ئێمە لە تۆرە کۆمەڵایەتیەکان

کوردستان

وتەبێژی فراكسیۆنی پارتی؛هەرێمی كوردستان لەبەردەم دوو تەحەدی مەترسیدار دایە


خەڵك – بەشی هەواڵ
وتەبێژی فراكسیۆنی پارتی لە پەڕلەمانی كوردستان ڕایدەگەیەنێت، بەم نزیكانە دۆخی عێراق بەرەو شڵەژانێك دەچێت دەبێت كورد لە باشوور خۆی ئامادەبكات وەك پێكهاتەیەكی هەمیشە موستەهدەف لەكاتی ئەو گۆڕانكارییانەی بەدرێژایی مێژوو ڕوودەدەن لە عیراقدا، دەشڵێت،”دوای ڕۆژئاوای كوردستان ئاراستەی دژایەتی دەوڵەتانی دەوروبەر بەرەو ڕووی باشووری كوردستانە، بەهەستكردن بەم دۆخە پێشبینیكراوە، یەك ڕیزو یەكدەنگ نەبین دەبینە پەندی زەمانە”.

پێشەوا هەورامانی ، وتەبێژی فراكسیۆنی پارتی لە پەڕلەمانی كوردستان لە هەژماری تایبەتی خۆی لە فەیسبوك لە نوسینێكدا بەناونیشانی ( هەرێمی كوردستان لەبەردەم دوو تەحەدی مەترسیدار) ڕایگەیاندووە، عادل عەبدولمەهدی، كە هێشتا ڕوون نییە كێیە و سەر بە كام لایەنە لەعیراق، بەڵام خراپ ئەمەیە چەندین پرسی ترسناك ئێستا لەمێشكی زۆرینەیەكی سیاسی عێراقی گەڵاڵە بووە، خراپترینیان داواكاری گۆڕینی دەستووری عیراق و سڕینەوەی مافەكانی كوردە تێیدا وەك هەرێمێكی فیدراڵی، كە ئەم دەنگانە پاش بینینی دۆخی ڕۆژئاوای كوردستان زۆر بەرزبوونەتەوە لە گۆڕەپانی سیاسی عیراقی.

دەشڵێت،”دوای ڕۆژئاوای كوردستان ئاراستەی دژایەتی دەوڵەتانی دەوروبەر بەرەو ڕووی باشووری كوردستانە، ئەوان ئەوەی ویستیان لەوێ بۆیان چووەسەر، بە دیقەتدان لەمە بۆمان دەردەكەوێت ڕۆژئاوا بەتەنها ئامانج نییە، وە پەلاماردانی ڕۆژئاوا تاقیكردنەوەیەك بوو بۆ زانینی هەڵوێستی ئەمریكاو ئەو وڵاتانەی، كە بەحساب كورد هاوپەیمانیانە لەئەگەری دەست بردن بۆ كورد هەڵوێستیان چیدەبێت”.

ڕاشیگەیاندووە، بێدەنگ بوونی ئەوان لەبەرانبەر سوتاندن و كوشتنو بڕینی خەڵكی سڤیل و چاو پۆشی و خۆ گێلكردنیان لەبەرانبەر ئەوانەی شەڕیان دژی گەورەترین ڕێكخراوی تیرۆریستی جیهانیكرد لەبری جیهان، بوار دەداتە دەوڵەتانی دژی كیانی كوردی لەهەر شوێنێك پەل بۆ باشووریش بهاوێژن.

ئەوەشدەخاتەڕوو ، كە بەهەستكردن بەم دۆخە پێشبینیكراوە، یەك ڕیزو یەكدەنگ نەبین، ئامادەنەبین، كەركوك و خورماتوو تەواوی ناوچەكانی دیكەی، كە لەدەستماندان بەهەر هۆكارێك نەبووبنە وانەیەك بۆمان، یەك مەرگ و یەك ژیان هەڵنەبژێرین، دەبینە پەندی زەمانە، ئەگەر دیسان لەسەر ڕێچكەی باب و باپیرانمان بچین و ئەمجارە بەهۆش خۆ نەیەینەوە و هەریەكەمان لە ئاوازێك بخوێنین.

