ئێمە لە تۆرە کۆمەڵایەتیەکان

جیهان

نێچیرڤان بارزانی: پێشهاتەكان مەترسی جددی لەسەر سەرهەڵدانەوەی داعش دروست دەكەن

خەڵك – بەشی هەواڵ

نێچیرڤان بارزانی سەرۆكی هەرێمی كوردستان، لە كۆنفرانسێكی ڕۆژنامەوانی هاوبەشدا، لەگەڵ جان ئیف لۆدریان وەزیری دەرەوەی فەڕەنسا ڕایگەیاند، لە كۆبوونەوەیاندا دوایین پێشهاتەكانی ناوچەكەیان تاووتوێكرد، بەتایبەتیش هێرشەكانی سەر ڕۆژئاوای كوردستان (باكووری ڕۆژهەڵاتی سوریا).

نێچیرڤان بارزانی ڕایگەیاند، بەشداریكردنی گروپە توندڕەوەكانی ئۆپۆزسیۆنی سوریا، نیگەرانییەكانی زیاتر كردووە و دەبنە هۆی كارەساتی مرۆیی و ئاوارەبوونی هاووڵاتییەكی زۆری ناوچەكە، ئەو ناسەقامگیرییە دەبێتە هۆی دووبارە سەرهەڵدانەوەی داعش.

نێچیرڤان بارزانی، دووپاتیشیكردەوە، دۆخەكە پێویستی بە هەوڵ و هەڵوێستی جددیتری كۆمەڵگەی نێودەوڵەتییە و ئامادەیی هەرێمی كوردستانیشی ڕاگەیاند و وتی: “بۆ سەقامگیری ناوچەكە هەر ئەركێك بكەوێتە ئەستۆی ئێمە ئامادەین جێبەجێی بكەین”.

لای خۆیەوە جان ئیف لۆدریان وەزیری دەرەوەی فەڕەنسا لە بارەی ناوەڕۆكی كۆبوونەوەی لەگەڵ سەرۆكی هەرێمی كوردستان، ئەوەی خستەڕوو، كە تاووتوێی بارودۆخی ناوچەكە و باكووری ڕۆژهەڵاتی سوریا “ڕۆژئاوای كوردستان” یان كردووە.

دووپاتی لەوەشكردەوە، بەهۆی ئەو هێرشانەی توركیا دۆخێكی ناسەقامگیری هاتووەتە ئارا لە ناوچەكە و دەرفەتی دووبارە سەرهەڵدانەوەی داعش دەدات.

وەزیری دەرەوەی فەڕەنسا، نیگەرانییەكانی وڵاتەكەشی خستەڕوو و وتی: “لە دۆخی ناوچەكە زۆر نیگەرانین و ئەمڕۆ هاتووم پێتان بڵێم پشتگیریتان دەكەم، هێشتا داعش شكستی نەهێناوە و هۆكارەكانی پێكهێنانی هاوپەیمانی نێودەوڵەتی دژی داعش، هێشتا ماوە”.

ئاماژەی بەوەشكرد، ئەوەی ئێستا لە باكووری سوریا دەگوزەرێت، مەترسییەكانی سەرهەڵدانەوەی توندڕەو و تیرۆریستانی زیاتر كردووە.

جان ئیف لۆدریان وەزیری دەرەوەی فەڕەنسا ئەوەشی خستەڕوو، كە لە گفتوگۆكان بەردەوام دەبن و هەڵسەنگاندنیش بۆ دۆخەكە دەكەن، ئەوەشی ڕاگەیاند، كە تەواوی وڵاتانی ئەندام لە یەكێتی ئەوروپا، بە باشی دەزانن كۆبوونەوەی هەماهەنگی هاوپەیمانی نێودەوڵەتی دژی داعش ئەنجام بدرێت و بە پێویستیشی دەزانێت كە هاوپەیمانی نێودەوڵەتی لە چالاكییەكانی خۆی لە دژی داعش بەردەوام بێت.

جیهان

ئەمڕۆ ئەوروپییەكان سزادانی توركیا تاووتوێدەكەن

خەڵك- بەشی هەواڵ

بڕیارە 27 دەوڵەتی ئەوروپی ئەمڕۆ دوو شەممە لە برۆكسل كۆببنەوە بۆ تاوتوێكردنی چەند دۆسێیەك لەوانە پەرەسەندنەكانی رۆژهەڵاتی ناوەڕاست.

ئەم كۆبوونەوەیە ئامادەكارییە بۆ كۆبوونەوەی لوتكەی سەركردەكان لە رۆژی پێنج شەممە بەتایبەت نزیكبوونەوە لە سەپاندنی سزا بە سەر توركیادا.

