ئێمە لە تۆرە کۆمەڵایەتیەکان

جیهان

لەژێر فشاری خۆپیشاندەران حكومەتی لوبنان پڕۆژەی چاكسازی پەسەندكرد


خەڵك- بەشی هەواڵ
لەگەڵ زیادبوونی خۆپیشاندانەكان لە بەیروت-ی پایتەختی لوبنان، ئەنجوومەنی وەزیرانی ئەو وڵاتە پڕۆژەی چاكسازی پەسەند كرد و چەند بڕیارێكیشی بۆ بودجەی 2020 دەركرد.

ئەمڕۆ دوای 5 ڕۆژ لە خۆپیشاندان و خێمە هەڵدانی خۆپیشاندەران لە بەیروت، حكومەتی ئەو وڵاتە كۆبوونەوەیەكی بەپەلەی ئەنجامدا لە كۆشكی كۆماری لە (بعبدا) و پڕۆژەی چاكسازی پەسەند كرد.

لای خۆیەوە، هەژماری فەرمی سەرۆكایەتی كۆماری لوبنان لە تویتەر بڵاویكردەوە، كە ئەنجوومەنی وەزیران هەموو بڕگەكانی پڕۆژە چاكسازییەكەی پەسەند كردووە و هەروەها پڕۆژە یاسای بودجەی 2020یشی پەسەند كردووە.

هاوكات، سەعد حەریری، سەرۆك وەزیرانی لوبنان دوای كۆتایی هاتنی كۆبوونەوەی ئەنجوومەنی وەزیران لە وتەیەكدا بۆ خۆپیشاندەران ڕایگەیاند، كە پڕۆژەی چاكسازییان پەسەند كردووە و بەشێكی وردەكارییەكەشی ئاشكراكرد.

ڕاشیگەیاند، كە بڕیاریانداوە باج بخەنە سەر بانكە ئەهلییەكان و ڕێژەی 50%ی باجی سەر كارەبا لادەبەن و لەگەڵ ئەوەشدا بڕی 20 ملیار لیرە دابین دەكەن بۆ پێدانی مووچە بە كەسانی هەژار و كەمدەرامەت.

جیهان

نرخی نەوت 42 دۆلاری تێپەڕاند


خەڵك- بەشی هەواڵ
نرخی نەوت ڕووی لە بەرزبوونەوە كرد دوای ئەوەی ڕێژەی بێكاریی لە ولایەتە یەكگرتووەكان لە مانگی ئایاری ڕابردوودا بەشێوەیەكی ناچاوەڕوانكراو پاشەكشەی كرد، و (ئۆپیك)يش وادەیەكی بۆ گفتووگۆكردن لەبارەی كەمكردنەوەی ئاستی بەرهەمی نەوت، دیاریی كرد.

نرخی نەوتی برێنت بۆ گرێبەستە دواخراوەكان بە بڕی 2.7 دۆلار ڕووی لە بەرزبوونەوە كرد كە دەكاتە 5.2% و نرخی بەرمیلێكی گەیشتە 42.07 دۆلار، بەهەمان شێوە نرخی نەوتی خۆرئاوای تكساسی ئەمریكا بە بڕی 1.65 بەرزبۆوە ، واتا بە ڕێژەی 4.4% و نرخی بەرمیلێكی گەیشتە 39.02 دۆلار.

وەزارەتی كاری ئەمریكایی بەشێوەیەكی لەناكاو دابەزینی ڕێژەی بێكاریی بۆ 13.3% لە مانگی ڕابردوودا ڕاگەیاند، دوای ئەوەی ئەو ڕێژەیە لە مانگی نیسانی ڕابردوودا 14.7% بوو.

 

بەردەوام بە لە خوێندنەوە

جیهان

تەندروستی جیهانی: تەنیا بە كەمامە ناتوانین خۆمان لە كۆرۆنا بپارێزین


خەڵك- بەشی هەواڵ
تیدرۆس ئەدهانۆم گیبریسۆس، بەڕێوەبەری گشتی ڕێكخراوی تەندروستی جیهانی ڕایدەگەیەنێت، بەستنی كەمامە بە تەنیا، ناكرێت لە تووشبوون بە ڤایرۆسی كۆرۆنای نوێ‌ بمانپارێزێت.