کوردستان

وەزیری تەندروستی، هۆكارەكانی بێمتمانەیی هاووڵاتیان لە ڤایرۆسی كۆرۆنا ئاشكرا دەكات


خەڵك-بەشی هەواڵ

وەزیری تەندروستی ڕایدەگەیەنێت، ناتوانیین بڵێین تۆماركردنی ئەم ژمارە زۆرەی توشبوو سەرهەڵدانەوەیە، بەڵكو ئەمە تۆماركردنی ژمارەیەكی تر یان ژمارەیەكی زیاتر لە تووشبووان و هەڵگرانی ڤایرۆسی كۆرۆنایە، چونكە لەكاتی ئێستادا ئەمە بە هەڵكشانێكی دیكە دادەنرێت لە ژمارەی تووشبووان بەڵام لەهەمان شەپۆلی یەكەمە واتە بەردەوامیی و تەواوكەری شەپۆلی یەكەمە.

د.سامان بەرزنجی وەزیری تەندروستی حكومەتی هەرێمی كوردستان بە دەنگی ئەمریكای ڕاگەیاند، هۆكاری یەكەم ئەو بەركەوتن و قەڵەباڵغی و زۆری كۆنتاكتە لەنێو تاكەكانی كۆمەڵگە، هۆكاری دووەمیان پابەندنەبوونی هاووڵاتیانە بە ڕێنمایی و ئامۆژگارییە تەندروستیەكان و بەهەندوەرنەگرتنی بەتایبەت كە ئەم ڕەوشی كۆرۆنایە لەمدواییەدا بەهەند وەرنەگیراوە كە ئەمە جێگای سەرسوڕمان و نیگەرانی و لاوازبوونی متمانەی هاووڵاتیانیش هۆكارێكی دیكەی ئەم هەڵكشانی ژمارەی تووشبووانەیە، هۆكاری سێیەمیش بریتییە لەوەی لە عیراقدا ژمارەیەكی زۆری تووشبووان هەیە لەمكاتەدا، بۆیە ئەمانەش هۆكارێكی تر بوون لەهاتنی ئەم ڤایرۆسە بۆ هەرێمی كوردستان.

سەبارەت بەپلانی وەزارەتی تەندروستی ناوبراو ئاشكرایكرد، پلانەكان زۆرن لەسەر ئاستی حكومەتی هەرێم، وەكو وەزارەتی تەندروستی بەشێكی سەرەكی پلانەكانی حكومەتی هەرێمی كوردستان لەگەڵ وەزارەتە پەیوەندیدارەكان و لەگەڵ ڕێكارەكانی ئەنجام دراوە یان ئەوانەی ئەنجام دەدرێن و ئەوانەی كە بەردەوامین تێیدا، ئەوە پلانی حكومەتی هەرێمی كوردستانە كە بەردەوامین و ڕێكارەكانی زیاتر چڕ و پڕتر دەكەین بەشێوازێك كە خۆپارێزی و تاكپارێزیش زیاتر سەرنجی لەسەر دەكەین، وە پلانەكانی ترمان لەگەڵ وەزارەتە پەیوەندیدارەكان لەگەڵ وەزارەتی پەروەردەو ئەوقاف و وەزارەتی گواستنەوە و گەیاندن و لە هەمووشیان گرنگتر جێبەجێكردنی هەموو ئەو ڕێكار و پلانانەیە لەلایەن وەزارەتی ناوخۆوە بەسوپاسەوە كە بەردەوام لەسەر هێڵین و پلان و بەرنامەكانی وەزارەتی ناوخۆ چووەتە بواری كاركرن.