سیاسییە ئەوروپییەكان بەرەو سەپاندنی سزا بەسەر توركیادا دەڕۆن بەهۆی زیادەڕەوییەكانی و هەڵسوكەوتە نایاساییەكانی لە خۆرهەڵاتی دەریای ناوەڕاست.

جۆزیف بۆریل نوێنەری سیاسەتی دەرەوە و ئەمنی یەكێتی ئەوروپا وتی: لە كۆبونەوەی ئەمڕۆدا لە برۆكسل تاوتوێی لیستی سزا پێشنیازكراوەكان بۆ سەر توركیا دەكەین.

دبلۆماسەكان وتویانە چاوەڕێدەكەن سزای توند بەسەر توركیادا بسەپێنرێت كە ئەنجامێكی وێرانكەری بۆ ئابوری توركیا لێبكەوێتەوە.

سزاكان قەدەغەی بەكارهێنانی كەشتییەكان لە پرۆسەكانی گەڕان، قەدەغەی بەكارهێنانی بەندەر و كەرەستەی ئەوروپی، سزادانی گەشتی كەرتی ئابووری توركیا دەگرێتەوە.

نیكۆس كریستودولیدیس وەزیری دەرەوەی یۆنان وتی: پێویستە لەو كۆبوونەوەدا بە پەلە سزا بەسەر توركیادا بسەپێنرێت بۆ روبەڕوبونەوەی كارە نایاساییەكانی لە دەریای ناوەڕاست.

محەمەد كلش توێژەری سیاسی بۆ سكاینیوز وتی: سزاكانی ئەوروپا خاڵی سەرەكی كۆبونەوەی ئامادەكاری وەزیرانی دەرەوەی ئەوروپا دەبێت بۆ لوتكەی سەركردەكان.

وتیشی: كۆبونەوەكە لەسەر دەستدرێژییەكانی توركیایە بۆ كەناراوەكانی قوبرس و یۆنان و پەرەسەندنەكانی رۆژهەڵاتی ناوەڕاست كێشەیەكی گەورەیە.

بەردەوام بە لە خوێندنەوە

جیهان

خامنەیی: سەدام و ئەمریكا رێككەوتنیان دژی ئێران هەبوو

خەڵك- بەشی هەواڵ

لە ساڵرۆژی هەڵگیرسانی جەنگی هەشت ساڵەی ئێران – عێراقدا، رابەری شۆڕشی ئیسلامی ئێران رایگەیاند ئامانجی شەڕی عێراق – ئێران لەناوبردنی ئێران بوو.

عەلی خامنەیی لە وتارێكدا لە تاران وتی: ئەمریكا لەگەڵ سەدام حسێن سەرۆكی پێشووتری عێراق رێككەوتبوون لە دژی ئێران.

ناوبراو رونیكردەوە، زانیاری هەواڵگری دەدرایە سوپای عێراق سەبارەت بە سوپای ئێران، ئەمانە لە رێگای ئیمارات و سعودیە ئەنجام دەدران و هەواڵگرەكان زانیارییان بۆ بەغدا دەگواستەوە.

رۆژی 22ی ئەیلوولی 1980 سوپای عێراق بەشێكی خاكی ئێرانی داگیركرد و بووە هۆی هەڵگیرسانی جەنگێكی هەشت ساڵە نێوان هەردوو وڵات و زیانێكی گەورەی گیانی و مادی لێكەوتەوە.

عێراق بە ئامانجی رێگری لە فراوانخوازییەكانی شۆڕشی ئیسلامی ئێران كە تازە هاتبوونە سەر دەسەڵات بە پشتیوانی وڵاتانی كەنداو و خۆرئاوایی هێرشیكردەسەر ئێران.

بەردەوام بە لە خوێندنەوە

جیهان

نوێترین ئاماری تووشبوون بەکۆرۆنا لەجیهاندا

خەڵک – بەشی هەواڵ

 

بەپێی نوێترین ئامار، نزیکی ٢٢ ملیۆن  و ٨٣٦ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ٣١ ملیۆن و ٢٤٠ هەزار تووشبووی ڤایرۆسی کۆرۆنای نوێ تۆمارکراون.

هەر بەپێی ئەو ئامارە، لەوماوەیەدا نزیکی ٢٢ ملیۆن  و ٨٣٦ هەزار تووشبووی کۆرۆنا چاکبوونەتەوە، کە لەبەرامبەردا نزیکی ٩٦٥ هەزار کەس گیانیان لەدەستداوە، ئەوانی دیکەش لەژێر چارەسەردان.

بەردەوام بە لە خوێندنەوە

کوردستان