ئێمە لە تۆرە کۆمەڵایەتیەکان

ئابوری

كارگەیەكی دروستكردنی نانی تیری لە سلێمانی داخرا

خەڵك – بەشی هەواڵ
بەڕێوەبەرایەتی چاودێری تەندروستی سلێمانی ڕایدەگەیەنێت، بەهۆی جێبەجێ نەكردنی مەرجی تەندروستی و نەبوونی مۆڵەتنامەی تەندروستی لە لایەن لیژنەكانمانەوە كارگەیەكی دروستكردنی نانی تیری لەگەڕەكی كارێزەوشك داخرا.

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەیەكی بۆ (خەڵك) ناردووە ڕایگەیاندووە، سەرلەبەیانی ئەمڕۆ دوو شەممە 21-10-2019 لیژنەكانی چاودێری تەندروستی سلێمانی بەهاوكاری بنكەی پۆلیسی نەخۆشخانە هەستان بەداخستنی كارگەیەكی دروستكردنی نانی تیری لەگەڕەكی كارێزەوشك.

ڕاشیگەیاندووە، بەهۆی جێبەجێ نەكردنی مەرجی تەندروستی و نەبوونی مۆڵەتنامەی تەندروستی، بڕیار لەسەر داخستنی درا، ئاگاداری شوێنەكە كراوە تاكو مەرجە تەندروستیەكان جێبەجێ نەكات شوێنەكەی بۆناكرێتەوە.

ئابوری

وەزارەتی دارایی خشتەیەكی دیكەی دابەشكردنی مووچەی ڕاگەیاند

خەڵك- بەشی هەواڵ

وەزارەتی دارایی و ئابووری حكومەتی هەرێمی كوردستان خشتەیەكی دیكەی دابەشكردنی مووچەی بۆ ڕۆژانی چوارشەممە و پێنج شەممە ڕاگەیاند.

بەپێی خشتەكە كە وێنەیەكی بۆ (خەڵك) نێردراوە، سبەینێ‌ چوارشەممە، مووچەی مانگی ئابی وەزارەتی تەندروستی دابەش دەكرێت.

هەروەها ڕۆژی پێنج شەممە، مووچەی وەزارەتی كاروباری شەهیدان، لەگەڵ مووچەی كەسوكاری شەهیدان و زیندانییانی سیاسی دابەش دەكرێت.

دابەشكردنی مووچەی مانگی ئاب لەكاتێكدایە چارەنوسی سێ‌ مووچەی ئەمساڵ بە نادیاری ماوەتەوە و ناشزانرێت ساڵی داهاتوو حكومەت دەتوانێت مووچە دابەش بكات یان نا.

بەردەوام بە لە خوێندنەوە

ئابوری

ئەمڕۆ مووچەی وەزارەتی دارایی و ئابووری دابەش دەكرێت

خەڵك- بەشی هەواڵ

بڕیارە ئەمڕۆ سێ‌ شەممە، مووچەی مانگی ئابی وەزارەتی دارایی و ئابووری جكومەتی هەرێمی كوردستان دابەش بكرێت.

بەپێی خشتەیەك كە لە وەزارەتی دارایی و ئابوورییەوە بڵاوكراوەتەوە و كۆپیەكەی دەست (خەڵك) كەوتووە، ئاماژە بەوەكراوە ئەمڕۆ سێ‌ شەممە مووچەی وەزارەتی دارایی و ئابووری دابەش دەكرێت.

دابەشكردنی مووچەی مانگی ئاب لەكاتێكدایە چارەنوسی سێ‌ مووچەی ئەمساڵ نادیارە و ناشزانرێت ساڵی داهاتوو حكومەت دەتوانێت مووچە دابەش بكات یان نا.

بەردەوام بە لە خوێندنەوە

ئابوری

وەرگرتنی ڕسوماتێكی هاتووچۆ لە شۆفێران هەڵوەشێنرایەوە

خەڵك- بەشی هەواڵ
بەڕێوەبەرایەتی گشتی هاتووچۆی فیدڕاڵی عیراق وەرگرتنی ڕسوماتێكی هاتووچۆ، كە بە “كرێی خزمەت” ناسراوە هەڵدەوەشێنرێتەوە.

لیوا زهێر خەفاجی، بەڕێوەبەری گشتی هاتووچۆی عیراق لە لێدوانێكی بۆ میدیاكان ڕایگەیاند، كە بڕیاریانداوە بە هەڵوەشاندنەوەی كرێی خزمەت، كە لە یاسای نوێی هاتووچۆدا هاتووە.

ڕاشیگەیاندووە، كە هۆكاری بڕیارەكەیان بۆ ئەوە دەگەڕێتەوە، ناكرێت لە یەك مامەڵەدا دوو جۆر ڕسومات لە هاووڵاتیان وەربگیرێت.

وتوشیەتی، “بۆیە ئەو بڕیارەیان داوە تاوەكو باری سەرشانی هاووڵاتیان سووك بكەن”.

بەردەوام بە لە خوێندنەوە

کوردستان