ئێمە لە تۆرە کۆمەڵایەتیەکان

کوردستان

وادەی سەردانیكردنی شاندی هەرێم بۆ بەغدا ئاشكراكرا

خەڵك – بەشی هەواڵ

نوێنەری حكومەتی هەرێم لە بەغدا ڕایدەگەیەنێت، ئەو دەنگۆیانەی لەبارەی ڕەتكردنەوەی داواكاریی هەرێم لەلایەن بەغداوە سەبارەت بە بودجە بڵاو كراونەتەوە، ڕاست نین و گفتوگۆكانی هەردوولا بەردەوامن و لێكنزیكبوونەوەی باش هەیە بۆ ئەوەی بگەنە ڕێككەوتن.

فارس عیسا نوێنەری حكومەتی هەرێم لە بەغدا ، ڕایگەیاند، گفتوگۆی بەردەوام لەسەر ئاستی وەزارەتەكان و پەیوەندیی بەردەوام لە نێوان هەرێم و بەغدا هەیە بۆ ئەوەی لەبارەی پشكی هەرێمی كوردستان لە پڕۆژە یاسای بودجەی ساڵی داهاتوو بگەنە ڕێككەوتن، لە ئێستاشدا لێكنزیكبوونەوەی باش هەیە لە نێوان هەردوولا و بەردەوامیش دەبن تا دەگەنە ڕێككەوتنی كۆتایی، بۆیە ئەو دەنگۆیانەی بڵاو كراونەتەوە كە گوایە حكومەتی عیراق داواكاریی هەرێمی لەبارەی بەشەبودجەوە ڕەت كردووەتەوە، ڕاست نین و هیچ هەواڵێكی لەو جۆرە نییە، چونكە هێشتا ڕێككەوتن نەكراوە.

نوێنەری حكومەتی هەرێم لە بەغدا ئەوەشیخستەڕوو، بڕیارە دوای بۆنەكانی موحەڕەم، شاندی حكومەتی هەرێمی كوردستان سەردانی بەغدا بكات و لەسەر پرسی بەشە بودجەی هەرێمی كوردستان گفتوگۆ بكەن و ئەو پرسە یەكلا بكەنەوە.

کوردستان

هێمن هەورامی: بەرهەمی كاری پێكەوەییمان بۆ گەلەكەمان چنییەوە

خەڵك-بەشی هەواڵ

جێگری سەرۆكی پەڕلەمانی كوردستان ڕایدەگەیەنێت، سیاسەت و بڕیارمان لە خولی پێنجەمی پەڕلەمان، كاری پێكەوەیی و تەبایی نێوان سەرجەم فراكسیۆنەكان و كاركردنە لەسەر بابەتە نیشتیمانیەكان و ئارامی كوردستان.

هێمن هەورامی جێگری سەرۆكی پەڕلەمانی كوردستان لە هەژماری خۆی لە تۆڕی كۆمەڵایەتی فەیسبوك ئاشكرایدەكات، پاش ئەوەی پەڕلەمانی عیراق هەمواری یاسای هەڵبژاردنی ئەنجومەنی پارێزگاكانی تێپەڕاند و دەنگدەرانی كورد لە كەركوك و خانەقین و شنگال و مەخمور و خورماتوو كرابوونە ئامانج و زۆربەیان بێبەش دەكران.
ڕوونیشیكردەوە، دەستەی سەرۆكایەتی پەڕلەمان لە ڕێگای لیژنەی ناوچە كوردستانیەكان و بە هەماهەنگی تێكڕای فراكسیۆنەكان، وێڕای تانەدان لە دادگای فیدڕاڵی لە ڕێگای پارێزەرەوە، هەڵمەتێكی چڕو پڕی دیپلۆماسی و لۆبیكردن لەگەل نەتەوەیەكگرتووەكان و هەماهەنگی لەگەڵ دەزگای هەڵبژاردنی حیزبە سیاسیەكان و فراكسیۆنە كوردستانیەكان لە بەغدا و پەڕلەمانتارانی كوردستان لە لیژنەی یاسایی پەڕلەمانی عیراق، ڕۆژی ۱۲ی ۱۱ بەرهەمی كاری پێكەوەییمان بۆ گەلەكەمان و حەقانیەتی مافی دەنگدەرانی كورد لە ناوچە كوردستانیەكان بە ڕێگای یاسا و بەهێزی ئەرگۆمێنتی دەستوری داواكەمان، دادگای ئیتیحادی بڕیاری یەكلاكەرەوەیدا بە ڕەتكردنەوەی ئەو هەوڵانەی لە پەڕلەمانی عیراق درابوون.

