ئێمە لە تۆرە کۆمەڵایەتیەکان

جیهان

پۆتين بۆ ئەردۆغان: كورد بەشێكی سوریایە و نابێت پشتگوێ‌ بخرێن

خەڵك- بەشی هەواڵ
كۆبوونەوەی سەرۆكی ڕوسیا و توركیا لە سووچی كۆتایی هات و لە كۆنگرەیەكی ڕۆژنامەوانیدا ڤلادیمیر پۆتین ڕایگەیاند، كوردەكان بەشێكی گرنگی سوریان و نابێت پشتگوێ‌ بخرێ.

ڤلادیمیر پۆتین، سەرۆكی ڕوسیا لە كۆنفرانسێكی ڕۆژنامەوانی هاوبەش لەگەڵ ڕەجەب تەیب ئەردۆغان، سەرۆكی توركیا لە سووچی، ڕایگەیاند، “لەگەڵ سەرۆكی توركیا لە كۆبوونەوەكەمان ئۆپەراسیۆنە سەربازییەكەی ئەنقەرەمان لە باكووری سوریا تاوتوێ‌ كرد، لەگەڵ ئەوەشدا باسمان لەوەكرد، كە كوردەكان بەشێكن لە سوریا و نابێت پشتگوێ‌ بخرێن، دەبێت كوردەكان لە گفتووگۆكانیان لەگەڵ دیمەشق كار بۆ جێكردنەوەی مافەكانیان بكەن لە دەستوری وڵاتەكەدا”.

بە وتەی پۆتین، “نابێت هیچ تەگەرەیەك بخرێتە بەردەم كارەكانی لیژنەی دەستوری لە سوریا، لەگەڵ ئەمەشدا سەرۆكی توركیا باسی لە ئامانجی سەرەكی ئەنجامدانی ئۆپەراسیۆنەكەی كردووە لە سوریا، كە بۆ پاراستنی ئاسایشی وڵاتەكەیەتی”.

هەروەها دەڵێت: “پێویستە هێزە بیانییەكان لە سوریادا پاشەكشە بكەن و یەكپارچەیی خاكی سوریا بپارێزرێت”.

لەبەرانبەردا ڕەجەب تەیب ئەردۆغان، هەر لەو كۆنفرانسە ڕۆژنامەوانییەدا ڕایگەیاند، “لەگەڵ سەرۆكی ڕوسیا پرسی سەرەكی گفتوگۆكانمان لەبارەی سوریاوە بووە، ئێمە بەپێویستی دەزانین، كە نابێت ڕێكخراوەكانی پەكەكە و پەیەدە لەسەر سنورەكانمان بمێنن، ئامانجی سەرەكی ئۆپەراسیۆنەكەشمان لە باكووری خۆرهەڵاتی سوریا بۆ ئەو مەبەستەیە”، ڕەتیشیكردەوە چاویان لە خاكی سوریا بێت.

سەرۆكی توركیا دەڵێت: “ئەوان دەیانەوێت ئاسایش و سەقامگیری لە سوریا بەرقەرار بێت و پەنابەران لە ناوچەی ئارام نیشتەجێ‌ بكرێن، یەكەم هەنگاویشیان لەو بارەیەوە نیشتەجێكردنی یەك ملیۆن پەنابەر دەبێت لە ناوچەی ئارام لە باكووری خۆرهەڵاتی سوریا”.

ئەم قسانەی ڤلادیمیر پۆتی،ن سەرۆكی ڕوسیا و ڕەجەب تەیب ئەردۆغان، سەرۆكی توركیا، لە دوای كۆبوونەوەیەكی نێوانیان بوو، كە چەند كاتژمێرێكی خایەند و تێیدا پرسی سوریا و پەرسەندنی ڕووداوەكان لە باكووری خۆرهەڵاتی سوریا، پرسی سەرەكی بوو.

لای خۆشیانەوە هەردوو وەزیرانی دەرەوەی ڕوسیا و توركیا خاڵەكانی ڕێككەوتنەكەیان خوێندەوە و بەپێی ڕێككەوتنەكە، گرێ‌ سپی و سەرێ‌ كانی لەچوارچێوەی ناوچەی ئارام دەبن و هێزەكانی هەسەدەی لێ‌ نامێنن و دەوریەی هێزی هاوبەشی توركیا و ڕوسیای لێ‌ دەبن.

هەر بەپێی خاڵەكان، هێزە كوردیەكان لە مەنبج نامێنن.

جیهان

هەسەدە: لەگەڵ ڕوسیا و سوریا هیچ ڕێككەوتنێكمان لە نێواندا نییە لە بارەی تەلتەمرەوە

خەڵك – بەشی هەواڵ

وتەبێژی هێزەكانی سوریای دیموكرات (هەسەدە ) ڕەتیدەكاتەوە هیچ ڕێككەوتنێكیان كردبێت بۆ ڕادەستكردنی تەلتەمر بە هێزەكانی سوریا و ڕوسیا.

