ئێمە لە تۆرە کۆمەڵایەتیەکان

کوردستان

بنەماڵەی لانە محەمەد ڕاگەیەنراوێكیان بڵاوكردەوە

خەڵك – بەشی هەواڵ
بنەماڵەی ڕۆژنامەنوس لانە محەمەد سوپاسی دامودەزگا ئەمنیەكان دەكەن، كە ڕۆڵی پیشەییانەیان بینی و بێلایەنانە لەگەڵ كەیسەكە مامەڵەیان كرد و ڕایدەگەیەنن، “لانەخان نە یەكەم كەس بووە لە دنیادا بیەوێت لە هاوسەرەكەی جیاببێتەوە و نە دواهەمین كەسیش دەبێت”.

بنەماڵەی ڕۆژنامەنوس لانە محەمەد لە ڕاگەیەنراوێكدا، كەوێنەیەكی دەست (خەڵك) كەوتووە ڕایانگەیاندووە، سوپاس و پیزانینی بێپایانمان ئاڕاستەی هەموو ئەو كەسانە دەكەین، كە هاوسۆز بوون لەگەڵماندا و بە بەرپرسیاریەتی بەرزی خۆیان لە ئازاری ئێمەیان كەمكردەوە.

دەشڵێن: “لانەخان نە یەكەم كەسبووە لە دنیادا بیەوێت لە هاوسەرەكەی جیاببێتەوە و نە دواهەمین كەسیش دەبێت، ئەو ساڵانیك بوو ژیانێكی نەخوازراوی خێزانی بەڕێ دەكرد، كە سەرەنجام بەڕاوێژكردن لەگەڵ كەسوكارەكەی بڕیاری جیابوونەوەی لە هاوسەرەكەی دا و كەیسەكەش نزیكەی پێنج مانگە لە دادگایە و بەهاوكاری دوو پارێزەر بەرەو یەكلابوونەوە دەڕۆیشت”.

وەك بنەماڵەی لانە دەڵێن: “ئیمە لەدوو ڕۆژی ڕابردوودا زۆر هەوڵماندا ئەو چەواشەكاریە ڕابگیرێ‌، كە دوور لە هەموو بەهایەكی مرۆڤانە، بوو بەبارێكی تر بەسەر كۆستەكەمانەوە، دەبوایە (كەناڵی ئێن ئارتی) كە لەیەكەم ساتی ڕووداوەكەوە و لە (پزیشكی دادی) سلێمانیەوە هەڵوێستەیەكیان بكردایە، كاتێك دەیان بینی ئێمە لە (دادی پزیشكی)ەوە تەرمی جوانەمەرگ و مناڵەكەمان بەجیا وەرگرتەوە، لە گۆڕستانێكی جیاواز ناشتمانن، پرسەیەكی جیاوازمان بۆ دانان”.

راگەیەنراوێك لە بنەماڵەی جوانەمەرگ (لانە محەمەد)وە
بەناوی بنەماڵەی جوانەمەرگ لانە محەمەدەوە، سوپاس و پیزانینی بێپایانمان ئاراستەی هەموو ئەو كەسانە دەكەین كە هاوسۆز بوون لەگەڵمانداو بە بەرپرسیاریەتی بەرزی خۆیان لە ئازاری ئێمەیان كەمكردەوە. هەڵوێستی سەرجەم لایەنە سیاسیەكان و بەرپرسانی باڵای حزبی وحكومی و خزمان و دۆستانی قەدرگران كە لە دوورو نزیكەوە هاوخەممان بوون و لەسەرەتای كۆستە قوڵەكەمانەوە لەگەڵماندا بوون، جێگای رێزو پێزانینمانە.

زۆر سوپاسی تایبەتمان بۆ داموودەزگا ئەمنیەكان كە رۆڵی پیشەییانەیان بینی و بێلایەنانە لەگەڵ كەیسەكە مامەڵەیان كرد.

