ئێمە لە تۆرە کۆمەڵایەتیەکان

کوردستان

بۆ پاراستنی ئاگربەستە
(هەسەدە) داوای چاودێريی نێودەوڵەتی دەكات

خەڵك- بەشی هەواڵ
هێزەكانی سوریای دیموكرات (هەسەدە)، داوای ڕەوانەكردنی چاودێرانی نێودەوڵەتی دەكەن لەپێناو پارێزگاریی لە ڕێكەوتنی ئاگربەست لە باكووری خۆرهەڵاتی سوریا كە دوو ڕۆژە ڕاگەیەندراوە.

ئەنجومەنی سوریای دیموكرات، لە بەیاننامەیەكدا ڕایگەیاندووە”داوا لە نەتەوە یەكگرتووەكان و ئەنجومەنی ئاسایشی نێودەوڵەتی و كۆمەڵی وڵاتانی عەرەبی و بەتایبەتیش ویلایەتە یەكگرتووەكان دەكەین، بەو پێیەی نێوەنگیری ڕێكەوتنەكە و سەرپەرشتیارە، لە سۆنگەی بەرپرسیارێتی خۆیانەوە دەستبەجێ‌ چاودێرانی نێودەوڵەتی ڕەوانە بكەن، بە مەبەستی پاراستنی ڕێكەوتنی ئاگربەستی كاتی، تا بكرێتە هەمیشەیی و ببێتە مایەی پاشەكشەكردنی تەواوەتی سوپای داگیركاریی توركیا كە لەگەڵ گروپە چەكدارەكاندا تاوانی كۆمەڵكوژی ئەنجام دەدەن، ئەمەش لەلایەن ڕێكخراوی لێبوردنی نێودەوڵەتی لە ڕاپۆرتەكەیدا تەئكیدی لەسەر كراوەتەوە”.

هەر لە بەیاننامەكەدا هاتووە”خێراترین ڕێڕەو بۆ كۆتایی هێنان بە تەنگژەكانی سوریا، چاودێری نەتەوە یەكگرتووەكانە بۆ دەستپێكردنی دیالۆگێكی سوری ڕاستەقینە و بنیاتنەر كە لەسەر ڕێڕەوی چارەسەری سیاسی و بەپێی بڕیارەكانی شەرعیەتی نێودەوڵەتی، بخرێتەگەڕ”.

بەپێی ڕاپۆرتێكی ڕێكخراوی لێبوردنی نێودەوڵەتی كە دوێنێ هەینی سەبارەت بە پێشیلكارییەكانی سوپای توركیا و هێزە چەكدارەكانی سەر بە وڵاتەكە لە سوریا بڵاوكرایەوە”توركیا لەو ناوچانەی سوریادا كە هێرشیكردووەتە سەر، تاوانی جەنگی ئەنجامداوە”.

ڕێكخراوی لێبوردنی نێودەوڵەتی دەڵێت” هێزەكانی سوپای توركیا و گروپە چەكدارەكانی هاوپەیمانی، هەڵسوكەوت و ڕەفتاری نابەجێیان لەدژی مەدەنییەكان ئەنجامداوە، لەگەڵ چەندان پێشێلكاری و تاوانی جەنگ كە خیان لە كە كوشتنی هەڕەمەكی و هێرشی نایاساییدا دەبیننەوە”.

لە 9ی تشرینی یەكەمی 2019، سوپای توركیا لەڕێی بۆردومانی فڕۆكە جەنگییەكانی، هێرش و پەلامارەكانی بۆسەر شار و شارۆچكەكانی ڕۆژئاوا دەستپێكرد، دەستپێكردنی ئەم هێرش و پەلامارانەش، هاوكات بوو لەگەڵ ڕاگەیاندنی پاشەكشەكردنی هێزەكانی ئەمریكا لە ناوچەكانی باكووری خۆرهەڵاتی سوریا، كە لەلایەن كوردەوە بەڕێوەدەبرێن، ئەمەش لەئێستادا وێڕای تەنگژە ئەمنییەكان بەهۆی مەترسی زیندووبونەوەی داعش، تەنگژەیەكی سیاسی گەورەی لە ناوچەكەدا دروستكردووە.

کوردستان

تووشبوون بە كۆرۆنا لە ڕۆژێكدا 400 كەسی تێپەڕاند

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 404 حاڵەتی تووشبوون بە كۆرۆنا تۆماركراوە و 11 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٢٢٩٦ پشكنین ئەنجام دراوە و دەركەوتووە لە هەولیر ٢١٨ كەس و سلێمانی 35 كەس و لە گەرمیان ٢٩ كەس و دهۆك 101 و هەڵەبجە 21 كەس تووشی كۆرۆنا بوون.

ئاشكراشی كردووە، كە ١٦٠ كەس چاكبوونەوە و 11 كەسیش گیانیان لەدەستداوە.

بەردەوام بە لە خوێندنەوە

کوردستان

سبەینێ‌ لە سلێمانی گەڕەكێك بێ‌ كارەبا دەبێت

خەڵك- بەشی هەواڵ
لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی ئاگاداری هاووڵاتیانی دانیشتووی گەڕەكی بەختیاری دەكات، كە سبەینێ‌ بەهۆی بەستنی پێوەری زیرەكەوە بێ‌ كارەبا دەبن.

لیژنەی سەرپەرشتیاری پڕۆژەی تۆڕی زیرەكی كارەبا لە سلێمانی لە ڕاگەیەنراوێكدا ئاماژەی بەوەكردووە، ئاگاداری دانیشتوانی گەڕەكی (بەختیاری) نزیك بەڕێوەبەرایەتی گشتی شارەوانیەكان، فیدەری (۱۹) دەكەین، سبەینێ پێنج شە‌ممە (6/8/2020) پێوەری زیرەكی كارەبایان بۆ دەبەسترێت.

دەشڵێت: “سبەینێ لە كاتژمێر (7 ی بەیانی بۆ 12ی نیوەڕۆ) كارەبای نیشتمانی و مۆلیدەیان نابێت، واتە مۆلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان”.

جەختیشی كردۆتەوە، بەستنی پێوەرەكە بێ بەرامبەر و هیچ بڕە پارەیەك لە هاووڵاتی وەرناگیرێت و خەرجییەكەی لەسەر حكومەتە.

ڕوونیشی كردۆتەوە، لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

لە نزیك پردی كۆبانێ‌ ئۆتۆمبێلێك ئاگری گرت

خەڵك- بەشی هەواڵ
هاتووچۆی سلێمانی ڕایدەگەیەنێت، كە لە نزیك پردی كۆبانێ‌ ئۆتۆمبێلێك لە جۆری تایبەت ئاگری گرتووە، بەڵام زیانی گیانی نەبووە.

بەڕێوەبەرایەتی هاتووچۆی سلێمانی لە ڕاگەیەنراوێكدا ئاماژەی بەوەكردووە، ئێوارەی ئەمڕۆ چوار شەممە ئۆتۆمبێلێك لەجۆری شۆفرلێت بلایزەر، لەسەر شەقامی بازنەیی مەلیك مەحمود نزیك پردی كۆبانێ ئاگری گرت و سووتا.

ڕاشیگەیاندووە، زیانی گیان بەدواوە نەبووە، تەنها زەرەری ماددی بەر ئۆتۆمبێلەكە كەوتووە.

بەردەوام بە لە خوێندنەوە

کوردستان