ئێمە لە تۆرە کۆمەڵایەتیەکان

کوردستان

سوپای ئەمریكا لە حەسەكەوە بەرەو هەرێمی كوردستان كشایەوە

خەڵك- بەشی هەواڵ
سوپای ئەمریكا لە ڕۆژئاوای كوردستانەوە بەرەو هەرێمی كوردستان كشایەوە و چەك و جبەخانەیەكی زۆریش لەگەڵ خۆی دەگوازێتەوە.

بەپێی هەواڵێكی ئاژانسی (سپوتنیك)ی ڕوسی، كاروانێكی گەورەی سوپای ئەمریكا، كە نزیكەی 100 بارەهەڵگر دەبن و ئاڵای ئەمریكایان پێوەیە لە ناوچەكانی باشووری ڕۆژئاوای كوردستانەوە بەرەو شاری حەسەكە و دواتر بۆ هەرێمی كوردستان كشانەوە.

ئاژانسەكە ئاماژەی بەوەكردووە، كە ئەو بارهەڵگرانە چەك و جبەخانەیەكی زۆری سەربازییان پێیە و لە دەروازەی سمێلكاوە دەچنە خاكی هەرێمی كوردستانی عیراقەوە.

دۆناڵد ترەمپ، سەرۆكی ئەمریكا چەند جارێك ڕایگەیاندووە، كە هێزەكانی لە خاكی سوریا و ڕۆژهەڵاتی ناوەڕاستیش دەكشێنێتەوە و دەڵێت: “هێزەكانی ئێمە پۆلیسی پارێزگاری نیین”.

دوابەدوای كشانەوەی بەشێكی سوپای ئەمریكا لە خاكی ڕۆژئاوای كوردستان، توركیا هێرشی سەربازی بۆ سەر كوردەكانی ڕۆژئاواە دەستپێكرد و بەهۆیەوە سەدان هاووڵاتی مەدەنی و دەیان شەڕڤان شەهید و بریندار بوون و بەهۆیەوە كۆمەڵگەی نێودەوڵەتی هاتۆتە دەنگ.

شەوی ڕابردووش لە كۆبوونەوەی نێوان مایك پێنس، جێگری ترەمپ و ڕەجەب تەیب ئەردۆغان، سەرۆكی توركیا ڕێككەوتن كرا بۆ وەستاندنی شەڕ و كشانەوەی هێزە كوردستان بە قوڵایی 30 كیلۆمەتر و دروست كردنی ناوچەی ئارام.

کوردستان

سەركردایەتی بزووتنەوەی ئیسلامی بەستنی كۆنگرەی حزبەكەی یەكلادەكاتەوە

خەڵك-بەشی هەواڵ

 

بڕیار بوو سەرەتای مانگی داهاتوو بزووتنەوەی ئیسلامی كۆنگرەی 12ی خۆی بە بەشداری 350 ئەندام ببەستێت، بەڵام بەهۆی قەیرانی كۆرۆنا و دۆخی نێوخۆی حزبەكە بڕیارە كۆنگرەكە دوابخرێت.
سەرچاوەیەك لە بزووتنەوەی ئیسلامی بە (خەڵك)ی ڕاگەیاند، ئەمڕۆ سێ شەممە ئەنجومەنی سەركردایەتی بزووتنەوەی ئیسلامی لە شاری سلێمانی كۆدەبێتەوە و بڕیاری یەكلاكەرەوە لەسەر بەستن یاخود دواخستنی كۆنگرەی 12ی حزبەكە دەدات.

سەرچاوەكەی خەڵك ئاشكرایكرد، هەرچەندە وەزارەتی ناوخۆی حكومەتی هەرێمی كوردستان كۆبوونەوە و كۆنفڕانسەكانی قەدەغە كردووە، بەڵام وەك بەشێك لە سەركردایەتی بزووتنەوە ئاماژەی بۆ دەكەن ژمارەیەك كادیر و فەرماندەی بزووتنەوە بەهۆی پەتاكەوە گیانیان لەدەستداوەو هاوكات بەشێكی دیكەش تووشی ڤایرۆسەكە بوون و ئەمەش دەبێتە كێشە بۆ ئەنجامدانی كۆنگرەكە.

ڕوونیشیكردەوە، كێشەی نێوخۆیی حزبەكەش كاریگەری لەسەر بەستن یاخود دواخستنی كۆنگرەی حزبەكە هەیە، بەڵام ئەمڕۆ ئەو پرسە یەكلایی دەكرێتەوە.

