ئێمە لە تۆرە کۆمەڵایەتیەکان

کوردستان

خوێندنی باڵا كرێی خوێندنی لە زانكۆ و پەیمانگە تایبەتەكان كەم كردەوە

خەڵك- بەشی هەواڵ

وەزیری خوێندنی باڵا و توێژینەوەی زانستی حكومەتی هەرێم ڕایگەیاند، بە لەبەرچاوگرتنی باروگوزەرانی هاووڵاتیانی هەرێمی كوردستان و لەبەر ڕۆشنایی كارنامە و پلانی حكومەت و وەزارەتەكەمان، بۆ ساڵی خوێندنی (٢٠١٩-٢٠٢٠) لە سەرجەم قۆناغەكانی خوێندن لە زانكۆ و پەیمانگە تایبەتەكان (ئەهلی) كرێی خوێندن بەڕێژەی (٢٥%) كەم دەكرێتەوە.

د. ئارام محەمەد قادر، وەزیری خوێندنی باڵا و توێژینەوەی زانستی ئەمڕۆ سێ شەممە (١٥/١٠/٢٠١٩) لەمیانی كۆبوونەوەیەكی لەگەڵ سەرۆك و نوێنەری زانكۆ و پەیمانگە تایبەتەكان لە هەرێمی كوردستان، كە هەریەك لە ڕاوێژكار و بەڕێوەبەرانی گشتی وەزارەت ئامادەیبون ئەو بڕیارەی ڕاگەیاند.

وەزیری خوێندنی باڵا و توێژینەوەی زانستی ڕایگەیاند، بەشێك لە زانكۆ تایبەتەكانی هەرێمی كوردستان كواڵێتی خوێندن و ئاستی زانستیان باشە و جێگەی ڕەزامەندی وەزارەتەكەمانە، بەڵام لەگەڵ ئەوەشدا پێویستمان بەوەیە گرنگی زیاتریان پێبدرێت، هیوادارین زانكۆكانی تریش ئەم ئەزموونی پێشكەوتن و بەرزكردنەوەی كوالێتی بەهەند وەربگرن و ژینگەیەكی لەبارو گونجاو بۆ فێرخوازانی هەرێمەكەمان بڕەخسێنین.

ڕاشیگەیاند، لە چوارچێوەی هێڵە گشتییەكانی كارنامەی كابینەی نۆیەمی حكومەتی هەرێمی كوردستان و پلانی وەزارەتەكەمان پێداچونەوە بە كرێی خوێندن لە زانكۆ و پەیمانگە حكومی و تایبەتەكان لە ئەولەویاتی كارەكانمان بون، بۆ ئەمەش لە خوێندنی حكومی (پارالێل + ئێواران) كرێی خوێندن لە (٤٥%) كەمكرایەوە.

ئاشكراشی كرد، لەدواین كۆبونەوەی ئەنجوومەنی وەزارەتی خوێندنی باڵا، كە ئەنجومەنەكە باڵاترین دەسەڵاتی بڕیاردرانە، بڕیاردرا كرێی خوێندن لە زانكۆ و پەیمانگە تایبەتەكان بەڕێژەی (٢٥%) كەمبكرێتەوە.

وتیشی، “سوپاسی ئەو زانكۆ و پەیمانگە تایبەتانە دەكەین، كە لەلایەن خۆیانەوە كرێی خوێندنیان بەڕێژەیەك كەمكردۆتەوە و ڕەچاوی بارو گوزەرانی هاووڵاتیانی هەرێمی كوردستانیان كردوە، كە ئەمەش لای ئێمە جێگەی دەستخۆشیە”.

کوردستان

كارگەی سۆلاڤ لە سلێمانی داخرا

خەڵك- بەشی هەواڵ

بەهۆی سەرپێچی كردن و جێبەجێكردنی مەرج و ڕێنماییەكانی كاركردن بەگشتی و بەتایبەت ژینگەییەكان، لیژنەهاوبەشەكانی قائیمقامیەتی سلێمانی كارگەی سۆلاڤی داخست و خاوەنەكەی ڕووبەڕووی دادگا دەكاتەوە.

قائیمقامیەتی سلێمانی لە ڕاگەیەندراوێكدا نوسیویەتی”لەئەنجامی سەردان وپشكنینەكانیان بۆ كارگە وهەموو ئەوشوێنانەی دەبنە هۆی پیس بوونی ژینگە ئەمڕۆ یەكشەممە 2019.12.15 لیژنەی ژینگەی سەربەلیژنە هاوبەشەكای قائیمقامیەت لەناوچەی تانجەرۆی شاری‌ سلێمانی كارگەی سۆلاڤی بۆ دروستكردنی كابینە و پلاستیك و شوشە داخستووە.”

