ئێمە لە تۆرە کۆمەڵایەتیەکان

کوردستان

حكومەتی هەرێم هۆشداری ڕوودانی كارەساتێكی مرۆیی دەدات

خەڵك-بەشی هەواڵ

جوتیار عادل وتەبێژی فەرمی حكومەتی هەرێمی كوردستان ڕایدەگەیەنێت، ئامادەین لەقوتی خۆمان ببڕین و بیدەینە ئاوارەكان.

جوتیار عادل وتەبێژی فەڕمی حكومەتی هەرێمی كوردستان بە دەنگی ئەمریكای ڕاگەیاند، حكومەتی هەرێم لەڕووی مرۆییەوە ئەوەی لەتوانایدا بێت بۆ ئاوارە و پەنابەرانی دەكات بەتایبەت ئەوانەی لەدوای ئۆپەراسیۆنەكەی توركیاوە ئاوارە بوون.
وتیشی”سەرەڕای ئەوەی حكومەتی هەرێم لەڕووی مادییەوە ئەو توانایەی نییە كە بتوانێت ئەم خەڵكانە بحەوێنێتەوە پێداویستییە سەرەكییەكانی ژیانیان بۆ دابین بكات، بۆیە داوا لە كۆمەڵگای نێودەوڵەتی دەكەین هەڵوێستی جدییان هەبێت بەرامبەر ئەو دۆخەی ئێستا هەیە”.

ئاشكراشیكرد، حكومەتی عیراق هاوكاری نەكردووین تەنانەت بۆ ئەو كەسانەی لەماڵ و حاڵی خۆیان لە ناو عیراقدا ئاوارەبوون و ئێستا لەهەرێمی كوردستانن، ئەوە دوو ساڵە هاوكارییان ناكات بۆیە داوادەكەین هاوكاری هەرێمی كوردستان و ئەو خەڵكانە بكەن كە ڕۆژ بەڕۆژ ژمارەیان زیاتر دەكات كە بونەتە نزیكەی دە هەزار پەنابەر، سنورییان لێداناخەین، بەڵام بەڕاستی توانامان نییە بۆ هاوكاریكردنیان.

ئاماژەی بۆ ئەوەش كرد، داوا لە كۆمەڵگای نێودەوڵەتی دەكەین بەجددی بێتە سەرخەت، چونكە چەند زووتر كۆمەڵگای نێودەوڵەتی جوڵە بكات بۆ گەیاندنی هاوكاری و كۆمەك بە پەنابەران و ئاوارەكانی سوریا لەهەرێمی كوردستان ئەگەری ڕوودانی كارەساتێكی مرۆیی كەمتر دەكات.

ڕوونیشیكردەوە، ئەو توانایەی حكومەتی هەرێم هەیەتی زۆر زۆر كەمترە لەو دۆخەی ڕووبەرووی بووەتەوە، بۆیە حكومەتی هەرێم ڕەنگە تا ماوەیەك و بەكاتی بتوانێت هاوكارییان بكات.

ناوبراو جەختی لەوەش كردەوە، ئامادەین لەقوتی خۆمان ببڕین و بیدەینە ئاوارەكان و برا كوردەكانی خۆمان، بەڵام وەك دەزانرێت هەرێمی كوردستان چەندین فشاری ئابووری لەسەرە و بەرگەی ئەو هەموو فشارە ئابوورییە ناگرێت.

کوردستان

كۆبوونەوەی نێچیرڤان بارزانی و حەلبووسی دەستیپێكرد

خەڵك –بەشی هەواڵ

نێچیرڤان بارزانی سەرۆكی هەرێمی كوردستان دوای كۆبوونەوەی لەگەڵ عادل عەبدولمەهدی سەرۆك وەزیران، ئێستا لەگەڵ محەمەد حەلبووسی سەرۆكی پەرلەمانی عیراق لە بەغدا لە كۆبوونەوەدایە.

ئەمڕۆ سەرۆكی هەرێمی كوردستان گەیشتە بەغدا و هاوكات بڕیارە لەگەڵ بەرهەم ساڵح سەرۆك كۆماری عیراقیشدا كۆببێتەوە.

لە كۆبوونەوەكەیدا لەگەڵ كاربەدەستانی باڵای عیراق، سەرۆكی هەرێم باسی كێشەكانی ئێستای عیراق و خۆپیشاندانەكانی و پەیوەندییەكانی هەرێم و بەغدا دەكات.

بەردەوام بە لە خوێندنەوە

عێراق

نێچیرڤان بارزانی و عادل عەبدولمەهدی كۆبوونەوە

خەڵك-بەشی هەواڵ

سەرۆكی هەرێمی كوردستان گەیشتە بەغدا و لەگەڵ عادل عەبدولمەهدی كۆبووەوە.

ئەمڕۆ چوارشەممە 13-11-2019 نێچیرڤان بارزانی سەرۆكی هەرێمی كوردستان بە یاوەری جەعفەر شێخ مستەفا و مستەفا سەید قادر جێگرانی سەرۆكی هەرێمی كوردستان و فەوزی هەریری سەرۆكی دیوانی سەرۆكایەتی هەرێمی كوردستان گەیشتە بەغدا.

بەپێی زانیارییەكانی گەیشتوو بە (خەڵك) سەرۆكی هەرێمی كوردستان یەكەم كۆبوونەوەی لەگەڵ عادل عەبدولمەهد سەرۆك وەزیران ئەنجامدا و پەیوەندییەكانی هەولێر و بەغدا و دۆخی خۆپیشاندانەكانی عیراقیان تاوتوێ كرد.

هاوكات بڕیارە لەگەڵ بەرهەم ساڵح سەرۆك كۆمار و محەمەد حەلبووسی سەرۆكی پەرلەمانیشدا كۆببێتەوە.

بەردەوام بە لە خوێندنەوە

ژینگە

پۆلیس هاوڵاتییەكی بە تۆمەتی كاری نایاسایی دەستگیر كرد

خەڵك-بەشی هەواڵ

بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت، بە تۆمەتی بڕینی داری سروشتی، هاووڵاتییەك دەستگیر كرا.

بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، بە ئامانجی چاودێریكردن و پاراستنی سروشت و ژینگە و ڕێگەگرتن لە سەرپێچیكاران، مەفرەزەیەكی بنكەی پۆلیسی دارستانی بەرزنجە سەردانی گوندی (مایاوا)ی سەر بە ناحیەی بەرزنجەیان كرد و لە ئەنجامدا توانیان تۆمەتبارێك دەستگیربكەن كە هەستابوو بە بڕینی داری سروشتی.

ڕاشیدەگەیەنێت، هێزەكانی پۆلیس توانیان دەستبگرن بەسەر ژمارەیەكی زۆر لە داری بڕاوەو مشارێكی دار بڕینەوە، پاشان تۆمەتبارەكە ڕووبەڕووی یاسا كرایەوە و پەڕاوی لێكۆڵینەوە كراوەتەوە و ڕادەستی دادوەر كراوە بۆ وەرگرتنی ڕێكاری یاسایی.

بەردەوام بە لە خوێندنەوە

کوردستان