ئێمە لە تۆرە کۆمەڵایەتیەکان

کوردستان

هەینی داهاتوو لە بەغدا خۆپیشاندانی بەرفراوان بەڕێوەدەچێت


خەڵك-بەشی هەواڵ

ئەندامێكی پەڕلەمانی عیراق ڕایدەگەیەنێت، سەرجەم فراكسیۆنە كوردستانییەكان لەگەڵ داوای خۆپیشاندەرانی عیراقین.

ڕۆژی هەینی داهاتوو خۆپیشاندانێكی فراوان بەناوی “ڕاپەرینی تشرین” لە عیراق ساز دەكرێت كە بەپێی زانیارییەكان، لەلایەن كۆمەڵێك ڕێكخراوی مەدەنی و سیاسی ئامادەكاری بۆ كراوە و كار دەكرێت بۆ ڕوخاندنی حكومەتەكەی عەبدولمەهدی و دوورخستنەوەی بەرهەم ساڵح سەرۆك كۆماری عیراق و هاوكات هاوپەیمانی نەسر ئاشكرایكرد، عەبادی ئامادەیە سەرۆكایەتی كابینەی ڕزگاری نیشتمانی بگرێتە ئەستۆ.

مەیاد نەجار ئەندامی پەڕلەمانی عیراق لە فڕاكسیۆنی پارتی بە (خەڵك)ی ڕاگەیاند، وەكو فراكسیۆنە كوردستانییەكان كۆبوونەوەمان كردووە بۆ ئەوەی یەكهەڵوێست و یەكگوتار بین لەسەر دۆخی عیراق، چونكە خەریكە عیراق بەرەو هەڵدێر دەڕوات.

وتیشی”ئەوەی لە عیراق دەگوزەرێت تەنها داواكاری خزمەتگوزاری و لەناوبردنی گەندەڵی نییە، چونكە عیراق 16 ساڵە گەندەڵی باڵی بەسەردا كێشاوە، بێكاری و نەبوونی خزمەتگوزاری بوونی هەبووە و لەماوەی 16 ساڵ نەیانتوانیوە یەك شەقام دروست بكەن، بۆیە ئەو گەندەڵییە بە ساڵێك چارەسەر ناكرێت، نەك حكومەتێكی نوێ، بەڵكو سەدان حكومەت دروست بكرێت ناتوانێت بەماوەی ساڵێك ئەو گەندەڵییە چارەسەر بكات”.

ئاشكراشیكرد، لەكاتی حەیدەر عەبادی ئەو كارە نایاسایانەی ڕوویدا لە هیچ كابینەیەك ڕووینەدا، هێزی بەرانبەر هەرێم بەكارهێنا لەكاتێكدا لە بری ئەوەی بودجەی سەربازی بۆ خزمەتگوزاری خەرج بكات دژی هاوڵاتیان خەرجی كرد، ئەوكاتە “پاشاكانی جەنگ” سەریان هەڵدا كە ئێستا بەهۆی ئەو شەڕەوە بوونەتە دەوڵەمەندترین كەسی عیراق، هەروەها نوسینگەكەی خۆی پڕ بوو لە كەسانی گەندەڵ و كۆمپانیای وەهمیان هەبوو بە ملیۆنان دیناری عیراقیان بەهەدەردا، ئێستا چۆن دێت حكومەتێكی نوێ پێكدەهێنێت كە عیراق زیاتر بەرەو هەڵدێر دەبات.

سەبارەت بەوە كێ لە پشتی خۆپیشاندەرانەوەیە ناوبراو ڕایگەیاند، لەگەڵ وڵاتانی هەرێمی سنوورێكی دورمان هەیە و ئەوەی دەگوزەرێت پیلانگێڕی ناوخۆیی و دەرەكیشە.

ئاماژەی بۆ ئەوەش كرد، فراكسیۆنە كوردییەكان لەگەڵ خۆپیشاندەرانین كە بەشێوەیەكی ئاشتیانە داوای مافەكانی خۆیان دەكەن، بەڵام لەگەڵ ئەوەدا نین بەرژەوەندی لایەنەكان سەرو وڵات و فراكسیۆنەكان بكەوێت، كاتی ئەوەش نەهاتووە بڕیاری ئەوە بدەین هەركات ئەم حكومەتە ڕوخا، لەگەڵ حكومەتی داهاتوو دەبین یان نا، بۆ هەر حاڵەتێك قسەی خۆمان دەبێت لەكاتی خۆیدا.

ماڵپەڕی اخبار البغدادیە لە زاری چەند سەرچاوەیەكی فڕۆكەخانەی نێودەوڵەتی بەغداوە بڵاویكردەوە بەشێك لە بەرپرسانی باڵای عیراق و خێزان و كەسوكاریان لە ترسی خۆپیشاندانەكانی ڕۆژی هەینی كە بە ڕاپەڕینی تشرین ناوی دەهێندرێت، عیراق بەجێدەهێڵن.

بەپێی ڕاپۆرتی ماڵپەڕەكە، ئەو كەسانە لە ڕێگەی فڕۆكەخانەی نێودەوڵەتی بەغداوە خەریكی هەڵهاتنن لە عیراق.