هەروەها نوسراوە” كارگەی سۆلاڤ پابەندی مەرج و رێنماییەكانی ژینگە ‌نەبووه، نەبوونی رێژەی سەوزایی، هەبوونی بڕێكی زۆر خۆڵ و خاشاك لەحەوشەی كارگەكە لەگەڵ نەبوونی پێداویستی سەلامەتی بۆ ئەو كارمەند و كرێكارانەی لەوێ كاردەكەن.”

بەپێی ڕاگەیەندراوەكەی قائیمقامیەتی سلێمانی، پێشتر چەندجارێك كارگەی سۆلاڤ لەكەموكورتییەكانی ئاگاداركراوەتەوه تا چارەسەریان بكات و پابەندی مەرجەكانی ژینگەببێت، بەڵام بەردەوام بووە لەسەرپێچی بۆیە لیژنەی باڵای لیژنەهاوبەشەكانی قائیمقامیەتی سلێمانی پێشنیاریان كردووە كارگەكە دابخرێت و نەكرێتەوە تائەوكاتەی سەرجەم مەرجەكانی جێبەجێ دەكات‌.

بەردەوام بە لە خوێندنەوە

کوردستان

موچەی كەمئەندامان نابڕدرێت

خەڵک-ئارام سەردار

سەرۆکی ئەنجوومەنی کۆمەڵە کەمئەندامیەکانى هەولێر ڕەتی دەکاتەوە، ئەو ۱۰۰ هەزار دینارەی وەک هاوکاری دەدرێت بە کەمئەندامان و خاوەن پێداویستیە تایبەتەکان کە فەرمانبەرن، لەچووارچێوەی پڕۆژە چاکسازیەکە ببڕدرێت.

دڵشاد خۆشناو، سەرۆکی ئەنجوومەنی کۆمەڵە کەمئەندامیەکان هەولێر لەبارەی بڕینی ۱۰۰ هەزار دیناری پارەی کەمئەندامان و خاوەن پێداویستیە تایبەتەکان کە فەرمانبەرن بە(خەڵک)ی ڕاگەیاند، لەگەڵ ڕەوانەکردنی پڕۆژەیاسای چاکسازی دەنگۆیەکی بەهێز هەبوو کەوا ئەو کەم ئەندامان و خاوەن پێداویستیە تایبەتەکان کە فەرمانبەرن بڕی ۱۰۰ هەزار دینار مانگانە وەردەگرن دەبڕدرێت، بەڵام بەدوواداچوونمان کرد کە ئەمە ڕاست نیە و چارەسەرکراوە، واتە هەموو کەمئەندامان و خاوەن پێداویستیە تایبەتەکان کە فەرمانبەرن دڵنیا دەکەینەوە کە هاوکاریەکانیان نابڕدرێت.

دەشڵێت، ئەو هاوکاریەی کەوا بە کەمئەندامان دەدرێت، مووچە نیە، بۆیە ناکرێت هیچ لێبڕینێک بیگرێتەوە، ئەوانەشی مووچە وەردەگرن ئەوا مافی فەرمانبەری خۆیان وەردەگرن، ئێستاش بەپێی بەدوواداچوونەکانیان لەڕێگەی پەڕلەمانەوە لەوە دڵنیابوونەتەوە، ئەوهاوکاریە نابڕدرێت.

بەپێی بڕیاری حکومەتی هەرێم، کەمئەندامان و خاوەن پێداویستیە تایبەتەکان کە فەرمانبەرن مانگانە بڕی ۱۰۰هەزار دینار و ئەوانەشی هیچ مووچەیەکیان نیە ۱٥۰ هەزار دیناریان پێدەدرێت.

بەردەوام بە لە خوێندنەوە

کوردستان

بانكی ڕافیدەین: 25 ملیۆن دینار پێشینە دەدەین بە فەرمانبەران

خەڵك- بەشی هەواڵ

بانكی ڕافیدەین ڕایگەیاند، لە كارەكانیان بەردەوامن بۆ پێدانی پێشینەی فەرمانبەران كە بڕەكەی لە 5 ملیۆن دینارەوە دەستپێدەكات و دەگاتە 25 ملیۆن دینار.

لە ڕاگەیەندراوێكدا بانكی ڕافیدەین ئەمڕۆ باسی لەوەكردووە، ئەوان تەنها لە ڕێگەی كارتی زیرەكەوە مامەڵە بۆ پێدانی پێشینە دەكەن و بەردەوامیش دەبن.

هەر لە ڕاگەیەندراوەكەدا ئاماژە بەوەكراوە، فەرمانبەرانی حكومەت دەتوانن داوای پێشینە بكەن و بەپێی مووچە و داواكارییەكانیان بڕی پێدانی پێشینەكانیان دەگۆڕێت.

بەردەوام بە لە خوێندنەوە

کوردستان