ئێمە لە تۆرە کۆمەڵایەتیەکان

جیهان

بۆ ڕاگرتنی هێرشەكەی سەر ڕۆژئاوایە
جێگری سەرۆكی ئەمریكا گەیشتە ئەنقەرە


خەڵك- بەشی هەواڵ
جێگری سەرۆكی ئەمریكا گەیشتە ئەنقەرەی پایتەختی توركیا و وابڕیارە لەگەڵ سەرۆكی توركیا، گفتووگۆ لەبارەی پرسی ڕاگرتنی هێرشەكەی توركیا بۆسەر رۆژئاوا بكات.

ئەمڕۆ پێنج شەممە، مایك پینس جێگری سەرۆكی ئەمریكا گەیشتە ئەنقەرەی پایتەختی توركیا، وابڕیارە چاوی رەجەب تەیب ئەردۆغان سەرۆكی توركیا بكەوێت و پرسی ڕاگرتنی ئۆپەراسیۆنە سەربازییەكەی وڵاتەكە بۆسەر ڕۆژئاوای كوردستانی لەگەڵدا تاوتوێ بكات؟

بە گوێرەی هەواڵ، مەبەستی سەرەكی سەردانەكەی پینس بۆ توركیا داواكردنی ئەمریكایە لە وڵاتەكە، تا هێرشەكانی بۆسەر رۆژئاوای كوردستان ڕابگرێت.

بەر لە سەردانەكەی پێنس بۆ توركیا، دۆناڵد ترەمپ سەرۆكی ئەمریكا ڕایگەیاندبوو” ئەگەر كۆبوونەوەكانی جێگرەكەی لەگەڵ ئەردۆغان ئەنجامی خوازراوییان بەدەستەوەنەدا، ئەوا وڵاتەكەی سزایەكی قورس بەسەر توركیادا دەسەپێنێت”.

لە 9ی تشرینی یەكەمی 2019، سوپای توركیا لەڕێی بۆردومانی فڕۆكە جەنگییەكانی، هێرش و پەلامارەكانی بۆسەر شار و شارۆچكەكانی ڕۆژئاوا دەستپێكرد، دەستپێكردنی ئەم هێرش و پەلامارانەش، هاوكات بوو لەگەڵ ڕاگەیاندنی پاشەكشەكردنی هێزەكانی ئەمریكا لە ناوچەكانی باكووری خۆرهەڵاتی سوریا، كە لەلایەن كوردەوە بەڕێوەدەبرێن، ئەمەش لەئێستادا وێڕای تەنگژە ئەمنییەكان بەهۆی مەترسی زیندووبونەوەی داعش، تەنگژەیەكی سیاسی گەورەی لە ناوچەكەدا دروستكردووە.

جیهان

ڕوسیا: لەناوەڕاستی ئەم مانگەوە ڤاكسینی دژە كۆرۆنا بەرهەم دەهێنین


خەڵك – بەشی هەواڵ

سەرۆكی سندوقی سامانی سەروەریی ڕوسیا ڕایدەگەیەنێت: لە ناوەڕاستی ئەم مانگەوە ڤاكسینێكی نوێ بۆ چارەسەری ڤایرۆسی كۆرۆنا بەرهەم دەهێنین كە تووشبووەكە لە ماوەی 4 ڕۆژدا چاك دەكاتەوە.

كیریل دیمتریڤ سەرۆكی سندوقی سامانی سەروەریی ڕوسیا كە كۆمەكی بەرهەمهێنانی ڤاكسینەكەی كردووە ڕایگەیاند: دەكرێت لە 11ی ئەم مانگەوە لە نەخۆشخانەكانی وڵاتەكەیاندا ڤاكسینەكە بەكاربهێنرێت كەناوی نراوە (ئەڤیڤا ڤیر).

دیمیتریڤ ڕوونیشیكردەوە: لەسەرەتادا ڤاكسینەكە بۆ 60 هەزار نەخۆش بەكاردەهێنرێت و كاریگەرییەكانی بەشێوەیەكی خێرا دەردەكەوێت.

بەردەوام بە لە خوێندنەوە

جیهان

سعودیە، 22 كەس بە كۆرۆنا گیانیانلەدەستدا


خەڵك- بەشی هەواڵ
وەزارەتی تەندروستی سعودیە، تۆماركردنی 22 حاڵەتی گیانلەدەستدان بە ڤایرۆسی كۆرۆنا لە ماوەی 24 كاتژمێری ڕابردوودا ڕادەگەیەنێت.

بەپێی بەیاننامەیەك كە لەلایەن وەزارەتی تەندروستی سعودیەوە بڵاوكرایەوە”لەماوەی 24 كاتژمێری ڕابروودا 22 حاڵەتی گیانلەدەستدان بەهۆی ڤایرۆسی كۆرۆنا و 1881 حاڵەتی توشبوونی نوێ‌ و 1864 حاڵەتی چاكبوونەوە تۆماركران”.

هەر لە بەیاننامەكەدا هاتووە”كۆی گشتی ژمارەی تووشبوان بۆ 87142 حاڵەت بەرزبۆوە كە 22312 كەسیان ڕەوشی تەندروستییان جێگیرە”.

وەزارەتی تەندروستی سعودیە دەڵێت”لە ئاكامی 822769 پشكنینی تاقیگە كە لەلایەن وەزارەتەكەیانەوە ئەنجامدراوە، كۆی گشتی حاڵەتەكانی توشبوون دەستنیشانكراون”.

بەردەوام بە لە خوێندنەوە

جیهان

بەڤیدیۆ..ئۆتۆمبێلێكی بارهەڵگر خۆی دەكات بەنێو خۆپیشاندەران لە ئەمریكا


خەڵك-بەشی هەواڵ

ئۆتۆمبێلێكی بارهەڵگر لە شاری مینیاپولیس خۆی دەكات بەنێو خۆپیشاندەراندا.

تۆڕی سپوتنیك بڵاویكردەوە، ئۆتۆمبێلێكی بارهەڵگر خۆی دەكات بەنێو ئەو خۆپیشاندەرانەی ئەمریكادا كە دوای گیانلەدەستدانی جۆرج فوید هاتوونەتەسەر شەقامەكان.
بەپێی تۆمارە ڤیدیۆییەكە، خۆپیشاندەران لەنێو شەقامەكان كۆبوونەوە، بەڵام لەناكاو ئۆتۆمبێلەكە دێتە نێو خۆپیشاندەران و لەبەرانبەردا خۆپیشاندەران شۆفێری ئۆتۆمبێلەكە دەهێننە دەرەوە و دەستگیری دەكەن، بەڵام تاكو ئێستا هیچ زانیارییەك نییە كە ئەو كەسە بۆچی خۆی كردووە بەنێو خۆپیشاندەراندا.

دوای كوشتنی كەسێكی ڕەشپێست لەلایەن پۆلیسێكەوە، وەك ناڕەزایەتییەك هاووڵاتیانی ئەمریكایی ڕژانەسەر شەقامەكان.
جۆرج فلوید پیاوێكی ڕەشپێستی بێ چەك بوو، كە ڕۆژی دوو شەممەی ڕابردوو لە شاری مینیاپولیس لەكاتی هێرشی هێزەكانی پۆلیس كوژرا.
لەو ڕۆژەوە تاكو ئێستا شارەكانی ئەمریكا بووەتە جێگای ئەنجامدانی خۆپیشاندان و پۆلیسیش ڕووبەڕوویان دەبنەوە.

بەردەوام بە لە خوێندنەوە

کوردستان