ئێمە لە تۆرە کۆمەڵایەتیەکان

کوردستان

مەزڵوم عەبدی نامەیەك بۆ مایك پێنس دەنێرێت
بەرپرسێكی ئەمریكی: هەسەدە لە ناوچەی ئارام كشاوەتەوە

خەڵك- بەشی هەواڵ
وتەبێژی كۆشكی سپی ئاشكرای دەكات، كە ئەمریكا كاردەكات بۆ گۆڕینی ئاگربەستی كاتی بۆ هەمیشەیی و بەرپرسێكی ئەمریكی-ش دەڵێت: “هەسەدە لە ناوچەی ئارام كشاوەتەوە و مەرجەكانی جێبەجێ‌ كردووە”.

وتەبێژی كۆشكی سپی ڕایگەیاند، كە لەگەڵ توركیا كاردەكەن بۆ ئەوەی ئاگربەستی كاتی لە باكوری خۆرهەڵاتی سوریا بگۆڕێت بۆ ئاگربەستی هەمیشەیی.

ڕاشیگەیاندووە، هەر جوڵەیەكی سەربازی توركیا لەدوای تەواوبوونی 120 كاتژمێرەكەوە بە پێشێلكاری توركیا دادەنرێت و دەبێتە هۆی سەپاندنی سزا بەسەر ئەو وڵاتەدا.

بەپێی هەواڵێك، كە (سكای نیوز عەرەبیە) لەزاری بەرپرسێكی ئەمریكی بڵاویكردۆتەوە، كە هێزەكانی هەسەدە ناوچەی ئارام-یان لە باكوری سوریا چۆڵكردووە و كشاونەتەوە.

ئەو بەرپرسە ئەمریكییە ئاشكراشی كردووە، كە مەزڵوم عەبدی، فەرماندەی هەسەدە نامەیەكی بۆ مایك پێنس، جێگری سەرۆكی ئەمریكا ناردووە و ڕایگەیاندووە، كە “تەواوی مەرجەكانی ئاگربەستمان لەگەڵ توركیا جێبەجێ‌ كردووە و لە ناوچەی ئارام كشاوینەتەوە”.

کوردستان

سەرۆكی تیمەكانی كۆرۆنا لە قەزای دوكان تووشی كۆرۆنا بوو

خەڵك-بەشی هەواڵ

 

قائیمقامییەتی قەزای دوكان ڕایدەگەیەنێت، سەرۆكی تیمەكانی كۆرۆنا لە قەزای دوكان تووشی كۆرۆنا بوو.

قائیمقامییەتی قەزای دوكان لە ڕاگەیەنراوێكدا ئاماژە بۆ ئەوە دەكات، د.محەمەد هەمەوەندی سەرۆكی تیمەكانی ڕووبەڕووبوونەوەی ڤایرۆسی كۆرۆنا لە قەزای دوكان و هاوكات بەڕێوەبەری نەخۆشخانەی شەهید غەریب هەڵەدنی تووشی كۆرۆنا بوو.

ئاشكراشیكرد، دوای دەركەوتنی چەند نیشانەیەك، ناوبراو پشكنین ئەنجام دەدات و ئەنجامی پشكنینەكەی پۆزەتیڤ دەردەچێت، لە ئێستادا باری تەندروستی تاڕادەیەك جێگیرەو لە ماڵەوە ماوەتەوە و ڕێنماییە تەندروستییەكان بۆ تێپەڕاندنی ئەم ڤایرۆسە جێبەجێ دەكات.

 

بەردەوام بە لە خوێندنەوە

کوردستان

تەندروستی سلێمانی: لە ماوەی دوو هەفتەی ڕابردوودا 1990 تووشبووی كۆرۆنا چاكبوونەتەوە

خەڵك – بەشی هەواڵ

بەڕێوەبەری گشتی تەندروستی سلێمانی ڕایدەگەیەنێت: لە ماوەی دوو هەفتەی ڕابردوودا 1990 تووشبووی كۆرۆنا چاكبوونەتەوە.

د. سەباح هەورامی بەڕێوەبەری گشتی تەندروستی سلێمانی ڕایگەیاند: لە ماوەی دوو هەفتەی ڕابردوودا (١٩٩٠) كەس لە نەخۆشی ڤایرۆسی كۆرۆنا لە شاری سلێمانی چاك بوونەتەوە.

بەڕێوەبەری گشتی تەندروستی سلێمانی ڕوونیشیكردەوە: لە ١٣/٥/٢٠٢٠ تا ئەمڕۆ (٢٨٥٧) كەس چاك بوونەتەوە.

بەردەوام بە لە خوێندنەوە

کوردستان

پۆلیسی گەرمیان: ئۆتۆمبێل ئافرەتێك دەشێلێت پاش گەیاندنی بەنەخۆشخانە گیانی لەدەستدا

خەڵك – بەشی هەواڵ

لێپرسراوی ڕاگەیاندنی پۆلیسی گەرمیان ڕایدەگەیەنێت: ئۆتۆمبێل ئافرەتێك دەشێلێت پاش گەیاندنی بەنەخۆشخانە گیانی لەدەستدا.

مقدەمی مافپەروەر عەلی جەمال قدووری لێپرسراوی ڕاگەیاندنی پۆلیسی گەرمیان ڕایگەیاند: ئێوارەی ئەمڕۆ یەك شەممە لە گوندی گردەگۆزینە سەر بە شارۆچكەی كەلار ئۆتۆمبێلێك لەجۆری نیسان سەنی هاووڵاتییەك لەڕەگەزی ( مێ ) بەناوی ( نەزمیە ئەحمەد محەمەد ) لەدایكبووی 1971 دەشێلێت پاش گەیاندنی بەبەشی فریاكەوتنی شەهید هەژار لە كەلار و چارەسەری خێرا بەهۆی سەختی برینەكەیەوە ڕەوانەی سلێمانی كرا پاش گەیاندنی بەنەخۆشخانەی سلێمانی گیانی لەدەستدا.

مقدەمی مافپەروەر عەلی جەمال قدووری ڕوونیشیكردەوە: لەئێستادا بەبڕیاری دادوەر و بەپێی ماددەی 24ی هاتوچۆ شۆفێری ئۆتۆمبێلەكە بەند كراوە.

بەردەوام بە لە خوێندنەوە

کوردستان