ڕوونیشیكردەوە، لەڕووی چارەسەرییەوە، هەوڵدەدەین ژمارەی قەڕەوێڵەكان زیاد بكەین و شێوازی نوێی داخڵكردنی نەخۆش و پۆلێنكردنی ئەو نەخۆشانەی كە زۆر ترسناكن و پێویستیان بە چارەسەرە یان پێویستیان بەچاودێری وردە جیاواز لە هەندێك نەخۆشی تر كە هەڵگری ڤایرۆسەكە و نیشانەكانی تێدانییە، ئەوانە مایكرۆ پلانە بە وردی مایكرۆپلانێكی دوور و درێژمان هەیە لەسەر ئەوە ستراتیجەتە بەردەوام دەبین و ڕێنمایی پێویستیشمان داوەتە هەموو وەزارەتە پەیوەندیدارەكان.

جەختی لەوەش كردەوە، پێشتر لەكۆبوونەوەی هاوبەشی خۆمان لەگەڵ وەزارەتی پەروەردە، ڕێنمایی و ڕاسپاردەكانی خۆمان دانێ كە قوتابخانەكان نەگەڕێنەوە سەر خوێندن و كۆتایی بە خوێندنەكەیان هات، بەڵام تاقیكردنەوەكان تەنها بۆ قۆناغی كۆتایی ئەوەی كە بڕیارە بكرێت، ئەویش دەبێت بەڕێكارێكی توندی تەندروستی بكرێت و بڕیارمان داوە چاودێرێكی تەندروستی بۆ هەر شوێنێك لەم شوێنانە وەكو تیمی تەندروستی چاودێری دەكەین و بە هەماهەنگی لەگەڵ وەزارەتی پەروەردە.

سامان بەرزنجی ڕاشیگەیاند، كەس ئومێدی ئەوە ناخوازێت ژمارەكان زیاتر بێت، هەموو هەوڵەكان بۆ ئەوەیە كە تووشی ئەو تەشەنەكردنە نەبین، بەڵام لێرە پاڵپشتی هاووڵاتی گرنگە، ئەگەر بێت و ئەو ڕێكارانەی كە بڕیاردراوە بەتوندوتۆڵی جێبەجێنەكرێت، هەروەها سنووری پارێزگاكان بەتایبەتی لەگەڵ عیراق هاتن و بزربوونی حاڵەت و پابەندنەبوونی هاووڵاتی بەدانانی ماسك بەدڵنیاییەوە ترسناكی زیادبوون دەكات، بەڵام ئەگەر هاووڵاتی پاڵپشت بێت لەسەر ئاستی تاكەكەس و لەسەر ئاستی ڕێكارەكانی حكومەتیش، بەدڵنیاییەوە مەترسییەكان كەم دەبنەوە.

سەبارەت بە بەرزبوونەوەی ژمارەی تووشبوان ناوبراو ووتی”ئاسان نیە باسی ژمارە بكەین، بەڵام بەدڵنیاییەوە ڤایرۆسەكە بوونی هەیە لە كۆمەڵگە دەوەستێتەسەر ئەوەی كە یەكەم ئێمە حاڵەت بدۆزینەوە، دووەمیشیان هاووڵاتیان زیاتر پابەندبن بە ڕێنماییەكانەوە، وەڵامی پرسیارەكە دەوەستێتە سەر وەڵامی ئەو ئەگەرانە، ئەگەری پاڵپشتی هاووڵاتی و ئەگەر ئەنجامدانی ڕێكاری تەندروستییە پشكنینی هاووڵاتیان و تێستكردن”.

