ئێمە لە تۆرە کۆمەڵایەتیەکان

کوردستان

تیروپشك بۆ ناوی حاجیان دەكرێت؟
خەڵك؛ زانیاری لەسەر وەرزی حەجی ساڵی نوێ‌ ئاشكرادەكات


خەڵك- بەشی هەواڵ
دوابەدوای بڕیاری دەستەی حەج و عومرەی عیراق بۆ دەستپێكردنی ئامادەكارییەكان بۆ وەرزی حەج لە ساڵی داهاتوو، وەزارەتی ئەوقافی هەرێم ڕایدەگەیەنێت، ئامادەكاری لە هەرێم دەستی پێ كردووە، بەڵام هێشتا بڕیاری كۆتایی لێ‌ نەدراوە.

ئەمڕۆ سێ‌ شەممە، دەستەی گشتی حەج و عومرەی عیراق لە ڕاگەیەنراوێكدا ئاماژەی بەوەكرد، كە ئەو كەسانەی ناویان بۆ تیروپشكی وەرزی حەجی ساڵی 2020 دەرچووە سەردانیان بكەن بە مەبەستی دەستپێكردنی ئامادەكارییەكان.

لای خۆشیەوە، نەبەز ئیسماعیل، وتەبێژی وەزارەتی ئەوقافی هەرێم بۆ (خەڵك) ڕایگەیاند، كە تا ئێستا لە هەرێم هیچ بڕیارێك دەرنەچووە، چونكە حەجی عیراق و هەرێم جیاوازە هەرچەندە گەشتەكانمان بەیەكەوەیە.

ڕاشیگەیاند، چەند كۆبوونەوەیەك لە وەزارەتی ئەوقاف و بەڕێوەبەرایەتی گشتی حەج كراوە و كۆبوونەوەی دیكەش دەكرێت، بۆیە لە ماوەی نزیكی داهاتوودا بڕیار دەدرێت چی بكرێت بۆ وەرزی حەجی ساڵی داهاتووە.

ئاشكراشی كرد، سێ‌ ساڵ پێش ئێستا 86 هەزار كەس ناوی خۆیان نووسی بۆ ئەنجامدانی فەرزیەی حەج، لەو ژمارەیە تیروپشك بۆ سێ‌ ساڵ كرا و نزیكەی 16 هەزار كەس گەشتی حەجیان بەجێهێنا، بۆیە لە ئێستادا 70 هەزار ناوی تۆماركراو هەیە.

نەبەز ئیسماعیل وتیشی، “بەم زووانە بڕیار دەدرێت، كە ئاخۆ تیروپشك لەسەر ئەو ناوانە بكرێت، كە تۆماركراون یان ناوی نوێ‌ بنووسرێت، بۆیە ئەگەر تیروپشك لەسەر ئەو ناوانە بكرێت ئەوا ناوی كەسانی دەرچوو لە تیروپشكەكە ڕادەگەیەنرێت، بەڵام ئەگەر ناوی نوێ‌ بنووسرێت ئەوا ئەوانەی پێشتر ناویان نووسیوە لەو 70 هەزار كەسە پێویست ناكات جارێكی دیكە ناو بنووسنەوە”.

وتەبێژی وەزارەتی ئەوقاف ئاماژەی بەوەشكرد، ساڵی ڕابردوو ڕێژەی هەزار كەس بۆ پشكی حەجی هەرێم زیادكرا و لە 6 هەزار كەسەوە بووە 7 هەزار، بەڵام بۆ ئەمساڵ تا ئێستا ڕێژەكە دیاری نەكراوە، بەڵام لە پێش وەرزی حەج دەستەی باڵای حەجی سعودیە ئاگادارمان دەكاتەوە.

کوردستان

ژمارەی مردووان بە كۆرۆنا لە ڕۆژهەڵات لە 400 كەس نزیكدەبێتەوە


خەڵك- بەشی هەواڵ

بە گیانلەدەستدانی ٢١ كەسی دیكە بە هۆی توشبوون بە پەتای كۆرۆنا، ژمارەی ئەو كەسانەی لە ڕۆژهەڵاتی كوردستان بە هۆی توشبوون بە پەتای كۆرۆناوە گیانیان لەدەستداوە گەیشتە ٣٨٠ كەس.

بە پشتبەستن بە ئامارەكانی ڕێكخراوی مافی مرۆڤی هەنگاو، لە ماوەی ٢٤ كاتژمێری ڕابردوودا ٢١ هاووڵاتی دیكە لە شارەكانی كامیاران (٢ حاڵەت)، بانە (٢ حاڵەت)، سنە (٢ حاڵەت)، قوروە (١حاڵەت)، بیجاڕ (١حاڵەت)، پیرانشهر (١حاڵەت)، بۆكان (٢حاڵەت)، ئورمیە (٣ حاڵەت) ، خۆی (٢ حاڵەت)، میاندواو (١حاڵەت)، دێلوڕان (١ حاڵەت)، ئیلام (١ حاڵەت)، قەسری شیرین (١ حاڵەت)، كرماشان (١ حاڵەت) و سونقوڕ(١حاڵەت) بە هۆی تووشبوون بە پەتای كۆرۆنا گیانیان لەدەستداوە، كە چوار كەسیان لە شارەكان ئورمیە، كامیاران، میاندواو و قەسری شیرین ژن بوون.

هەر بەپێی ئامارەكە، لانیكەم ٣٨٠ هاووڵاتی كورد لەو ماوەیەدا بە هۆی تووشبوون بە پەتای كۆرۆناوە گیانیان لەدەستداوە، كە ١١٦ كەسیان ژن و ٢٦٤ كەسیان پیاو بوون.

