ئێمە لە تۆرە کۆمەڵایەتیەکان

کوردستان

لە سلێمانی 30 هەزار پشكنینی ڤایرۆسی بۆ هاووڵاتیان كراوە

خەڵك – بەشی هەواڵ
بەڕێوەبەرایەتی چاودێری تەندروستی سلێمانی ڕایدەگەیەنێت، لە ماوەی نۆ مانگی ئەمساڵدا نزیكەی سی هەزار پشكنینی ڤایرۆس بۆ هاووڵاتیان كراوە، دەشڵێت: “هاووڵاتی ئاسایی دەتوانێت ڕۆژانە داوای شیكاری ڤایرۆسات بكات”.

بەڕێوەبەرایەتی چاودێری تەندروستی سلێمانی لە ئامارێكدا، كە وێنەیەكی بۆ (خەڵك) ناردووە ڕایگەیاندووە، لەماوەی نۆ مانگی ئەمساڵدا لە 1-1-2019 تا 30-9-2019 لە هۆبەی تاقگەی خۆپاراستنی تەندروستی سلێمانی 29 هەزار و 886 پشكنین ئەنجام دراوە.

دەشڵێت: “پشكنینەكان لە بەشەكانی تاقگە، سێ بەشی سەرەكی ئەنجام دەدرێن، یەكەی ڤایرۆسات و یەكەی بەكتریۆلۆجی، یەكەی سیرۆلۆجی”.

ڕاشیگەیاندووە، یەكەی ڤایرۆسات بۆ هەموو ئەو كەسانەی لەشوێنە خزمەتگوزارییەكان كار دەكەن وەك (ئوتێل، چێشتخانە، چایخانە، ئارایشگا، سەرتاشخانە) شیكاری پێویستیان بۆ دەكرێت دواتر دەتوانن ببن بەخاوەنی ناسنامەی تەندروستی ڕێگەپێدراو بۆ كاركردن لەو بەشانەی سەرەوە باسكران.

ئاماژەی بۆ ئەوەشكردووە، جگە لەوانەی باسكران هاووڵاتی ئاسایی-ش دەتوانێت داوای شیكاری ڤایرۆسات بكات.

کوردستان

ڕێژەی جیابوونەوە لە هەرێم ڕوو لە زیاد بوونە

خەڵک ـ بەشی هەواڵ

لیژنەی ژنانی پەرلەمانی کوردستان، دەڵێن: بەپێی ئامارە ڕەسمییەكان لەهەرێم حاڵەتەكانی جیابوونەوە بەڕێژەیەكی زۆرە بەرزبووەتەوە و بڕیاریانداوە بەدواداچوونی جدی بۆ ئەو پرسەو هۆكارەكانی بكەن.

لیژنەی ژنانی پەرلەمانی كوردستان لە ڕاگەیەنراوێکیاندا،، ئاماژەیان بەوەداوە، کە بەدواداچوون بۆ بەرزبونەوەی رێژەی حاڵەتەكانی جیابوونەوە لەهەرێم دەكەن، کە بە پێی ئامارەکانی ساڵانی 2017 و 2018 تا مانگی 6ی ئەمساڵ، جیابوونەوە بە ڕێژەیەکی بەرشاوو ڕووی لە بەرزبوونەوە کردووە و بەدواداچوونی جددی بۆ دەکەن.

ئەوەش ڕوونكراوەتەوە: لەكۆبوونەوەكەدا لیژنەكە تاووتوێی دواین فەتوایان كردووە، كە لەلایەن ئەنجوومەنی فەتوای هەرێم لەبارەی حوكمی سەركەوتنی ژنان بەتەنها لەگەڵ شوفێری تاكسی و حوكمی ئەو پارەیەی كەشوفێرەكە وەریدەگرێت، دوای تاووتوێكردنی پرسەكە لیژنە بڕیاریدا كە دەبێ ئەو پرسە لەگەڵ لایەنە پەیوەندیدارەكاندا چارەسەری پێویستی بۆ بدۆزرێتەوە.