ئاماژەی بۆ ئەوەش كرد، كۆمەڵێك هۆكار دەرئەنجامی لاوازی متمانەی هاووڵاتی تێدادروست بووە، یەكێك لە هۆكارەكان ئەوە بووە كە بەداخەوە هەوڵێكی بەلاڕێبردنی ئەم ڕێكارانەی حكومەتی هەرێمی كوردستان هەبووە، بۆ سیاسەت كردن و بەستنەوەی بە هەندێك قەیرانی تردا، هەروەها هەندێك هاووڵاتی بەهۆی ئەوەی ماوەیەك قەدەغەی هاتوچۆی تەواوەتی هەبوو، خۆشبەختانە لەو ماوەیەدا سەركەوتن بەسەر كۆنتڕۆڵكردنی ئەو نەخۆشیە و نەبوونی ڕێژەیەكی زۆری مردن و نەخۆش نەكەوتنی ژمارەیەكی زۆری هاووڵاتی ئەو متمانەیەی لاواز كردووە، جگە لەوەی بەداخەوە هەندێك هاووڵاتی تەنها هەڵگری ئەم ڤایرۆسەن كە دەردەچن لەڕاگەیاندن یان لە سۆشیال میدیا باس لەوەدەكەن كە هیچ نیشانەیەكیان نیە و ترسناكی نیە، بەداخەوە كەسانێكی ناپسپۆڕ قسە لەسەر ئەم ڤایرۆسە دەكەن ئەمە هۆكارن كە هاووڵاتی بەهەڵە تێبگەیەنرێت كە جێگەی گومان و ترسناكییە، هەروەها ڕۆڵی هەندێك ڕاگەیاندن ڕەنگە تاڕادەیەك باش نەبووە ئەمانە هەمووی هۆكاری لاوازبوونی متمانەن، بەڵام بەدڵنیاییەوە هۆكاری ئابوری و بژێوی ژیانی هاووڵاتیش كە هاووڵاتیش جارێكی دیكەش تووشی كەمدەرامەتی داهاتی ڕۆژانەی نەبێت لە قەدەغەی هاتوچۆ، ئەمانە هاووڵاتی بەرەو ئەو ئاڕاستەیەی بردووە كە متمانە كەم بكاتەوە بەرامبەر نەخۆشی كۆرۆنا.

بەردەوام بە لە خوێندنەوە

کوردستان

كرماشان؛ سزای پێنج ساڵ زیندانی بەسەر خۆپیشاندەرێكدا سەپێندرا


خەڵك – بەشی هەواڵ
یەكێك لەو هاووڵاتییانی كە بە هۆی بەشداریكردنی لە خۆپیشاندانەكانی پاییزی ڕابردووی كرماشاندا دەستگیركرابوو، سزای پێنج ساڵ زیندانی بۆ دەركرا.

ڕێكخراوی مافی مرۆڤی هەنگاو لە ڕاگەیەندراوێكدا كە بۆ (خەڵك) هاتووە ڕوونیكردەوە چالاكوانەكە ناوی ڕەسوول کەریمی جەلالوەندە كە یەکێک لە دەستبەسەرکراوانی ناڕەایەتییەکانیمانگی خەزەڵوەری کرماشان بوو، سزای پێنج ساڵ بەندکرانی بەسەردا سەپێندرا.

ڕوونیشیكردەوە كە ئەو چالاكوانە بە تۆمەتی “هەوڵدان دژی ئاسایشی نەتەوەیی”ی ئێرانەوە سزا دراوە.

ڕەسوڵ کەریمی جەلالوەند لەکاتی خۆپێشاندانەکانی پاییزی ڕابردوو لە گەڕەکی دەوڵەتئاوای کرماشان دەستبەسەر و دوای چوار مانگ بە دانانی بارمتە و بە شێوەی کاتی ئازاد کرابوو. ڕێكخراوەكە ئەوەشی خستووەتەڕوو كە چالاكوانەكە لە زینداندا ئەشكەنجەدراوە.

بەردەوام بە لە خوێندنەوە

کوردستان

هەرێم: قەدەغەی هاتوچۆی تەواوەتی بۆ ماوەی 6 ڕۆژ ڕاگەیەنرا


خەڵك – بەشی هەواڵ

وەزارەتی ناوخۆی حكومەتی هەرێمی كوردستان لە بارەی قەدەغەی هاتوچۆوە ڕاگەیەنراوێكی دەركرد و بڕیاری قەدەغەی هاتوچۆی درێژكردەوە.

دەركردنی ئەو بڕیارەی وەزارەتی ناوخۆ دوای ئەوە دێت، ئەمڕۆ لە پارێزگای سلێمانی 102 كەس تووشی ڤایرۆسی كۆرۆنا بوون.

 

بەردەوام بە لە خوێندنەوە

کوردستان