ئێمە لە تۆرە کۆمەڵایەتیەکان

عێراق

باس لە ڕۆڵی پیاوانی ئایینی دەكات
چالاكوانێكی عیراقی: خۆپیشاندانی ئەمجارە جیاواز دەبێت

خەڵك- بەشی هەواڵ
چالاكوانێكی عیراقی پێیوایە، پیاوانی ئاینی بڕیار لەسەر مانەوە و دەستلەكاركێشانەوەی حكومەتەكەی عادل عەبدولمەهدی دەدەن، پێشبینیش دەكات لەگەڵ خۆئامادەكردنی هەندێك لە حزب و ڕەوتە سیاسییەكان بۆ بەشداریی لە خۆپیشاندانەكانی داهاتوو، خۆپیشاندانەكانی ئەمجارە جیاواز بێت، یان بڕیارە لەبارەی دواخستنی بدرێت.

فاتیمە بەهادلی، چالاكوانی عیراقی بە (خەڵك)ی ڕاگەیاند”وەك ڕاگەیاندراوە ڕۆژی 25ی ئەم مانگە خۆپیشاندانەكان سازبكرێن، بەڵام پێشبینی دەكەین دوابخرێن بەو هۆیەی هەندیك لە حزبە سیاسییەكان و ڕەوتی سەدر بڕیاریانداوە بەشداریی تێدا بكەن، بۆیە لەمجارەدا خۆپیشاندانەكان وەك جاری پێشوو ئەگەر سازبكرێن، توندوتیژییان تێدا نابێت و ڕەنگە بڕیاریش لەبارەی دواخستنیانەوە بدرێت”.

بە وتەی بەهادلی:”لە خۆپیشاندانەكانی پێشوودا بەو هۆیەی تەنیا لاوان بەبێ‌ پشتیوانی هیچ لایەنێكی سیاسی خۆپیشاندانیان سازكرد، كرانە ئامانج و خەڵتانی خوێن كران، بەڵام ڕێی تێناچێت حزب و لایەنە سیاسییەكان خۆپیشاندان بكەن و لەلایەن هێزە ئەمنییەكانەوە بكرێنە ئامانج و تەقەیان لێبكرێت، بۆیە خۆپیشاندانی 25ی ئەم مانگە یان دوادەخرێت، یان وەك خۆپیشاندانی پێشوو توندوتیژی بەخۆوە نابینێت”.

ئەو چالاكوانە مەدەنییە عیراقیە دەڵێت”دەرچوونی عیراق لە ئەندامێتی مافەكانی مرۆڤ، كاریگەریی زۆری لەسەر حكومەت و شەقام هەیە، بۆیە چاوەڕوان ناكرێت لەمجارەدا حكومەت هەمان توندوتیژی پێشوو لە دژی خۆپیشاندەران بەكاربهێنێت، بەهۆی ئەو بەرەنجامە نەرێنیانەی كە لەسەری دروستبوو”.

فاتیمە بەهادلی لە كۆتایی قسەكانیدا، وتی”زۆر بە ڕاشكاوانە ناكرێت بڵێین خۆپیشاندانەكان دەبنە مایەی ناچاركردنی حكومەت بۆ ئەوەی دەستلەكاربكێشێتەوە، چونكە لە عیراق پیاوانی ئاینی كاریگەریی تەواوییان هەیە لەو بارەیەوە و ڕەنگە بە گوشاری ئەوان، یان ئەو وڵاتانەی دەستییان لە پرۆسەی سياسى عیراقیدا هەیە، مەسەلەی مانەوە یان دەستلەكاركێشانەوەی حكومەت یەكلایی بكرێتەوە”.

 

عێراق

عەلاوی: لەماوەی ساڵێكدا هەڵبژاردنی پێشوەخت ئەنجام دەدرێت

خەڵك – بەشی هەواڵ

محەمەد تۆفیق عەلاوی ڕایدەگەیەنێت، دەبێت كۆمسیۆنی هەڵبژاردنەكان كاتێك بۆ ئەنجامدانی هەڵبژاردن دیاری بكات.

