ئێمە لە تۆرە کۆمەڵایەتیەکان

عێراق

نەسر بۆ (خەڵك): وەزیری ناوخۆ فەرمانی بە كوشتنی خۆپیشاندەران كردووە

خەڵك- بەشی هەواڵ
هاوپەیمانی نەسر، كە لەلایەن حەیدەر عەبادی، سەرۆك وەزیرانی عیراقەوە سەركردایەتی دەكرێت، وەزیری ناوخۆی حكومەتی فیدڕاڵ بە دەركردنی فەرمان بۆ تەقەكردن لە خۆپیشاندەران لە بەغدا و پارێزگاكانی تری وڵات، تۆمەتبار دەكات.

نەدا شاكر جەودەت، پەڕلەمانتاری هاوپەیمانی نەسر، لە لێدوانێكی تایبەت بە (خەڵك) ڕایگەیاند، “یاسین یاسری، وەزیری ناوخۆ بەرپرسی یەكەمی كوشتنی خۆپیشاندەرانە، چونكە لەلایەن ئەوەوە فەرمان بۆ فەرماندە ئەمنییەكان دەرچووە تا تەقە لە خۆپیشاندەران بكرێت لە هەموو پارێزگاكان”، ئاماژی بەو لێكۆڵینەوانەش، كرد كە لەگەڵ فەرماندە دوورخراوەكاندا كراوە و بە وتەی ئەو، “دەریدەخەن وەزیری ناوخۆ لە كوشتنی خۆپیشاندەران تێوەگلاوە”.

نەدا جەودەت دەڵێت: “ئەركی حكومەتە وەزیری ناوخۆ بداتە دادگای لێكۆڵینەوە، بەو پێیەی بەرپرسە لە ئاسایشی ناوخۆی وڵات”.

ئەو پەڕلەمانتارەی نەسر وتیشی، “فەرماندە سەربازییەكان لەخۆیانەوە فەرمانیان دەرنەكردووە، بەڵكو لە وەزارەتی ناوخۆوە فەرمانیان پێكراوە تا مانگرتن و خۆپیشاندانەكان بە هەموو شێوازێك بڵاوەپێبكەن”.

ئەمڕۆ لیژنەی لێكۆلًینەوە لە ڕووداوی خۆپیشاندانەكانی سەرەتای ئەم مانگە، هەموو بەرەنجامەكانی تایبەت بە هۆكاری كوشتنی خۆپیشاندەرانی ڕاگەیاند و لە ڕاسپاردەكانیشیدا داوای كرد ژمارەیەك لە فەرماندە ئەمنییەكان بدرێنە دادگا، كە لەنێوانیاندا فەرماندەی پۆلیسی بەغدا و فەرماندەی ئۆپەراسیۆنەكانی ڕافیدەین هەیە.

عێراق

لە عیراق و هەرێم بەرزترین ژمارەی چاكبوونەوە لە كۆرۆنا تۆماركرا

خەڵك- بەشی هەواڵ
وەزارەتی تەندروستی عیراق ئاشكرای دەكات، 2834 حاڵەتی نوێی تووشبوون بە ڤایرۆسی كۆرۆنا تۆماركراوە و 2339 كەسیش چاكبوونەتەوە و هاوكات 77 كەسیش گیانیان لەدەستداوە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 16 هەزار و 531 پشكنینی تایبەت بە كۆرۆنا ئەنجام دراوە و دەركەوتووە 2834 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هاوكات لە سلێمانی 56 و هەولێر 218 و دهۆك 83 و كەركوك 75 حاڵەت تۆماركراوە.

ڕوونیشی كردۆتەوە، كە 2339 تووشبوو بە پەتاكە چاكبوونەتەوە، كە زۆرینەیان لە بەغدا بوون و هاوكات لە سلێمانی 54 كەس و هەولێر 84 و كەركوك 57 كەس چاكبوونەوە.

ڕاشیگەیاندووە، كە 77 كەس بە ڤایرۆسەكە گیانیان لەدەستداوە و بەوەش كۆی گشتی مردووان گەیشتۆتە 5 هەزار و 94 كەس.

بەردەوام بە لە خوێندنەوە

عێراق

بەرپرسێكی باڵای نووسینگەی سیستانی تووشی كۆرۆنا بووە

خەڵك – بەشی هەواڵ
بەرپرسێكی باڵای نووسینگەی عەلی سیستانیی گەورە مەرجەعی شیعەكانی عیراق تووشی كۆرۆنا بووە.

ئەمڕۆ چوار شەممە، ماڵپەڕی شەفەق نیوز لە زاری سەرچاوەیەكی شاری نەجەفەوە بڵاویكردەوە، محەمەد حسێن عەمیدی، بەرپرسی نوێنەرە بڕواپێكراوەكانی عەلی سیستانی تووشی ڤایرۆسی كۆرۆنا بووە.

ڕوونیشیكردەوە، دۆخی تەندروستی عەمیدی جێگیرە، كە هاوكات مامۆستای حەوزەی عیلمییە لە نەجەف.

پێشتریش جەواد شەهرستانی زاوا و وەكیلی گشتیی سیستانی لە ئێران، تووشی كۆرۆنا ببوو، بەڵام تا ئێستا هیچ زانیارییەك سەبارەت بە ئەگەری تووشبوونی گەورە مەرجەعی شیعەكان بە پەتاكە بڵاونەكراوەتەوە.

بەردەوام بە لە خوێندنەوە

عێراق

10 هاووڵاتی عیراقی لە نێو قوربانییانی تەقینەوەكانی لوبناندان

خەڵك – بەشی هەواڵ
ئەمڕۆ چوار شەممە مانگی سووری عیراقی ڕایگەیاند كە 10 هاووڵاتی عیراقی لە نێو قوربانییانی تەقینەوەكانی بەیروتی پایتەختی لوبناندان كە دوێنێ لە بەندەرێكی شارەكە ڕوویدا.

بە پێی ڕاگەیەندراوێكی ڕێكخراوەكە، 10 هاووڵاتی عێراقی لە تەقینەوەكاندا بیرندار بوون و ڕوونیشیكردەوە كە باری تەندروستی زۆربەیان جێگیرە.

لەلایەكی دیكەشەوە مستەفا كازمی سەرۆك وەزیرانی عیراق پەیوەندییەكی تەلەفۆنی لەگەڵ حەسان دیاب سەرۆك وەزیرانی لوبنان ئەنجام دا و بە هۆی تەقینەوەكانەوە سەرەخۆشی لێكرد.

هاوكات بڕیاریشی دا بە فڕۆكەیەك هاوكاری پزیشكی بەپەلە بگەیەنێتە لوبنان.

بەردەوام بە لە خوێندنەوە

کوردستان