بەردەوام بە لە خوێندنەوە

کوردستان

سەرۆكی هەرێم: دروستكردنی هێزی نیشتمانی پێداویستییەكی هەنووكەییە

خەڵك – بەشی هەواڵ

سەرۆكی هەرێمی كوردستان ڕایدەگەیەنێت، نابێت پێشمەرگە ببێتە پێشمەرگەی حیزب و دروستكردنی هێزی نیشتمانی پێداویستییەكی هەنووكەییە.

نێچیرڤان بارزانی سەرۆكی هەرێمی كورستان و فەرماندەی گشتیی هێزەكانی پێشمەرگە، ئەمڕۆ سێشەممە 12/11/2019 لە وتارێكدا كە لەمیانەی بەشداریكردنی لە ڕێوڕەسمی دەرچوونی خولی 26ی پێگەیاندنی ئەفسەرانی كوردستاندا لە كۆلێژی سەربازیی زاخۆ پێشكەشی كرد ڕایگەیاند: “هەرێمی كوردستان پێویستی بە هێزێكی چەكداری نیشتمانیی خاوەن دیسپلین و پرەنسیپی پێشكەوتووە. هێزی یەكگرتوو، خاوەن بیروباوەڕی نیشتمانی، لە سەرووی هەموو مەبەستێكی سیاسی، حیزبی، نەتەوەیی، ئایینی و مەزهەبییەوە بێت. هێزێكی گۆشكراو لەسەر بنەما مرۆییەكان و ڕێككەوتنە نێودەوڵەتییەكانی تایبەت بە جەنگ”.

نێچیرڤان بارزانی لە بەشێكی تری وتارەكەیدا، پێشمەرگەی بە سیمبولی بەرخودان و ئازایەتی ناوبرد و وتی:”پێشمەرگە و سەرجەم هێزە چەكدارەكانی كوردستان، هێزی خاوەن مۆراڵ و ئاشتیخواز و ژیاندۆستن. ئێوە خاوەن ئەم بیروباوەڕەن. پێشمەرگە كە لە جیهاندا بە سیمبولی ئیرادە و بەرگری لە ئازادی و شارستانیی مرۆڤایەتی ناسراوە، خاوەن ئەو پاشخانەیە لە بیروباوەڕ و بەهای مرۆیی”.

بەردەوام بە لە خوێندنەوە

کوردستان

هەولێر..دانانی كامێرای هاتوچۆ بۆ دوو هێندە زیاد دەكرێن

خەڵك – بەشی هەواڵ

بەڕێوەبەری گشتیی هاتوچۆی هەولێر ئاشكرای دەكات، لەناو شاری هەولێر كامێرای هاتوچۆ بۆ دوو بەرامبەر زیاد كراون.

لیوا هێرش ئەحمەد بەڕێوەبەری گشتیی هاتوچۆی هەولێر لە لێدوانێكی ڕۆژنامەوانیدا ڕایگەیاند، لە ڕێگەی بەڕێوەبەرایەتیی كامێرای چاودێرییەوە، لەو شوێنانەی زیاتر ڕووداویان لێ ڕوودەدات كامێرا زیاد دەكەن، وتیشی: “ئێستا لەناو شاری هەولێر زیاتر لە 26 كامێرای چاودێریی جێگیر هەیە و زیاتر لە 40 كامێرای ناجێگیریش هەن، كە ڕۆژانە شوێنی دانانیان دەگۆڕدرێت”.

لیوا هێرش ئەحمەد ڕوونیشیكردەوە، كامێرا خولاوەكان زیاتر لەو شوێنانە دادەندرێن، كەوا ڕووداوی هاتوچۆ و تیژڕەویان تێدا دەكرێت، ئەگەر كامێرای جێگیر لەو شوێنانەش داندرا، ئەوكات كامێرای خولاو هەڵدەگیرێت.

بەڕێوەبەری گشتیی هاتوچۆی هەولێر دووپاتیشی كردەوە، دوای زیادكردنی كامێرا، ڕووداوەكانی هاتوچۆ لە هەولێر زۆر كەمیان كردووە و زیانی ڕووداوەكانی هاتوچۆش كەمتر بوونەتەوە.

بەردەوام بە لە خوێندنەوە

کوردستان