جیاكردنەوە بەپێی پارێزگاكان:
پارێزگای ئیلام: ٦٠ حاڵەت (١٩ ژن و ٤١ پیاو)
پارێزگای كرماشان : ٧٩ حاڵەت (٢٧ ژن و ٥١ پیاو)
پارێزگای سنە: ١٣٥ حاڵەت (٣٨ ژن و ٩٧ پیاو)
پارێزگای ئورمیە: ١٠٦ حاڵەت (٣٣ ژن و ٧٣ پیاو)

تۆمار كردنی ئەو ئامارانە لەلایەن هەنگاو لە حاڵێكدایە، كە حكومەتی ئێران تەنیا ١٩٦ حاڵەتی بڵاو كردۆتەوە و بە پێی ئامارە حكوومەتییەكان لە پارێزگای سنە ٧٨ كەس، ئورمیە ٧٢ كەس، كرماشان ٢٩ كەس و ئیلام ٢٧ كەس بە هۆی تووشبوون بە پەتای كۆرۆنا گیانیان لەدەستداوە.

جیاكردنەوە بەپێی شارەكان:
سەقز (٥٨ حاڵەت)، كرماشان (٣٨ حاڵەت)، ئورمیە (٤٠ حاڵەت)، ئیلام (٢٨ حاڵەت)، سنە ( ٢٣ حاڵەت)، ئەیوانی ڕۆژئاوا (١٨ حاڵەت)، سونقوڕ و كولیایی (١٧ حاڵەت)، كیەڵان (٥ حاڵەت)، سەرپێڵی زەهاو (٧ حاڵەت)، بانە (١٢ حاڵەت)، خۆی (١٩ حاڵەت)، بۆكان (٩ حاڵەت)، قوروە (١٣ حاڵەت)، میاندواو (١٣ حاڵەت)، پیرانشار (٧ حاڵەت)، كەنگاوەر (٦ حاڵەت)، كامیاران (١٠ حاڵەت)، مەریوان (٧ حاڵەت)، بیجاڕ (٦ حاڵەت)، تیكاب (٤ حاڵەت)، سایین قەڵا (٦ حاڵەت)، مەلەكشاهی (١ حاڵەت)، داڵاهۆ (١ حاڵەت)، شنۆ (٢ حاڵەت)، چایپارە (١ حاڵەت)، نەغەدە (١ حاڵەت)، ڕەبەت (٢ حاڵەت)، شاباد (١ حاڵەت)، پاوە (١ حاڵەت) ، مێهران (٥ حاڵەت)، مەهاباد (٢ حاڵەت)، هەرسین (٢ حاڵەت)، دەڕەشار (٣ حاڵەت)، دیواندەرە (٥ حالەت)، دێهلۆڕان (٣ حاڵەت)، بەدرە (١ حاڵەت)، دێولان (١ حاڵەت)، ماكۆ (١ حاڵەت)، قەسری شیرین (١ حاڵەت).

بەردەوام بە لە خوێندنەوە

کوردستان

لە سلێمانی تووشبوویەكی كۆرۆنا گیانی لەدەستدا


خەڵك- بەشی هەواڵ
بەڕێوەبەری گشتی تەندروستی سلێمانی ئاشكرای دەكات، كە ئەمڕۆ تووشبوویەكی كۆرۆنا گیانی لەدەستداوە.

د. سەباح هەورامی، بەڕێوەبەری گشتی تەندروستی سلێمانی لە كۆنگرەیەكی ڕۆژنامەوانیدا ڕایگەیاند، بەداخەوە ئەمڕۆ هاووڵاتیەكی تر لەشاری سلێمانی، كە تووشبووی ڤایرۆسی كۆرۆنا بوو كۆچی دوایی كرد.

ئاشكراشی كرد، دوای ئەوەی نەخۆشەكە كۆچی دوایی كردووە نموونەمان لێوەرگرتووە و دەركەوتووە هەڵگری ڤایرۆسەكەیە.

ئەمە لەكاتێكدایە، كە بەم حاڵەتەوە 3 كەس لەهەرێمی كوردستان كۆچی دواییان كردووە، كە دەركەوتووە هەڵگری ڤایرۆسی كۆرۆنا بوون.

بەردەوام بە لە خوێندنەوە

کوردستان

زیاتر لە 11 چین و توێژ قەدەغەی هاتووچۆ نایانگرێتەوە


خەڵك- بەشی هەواڵ
بەپێی بڕیاری ژووری ئۆپراسیۆنەكانی پارێزگای هەولێر و سلێمانی زیاتر لە 11 چین و توێژ بڕیاری قەدەغەی هاتووچۆ نایانگرێتەوە، بەتایبەتیش هێزە ئەمنییەكان و كارمەندانی تەندروستین.

بەپێی نووسراوێكی ژووری ئۆپراسیۆنەكانی پارێزگای هەولێر و هەروەها سلێمانی، هەریەكە لە كارمەندانی بانكە حكومی و گەنجینەكان و ئەو فەرمانبەرانەی سەرەی وەرگرتنی مووچەیانە قەدەغەی هاتووچۆ نایانگرێتەوە.

هەر بەپێی نووسراوەكان، قەدەغەی هاتووچۆ، تیمەكانی كارەبا و ئاو و شارەوانی و پاككردنەوەی زبڵ و خاشاك و ئەو ئۆتۆمبێلانەی خواردن بۆ كەرەنتینەكراوان دەبەن ناگرێتەوە.

بڕیاریش دراوە، كە قەدەغەی هاتووچۆ ڕاگەیاندنكاران و ئۆتۆمبێلی دیبلۆماتكاران و كونسوڵخانەكان و نەتەوە یەكگرتووەكان ناگرێتەوە.

بەردەوام بە لە خوێندنەوە

کوردستان