محەممەد تۆفیق عەلاوی ڕاسپێردراو بۆ پێكهێنانی كابینەی نوێی حكومەتی عیراق لە جریوەیەكدا لە تۆڕی كۆمەڵایەتی تویتەر بڵاویكردەوە، حكومەتی نوێ پابەند دەبێت بە گرتنەبەری ڕێوشوێنی پێویست بۆ ئەنجامدانی هەڵبژاردنێكی پێشوەختی ئازاد و پاك و لەماوەی ساڵێكدا ئەنجامدەدرێت.

ئاماژەی بەوەشداوە، دەبێت كۆمسیۆنی هەڵبژاردنەكان كاتێك بۆ ئەنجامدانی هەڵبژاردن دیاری بكات.

ك.ج

بەردەوام بە لە خوێندنەوە

عێراق

“سەرۆك كۆمار عەللاوی كاندید كردووە”
موقتەدا سەدر: عەبدولمەهدی لە هەموو شتێكدا شكستخواردوو بوو

خەڵك- بەشی هەواڵ
ڕابەری ڕەوتی سەدر ڕایدەگەیەنێت، ئەدای كارەكانی عەبدولمەهدی تووشی شۆكی كرد، چونكە بە وتەی ئەو لە هەموو شتێكدا زۆر شكستخواردوو بوو، ئەو كەسێتییەش ئاشكرا دەكات، كە محەمەد تۆفیق عەللاوی كاندیدكردووە بۆ گرتنەدەستی پۆستی سەرۆك وەزیران.

موقتەدا سەدر، ڕابەری ڕەوتی سەدر، لە دیمانەیەكی لەگەڵ كەناڵی (الشرقیە) ڕایگەیاند، “ئەدای كاری عەبدولمەهدی تووشی شۆكی كرد، چونكە لە هەموو شتێكدا دووچاری شكشتخواردوو بوو”،تەئكیدی لەسەر پابەندبوونی حكومەتی نوێش كردەوە بە ئەنجامدانی هەڵبژاردنی پێشوەخت لە وڵاتدا.

هەر لەو دیمانەیەدا، سەدر ڕایگەیاندووە، “ئێران پێی ڕاگەیاندوون، كە نایەوێت دەست لەكاروباری ناوخۆی عیراق وەربدات”.

سەبارەت بە هەڵوێستی بەرانبەر بە خۆپیشاندەرانیش باسی لەوەكردووە كە “ئەوان ڕۆڵەی خۆیین و پێویستیان بە گوێبادان بووە”.

سەبارەت بە شكستی هاوپەیمانی چاكسازییش لەو دروشمانەی لە سەرەتاوە بەرزیكردبۆوە، موقتەدا سەدر، ڕابەری ڕەوتی سەدر دەڵێت: “هاوپەیمانی چاكسازی، بەهۆی خواستە تایبەتەكانی عەبادی و سیاسەتەكانی حەكیمەوە سەركەوتوونەبوو”.

هەر لەو دیمانە تەلەفزیۆنییەدا، سەدر ئەو كەسێتییەی ئاشكراكرد، كە محەمەد تۆفیق عەللاوی بۆ پۆستی سەرۆك وەزیران كاندید كرد و لەو بارەیەوە ڕایگەیاندووە، “بەرهەم ساڵح، سەرۆك كۆماری عیراق عەللاوی كاندید كردووە، ئەوانیش پشتیوانی دەكەن”.

بەردەوام بە لە خوێندنەوە

عێراق

وێنەی خوێندكارە تووشبووەكە بڵاوكرایەوە
بە وێنە؛ لە نەجەف تیمە پزیشكییەكان لە كۆڵانەكان بڵاوەیان پێكرا

خەڵك- بەشی هەواڵ
دوای تۆماركردنی یەكەم حاڵەتی تووشبوو بە ڤایرۆسی كۆرۆنا لە شاری نەجەف، تیمە پزیشكییەكان بە كۆڵانەكاندا بەمەبەستی پشكنین بڵاوەیان پێكرا.

بەپێی هەواڵی میدیا عیراقییەكان، تیمە پزیشكییەكان لە شاری نەجەف بڵاوەیان پێكراوە بەتایبەتی لە ناوچەی (حویش) لە دەورووبەری شاری كۆنی نەجەف.

هاوكات، وێنەی ئەو خوێندكارە ئێرانییە بڵاوكراوەتەوە، كە لە شاری نەجەف تووشی كۆرۆنا بووە و لە نەخۆشخانە خەوێنراوە.

بەردەوام بە لە خوێندنەوە

کوردستان