ئەو كەسانە كە سەر بە ڕەوتی حیكمە و دەوڵەتی یاسا و پەرلەمانتارانی هەندێك لایەن و حیزبی دیكەن لە ماوەی 24 كاتژمێری ڕابردوودا عێراقیان بەجێهێشتووە و ڕوویان لە چەند وڵاتێك كردووە لەوانە توركیا و ئێران و قەتەر و بەریتانیا.

هاوكات ژمارەیەك لە فەرماندەكانی حەشدی شەعبیش عیراقیان بەجێهێشتووە.

سەرچاوەیەك ڕایگەیاندووە، ئەو بەرپرسانە جموجۆڵە گەشتە ئاسمانییەكانی تایبەت بە چلەی ئیمام حوسێنیان قۆستووەتەوە و لە رێگایەوە چوونە دەرەوەی عیراق.

کوردستان

حکومەتى هەرێم ڕوونکردنەوە لەبارەى شێوازی دەوامی فەرمانبەران دەدات


خەڵک – بەشی هەواڵ

 

بەرپرسێکی ئەنجوومەنی وەزیران چەند زانیارییەک لەبارەی دەوامی فەرمانگە حکومیەکان ئاشکرا دەکات.

د. عەبدولحەکیم خەسرۆ سەرۆکی فەرمانگەی هەماهەنگی و بەدواداچوون لە سەرۆکایەتی ئەنجوومەنی وەزیران بە (باسنیوز)ی ڕاگەیاند “وەکو پێش جەژن بە هەمان ڕێنمایی و میکانیزم دەوامی فەرمانگە و دامەزراوە حکومییەکان دەست پێدەکاتەوە”.

وتیشی “بەپێی ڕێنمایی وەزارەتی تەندروستی دەبێت 25%ی فەرمانبەران لە فەرمانگەکان دەوام بکەن، دەسەڵاتیش بە وەزیرەکان دراوە ڕێژەکە کەم بکەنەوە و زیاتر ئەو فەرمانگانە بکرێنەوە کە پێویستن، چونکە بە هۆی کۆرۆنا ئاڕاستەی حکومەت بەو جۆرەیە کەمترین فەرمانبەر داوام بکات و زیاتریش فەرمانگە خزمەتگوزارییەکان دەوام بکەن”.

جەختیشی کردەوە دەوامی فەرمانبەران لە کاتژمێر 9 بۆ 1ی دوای نیوەڕۆ دەبێ، وتیشی بەشێک لەو وەزارەتانەشی خزمەتگوزاری نین ڕۆژانی پێنجشەممانیان کراوە بە پشوو، دەمانەوێ دەوام بە جۆرێک بێ کەمترین بەریەک کەوتن هەبێت.

سەرۆکی فەرمانگەی هەماهەنگی و بەدواداچوون ئاماژەی بەوەش دا، دەبێت فەمانگەکان بە پێی ڕێنماییەکانی وەزارەتی تەندروستی دەوام بکەن، دەبێ فەرمانبەرانیش بە نۆرە دەوام بکەن و نێوانی فەرمانبەرانیش زۆربێ و بەریەک کەوتن کەم بێ.

دوای وەستانی دەوامی فەرمانگەکان بۆ دوو مانگ بەهۆی ڤایرۆسی کۆڕۆنا لە 11ی 5ی 2020 فەرمانگەکانی حکومەتی هەرێمی کوردستان دەوامیان دەست پێکردەوە.

بەردەوام بە لە خوێندنەوە

ژینگە

كەشوهەوای ئەمڕۆ و سبەینێی هەرێمی كوردستان


خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرزتر دەبنەوە.

بەپێی پێشبینییەكانی كەشناسی، ئەمڕۆ شەممە ئاسمان ساماڵ دەبێت.

هەر بەپێی پێشبینییەكان، سبەینێ یەك شەممە، ئاسمان ساماڵ و هەندێك پەڵە هەور دەبێت و پلەكانی گەرماش چەند پلەیەك بەرز دەبنەوە.

بەردەوام بە لە خوێندنەوە

ئابوری

داوادەکرێت لەیەک ڕۆژدا موچەی مۆچەخۆران دابەشبکرێت


خەلک – بەشی هەواڵ

پەرلەمانتارێکی کوردستان داوادەکات لەیەک ڕۆژدا موچەى موچەخۆران دابەشبکرێت.

 

سیروان بابان، پەرلەمانتاری سەربەخۆی کوردستان لەنوسراوێکیدا بۆ وەزیری دارایی حکومەتى هەرێم داوا دەکات لەیەک یان دوو ڕۆژدا موچەى سەرجەم موچەخۆران دابەشبکرێت.

 

هاوکات داوای کردووە، کۆتایی بە بڵاوکردنەوەی لیست و دواکەوتنی دابەشکردنی موچەی فەرمانبەران بهێنن.

 

وتیشی: هەموو مانگێک کە پارەی بەغداد بەیەک گوژم دێتە کوردستان و داهاتی ناوخۆش بەوشێوەیە کۆدەبێتەوە، دەبێت چیدی ئەم چاوەڕوانیەی چینی موچەخۆران کۆتایی بێت و هیچ بیانوویەک نیە بۆ ئەم فێڵە نایاساییە.

 

بەردەوام بە لە خوێندنەوە

کوردستان