ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

هواوی ١٨٦ ملیۆن مۆبایلی فرۆشتووە و داهاتی بەڕێژەیەکی خەیاڵی بەرزبووەتەوە

خەڵک-
کۆمپانیا چینییەکە “هواوی” ئێستا لە ڕکابەری ئەپڵ و سامسۆنگدا نەماوە و بۆ خۆی ڕێژە بەرزەکان تۆمار دەکات و مێژوو دەنوسێتەوە بۆخۆی.

هواوی ترسی خستووەتە نێو حوکومەتی ئەمریکاوە بە پێشکەشکردن و بەردەست خستنی نەوەی پێنجەمی ئینتەرنێت لە جیهاندا کە بەم هەنگاوەی چین دەکاتە ڕیزبەندی یەکەمی تەکنەلۆژیا لە جیهاندا.

بەپێی دواین ڕاپۆرتە ئابورییەکان هواوی ڕێژەی داهاتی لە سەدا ٢٤ زیادی کردووە لە مانگی یەکەوە هەتاوەکو مانگی سێپتەمبەری پێشوو داهاتەکەی ٨٦ ملیار دۆلار بووە.

هەروەها ڕێژەی لەسەدا ٢٦ ی فرۆشی مۆبایلی زیرەکی بەدەستهێناوە کە دەکاتە ١٨٥ ملیۆن مۆبایل.

سەرەڕای ئەوەی لە ماوەی چەند مانگی پێشوودا لەلایەن ئیدارەکەی ترەمپەوە هواوی کێشەی زۆری بۆ درووست دەکرا و داوا لە کۆمپانیا ئەمریکییەکان کرا کە کارنەکەن لەگەڵ هواویدا تاوەکوو دواتر و لە ڕێککەوتنی سەرۆکی ئەمریکا و چیندا ئەو کێشەیە چارەسەرکرا، و کێشەی ئەمریکا بریتی بوو لە دابین کردنی ئاسایشی تەواوەتی بۆ بەکارهێنەران و ئاشکرانەکردنی زانیارییەکان بۆ حوکومەت.

خاڵێکی دیکەی ئەم بازاڕکردنەی هواوی لەم داوییەدا پەیدا بووە، ئەویش فرۆشتنی زنجیرەی مەیت ٣٠ ـیە کە بەبێ ئەپە سەرەکییەکانی گووگڵ دەخرێنە بازاڕەوە، کە ئەمەش وردە وردە هەنگاوی هواوییە بۆ ئەوەی پشت بە کۆگا و ئەپەکانی خۆی ببەستێت.

ئۆتۆمبێل و تەکنەلۆژیا

فێری چۆنیەتی دەستکاریکردن و درووستکردنی ڤیدیۆ ببە بێ بەکارهێنانی بەرنامە!

خەڵک

لەم بابەتەدا ماڵپەرێکی سەرنجڕاکێش و بەهێزمان بۆ هێناون بۆ دەستکاریکردنی ڤیدیۆ بەبێ بوونی هیچ بەرنامەیەک و بەشێوەی ئۆنلاین(سەرهێڵ) بەردەستە.

بۆ چوونە نێو ماڵپەرەکە کرتە لێرە بکە.

کرتە لە “Upload Video” بکە یاخوود  “Try a sample” دابگرە بۆ تاقیکردنەوەی پڕۆجێکتێکی ئامادەی ناو سایتەکە کە ١١ چرکە دەبێت.

بەشەکانی پاش داخڵبوونی دروستکردن ڤیدیۆ:

1-تووڵە پێویستەکانی وەکو نوسین و زیادکردنی وێنەی جیاواز بۆ سەر ڤیدیۆکە.

2- دیارکردنی قەبارەیی ڤیدیۆکە لەسەر شاشە.

3- پاشەکەوت کردن و داگرتنی ڤیدیۆکە.

4-کۆنتڕۆڵکردنی جوڵەی ڤیدیۆکە.

 

 

دەتوانیت هاوشێوەی ئەم بەشەی خوارەوە لە بەشی یەکەمدا ئیفێکت(کاریگەری) جوان زیاد بکەیت بۆ ڤیدیۆکە.

