ئێمە لە تۆرە کۆمەڵایەتیەکان

کوردستان

ووردەكاری ڕێككەوتنەكەی توركیا و ڕوسیا ئاشكرا كرا

خەڵك-بەشی هەواڵ

وەزیری دەرەوەی توركیا ڕایگەیاند، سنووری ناوچەی ئارام تا سنوورەكانی عیراق دەگرێتەوە.

مەولود چاوش ئۆغلۆ لە چاوپێكەوتنێكدا لەگەڵ ئاژانسی ئانادۆڵۆ ڕوونكردنەوەی لەبارەی ڕێككەوتنەكەی ڕوسیا و توركیا لە سوچی دا و ڕایگەیاند، ناوچەی ئارام تا سنووری عێراق دەگرێتەوە.

وتیشی” شاری قامیشلۆ ناكەوێتە ناوچە ئارامەوە بۆ ئەوەی ڕووبەڕووبوونەوە لەگەڵ سوپای حكومەتی سوریا ڕوونەدات”.
ئاشكراشیكرد، شاری كۆبانێ دەكەوێتە ناوچەی ئارامەوە و یەپەگە بە قوڵایی 30 كیلۆمەتر لە ناوچە سنوورییەكان دەكشێتەوە و ئیدارەی بەڕێوەبردن بۆ ناوچەكان دروست دەكرێت.

ئاماژەی بۆ ئەوەش كرد، هەردوو وڵاتی ڕوسیا و ئەمریكاش ڕێككەوتنەكەیان پەسەند كردووە.

ڕاشیگەیاند، كوردانی ئاوارەی سوریا كە لە توركیان دەگەڕێنەوە شوێنەكانی خۆیان

دەشڵێت”ڕِێگەمان نەدا دەوڵەتێك لە باكوری سوریا دروست بكرێت و ڕێككەوتنیشمان لەگەڵ ڕوسیا بۆ داهاتووی سوریایە”.
باسی لەوەش كرد، لەگەڵ ڕوسیا ڕێككەوتوون بۆ پابەند بوون بە ڕێككەوتنی ئەدەنەوە، یان پەرەپێدان و گەشەپێدانی لە داهاتوودا، كە ئامانج لێی ڕێگرتن بوو لە پەكەكە.

کوردستان

وێنە.. خەڵك؛ زانیاری نوێ‌ لەبارەی بۆردوومانی فڕۆكە جەنگییەكانی توركیا لە دهۆك ئاشكرا دەكات

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج و بەهۆیەوە چوار كەس شەهید بوون.

بەپێی زانیارییەكانی (تۆڕی میدیایی خەڵك)، ئەمشەو فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، 4 سەرنشینی ئۆتۆمبێلەكە شەهید بوون.

بەوتەی دانیشتووانی ناوچەكە، ئۆتۆمبێلەكە مەدەنی بووە و 4 گەریلای پارتی كرێكارانی كوردستان (پەكەكە)ی تێدابووە و بەهۆی بۆردوومانەكە هەر چواریان دەستبەجێ‌ گیانیان لەدەستداوە.

بەردەوام بە لە خوێندنەوە

کوردستان

فڕۆكە جەنگییەكانی توركیا لە دهۆك ئۆتۆمبێلێكیان كردە ئامانج

خەڵك – بەشی هەواڵ

فڕۆكە جەنگییەكانی توركیا لە سنووری پارێزگای دهۆك ئۆتۆمبێلێكیان كردە ئامانج.

بەپێی زانیارییەكانی (تۆڕی میدیایی خەڵك)، كەمێك لەمەوبەر فڕۆكە جەنگییەكانی توركیا لە نزیك گوندی (ڕەشانكێ‌) كە تەنها 8 كیلۆمەتر لە سەنتەری پارێزگای دهۆك دوورە، ئۆتۆمبێلێكیان كردووەتە ئامانج، بەڵام تا ئێستا زیانەكانی ئەو بۆردوومانە نەزانراوە.

بەردەوام بە لە خوێندنەوە

کوردستان

بەڕێوەبەری نەخۆشخانەی جمهوری سلێمانی: كۆرۆنا ژیان ناوەستێنێ‌
بڕیارێك لە بەرژەوەندی نەخۆشانی (ڕۆماتیزمەی درێژخایەن) ڕادەگەیەنێت

خەڵك – بەشی هەواڵ

بەڕێوەبەری نەخۆشخانەی جمهوری سلێمانی ڕایدەگەیەنێت: لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان دەكرێت بۆ پێدانی (دەرزی مانگانەی ڕۆماتیزمە) بۆ نەخۆشانی (ڕۆماتیزمەی درێژخایەن).

د.داهات حەوێزی بەڕێوەبەری نەخۆشخانەی جمهوری سلێمانی لە هەژماری تایبەتی خۆی لە تۆڕی كۆمەڵایەتی فەیسبوك بڵاویكردەوە: كۆڕۆنا ژیان ناوەستێنێ، سەرەڕای تووشبوونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاووڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەن)یان هەیە بڕیارماندا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.

دەقی نووسینەكە:

كۆڕۆنا ژیان ناوەستێنێ:
سەرەڕای تووشبونی زۆر لە پزیشكان و كارمەندان و وەرنەگرتنی مووچەكانیان، بەڵام لەپێناو زیاتر خزمەتكردنی هاوڵاتیانی شاری سلێمانی و دەوروبەری كە نەخۆشی (ڕۆماتیزمەی درێژخایەنیان) هەیە بڕیارمان دا لە سەرەتای هەفتەی داهاتووەوە بەشی فریاكەوتنی هەناوی جمهوری تەرخان بكەین بۆ پێدانی (دەرزی مانگانەی ڕۆماتیزمە)، بەهیوای كەمكردنەوەی ئێش و ئازارەكانیان.
سوپاس بۆ كارمەندو پزیشكە دڵسۆزەكان.

“بەهیوای لەشساغی بۆ گشت لایەك”

د.داهات حەوێزی

بەڕێوەبەری نەخۆشخانەی جمهوری سلێمانی

بەردەوام بە لە خوێندنەوە

کوردستان