بەردەوام بە لە خوێندنەوە

کوردستان

(خەڵك) وردەكاری كۆنگرەی یەكگرتوو و كاندیدەكان بۆ پۆستی ئەمیندار ئاشكرا دەكات

خەڵك-بەشی هەواڵ

كۆمسیۆنی باڵای هەڵبژاردنەكانی عیراق مەرجی كۆنگرەی بۆ ئەو حزبانە داناوە، كە وادەی كۆنگرەكەیان نزیكە یان تێپەڕی كردووە، ئەگەرنا ڕێگر دەبێت لە بەشداریكردنیان لە هەڵبژاردنەكانی داهاتووی عیراق و بەپێی زانیارییەكانیش یەكگرتووی ئیسلامی كوردستان وەك یەكێك لەو حزبانە كۆتایی ئەم مانگە كۆنگرەی خۆی دەبەستێت.

سەرچاوەیەكی باڵا لە یەكگرتووی ئیسلامی كوردستان، كە نەیویست ناوی ئاشكرا بكرێت بە (خەڵك)ی ڕاگەیاند، بەهۆی خۆپیشاندانەكانی عیراق و ئاڵۆزی دۆخی هەرێم كۆنگرە ماوەیەك دواكەوت، بەڵام بڕیارە كۆتایی ئەم مانگە یەكگرتووی ئیسلامی كۆنگرەی خۆی ببەستێت.

وتیشی، “دۆخی عیراق بەشێوەیەكە، ئەگەر لەژێر فشاردا نەبێت، حزبەكان كۆنگرە ناكەن و ئەوەی كۆنگرەش دەكات هەمووی بەڕێكردنی كۆنگرەیە و هیچ سوودێكی نابێت”.

سەبارەت بە خۆكاندیدكردنی ئەندامانی یەكگرتوو بۆ پۆستی ئەمینداری حزب، ئەو سەرچاوەیە ئاشكرایكرد، تاكو ئێستا هیچ كەسێك بە فەڕمی خۆی كاندید نەكردووە، تاكو بزانێت دۆخی كۆنگرە بەرەو چ ئاڕاستەیەك گوزەر دەكات.

ئاشكراشیكرد، دەنگۆی خۆكاندیدكردنی ئەبوبەكر كاروانی بۆ پۆستی ئەمیندار لە ئارادایە، بەڵام تاكو ئێستا بە فەڕمی ئەو بابەتەی بۆ حزب پشتڕاست نەكردۆتەوە.

بەردەوام بە لە خوێندنەوە

کوردستان

قائیمقامی پشدەر: كێشەی ئیدارەدانی ئاومان هەیە نەك كەمی ئاو

خەڵك – بەشی هەواڵ

لەساڵانی پێشوودا شارۆچكەی پشدەر بەهۆی كەمی ئاوی خواردنەوە لە وەرزی پاییز و هاویندا هاووڵاتیان تووشی گرفتی بێ ئاوی دەبوونەوە، بەڵام قائیمقامی شارۆچكە كە دەڵێت: “ئێمە كێشەی كەمی ئاومان نیە، بەڵكو كێشەی ئیدارەدانی ئاومان هەیە”.

بەكر باییز، قائیمقامی شارۆچەكەی پشدەر (قەڵادزێ) بە (خەڵك)ی ڕاگەیاند، لە سنوری ئێمە هیچ كێشەیەكی ئاومان نیە، ئێمە كێشەی ئیدارەدانی ئاومان هەیە، جا ئاو هەبێت یاخود نەبێت.

وتیشی، “ئەگەر ئیدارەیەكی باش هەبێت بۆ ئاو ئەوا دەتوانرێت كۆنتڕۆڵی ئاو بكەی لە زستانەوە بۆ هاوین، یان ئەو كاتەی ئاو زۆر دەبێت بۆ كاتەكانی كەمئاوی”.

ڕاشیگەیاند، ئەگەر ئیدارەیەكی باشی ئاو هەبوو دەتوانرێت كەی باران زۆر باری لە ڕێگەی بەنداوەكانەوە كۆبكرێتەوە بۆ كاتی بێئاوی، كە گرنگی سەرەكی دروستكردنی بەنداو بۆ ئەوەیە، بەڵام ئێمە نیمانە.

بەردەوام بە لە خوێندنەوە

کوردستان