه‌نی 7 ساڵیشه‌وه‌ وه‌ك پیشه‌گه‌رێك ده‌ستی كردووه‌ به‌یاریكردن و راهێنان. له‌ ئێستادا به‌رده‌وامه‌ له‌ راهێنان و ‌ چاوی له‌گه‌یشته‌ به‌ پاڵاوانێتێیه‌كانی ئۆڵه‌مپیك و به‌ده‌ست هێنانی ناوبانگی جیهانی.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا


خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

وەرزشەکانی تر

ڕۆندا ڕاوزی دووبارە هێرشدەکاتە سەر (WWE): بەریەککەوتنەکان خەیاڵین و کەس ٣٠٠ شەڕ ناکات


خەڵک سپۆرت

ڕۆندا ڕاوزی پاڵەوانی پێشووی (ufc) دوای لەدەستدانی پشتوێنی پاڵەوانی جیهان بۆ ئاستی ئافرەتان، ڕوویکردە بواری (wwe) چەند وەرزێک نمایشی کرد.

جەنگاوەرە قەشەنگەکەی ئەمریکا لەکۆتا نمایشی “ڕاسڵمانیا ٣٥” بەشداریکرد و لە دابەزینێکدا بەرامبەر بیکی لینش پشتێنی پاڵەوانی بواری (wwe) لەدەستدا.

لەدوای ئەو وادەیەوە ڕۆزی دەرنەکەوتووەتەوە و لەکۆتا چاوپێکەوتنیدا بە پۆدکاستی “وایڵد ڕاید”ی ڕاگەیاندووە :” بەم نزیکانە ناگەڕێمەوە بۆ بواری زۆرانبازی سەربەست، ئەگەر لە داهاتووشدا ئەو هەنگاوە بنێم بە شێوەی بەردەوام نابێت، بەڵکو پچڕ پچڕ دەبێت، نامەوێت تەواوی کاتەکانی خۆم لەپێناو شەڕکردنێکی خەیاڵییدا خەساربکەم، پێویستم بەوەیە لەگەڵ خێزانەکەم ژیان بگوزەرێنم”.

لەدوای ئەم لێدوانە ئەستێرەکانی “دیڤاز”ی بواری (wwe) ڕەخنەی توندیان ئاڕاستەکرد، هەریەکەیان لە پێگەی خۆیان لە تۆڕە کۆمەڵایەتیەکانەوە بەشێوەیەک ڕەخنەیان لە جەنگاوەرەکەی (ufc) گرت.

پێدەچێت ڕۆزی سوربێت لەسەر وەڵامدانەوەی نمایشکارەکانی بواری زۆرانبازی سەربەست و لەکۆتا لێدوانیدا ڕایگەیاندووە :” هیچ زۆرانبازێک ناتوانێت ٣٠٠ ڕووبەڕوبونەوە ئەنجامبدات، دەزانن هەر کەسێک ٣٠٠ شەڕکردن بەشێوەی ڕاستەقینە ئەنجامبدات چی بەسەردێت؟ بێگومان دەمرێت”.

بۆچونەکانی ڕۆزی توڕەیی ئەستێرەکانی بواری زۆرانبازی سەربەستی ئەمریکای توڕەکردووە، بەڵام لەبەرامبەردا ئەفسانەکانی وەک هاڵک هۆگن و مارک هێنری پاڵپشتییان کردووە و دووپاتیانکردووتەوە، کە وتەکانی سەرلەبەری ڕاستن و (wwe) بۆ نمایشکردنە.

بەردەوام بە لە خوێندنەوە

کوردستان