بەردەوام بە لە خوێندنەوە

ئۆتۆمبێل و تەکنەلۆژیا

ئینتەرنێتی 5G لە بیربکە، و چین کار لەسەر گەشەپێدانی 6G دەکاتەوە!

خەڵک-

تەنانەت هێشتا بەکارهێنانی ئینتەرنێتی 5G نەگەشتووەتە زۆرێک لە وڵاتانی پێشکەوتووی جیهان و چەند ساڵێکی پێدەچێت هەتاوەکوو بەشێوەیەکی بەرفراوان بڵاوببێتەوە، بەڵام وڵاتی چین سەرقاڵی گەشەپێدانی ئینتەرنێتی 6G ییە.

ئینتەرنێتی 5G دەجار خێراترە لە ئینتەرنێتی 4G سەرەتا لە وڵاتی چینەوە بڵاوکرایەوە، و دەیەوێت شانازی ئینتەرنێتی 6G یش هەر بۆ خۆی بنوسێتەوە.

Forget 5G, 6G Is Already on the Way

بۆ ئەو مەبەستەش دەسەڵاتدارانی چین ٣٧ زانایان کۆکردووەتەوە لەسەر جەم شارەکانی ئەو وڵاتەوە بۆ بەرەوپێش بردن و تاقیکردنەوەی ئینتەرنێتی 6G.

هەروەها ئەگەر ئەم هەنگاوانەی وڵاتی چین کردویەتی بە پێشەنگ لە کیشوەری ئاسیادا و چاوەڕوان دەکرێت لە چەند ساڵی داهاتوودا ببێتە پێشەنگی بواری تەکنەلۆژیا بەهۆی ئەوەی خاوەنی گەشەپێدانی ئینتەرنێتی 5G دەبێت لە جیهاندا، و کۆمپانیاکانی هواوی و شاومی و ئۆپۆ و وەنپڵەسیش لەو وڵاتەوە کارەکانیان بڵاودەکەنەوە بە جیهاندا و ناوی چینیان زیاتر بە جیهان ناساندووە.

بەردەوام بە لە خوێندنەوە

ئۆتۆمبێل و تەکنەلۆژیا

ڤیدیۆ: چەند ڕۆبۆتێک، کە توانای سەرنجڕاکێشیان هەیە

خەڵک-

کۆمپانیای بۆستن داینەمیکس لە بواری پەرەپێدان و درووستکردنی ڕبۆتەکاندا کاردەکات، وەکوو هەمیشە چەند مانگێک جارێک بە ڕۆبۆتی نوێ و بەهێزەوە دەردەکەوێت کە دەبێتە جێی سەرسوڕمانی هەموو جیهان.

تاقیگەی Biomimetics MIT کە سەر بە پەیمانگای ماساچوسە بۆ تەکنەلۆژیا لە یوتیوب ڤیدیۆیەکی ڕۆبۆتی بڵاوکردووەتەوە و دەردەکەوێت توانایەکی بەهێزیان هەیە، وەکو بازی بەرز و ڕاکردن و هەڵبەز و دابەزی بەردەوام و هەروەها دەشتوانن خۆیان بخەنە سەر لا و خۆیان هەڵبگەڕێننەوە و ڕاست ببنەوە.

ڤیدیۆکە ٩ ڕۆبۆتی Mini Cheetah ـی بۆستن داینەمیکسە کە کۆنتڕۆڵ و فرمانەکانیان ئاڕاستە دەکرێت، دەتوانن بینەری ئەم ڤیدیۆیە بن و توانا بەهێزەکانی ئەم ڕۆبۆتانە ببینن.

هەروەها کۆمپانیاکە لە ماوەی ڕابردوودا ڕۆبۆتی دیکەی زۆر ڕاگەیاندووە، کە توانایان هەبوو هەڵبگەڕێت بە شوێنە بەرزەکاندا، و جۆرێکی دیکەش توانای سەماکردنی هەبوو هەروەها دەیتوانی ئۆتۆمبێلی بارهەڵگری گەورە ڕابکێشێت.

بەردەوام بە لە خوێندنەوە

کوردستان