ئێمە لە تۆرە کۆمەڵایەتیەکان

کوردستان

ڕۆژئاوای كوردستان داوای هێزی ئاشتی پارێزی نێودەوڵەتی دەكات

خەڵك- بەشی هەواڵ
هاوسەرۆكی دەستەی بەرگری لە بەڕێوەبەرایەتی خۆسەری باكور و ڕۆژهەڵاتی سوریا ڕایدەگەیەنێت، كە پێشوازی لە هاتنی هێزی ئاشتی پارێزی نێودەوڵەتی دەكەین بۆ ناوچەكە و داگیركاری توركیا قبوڵ ناكەیەن و دەشڵێت: “لەسەر ئەو بنەمایە هەسەدە لە سەرێكانی كشاوەتەوە”.

زیدان عاسی، هاوسەرۆكی دەستەی بەرگری لە بەڕێوەبەرایەتی خۆسەری باكور و ڕۆژهەڵاتی سوریا بۆ ئاژانسی (هاوار) ڕایگەیاندووە، بەڕێوەبەرایەتی خۆسەر بە ڕێككەوتنی ئاگربەست ڕازی بوو بۆ پاراستنی گیانی هاووڵاتیان و كۆتایی هێنان بە جەنگی ماڵوێرانكەر، بەڵام توركیا و چەكدارە توندڕەوەكان پابەند نەبوون و چەندین هێرشیان لەڕێگەی ئاسمانی و تۆپهاوێژەوە كردۆتە سەر ناوچەكان و بەهۆیەوە 17 هاووڵاتی مەدەنی لە سەرێكانی شەهید بوون.

سەبارەت بە هەڵوێستی نێودەوڵەتی ڕاشیگەیاند، وەستاندنی شەڕ تەنها لەڕێگەی دەركردنی بەیاننامە و ناڕەزاییەوە نابێت، بەڵكو پێویستە هەڵوێستێكی نێودەوڵەتی یەكلاكەرەوە هەبێت، بەتایبەتی لەلایەن نەتەوە یەكگرتووەكانەوە بۆ وەستاندنی جەنگ، كە تێیدا پێشكەوتووترین چەك بەكارهاتووە لەلایەن وڵاتێكی ناتۆوە بەرامبەر بە گروپێك كە چەكی بچووكیان پێیە و توركیا و چەكدارەكان ماڵی هاووڵاتیانیان سووتاندووە و هاووڵاتیانیان بە دڕندانەترین شێوە، كە لە داعس خراپتر بووە، شەهید كردووە.

ئاشكراشی كرد، كە توركیا دەیەوێت دیمۆگرافیای ناوچەكە بگۆڕێت و دانیشتووانەكەی ڕابگوێزێت، چونكە ئێستتا خەڵكی ناوچەكە لەسەر شەقام و خوێندنگەكان دەمێننەوە و هیچ شوێنێكیان نەماوە.

زیدان عاسی دەشڵێت: “بەهیچ شێوەیەك ڕێگە بە نیشتەجێ‌ كردنی خەڵكی دیكە لە ناوچەكە نادەین وەك ئەوەی لە عەفرین كرا بۆ گۆڕینی دیمۆگرافیا، چونكە خەڵكی ناوچەكە دەیانەوێت بگەڕێنەوە سەر ماڵی خۆیان”.

هاوسەرۆكی دەستەی بەرگری لە بەڕێوەبەرایەتی خۆسەری باكور و ڕۆژهەڵاتی سوریا داواشی كرد، “هێزی ئاشتی پارێزی نێودەوڵەتی بێتە ناوچەكە”.

سەبارەت بە كشانەوەی هەسەدە لە سەرێكانی وتی، “ئێمە ڕازیبووین لەسەر ناوچەیەكی ئارام لەڕێگەی گرنتی نێودەوڵەتییەوە، بەڵام تا ئێستا توركیا پابەندی ڕێككەوتنەكە نەبووە و ڕازیبوونیشمان بە ناوچەی ئارام واتای ئەوە نییە ڕازی ببین توركیا لە ناوچەكە هەبێت”.

کوردستان

ئەم هەواڵە نوێدەكرێتەوە..
خۆپیشاندانی سەرتاسەری مامۆستایان دەستیپێكرد

خەڵك- بەشی هەواڵ

ئەمڕۆ شەممە لە یەكەم رۆژی دەستپێكردنی ساڵی نوێی خوێندن لە شاری سلێمانی مامۆستایان نەچوونە هۆڵەكانی خوێندن و خۆپیشاندانیان دەستپێكرد.

پەیامنێری (خەڵك) لە شوێنی خۆپیشاندانەكەدا وتی: خۆپیشاندەران لە پێش بەڕێوەبەرایەتی پەروەردەی رۆژئاوا كۆبوونەتەوە و خۆپیشاندانیان سازكردووە و خەڵكی دیكەشیان لەگەڵدایە.