بەپێی دوایین ڕێنماییەكانی ڕێكخراوی تەندروستی جیهانی كە ئەمڕۆ هەینی بڵاوكرایەوە، كەمامە جگە لە یەكێك لە كۆمەڵێك ئامراز بەو لاوە چیی دی نییە كە دەكرێت مەترسی گواستنەوەی ڤایرۆسەكە كەمبكاتەوە، بۆیە پێویستە ئەو كەسەی كەمامە دەبەستێت هەستێكی ساختە لای خۆی دروستنەكات كە بە تەواوەتی پارێزراوە.

ماریا ڤام كیر خوف، پسپۆڕی تەكنیكی لە ڕێكخراوەكە دەڵێت:”ئێمە ئامۆژگاری حكومەتەكان دەكەین تا هانی هاووڵاتیان بدەن كەمامە ببەستن، بەڵگەمان هەیە لەئێستادا گەر ئەوكارە بەشێوەیەكی ڕاست ئەنجام بدرێت، دەكرێت ببێتە بەربەستێك لەبەردەم ئەگەری پەڕینەوەی تنۆكە گەدەییەكان”.

پێشتر ڕێكخراوی تەندروستی جیهانى ڕایگەیاندبوو، بەڵگەیان لەبەردەستدانییە لەبارەی سەركەوتنی كەمامە بۆ پاراستنی ئەو كەسە تەندروستانەی دەیبەستن لە شوێنە گشتییەكاندا.

 

بەردەوام بە لە خوێندنەوە

جیهان

ترەمپ: ڤایرۆسی كۆرۆنامان تێپەڕاند و دەگەڕێنەوە سەر كار


خەڵك- بەشی هەواڵ
دۆناڵد ترەمپ سەرۆكی ئەمریكا ڕایدەگەیەنێت، وڵاتەكەی سەركەوتوو بوو لە ڕاگرتنی پەتای كۆرۆنا و ڕزگاركردنی چەندان ملیۆن كەس، ئاماژەی بەو هەوڵانەش كرد كە بۆ گەڕانەوە بۆسەر كار و كردنەوەی ئابوری دەخرێنەگەڕ.

ئەمڕۆ هەینی ترەمپ لە وتارێكیدا ڕایگەیاند:”زۆرێك لەو بڕوایەدابوون ئێمە كاری زۆر لەدەست دەدەین، بەڵام ئەوەی ڕوویدا پێچەوانە بوو، ساڵی داهاتوو بە دڵنیاییەوە لەمساڵ باشتر دەبێت”.

بە وتەی سەرۆكی ئەمریكا:”بەمزوانە هەواڵێكی دلًخۆشكەرمان دەبێت سەبارەت بە ڤاكسینی دژ بە كۆرۆنا، چونكە پێشكەوتنی گەورەمان لەو بارەیەوە تۆماركردووە، تەماشاكەن ئەمڕۆ ڕێكەوتنێكی بازرگانی جیاواز لەگەڵ چیندا دەبینن، بەراورد بە تێڕوانینی ڕابردوومان، لێكگەیشتن لەگەڵ چین شتێكی باشە، بەڵام نازانم ئەوە دێتەدی یان نا”.

ترەمپ دەڵێت:”كۆرۆنا دیارییەكی باش نەبوو لە چینەوە كە لە ئەوروپا و ویلایەتە یەكگرتووەكان بڵاوبۆوە، بەڵام لە چین بڵاونەبۆوە، لەو بڕوایەدام ئێمە 9 ملیۆن كار لەدەستدەدەین، بەڵام لە هەمان كاتدا 3 ملیۆن كاریی باش دەستەبەردەكەین”.

لە كۆتایی قسەكانیدا دۆناڵد ترەمپ وتی:”ئەمریكاییەكان لەئێستادا دەگەڕێنەوە سەر كارەكانیان، و بوژانەوەیەكی خێرا بەدی دەكەین، ئەمریكا تا ئاستێكی گەورە ڤایرۆسی كۆرۆنای تێپەڕاند”.

بەردەوام بە لە خوێندنەوە

کوردستان