بەردەوام بە لە خوێندنەوە

کوردستان

پەڕلەمانی كوردستان كۆدەبێتەوە
ئەجێندای كۆبوونەوەكە لە سێ تەوەر پێكهاتووە

خەڵك-بەشی هەواڵ

 

ئەمڕۆ سێ شەممە پەڕلەمانی كوردستان كۆدەبێتەوە و لە یەكێك لە تەوەرەكاندا گفتوگۆ لەبارەی پرساندنی سەرۆك و جێگری سەرۆكی ئەنجومەنی وەزیران و وەزیری دارایی و ئابوری هەرێمی كوردستان دەكرێت.

ڕێواز فایەق سەرۆكی پەڕلەمانی كوردستان لە نووسراوێكدا بانگهێشتی گشت ئەندامانی پەڕلەمانی دەكات بۆ ئامادەبوون لەدانیشتنی ژمارە 9ی ئاسایی خولی پایزەی ساڵی دووەم لەخولی هەڵبژاردنی پێنجەمی پەڕلەمانی كوردستان، لەكاتژمێر 2:00ی پاشنیوەڕۆی ئەمڕۆ.

بەپێی كارنامەی كۆبوونەوەكەش، لە تەوەری یەكەمدا خوێندنەوەی یەكەم بۆ هەریەكە لە پێشنیازە یاساكانی پاراستنی تۆڕ و بنچینەكانی ئاو و ئاوەڕۆ لە هەرێمی كوردستان ـ عیراق)، پێشنیازی یاسای (بەڕێوەبردن و پاراستنی ئاو لە هەرێمی كوردستان ـ عیراق)، لە تەوەری دووەمیشدا دانانی ئەندامی پەڕلەمان (عومەر عەبدوڵڵا فەتاح) لە لیژنەی دارایی و كاروباری ئابووری.

لە تەوەری سێیەمیشدا گفتوگۆی پرساندن و وەڵامەكانی (سەرۆكی ئەنجومەنی وەزیران) و جێگری سەرۆكی ئەنجومەنی وەزیران و وەزیری دارایی و ئابوری بەپێی حوكمی ماددەكانی (70، 71، 73) لە پەیڕەوی ناوخۆی پەڕلەمانی كوردستان.

بەردەوام بە لە خوێندنەوە

کوردستان

دوای زیاتر لە چوار ساڵ داواكردن، بڕیارە شۆفڵ و ئەمبوڵانسێك بۆ سەیدسادق دابین بكرێت

خەڵك – یەحیا حبیب

قائیمقامیەتی شارۆچكەی سەیدسادق ڕایگەیاند، “بڕیارە بەڕێوەبەرایەتی تەندروستی بۆ شارۆچكەكە بكرێتەوە و ئۆتۆمبێلێكی ئەمبۆڵانسییش بۆ تەرخان بكرێت، هەروەها ئامێرێكی شۆفڵیش بۆ شارەوانی دابین بكرێت”.

قائیمقامیەتی شارۆچكەی سەیدسادق ڕایگەیاند،”لە سەرەتای دەستبەكاربوونی كابینەی نۆیەمی حكومەتی هەرێم و لە ساڵی 2017وە لە سەر داوا بەردەوامەكانی قائیمقامیەتی شارۆچكەی سەیدسادق بۆ هەردوو كەرتەكانی تەندروستی و شارەوانی بڕیاردرا شۆفڵێك و ئۆتۆمبیلێكی ئەمبوڵانس دابین بكەن”.

قائیمقامیەتی سەید سادق ئاماژەی بەوەشداوە،”شۆفڵەكە بۆ شارەوانی دابینكراوە و ئەمبوڵانسەكەش بۆ نەخۆشخانەی تایبەت بە ڤایرۆسی كۆرۆنا دابین دەكرێت”.

ئەمەش لە كاتێدایە، ڕۆژی یەكشەممە ڕێكەوتی 26/10/2020 قوباد تاڵەبانی، جێگری سەرۆكی حكومەتی هەرێم لەگەڵ قائیمقامەكانی سنووری پارێزگای سلێمانی كۆبووەوە بەمەبەستی گفتوگۆكردن لە بارەی داواكاری و پێداویستییەكانی هاووڵاتیان و كێشە و گیروگرفتەكانی یەكە كارگێڕییەكان.

بەردەوام بە لە خوێندنەوە

کوردستان