سوپاسی دەزگاكانی راگەیاندن بەتایبەت كەناڵی كوردسات و تەواوی ئەو كەناڵ و سایت و میدیایانەی تر دەكەین كە بەئاستی بەرزی بەرپرسیاریەتی ئەخلاقیەوە مامەڵەیان لەگەڵ كارەساتەكەماندا كرد. ئیمە وێرای دڵتەنگی و خەمی قوڵمان لەم كۆستە ناخهەژێنە جەخت دەكەینەوە سەر ئەوەی كە كێشەی كچە نازدارەكەمان كێشەیەكی خێزانی بووە، نەك كێشەی سیاسی و پەیوەندیدار بە ئازادی رۆژنامەوانییەوە، وەك ئەوەی كەناڵی (ئێن ئاڕ تی) بەردەوامە لەسەر چەواشەكردنی رایگشتی و دەیەوێ‌ لەسەر حسابی ژان و ئازاری ئێمە “وەبەرهێنانێكی پۆخڵ” لەم كەیسەدا بكات، كە ئەمە جگە لەوەی بەقوڵی ئێمە بریندار دەكات لەهەمانكاتدا دژی بەهای بەرگریكردنە لە راستی و ئازادی و دادپەروەریش.

لانەخان نە یەكەم كەسبووە لە دنیادا بیەوێت لە هاوسەرەكەی جیاببێتەوەو نە دواهەمین كەسیش دەبێت، ئەو ساڵانیك بوو ژیانێكی نەخوازراوی خێزانی بەرێدەكرد، كە سەرەنجام بەراوێژكردن لەگەڵ كەسوكارەكەی بڕیاری جیابوونەوەی لە هاوسەرەكەی دا و كەیسەكەش نزیكەی پێنج مانگە لە دادگایەو بەهاوكاری دوو پارێزەر بەرەو یەكلابوونەوە دەرۆیشت.

ئیمە لەدوو رۆژی رابردودا زۆر هەوڵماندا ئەو چەواشەكاریە رابگیرێ‌ كە دوور لە هەموو بەهایەكی مرۆڤانە، بوو بەبارێكی تر بەسەر كۆستەكەمانەوەو دەبوایە (كەناڵی ئێن ئارتی) كە لەیەكەم ساتی روداوەكەوەو لە (پزیشكی دادی) سلێمانیەوە هەڵوێستەیەكیان بكردایە، كاتێك دەیان بینی ئێمە لە (دادی پزیشكی)ەوە:
_تەرمی جوانەمەرگ و مناڵەكەمان بەجیا وەرگرتەوە.
_لە گۆرستانێكی جیاواز ناشتمانن.
_ پرسەیەكی جیاوازمان بۆدانان.

دەبوایە ئیستێكیان بكردایەو بەو گوتارە چەواشەكاریەیاندا بچونایەتەوە.
بەداخەوە ئێمە لەمكاتەدا كە هەرتەنیا باری كۆستی كچە بەناحەق كوژراو و منداڵەكەیمان بۆ هەڵدەگیرێت، ناچار كراین ئەم رونكردنەوەیە بنوسین و دەرگای بوختان و چەواشەكاری كڵۆم بدەین.

لەكۆتایدا هیوادارین ئەو كارەساتە بەسەر هیچ خێزانێكدا نەیەت و هیچ هاونیشتمانییەكی كوردستان مەرگی ئازیزانی خۆیان نەبینن.
لەگەڵ رێزماندا…
بنەماڵەی جوانەمەرگ
لانە محەمەد ساڵح
18-10-2019

کوردستان

وەڵامەكانی هەردوو تاقیكردنەوەی ئەمڕۆی 12ی ئامادەیی بڵاوكرانەوە

خەڵك- بەشی هەواڵ

وەزارەتی پەروەردەی حكومەتی هەرێمی كوردستان پرسیار و وەڵامەكانی هەردوو تاقیكردنەوەی ئەمڕۆی بەشەكانی زانستی و وێژەیی پۆلی 12ی ئامادەیی بڵاوكردەوە.

ئەمڕۆ شەممە، 11ی تەمموزی 2020 لە سەرتاسەری هەرێمی كوردستان تاقیكردنەوە گشتییەكانی پۆلی 12ی ئامادەیی دەستیان پێكرد و وەزارەتی پەروەردە پرسیار و وەلامەكانی تاقیكردنەوەی ئەمڕۆ (زیندەوەرزانی)ی زانستی و (مێژووو)ی وێژەیی بڵاوكردەوە.