ئاماژەی بەوەشكرد خۆپیشاندەران داوای خەرجكردنی موچەكانیان دەكەن كە ماوەی چەند مانگە پێیان نەدراوە لەگەڵ دابەشكردنی موچە مانگانە لە كاتی خۆیدا.

هاوكات لە شاری كەلار و كۆیەش خۆپیشاندانی مامۆستایان دەستیپێكردووە و لەبەردەم بەڕێوەبەرایەتییەكانی پەروەردەی شارەكانیاندا كۆبوونەتەوە.

هاوكات بڕیارە لە شاری هەڵەبجە و رانیەش خۆپیشاندانی مامۆستایان بەڕێوەبچێت.
زانیاری نوێتر…

بەردەوام بە لە خوێندنەوە

کوردستان

راوێژكاری ئاسایشی نەتەوەیی عێراق گەیشتە هەولێر

خەڵك- بەشی هەواڵ

راوێژكاری ئاسایشی نەتەوەیی عێراق قاسم ئەعرەجی گەیشتە هەولێر بە سەرۆكایەتی شاندێكی ئەمنی.

سەرچاوەیەك بۆ الاخباریە وتی: ئەعرەجی لەگەڵ شاندێكی ئەمنی گەیشتووەتە هەولێر.

ناوبراو لەگەڵ بەرپرسە ئەمنییەكانی هەرێمی كوردستاندا كۆدەبێتەوە.

زانیاری زیاتر لەبارەی سەردانەكە بڵاونەكراوەتەوە، بەڵام هاوكاتە لەگەڵ هەڕەشە و هۆشدارییەكانی ئەمریكا بۆ عێراق لەسەر هێرشكردنەسەر بەرژەوەندییەكانی ئەمریكا لەلایەن ملیشیا چەكدارەكانەوە.

هاوكات نێچیرڤان بارزانی سەرۆكی هەرێمی كوردستان ئامادەیی هاوكاری و پشتیوانی بۆ دابینكردنی سەقامگیری و ئاسایش لە عێراق نیشانداوە.

بەردەوام بە لە خوێندنەوە

کوردستان

بەڕێوەبەری گشتی پەروەردەی سلێمانی پشتیوانی لە خۆپیشاندانی مامۆستایان دەكات

خەڵك-بەشی هەواڵ

 

بەڕێوەبەری گشتی پەروەردەی سلێمانی ڕایدەگەیەنێت، لەگەڵ كردنەوەی دەرگای خوێندنگەكان لە سنووری پارێزگای سلێمانی، هەوڵدەدەن خۆیان لەگەڵ ڤایرۆسی كۆرۆنا ڕابهێنن و بیكەنە بەشێك لە ژیانیان.

ئەمڕۆ یەك شەممە 27-9-2020 دڵشاد عومەر بەڕێوەبەری گشتی پەروەردەی سلێمانی، لە كۆنگرەیەكی ڕۆژنامەوانی و لە یەكێك لە خوێندنگەكانی سلێمانی دەستپێكردنی پڕۆسەی خوێندنی ساڵی 2020- 2021ی بۆ خوێندكارانی پۆلی 12ی ئامادەیی و قۆناغەكانی یەك و دووی بنەڕەتی ڕاگەیاند.

ناوبراو ئاشكرایكرد، ئەمڕۆ دەستدەكرێتەوە بە پڕۆسەی نوێی خوێندن بۆ خوێندكارانی پۆلی 12ی ئامادەیی و یەك و دوو بنەڕەتی و 10ی 10ش قۆناغەكانی تر دەستپێدەكەنەوە كە ماوەی 14 ڕۆژ بەردەستە، ئەگەر سەركەوتوو بن دەتوانن قۆناغەكانی تریش بهێننەوە بۆ ناو خوێندنگەكان.

ئاماژەی بۆ ئەوەش كرد، دەبێت ڤایرۆسی كۆرۆنا بكەین بە بەشێك لە ژیانمان و ژیان ئاسایی بكەینەوە، كارو كەسابەت باش بێت، ڕەوشی ئابووری وڵات باش بێت ئاشتەوایی بەدوادادێت.

بەڕوەبەری پەروەردە پشتیوانی خۆشی بۆ ئەو مامۆستایانە دەربڕی كە ئەمرشۆ خۆپیشاندان دەكەن و وتیشی”هەوڵ دەدەین هەموو مافەكانتان بۆ جێبەجێ بكرێت و ئێمەش بەشێكین لە ئێوە، چونكە پاشەكەوت و لێبڕین ئێمەشی گرتووەتەوە”..

بەردەوام بە لە خوێندنەوە

کوردستان