ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

گووگڵ شوێن پێت هەڵدەگرێت تەنانەت دەزانێت بۆ کوێ دەچیت، چۆن ئەمە ڕادەگریت؟


خەڵک-

شوێن پێ هەڵگرتنت لەلایەن گووگڵەوە کارێکە و دەمێک هەیە تەنانەت لە کۆمپیوتەریشدا سەرجەم زانیارییەکانت تۆماردەکات بە وردی و تەنانەت ئەگەر لە باری ئیکۆگنۆتۆدا پەڕەکانی وێبیش بکەیتەوە.

ئەم کردارانەی گووگڵ سوودی زۆریان هەیە بۆ ئەوەی دواتر بەپێی خواستی خۆت یاخوود وەکوو ڕاپۆرتی مانگانە پێشکەشت دەکات کە جووڵە و هاتووچۆکانت چۆن بووە، و یاخوود بەپێی ئەو شتانەی سەیریان دەکەیت و گەڕانیان بۆ دەکەیت بابەتت پیشان دەدات لە گووگڵ و تەنانەت یوتیوب و تۆڕەکۆمەڵایەتییەکانیش دیکەشدا.

ئەگەر تۆ کەسێکیت ناتەوێت ئەم زانیارییانە تۆمارببن و دەتەوێت ڕایان بگریت، لە ڕێی ئەم ڕێنماییەی خوارەوە دەتوانیت کردارەکە جێبەجێ بکەیت.
بڕاوسەری کڕۆم بکەوە و پاشان بڕۆ سەر ئەم بەستەرە و دواتر بڕۆ سەر بەشی سێتینگس و دواتر Privacy بکەوە و پاشان بەشی Manage your data & personalization بکەوە.

پاشان دەتوانیت هاوشێوەی ئەم وێنەیەی خوارەوە چێک بۆکسی ئەو بەشە لاببەیت کە ناتەوێت گووگڵ زانیارییەکانی تۆمار بکات و پاشان پاشەکەوتی هەنگاوەکانت بکە.

ریکلام

ئۆتۆمبێل و تەکنەلۆژیا

كۆمپانیای “Baojun” هەرزانترین ئۆتۆمبێلی كارەبایی بەرهەمهێنا


خەڵك

كۆمپانیای “Baojun “ی چینی بەهاوبەشی لەگەڵ “SAIC-GM-Wuling” بۆ بەرهەمهێنانی ئۆتۆمبێلی قەبارەی بچووك و كارەبای و سەردەم، چارەسەری پاڵەپەستۆی شەقاك و بەهەدەردانی سووتەمەنی لەشارەكاندا دەكات لەڕێی ئۆتۆمبێلێكی بچوكی كارەبایی و كەم خەرج و هەرزان لە نرخدا.

ئۆتۆمبێلی (E300 – Baojun) ئۆتۆمبێلێكی قەبارە بچووكی كارەباییە، كە درێژییەكەی 2مەتر و 625 سانتیم و پانیەكەی 1 مەتر و 647 سانتم و بەرزیەكەی 1 مەتر و 588 سانتیمە.


ئۆتۆمبێلەكە بۆ هاتووچۆی نێو شارەكان شیاوە و ئاسانكاری دەكات لە ڕووی دروستنەبوونی قەرەباڵغی و پاڵەپەستۆی شەقام و پارككردن و ڕێگرتنی لەشەقامەكاندا كەمترین شوێنی دەوێت.

ئۆتۆمبێلی (E300 – Baojun) بە دوو شێواز بەردەست دەبێت چوار سەرنشینی و دوو سەرنشینی.


بزوێنەری ئەم بەرهەمە نوێیە، دۆستی ژینگەیە كە بەتوانای 39 و 55 ئەسپ بەردەست دەبن، باتریەكانیان لیسیۆمە و بۆ بڕینی 260كم – 305 كم، یەك جار بارگاویكردنەوەیان دەوێت.

وابڕیارە ئەم ئۆتۆمبێلە لە بازاڕەكانی چین و جیهاندا لە مانگی 9ی ئەمساڵدا بەردەست بێت بە نرخەكانی 7000$ تا 7700$ بە پێی تایبەتمەندی.