لە تاقیكردنەوە گشتیەكانی ئەمڕۆی 12ی ئامادەیی بە هەموو بەشەكانیەوە، 144 هەزار و 142 خوێندكار بەشداریان كردوە.

 

بەردەوام بە لە خوێندنەوە

کوردستان

مەسرور بارزانی: دەستكاریكردنی مووچە بەشێك نییە لە چاكسازی

خەڵك – بەشی هەواڵ
سەرۆك وەزیرانی هەرێمی كوردستان ڕایگەیاند دەستكاریكردنی مووچە بەشێك نییە لە پرۆسەی چاكسازی.

ئەمڕۆ مەسرور بارزانی سەرۆكی حكومەتی هەرێمی كوردستان لە میانی ڕێوڕەسمی دەستپێكردنی پرۆژەی شەقامی 100 مەتری سلێمانی وتەیەكی پێشكەش كرد و ڕایگەیاند خەڵكی سلێمانی شایانی ئەم پرۆژەیە و چەندین پرۆژەی دیكەی خزمەتگوزارین.

وتیشی: ئەم پرۆژەیە نەك هەر بۆ سلێمانی، بەڵكو دەستكەوتێكی گرنگە بۆ هەموو خەڵكی كوردستان.

جەختیشیكردەوە لەوەی قەیرانی ئابووری لە خزمەتكردنی هاووڵاتییان نایانوەستێنێت.

مەسرور بارزانی سوپاسی قوباد تاڵەبانی جێگری سەرۆك وەزیران و سەرجەم وەزیرەكانی كابینەكەی كرد كە پێكەوە هاوكار بوون لە سەرخستنی كارەكانی حكومەت.

سەبارەت بە قەیرانی دارایی و كەمكردنەوەی مووچەش ڕایگەیاند دەستكاریكردنی مووچە بەشێك نییە لە پرۆسەی چاكسازی، بەڵكو بۆ خۆگونجاندن بووە لەگەڵ ئەو بودجەیەی لەبەردەستدا بووە.

جەختیشیكردەوە كە چاكسازی پرۆسەیەكی دیكەیە و لەو چوارچێوەیەشدا كاردەكەن بۆ زیادكردنی داهات و كەمكردنەوی خەرجی.

مەسرور بارزانی ئاماژەشیدا بەوەی بەردەوام دەبن لە پێدانی دەسەڵات بە پارێزگاکان و شۆڕکردنەوەی دەسەڵات ویستی حکومەتی هەرێمی کوردستانە.

بەردەوام بە لە خوێندنەوە

کوردستان

پارێزگاری سلێمانی: شاڕێی بابان پرۆژەیەكی ستراتیژییە بۆ سلێمانی

خەڵك – بەشی هەواڵ
پارێزگاری سلێمانی سوپاسی حكومەتی هەرێمی كوردستانی بۆ جێبەجێكردنی بەڵێنی دروستكردنی شەقامی 100 مەتری سلێمانی كە بە شاڕێی بابان ناودەبرێت.

د. هەڤاڵ ئەبوبەكر پارێزگاری سلێمانی لە ڕێوڕەسمی دانانی بەردی بناغەی پرۆژەی جێبەجێكردنی شەقامی 100 مەترسی سلێمانیدا سوپاسی هەردوو كابینەی هەشتەم و نۆیەمی حكومەتی هەرێمی كرد، بە تایبەتیش مەسرور بارزانی و قوباد تاڵەبانی كە هەوڵی زۆریان دا بۆ دەستپێكردنی پرۆژەكە.

پارێزگاری سلێمانی ڕایگەیاند درێژیی پرۆژەكە 106 كیلۆمەترە و لە قۆناغی یەكەمدا كە ئەمڕۆ دەستپێدەكات 32 كیلۆمەتری جێبەجێ دەكرێت كە لە پردی تاسڵوجەوە تا گوندی دەمركان دەبێت.

د. هەڤاڵ ئەبوبەكر جەختیشیكردەوە لەوەی شەقامی 100 مەترسی، پرۆژەیەكی ستراتیژییە بۆ سلێمانی.

بەردەوام بە لە خوێندنەوە

کوردستان