ئێمە لە تۆرە کۆمەڵایەتیەکان

کوردستان

كۆتا وێنەكانی لانە محەمەد بڵاوكرایەوە

خەڵك – بەشی هەواڵ

دوای ئەوەی شەوی رابردوو لە ناو ئۆتۆمبێلەكەیاندا هەردوو ڕۆژنامەنوس ئامانج بابانی ولانە محەمەد و منداڵەكەیان بە كوژراوی دۆزرانەوە، لە تۆڕە كۆمەڵایەتیەكان چەند وێنەیەكی لانە محەمەد بڵاوكراوەتەوە، كە بۆ هەمان ڕۆژ دەگڕێتەوە، كە سەردانی كەمپینی كۆكردنەوەی هاوكاری كردووە لە ئەمنەسوورەكە.

لە تۆڕە كۆمەڵایەتییەكان چەند وێنەیەكی ڕۆژنامەنوس و پێشكەشكار لانە محەمەد بڵاوكراوەتەوە، كە هەر ئەو رۆژەی ڕووداوەكەی تێدا ڕوویداوە بە چەند كاتژمێرێك پێش سەردانی ئەمنە سوورەكەی كردووە، وێنەی لەگەڵ ئەو خۆبەخشانە گرتووە، كە كەمپینەكە بەڕێوە دەبەن، كە وێنەكان لە لایەن وێنەگر (پێشەوا حەمە سەعید)ەوە گیراون .

لانە حەمە ساڵح لە دایكبووی ساڵی ١٩٩١ كە و خوێندكاری بەشی ڕۆژنامەنووسی بووە لە پەیمانگای تەكنیكی سلێمانی، لە قۆناغی یەكدا بووە كاتێك پەیوەندی خۆشەویستی لە گەڵ ئامانج بابانی لەدایكبووی ١٩٧٩ درووستدەكات، كە خوێندكاری قۆناغی دووەم بووە لە هەمان پەیمانگا، دواتریش لە ساڵی ٢٠٠٩ و لەپاش تەواوكردنی پەیمانگا ژیانی هاوسەرگیری پێكدەهێنن.

ئەمە لەكاتێكدایە ، شەوی ڕابردوو هەریەكە لە ڕۆژنامەنووسان (ئامانج بابانی) و (لانە حەمە ساڵح)ی هاوسەری و منداڵەكەیان بەناوی (هانۆ) لە نزیك تەرمیناڵی شارەزووری شاری سلێمانی و لە نێو ئۆتۆمبیلەكەیاندا بە كوژراوی دۆزرانەوە.

وێنەی ‏‎Kurdistani Nwe‎‏.وێنەی ‏‎Kurdistani Nwe‎‏.وێنەی ‏‎Kurdistani Nwe‎‏.

کوردستان

مەسرور بارزانی پرسەنامەیەكی بۆ بنەماڵەی شێخ عوسمانی سیرێ‌ نارد

خەڵك- بەشی هەواڵ

مەسرور بارزانی، سەرۆكی حكومەتی هەرێمی كوردستان بەبۆنەی كۆچی دوای شێخ عوسمانی سیرێوە پرسەنامەیەكی بۆ كەسوكار و بنەماڵەكەی نارد.

دەقی پرسەنامەكە:

بەداخەوە هەواڵی كۆچی دوایی كەسایەتی ناسراوی ئاینی و كۆمەڵایەتی (شێخ عوسمانی سیرێ) م بیست . پرسە و سەرەخۆشی لە بنەماڵە بەڕێزەكەیان دەكەم و هیوادارم خودای مەزن بە بەهەشتی شاد بكات و ئارامی و دڵنەواییش بە كەسوكاری ببەخشێت.

مەسرور بارزانی
سەرۆكی حكومەتی هەرێمی كوردستان

بەردەوام بە لە خوێندنەوە

کوردستان

ڕوداوێكی هاتوچۆ لە نێوان ماتۆڕسكیلێك و ئۆتۆمبێلێكدا رویدا

خەڵك- بەشی هەواڵ

لەپێكدادانی نێوان ئۆتۆمبێلێك و ماتۆڕسكیلێكدا لەگەڕەكی سەركەوتنی قەزای كەلار شۆفێری ماتۆڕ سكیلەكە بەسەختی برینداربوو.

پۆلیسی هاتوچۆی گەرمیان لە ڕاگەیەنراوێكدا نوسیویەتی”نیوەڕۆی ئەمڕۆ هەینی بەهۆی پێكدادانی ئۆتۆمێلێكی جۆری لاندكرۆزەر و ماتۆڕسكیلێك لەگەڕەكی سەركەوتنی قەزای كەلار، شۆفێری ماتۆڕ سكیلەكە بەسەختی برینداربوو، دەست بەجێ بریندارەكە گەیەنرایە نەخۆشخانەی فریاكەوتنی شەهید هەژار”.

هەر لە ڕاگەیەنراوەكەدا هاتووە”بەهۆی سەختی برینەكەیەوە ڕەوانەی نەخۆشخانەی فریاكەوتنی سلێمانی كرا، لێكۆڵینەوە لەلایەن تیمی هاتوچۆوە لەڕوداوەكە دەستی پێكردوە.”

هەروەها نوسراوە”بریندارەكە ناوی (ا، ع، م) ە، لەدایك بوی ساڵی2003 یە و پیشەی كاسبە، دانیشتوی گەڕەكی شەهیدانی قەزای كەلارە.”

بەردەوام بە لە خوێندنەوە

کوردستان

كۆنگرەی حزبی زەحمەتكێشانی كوردستان دەستی پێكرد

خەڵك- بەشی هەواڵ

ئەمڕۆ هەینی كۆنگرەی دەیەمی حزبی زەحمەتكێشانی كوردستان دەستیپێكرد و دەستكاری هەیكەلی حزبەكە دەكرێتەوە.

هندرێن شێخ ڕاغب، وتەبێژی كۆنگرەی دەیەمی حزبی زەحمەتكێشانی كوردستان بە (خەڵك)ی ڕاگەیاند، كۆنگرەیەكی ئاساییە و بەپێی پەیڕەوی ناوخۆ هەموو دوو ساڵ جارێك دەبەسترێت.

وتیشی”دەستەی سەرۆكایەتی و مەكتەبی سیاسی و سەركردایەتی نامێنن، ئەنجومەنێكی سیاسی دروست دەكرێت و دواتر ئەنجونەكە بەپێی پێداویستی ئۆرگانەكانی حزب، مەكتەبی سیاسی و سەركردایەتی دیاری دەكات و هەروەها دەسەڵاتی لێپرسینەوەشی دەبێت”.

بەردەوام بە لە خوێندنەوە

کوردستان