ئێمە لە تۆرە کۆمەڵایەتیەکان

جیهان

یەكێتی ئەوروپا: ڕێككەوتنەكەی ئەمریكا و توركیا بەدەستەوەدانی كوردە

خەڵك- بەشی هەواڵ
سەبارەت بە ڕێككەوتنەكەی ئەمریكا و توركیا بۆ ڕاگرتنی ئاگربەست لە سوریا، یەكێتی ئەوروپا دەڵێت: “ڕێككەوتنەكەی ئەمریكا و توركیا بەدەستەوەدانی كوردە”.

دۆناڵد تاسك، سەرۆكی ئەنجوومەنی یەكێتی ئەوروپا ڕایگەیاند، كە ئەو ڕێككەوتنەی ئەمریكا و توركیا كردویان بۆ ئاگربەست بەگوێرەی خواستەكانی ئەوان نییە.

ڕاشیگەیاند، هەرچی زووە پێویستە لەسەر توركیا هێرشەكانی بۆ سەر خاكی باكوری سوریا ڕابگرێت.

جەختیشی كردەوە، كە ئەو ڕێككەوتنەی توركیا و ئەمریكا ئاگربەستی ڕاستەقینە نییە.

دەشڵێت: “ڕێككەوتنەكەی ئەمریكا و توركیا بەدەستەوەدانی كوردە”.

شەوی ڕابردوو مایك پێنس، جێگری ترەمپ و ڕەجەب تەیب ئەردۆغان، سەرۆكی توركیا كۆبوونەوە و ڕێككەوتن لەسەر ڕاوەستاندنی شەڕ لە سوریا و دروست كردنی ناوچەی ئارام بە قوڵایی 30 كیلۆمەتر و كشانەوەی شەڕڤانە كوردەكان، بەڵام لەگەڵ بەرەبەیانی ئەمڕۆ و تەنها دوای چەند كاتژمێرێك لە ئاگربەستەكە، فڕۆكە جەنگییەكانی توركیا ناوچەكانی كۆبانێ‌ و سەرێ‌ كانی-یان بۆردومان كرد و ئاگربەستەكەیان شكاند.

جیهان

قوتابخانە و زانكۆكانی قوم كرانە پشوو
ئێران، تیمێكی بۆ ڕووڕووبوونەوەی كۆرۆنا پێكهێنا

خەڵك-بەشی هەواڵ

 

وتەبێژی حكومەتی ئێران ڕایدەگەینەێت، بۆ بەرگرتن لە بڵاوبوونەوەی زیاتری ڤایرۆسی كۆرۆنا، حكومەت بە هەموو توانایەوە هەوڵ بۆ بنەبڕكردنی دەدات.
ئاژانسی فەڕمی ئێران بڵاویكردەوە، عەلی ڕەبیعی وتەبێژی حكومەتی ئێران لە تویتێكدا كە لە هەژماری خۆی بڵاویكردەوە، ئاماژە بۆ ئەوە دەكات، بە فەرمانی حەسەن ڕۆحانی سەرۆك كۆماری ئێران و بۆ پێشگیری و ڕووبەڕووبوونەوەی ڤایرۆسی كۆرۆنا، وەزارەتی تەندروستی و چەندین وەزارەتی پەیوەندیدار و هێزە ئەمنییەكان لیژنەیەكیان پێكهێنا.
وتیشی”لە سەرەتای سەرهەڵدانی ڤایرۆسی كۆرۆنا لە چین، حكومەتی ئێران لە چەندین كۆبوونەوە بابەتەكەی تاوتوێ كردووە و بڕیاری پێویستی لە خاڵە سنوورییەكانی خۆی جێبەجێكردووە و هاوكات داواشی لە وەزارەتی تەندروستی كردووە سەرجەم ئامادەكارییەكان بۆ ئەو مەبەستە دابین بكات و ئێستاش داوای هاوكاری لە هاوڵاتیانی ئێران دەكەین كە پابەندی ڕێنماییەكانی وەزارەتی تەندروستی بن.
ڕۆژی ڕابردوو وەزارەتی تەندروستی ئێران ئاشكرایكرد، دوو هاوڵاتی لە پارێزگای قوم بەهۆی تووشبوونیان بە ڤایرۆسی كۆرۆنا گیانیان لەدەستدا و بەو هۆیەشەوە سەرجەم قوتابخانە و زانكۆكانی قوم بۆ ئەمڕۆ پێنج شەممە كرانە پشوو.

بەردەوام بە لە خوێندنەوە

جیهان

وەزیری بەرگری یەمەن لە هەوڵێكی كوشتن ڕزگاری بوو

خەڵك- بەشی هەواڵ

رۆژنامەی (شەرقولئەوسەت) بڵاوی كردووەتەوە، محەمەد عەلی قوڕەشی، وەزیری بەرگریی یەمەن سەلامەت بووە لە هەوڵێكی كوشتن، بەڵام شەش سەرباز و ئەفسەری یاوەری، گیانیان لە دەست داوە.

بەپێی زانیارییەكانی ڕۆژنامەكە لە شاری مەئرب، سێ‌ بۆمب بە ئۆتۆمبیلەكانی وەزیری بەرگری یەمەندا تەقیونەتەوە، هەرچەندە تائێستا بەفەرمی هیچ گروپێك بەرپرسیارەتی ڕانەگەیاندووە، بەڵام پێدەچێت چەكدارانی حوسی بن.

بەردەوام بە لە خوێندنەوە

جیهان

لە ئەڵمانیا 8 كەس كوژران

خەڵك- بەشی هەواڵ

لە هێرشێكی چەكداریدا لە نزیك شاری فرانكفۆرد 8 كەس كوژران.

ئەمڕۆ پێنج شەممە لە شارۆچكەی هاناوی نزیك لە شاری فرانكفۆرد، ژمارەیەك چەكدار لە ئۆتۆمبیلێكەوە تەقەیان كردووە و لە ئەنجامدا 8 كەس كوژراون.

دوای ڕووداوەكە هێزێكی تایبەتی ئەڵمانیا لێكۆڵینەوەیان دەستپێكردووە، بەڵام تائێستا تەقەكەرەكان دەستگیركراون.

بەردەوام بە لە خوێندنەوە

کوردستان