ئێمە لە تۆرە کۆمەڵایەتیەکان

کوردستان

پەڕلەمانی كوردستان كۆدەبێتەوە


خەڵك- بەشی هەواڵ
سەرۆكی پەڕلەمانی كوردستان بڕیاریدا ڕۆژی چوار شەممە كۆبووونەوەی ئاسایی پەڕلەمان ئەنجام بدرێت و پەڕلەمانتارێكیش دەڵێت: “تا ئێستا كارنامەكەمان بەدەست نەگەیشتووە”.

بەپێی بانگهێشتی د. ڕێواز فایەق، سەرۆكی پەڕلەمانی كوردستان بۆ پەڕلەمانتاران، كە وێنەی دراوە بە (خەڵك) ئاماژە بەوەكراوە، پشت بەستن بە حوكمی برگەی (سَییەم) لە ماددەی (18)ی پەیڕەوی ناوخۆی پەرلەمانی كوردستانی ـ عیراق، بڕیارماندا بانگهێشتی گشت ئەندامە بـەڕێزەكانی پـەڕلەمان بكەین بۆ دانیشتنی ژمارە (5)ی ئاسایی ساڵی یەكەم لەخولی هەڵبژاردنی پێنـجەمی پـەرلەمانی كوردستان ـ عیراق، لەكاتژمێر (11)ی پێشنیوەڕۆی رۆژی چوار شەممە ڕێكەوتی 23-10-2019.

لای خۆشیەوە، جەمال حەوێز، ئەندامی پەڕلەمانی كوردستان بۆ (خەڵك) ڕایگەیاند، كە تا ئێستا كارنامەی كۆبوونەوەكەیان بەدەست نەگەیشتووە، تەنها بانگهێشتی كۆبوونەوەكەیان پێ‌ دراوە.

ڕاشیگەیاند، سبەینێ‌ لەگەڵ بانگهێشتەكە، كارنامەی كۆبوونەوەی پەڕلەمانیش دەدرێتە پەڕلەمانتاران.

ئەمە لەكاتێكدایە، كە دوای ڕووداوەكانی ڕۆژئاوای كوردستان و هێرشی توركیا بۆ سەر ناوچە كوردیەكانی باكووری سوریا و شەهید و برینداركردنی دەیان هاووڵاتی مەدەنی شوڕڤان، پەڕلەمانی كوردستان كۆبووەوە و ڕاسپاردەیەكی 12 خاڵی دەركرد.

دوابەدوای ئەوەش ڕەخنەیەكی زۆر لەلایەن بەشێك لە پەڕلەمانتاران و هاووڵاتیانی هەرێمی كوردستانەوە لە پەڕلەمان گیرا، كە “كۆبوونەوەكەی درەنگ وەخت بووە و دوای 5 ڕۆژ لە ڕووداوەكان بووە و لە ڕاسپاردەكانیشیدا باسی داگیركاری توركیا نەكراوە”.

لای خۆشیەوە، ئەبوبەكر هەڵەدنی، ئەندامی پەڕلەمانی كوردستان لە فراكسیۆنی یەكگرتوو ڕایگەیاند، كە دەنگی بە ڕاسپاردەكان نەداوە، چونكە هیچ باسێكی لەشكركێشی توركیای تێدا نەبوو.

ئابوری

داوادەکرێت لەیەک ڕۆژدا موچەی مۆچەخۆران دابەشبکرێت


خەلک – بەشی هەواڵ

پەرلەمانتارێکی کوردستان داوادەکات لەیەک ڕۆژدا موچەى موچەخۆران دابەشبکرێت.

 

سیروان بابان، پەرلەمانتاری سەربەخۆی کوردستان لەنوسراوێکیدا بۆ وەزیری دارایی حکومەتى هەرێم داوا دەکات لەیەک یان دوو ڕۆژدا موچەى سەرجەم موچەخۆران دابەشبکرێت.

 

هاوکات داوای کردووە، کۆتایی بە بڵاوکردنەوەی لیست و دواکەوتنی دابەشکردنی موچەی فەرمانبەران بهێنن.

 

وتیشی: هەموو مانگێک کە پارەی بەغداد بەیەک گوژم دێتە کوردستان و داهاتی ناوخۆش بەوشێوەیە کۆدەبێتەوە، دەبێت چیدی ئەم چاوەڕوانیەی چینی موچەخۆران کۆتایی بێت و هیچ بیانوویەک نیە بۆ ئەم فێڵە نایاساییە.

 

بەردەوام بە لە خوێندنەوە

کوردستان

نرخی زێڕ و دراوەکان


خەڵک – بەشی هەواڵ

نرخی زێڕ  و دراوەکان لەبازاڕەکانى هەرێمی کوردستان بەم جۆرەى خوارەوەیە، کە لە زەڕەنگەری پێشین وەرگیراوە:

 

یەک مسقاڵ زێڕی عەیاری ٢٤= ٣٤٢٫٠٠٠دینار
یەک مسقاڵ زێڕی عەیاری ٢١= ٢٩٩٫٠٠٠دینار
یەک مسقاڵ زێڕی عەیاری ١٨= ٢٥٧,٠٠٠دینار
لیرەی عەیاری 22= 367$

ئۆنس:1730

………..
100$=123,000
100€= 136,000
100£= 151,000
100$= 1,745,000 تمەن (نەقدی)
100$= 684 لیرەی تورکی

بەردەوام بە لە خوێندنەوە

کوردستان

بەوێنە..لە ڕووداوێكی هاتوچۆدا كەسێك گیانی لەدەستدا


خەڵك-بەشی هەواڵ

 

بەڕێوەبەرایەتی هاتوچۆی پارێزگای سلێمانی ڕایدەگەیەنێت، لەڕووداوێكی هاتوچۆدا كەسێك گیانی لەدەستدا.

بەڕێوەبەرایەتی هاتوچۆی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، لە ڕووداوێكی هاتوچۆدا لە چەمچەماڵ ڕوویدا شۆفێرەكەی دەستبەجێ گیانی لەدەستدا.

ئاشكراشیكرد، ڕووداوەكە بەهۆی تیژڕەویەوە بووە ئۆتۆمبێلەكە وەرگڕاوە.

بەردەوام بە لە خوێندنەوە

کوردستان