كینۆ گابرێل وتەبێژی هێزەكانی سوریای دیموكرات(هەسەدە) ڕایگەیاند،”هیچ ڕێككەوتنێك بۆ ڕادەستكردنی تەلتەمر و ڕێگەی نێودەوڵەتی ئێم فۆر بە پۆلیسی سەربازیی سوریا و ڕوسیا نییە”.

كینۆ گابرێل ئەوەشیخستەڕوو،”توركیا و گروپە هاوپەیمانەكانی پابەندنین بە ئاگربەستەوە و بەردەوامن لە هێرشەكانیان بۆسەر گوندەكانی تەلتەمر”.

جێی ئاماژەیە، ڕوانگەی سوریایی بۆ مافەكانی مرۆڤ بڵاویكردبووەوە، هەسەدە و ڕوسیا سوریا ڕێككەوتوون لەسەرئەوەی شەڕڤانان لە شارۆچكەی تەلتەمر بچنەدەرەوە و لە بری ئەوان سوپای ڕوسیا و هێزەكانی سەر بە حكومەتی دیمەشق جێگیربكرێن

بەردەوام بە لە خوێندنەوە

جیهان

ئەمریكا: پشتیوانی گۆڕینی دەسەڵاتی حكومڕانی ئێران ناكەین

خەڵك – بەشی هەواڵ

باڵیۆزی ویلایەتە یەكگرتووەكانی ئەمریكا لە ئیمارات ئاشكرایدەكات، وڵاتەكەی پشتیوانی گۆڕینی دەسەڵاتی حكومڕانی لە ئێران ناكات.

جۆن ڕاكۆلتا باڵیۆزی ویلایەتە یەكگرتووەكانی ئەمریكا لە ئیمارات لە لێدوانێكدا هەڵوێستێكی چاوەڕواننەكراوی وڵاتەكەی سەبارەت بە دۆخی ئێران ئاشكراكرد و ڕایگەیاند، وڵاتەكەی پشتیوانی گۆڕینی دەسەڵاتی حكومڕانی لە ئێران ناكات.

باڵیۆزی ویلایەتە یەكگرتووەكانی ئەمریكا لە ئیمارات وتیشی، گەلانی ئێران شایستەی ژیانێكی باشترن و خۆپیشاندان و ناڕەزایەتییەكانیشیان مافێكی ڕەوایە، چونكە ئەوان هەست بەسەختی دۆخەكە دەكەن و دەخوازن وڵاتەكەیان گۆڕانكاریی لە سیاسەتەكانیدا بەرامبەر وڵاتانی تر بكات و پشتیوانی دەستپێكردنی گفتوگۆ و دانوستان لەگەڵ ئەمریكا دەكەن.

بەردەوام بە لە خوێندنەوە

جیهان

پەڕلەمانتارێكی كورد دەستیلەكاركێشایەوە
چەندین باڵەخانەی حكومی و بانك لە ئێران سووتێنران

خەڵك- بەشی هەواڵ
بەهۆی ئاڵۆزبوونی خۆپیشاندانەكانی ئێران و گوژرانی ژمارەیەك خۆپیشاندەر، ئەندامێكی كوردی پەڕلەمانی ئێران دەستی لەكاركێشایەوە و دەڵێت: “بوونی پەڕلەمان چی مانایەكی هەیە”.

محەمەد قەسیم عوسمانی، نوێنەری خەڵكی بۆكان لە پەڕلەمانی ئێران ڕایگەیاند، كاتێك دەوڵەت بۆخۆی بڕیار دەدات لەسەر هەستیارترین پرس و ناگەڕێتەوە بۆ كەس، ئیتر بوونی پەرلەمان چ مانایەكی هەیە.

وتیشی، “ئەندامانی پەڕلەمان لە ئێران تەنها بۆ هەندێك پرسی سادە دەتوانن قسە بكەن و بۆچوونیان هەبێت، بەڵام لە بڕیارێكی هەستیاردا كە پەیوەستە بە ژیانی تاك بە تاكی خەڵكەوە گوێ لە پەڕلەمان نەگیرا”.

هاوكات لە چەند شارێكی ئێران خۆپیشاندەران و هێزە ئەمنییەكان بەرەوڕووی یەكتری وەستانەوە و كوژراو وبریندار هەیە و خۆپیشاندەران لە شیراز بانگەواز دەكەن هاووڵاتیان هەموویان بێینە سەر شەقام.

بەپێی هەواڵی تۆڕە كۆمەڵایەتییەكان، لە ناوچەی سوڵتان ئاباد لە شاری ساوە خۆپیشاندەران بانكی (سبە)یان سووتاندووە و هەروەها لە شاری شیراز بانكی (تجارت) سووتێنراوە و خۆپیشاندەران توانیویانە ڕووبەڕووی هێزە ئەمنییەكان ببنەوە و چەند باڵەخانەیەكی حكومیش سووتێنراوە.

هەر بەپێی ڤیدیۆی تۆڕە كۆمەڵایەتییەكان، لە شاری كەرەج خۆپیشاندەران بانكی (كەوسەر و میللەت)یان سووتاندووە.

بەردەوام بە لە خوێندنەوە

کوردستان