بەردەوام بە لە خوێندنەوە

ئۆتۆمبێل و تەکنەلۆژیا

ئەو هەڵانەى نابێت لەگەڵ ئۆتۆمبێلی گێڕ ئۆتۆماتیک بکرێن


خەڵک – بەشی هەواڵ

 

پەڕەی فەرمی بەڕێوەبەرایەتی هاتوچۆی سلێمانى چه‌ند هه‌ڵه‌یه‌كی دیاریکردووە، كه‌ نابێت لە ئۆتۆمبێلی ‌گێڕ ئۆتۆماتیكدا ئه‌نجامبدرێن، له‌به‌رئه‌وه‌ی ده‌بنه‌ هۆی تێكدان و له‌كاركه‌وتنی گێڕەکە:

 

1- نابێت به‌ هیچ شێوه‌یه‌ك ئۆتۆمبێلی گێڕ ئۆتۆماتیك ڕابكێشرێت له‌ D یان له‌ R یان له‌ P جگه‌ له‌ N ئه‌ویش بۆ مه‌ودایه‌كی زۆر كورت.

2- نابێت به‌هیچ شێوه‌یه‌ك ئۆتۆمبێلی گێڕ ئۆتۆماتیك ئۆتۆمبێلێكی تر ابكێشرێت، چونكه‌ زیان به‌ كلاجه‌كانی ناو گێڕ ده‌گه‌یه‌نێت.

3- نابێت له‌ڕێگادا بیده‌ی به‌ N دواتر بیده‌یته‌وه‌ به‌ D ئه‌وه‌ش زیان ده‌گه‌یه‌نێت به‌ گێڕ.

4- نابێت گێڕ له‌ D بده‌ی به‌ R یان به‌ پێچه‌وانه‌ وه‌ تا ئه‌وكاته‌ی به‌ ته‌واوی ده‌وه‌ستێت.

5- هه‌ندێ له‌ ئۆتۆمبێله‌ نوێیه‌كان پله‌ی گه‌رمی رۆنی گێڕت پێ ده‌ڵێن، هه‌ركاتی ئاگاداری كردیه‌وه‌ كه‌ پله‌ی گه‌رمی ڕۆنی گێڕ به‌رزبۆته‌وه‌، ده‌بێت ڕایبگری تا سارد ده‌بێته‌وه‌ به‌ تایبه‌ت له‌ هه‌ورازی زۆر و پله‌ی گه‌رمی به‌رزی كه‌ش و هه‌وا.

6- هه‌وڵ بده‌ن له‌كاتێك كه‌ ئۆتۆمبێل ڕاده‌گرن سه‌ره‌تا بیكه‌نه‌ N ، پاشان برێك ڕابكێشن، دواتر بیكه‌نه‌ P، بۆئه‌وه‌ی دوایی كه‌ داتانه‌وه‌ به‌گێڕ D به‌ زه‌حمه‌ت نه‌چێته‌ گێڕ و كرته‌ی نه‌یات به‌ تایبه‌تی له‌ شوێنی به‌رز و نزم.

 

بەردەوام بە لە خوێندنەوە

ئۆتۆمبێل و تەکنەلۆژیا

كۆمپانیای (Huami) چین، دەمامكێكی زیرەكی بەرهەمهێنا


خەڵك

پاش بڵاوبوونەوەی پەتای كۆرۆنا لە جیهاندا و بەكارهێنانی دەمامك بۆ خۆپارێزی، یەكێك لە گرفتەكانی ئەو بەكارهێنانە ئەوە بوو، كە كەسی بەرامبەرت بە ئاستەم بۆ دەناسرایەوە، پاش خستنەڕووی چەندین جۆری دەمامك سەرەنجام چینییەكان توانیان دەمامكێكی زیرەك بۆ ناسینەوەی بەرامبەر بەرهەمبهێنن.

ئەم بەرهەمەی چینییەكان، لەرێگای تەكنەلۆجیای(Face Recognition)، كەسی بەرامبەر تۆمار دەكات و دەیناسێتەوە، كە دەتوانرێت لەسەر سەرجەم مۆبایلە زیرەكەكان تەكنەلۆجیاكە بەگەڕ بخرێت، بەمەش گرفتی نەناسینەوەی بەرامبەر لە كاتی بەكارهێنانی دەمامكدا چارەسەر كرا.

كۆمپانیای هوامی(Huami) چینی خاوەنی داهێنانی ئەم دەمامكە نوێیەیە كەناوی (Aeri)ە و فلتەری دەمامكی N95ی لەسەرە.

بەردەوام بە لە خوێندنەوە

کوردستان