ئێمە لە تۆرە کۆمەڵایەتیەکان

جیهان

بەشار ئەسەد: بە هەموو شێوەیەك بەرپەرچی هێرشەكەی توركیا دەدەینەوە


خەڵك- بەشی هەواڵ
بەشار ئەسەد سەرۆكی سوریا ڕایدەگەیەنێت، بە هەموو شێوەیەك بەرپەرچی هێرشەكەی توركیا دەدەنەوە، هێرشەكەشی لە چوارچێوەی تەماحەكانی توركیا لە سوريادا لەقەڵەم دەدات.

بەپێی هەوالێكی ئاژانسی فەرمی دەنگوباسی سوریا (سانا)، بەشار ئەسەد سەرۆكی سوریا، لە میانی پێشوازیی لە فالح فەیاز ڕاوێژكاری ئاسایشی نیشتمانی عیراق ڕایگەیاندووە” تەماحی دەرەكی لە وڵاتانی ناوچەكە بە درێژایی مێژوو نەوەستاوە، دەستدرێژیی تاوانكاریی توركیاش كە لەلایەن ڕژێمەكەی ئەردۆغانەوە دەكرێتە سەر وڵاتەكەمان، لە چوارچێوەی ئەو تەماحانەدایە، ئیتر هەڵگری هەر دروشم و ناونیشانێك بێت”.

بە وتەی ئەسەد وەك ئاژانسەكە ئاماژەی پێكردووە”هێرشەكەی توركیا داگیركارییەكی ئاشكرایە و سوریا لە چەند شوێنێك و لەڕێی وەشاندنی گورز لە بریكارەكانی توركیا وەڵامی داوەتەوە”.

سەرۆكی سوريا ڕایگەیاندووە”بە هەموو شێوەیەك بەرپەرچی ئەو دەستدرێژی و هێرشانە دەدەینەوە كە دەكرێنە سەر خاكی سوریا و بۆ ئەو مەبەستەش هەموو ئامرازێكی شیاو بەكاردەهێنین”.

لە 9ی تشرینی یەكەمی 2019، سوپای توركیا لەڕێی بۆردومانی فڕۆكە جەنگییەكانی، هێرش و پەلامارەكانی بۆسەر شار و شارۆچكەكانی ڕۆژئاوا دەستپێكرد، دەستپێكردنی ئەم هێرش و پەلامارانەش، هاوكات بوو لەگەڵ ڕاگەیاندنی پاشەكشەكردنی هێزەكانی ئەمریكا لە ناوچەكانی باكووری خۆرهەڵاتی سوریا، كە لەلایەن كوردەوە بەڕێوەدەبرێن، ئەمەش لەئێستادا وێڕای تەنگژە ئەمنییەكان بەهۆی مەترسی زیندووبونەوەی داعش، تەنگژەیەكی سیاسی گەورەی لە ناوچەكەدا دروستكردووە.

ئابوری

نرخی نەوت دابەزی


خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو دابەزینی تۆمار كرد.

ئاژانسەكانی جیهان بڵاویانكردەوە، نرخی نەوت بۆ ئەمڕۆ دوو شەممە، 1ی‌ حوزەیرانی 2020 دابەزیوە، بەشێوەیەك نرخی‌ نەوتی برێنت بە 35 دۆلار و 55 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 20 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

جیهان

بەوێنە..خۆپیشاندان و ناڕەزایەتییەكان لە ئەمریكا


خەڵك-بەشی هەواڵ

 

دوای كوشتنی كەسێكی ڕەشپێست لەلایەن پۆلیسێكەوە، وەك ناڕەزایەتییەك هاووڵاتیانی ئەمریكایی ڕژانە سەر شەقامەكان.

جۆرج فلوید پیاوێكی ڕەشپێستی بێ چەك بوو، كە ڕۆژی دوو شەممەی ڕابردوو لە شاری مینیاپولیس لەكاتی هێرشی هێزەكانی پۆلیس كوژرا.
لەو ڕۆژەوە تاكو ئێستا شەقامەكانی شارەكانی ئەمریكا بوونەتە جێگای ئەنجامدانی خۆپیشاندان و ناڕەزایەتی و پۆلیسیش ڕووبەڕوویان دەبنەوە.

بەردەوام بە لە خوێندنەوە

جیهان

ئەنجامی ڕاپرسی: ئیمامئۆغڵو شكست بە ئەردۆغان دەهێنێت


خەڵك – بەشی هەواڵ
ئەنجامی ڕاپرسییەكانی توركیا دەریدەخەن كە لە ئەگەری ئەنجامدانی هەڵبژاردنی پێشوەختدا ڕەجەب تەب ئەردۆغان سەرۆكی توركیا لە بەردەم ئەكرەم ئیمامئۆغڵو سەرۆكی شارەوانی ئیستانبوڵدا شكست دەهێنێت.

ماڵپەڕی ئەهڤالی توركی بڵاویكردەوە كە سەرجەم ئەو ڕاپرسییانەی لە مانگی ئایاردا ئەنجامدراون دەریدەخەن كە لە ئەگەری ئەنجامدانی هەر هەڵبژاردنێكی پێشوەختی پەڕلەمانی و سەرۆكایەتیدا، دەنگەكانی پارتی داد و گەشەپێدانی فەڕمانڕەوا و بزووتنەوەی نەتەوەپەرستی هاوپەیمانی، پەرت دەبن.

بە پێی توێژینەوەیەكی نوێی ناوەندی ئۆراسیا، ئەكرەم ئیمامئۆغڵو سەرۆكی شارەوانی ئیستانبوڵ بە ئاسانی شكست ڕەجەب تەیب ئەردۆغان دەهێنێت ئەگەرهاتوو هەڵبژاردنی سەرۆكایەتی بكرێت.

ڕوونیشیكردەوە كە لە دوایین ڕاپرسیدا 45.5%ی بەشداربووان ڕایانگەیاندووە دەنگ بە ئیمامئۆغلو دەدەن بۆ سەرۆكایەتی لە كاتێكدا 39% پشتیوانی خۆیان بۆ ئەردۆغان ڕاگەیاندووە.

چاودێر و شرۆڤەكارانی سیاسی توركیا لەو بڕوایەدان ئەكرەم ئیمامئۆغڵو كە ساڵی ڕابردوو دووجار توانی لە هەڵبژاردنی سەرۆكایەتی شارەوانی ئیستانبوڵدا شكست بە كاندیدی پارتی داد و گەشەپێدان بهێنێت، لە توانایدایە ببێتە ڕكابەری ئەردۆغان بۆ سەرۆكایەتی توركیا.

بەردەوام بە لە خوێندنەوە

کوردستان